ބީއެމްއެލްގެ ސީއީއޯ މިރޭގެ ޖަލްސާގައި ވާހަކަދައްކަވަނީ. ފޮޓޯ: ހުސެއިން ވަހީދު /މިހާރު
23 އޯގަސްޓް 2017 - 21:15
8 comments
ވިޔަފާރިތަކަށް އެކަނި ވެސް މިދިޔަ އަހަރު 1.5 ބިލިއަން ރުފިޔާގެ ލޯނު ދޫކޮށްފައިވާ ކަމަށް ބޭންކް އޮފް މޯލްޑިވްސް (ބީއެމްްއެލް) އިން މިރޭ ބުނެފި އެވެ.
ހޮޓެލް ޖެންގައި ބޭއްވި އެ ބޭންކުގެ އަހަރީ އާއްމު ޖަލްސާގައި ވާހަކަ ދައްކަވަމުން ސީއީއޯ އެންޑްރޫ ހީލީ ވިދާޅުވީ މިދިޔަ އަހަރު ލޯނު ދޫކުރި މިންވަރު 23 ޕަސެންޓް އިތުރުވެފައިވާ ކަމަށެވެ. މިދިޔަ އަހަރު އަމިއްލަ ފަރުދުންނަށާއި ވިޔަފާރިތަކަށް ތިން ބިލިއަން ރުފިޔާގެ ލޯނު ދޫކޮށްފައިވާ ކަމަށް ވެސް އޭނާ ވިދާޅުވި އެވެ.
"ބޭންކު ދަނީ ކުރިއަށް. ބޭންކު އޮތީ މާލީ ގޮތުން ވަރުގަދަކޮށް. ބޭންކުން ދަނީ ރަނގަޅު ފައިދާ ހޯދަމުން. ބައެއް މީހުން އެކަމާ ސުވާލުކުރޭ،" އެންޑްރޫ ވިދާޅުވި އެވެ.
ބީއެމްއެލްގެ އަހަރީ އާއްމު ޖަލްސާގައި އެ ބޭންކުގެ ބޯޑު މެމްބަރުންތަކެއް ބައިވެރިވެވަޑައިގަންނަވަނީ. ފޮޓޯ: ހުސެއިން ވަހީދު /މިހާރު
އޭނާ ވިދާޅުވީ މިދިޔަ ތިން އަހަރު އެ ބޭންކުން އަށް ބްރާންޗް ރާއްޖޭގެ އެކި ސަރަހައްދުތަކުގައި ހުޅުވާފައިވާ ކަމަށެވެ. އަދި އެކި 36 އޭޓީއެމް މިދިޔަ ތިން އަހަރުގެ ތެރޭގައި ބަހައްޓާފައިވާ ކަމަށް ވެސް އެންޑްރޫ ވިދާޅުވި އެވެ.
"މި އަހަރު އަޅުގަނޑުމެން ފެށީ 'އަހަރެންގެ ބޭންކް' ޝިއާރާ އެކު. އެއާ އެކު ބޭންކުން ދަނީ އާއްމުންނަށް ގުޅުން ހުރި އެތައް ހިދުމަތްތަކެއް ތައާރަފް ކުރަމުން،" އޭނާ ވިދާޅުވި އެވެ.
އެންޑްރޫ ވިދާޅުވީ މިދިޔަ އަހަރު ބީއެމްއެލްއާ 19،000 އަށް ވުރެ ގިނަ އާ ކަސްޓަމަރުން ގުޅިފައިވާ ކަމަށެވެ. އެއާއެކު އެ ބޭންކުގެ ކަސްޓަމަރުންގެ އަދަދު 280،00 އަށް ވުރެ އިތުރު ވެފައިވާ ކަމަށް ވެސް އޭނާ ވިދާޅުވި އެވެ.
އެންޑްރޫ ވިދާޅުވި ގޮތުގައި އެމްއެމްއޭ އިން އިއުލާންކޮށްފައިވާ ގެދޮރު ގަތުމުގެ ލޯނު ޕްރޮގްރާމް މި މަސް ނިމުމުގެ ކުރިން އެ ބޭންކުން ފަށާނެ އެވެ. އަދި ސަރުކާރުން ހިންގާ ތަފާތު 29 ލޯނު ސްކީމް ބަލަހައްޓައި ހިންގަމުން އަންނަ ކަމަށް ވެސް އޭނާ ވިދާޅުވި އެވެ. އެ ލޯނު ސްކީމްގެ އަދަދު އެއް ބިލިއަން ރުފިޔާ އަށް ވުރެ އިތުރު ކަމަށް ސީއީއޯ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން މުބީން
24 August 2017
ބޭންކުން މި ގެންނަ ކުރިއެރުންތަކަށް މަރުހަބާ. ލޯނު ދޭ މިންވަރު އިތުރުކޮށް، ބްރާންޗްތަކާއި އޭޓީއެމް އިތުރުކޮށް، ޚިދުމަތުގެ ފެންވަރު ކުރިއަށްވުރެ ރަގަޅު. މެނޭޖްމަންޓާއި ހިންގުން ރަގަޅީ.
ހަގީގަތް
24 August 2017
ރޯޒް: ބީއެމްއެލް ހިއްސާގެ ފޭސް ވެލިއު 160 ރ. އަށް ހެދީ ކޮންއިރަކު؟ އެންމެ ފުރަތަމަ ފޭސް ވެލިއު އަކީ 300 ރ.؛ ދެން ސެއަރ ސްޕްލިޓްއަށް ފަހު، މިހާރު ފޭސް ވެލިއު އަކީ 50 ރ. ކިޔުންތެރިން: ވިދިވިދިގެން މިދިޔަ 3 އަހަރުގެ ޑިވިޑަންއަށް ބަލާއިރު، 3 އަހަރު އެކަނިވެސް ފޭސްވެލިޔު އަށްވުރެ ގިނައިން ވަނީ ޑިވިޑަންގެ ގޮތުގައި ފައިދާ ލިވިފައި. އެހެންވެ ހިއްސާގެ އަގުޖެހި. ފައިދާއަށް ލިބޭ ލޯ ލާރި އަކީ ވެސް އަމިއްލައަތުންފައިން ކަމެއް ނުކޮށް ލިބޭ ފައިދާ ...
މިހާރު
24 August 2017
މައްސަލައަކީ އާންމުން ލޯންތަކަށް އެހީމާ ވާނުވާއެއް ނޭނގެ. އެއްވެސް އުސޫލެއް ނޯވޭ. އެތައް މަސްދުވަސް ބޭންކުން "ދެއްވާނެ" ޖަވާބެއް ނޭނގިފަ. ލޯނު ދޭ އުސޫލުތަކާ، މީހަކު ލޯނަށް އެދުމުން އެކަން ދެންވާނެ ގޮތް ހާމަކޮށްފައި ނެތުނީމަ ދެ ފަރާތަށްވެސް ގެއްލުން ދޯ؟
ރޯޒް
24 August 2017
ފޭސްވެލިއު/160ރގައިޑިވިޑެންޓް އަށް 20ރ ދިނީމަ މާރަގަޅެއްނޫން،ޑިވިދެންޓް އަށް 40ރ އާއި 60ރ އާއި ދޭތެރޭޭ ބަހަން ޖެހޭނެ.
ޢަލީބުޚައިރީ
24 August 2017
ޙަރާމް ރިބާ.
މޯލްޑިވިޔަން ޕެޓްރޮއިޓް
23 August 2017
މި ސީ އޯ އަކީ އެއްކަލަ އެއްބިލިޔަން އެމް.އެމް.ޕީ އާރ ސީގެ ހިޔާނާތުގެ ފައިސާ އެކައުންޓްތަކުގައި ނުގަވައިދުން ސާކިޔުލޭޓުކުރިއިރު ހުރިމީހާ، އަދިވެސް މީނާ. ޒިންމާ ވާންޖެހޭނީ ބެންކުގެ ފާރުތައްތާ! އެންމެން ދެން އަތްޖަހާ.
ޒައިހާ
23 August 2017
މަރުހަބާ ބީއެމްއެލްގެ ހިއްސާދާރުން. ތިޔައީ މިރާއްޖޭގެ އެންމެ ކާމިޔާބު ކުންފުނިތައް.
އަތްފުނާ
23 August 2017
ރާއްޖެގެ ރައްޔިތުންގެ ހަމަ އެކަނި އުއްމީދުތަކާ ގުޅިފައިވާ ބޭންކު.ދައުލަތާ އަދި ސަރުކާރުން ހަމަ އެކަނި ތަރައްގީކުރާ ބޭންކުވެސްމެ.ރާއްޖެގެ ހަމަ އެކަނި ރައްޔިތުން މެނަޕޮލައިޒް ކޮށްގެން އުޅޭ ބޭންކުވެސްމެ