ރަސްރަނި ބަގީޗާ: މިތަނަށް ވަންނަން ބިދޭސީން އަތުން ފީ ނަގާނެ.
30 އޯގަސްޓް 2017 - 10:33
96 comments
ސަލްޓަން ޕާކުގެ ނަން ބަދަލުކޮށް، މިދިޔަ ހަފުތާގައި ހުޅުވި ރަސްރަނި ބަގީޗާއަށް ބިދޭސީން ވަންނަން 75ރ. އަދި ހަފުތާ ބަންދުގައި ނަމަ 100ރ. ނަގަން ފަށައިފި އެވެ.
މި ޕާކަށް ވަންނަން ބިދޭސީން އަތުން ފީ ނެގިޔަސް ދިވެހިންނަށް ހިލޭ ވަދެވޭނެ އެވެ.
ހުކުރު ފިޔަވާ ކޮންމެ ދުވަހެއްގެ ހެނދުނު 6:00 އިން ރޭގަނޑު 12:00 އަށް އަދި ހުކުރު ދުވަހުގެ މެންދުރު ފަހު 2:00 އިން ރޭގަނޑު 11:00 އަށް ބަގީޗާ ހުޅުވާފައި ހުންނާނެ ކަމަށް ހައުސިން މިނިސްޓްރީން ވަނީ ބުނެފަ އެވެ. ރާއްޖޭގައި ރަސްކަމުގެ ގަނޑުވަރު ހުރި އެ ބިމުގައި ގާއިމުކުރި މި ޕާކުގައި ފުލުހުން 24 ގަޑިއިރު ސެކިއުރިޓީ ބަލަހައްޓާނެ އެވެ.
ރަސްކަލުންނާއި ރާނީންނާ ގުޅުވައިގެން ޕާކުގެ ނަން ބަދަލުކޮށްފައި ވަނީ ކުރީގެ ނަން ބޭނުންކުރާތާ 50 އަހަރު ފަހުންނެވެ. ސަލްޓަން ޕާކަށް ގެނައި ބޮޑެތި ބަދަލުތަކުގެ ތެރެއިން އެންމެ ބޮޑަށް ފާހަގަ ކޮށްލެވެނީ ބިއްލޫރި ޓްރީ ހައުސް އާއި ދެ ބުރިއަށް ހަދާފައި ހުރި ފެންއަރުވާ ވަޑާމެވެ. "ރަސްރަނި ވިއު"ގެ ނަމުން ނަން ދީފައިވާ ޓްރީ ހައުސްގެ ތިރި ހާއްސަކޮށްފައި ވަނީ ނެޝަނަލް ސެންޓަ ފޯ ދި އާޓްސް (އެންސީއޭ) އިން ހިންގާ ކުރެހުމުގެ ހަރަކާތްތަކަށެވެ. އަދި ވަށައިގެން ބިއްލޫރި ޖަހާފައިވާ މިތަނުގެ މަތީގައި ވެސް އެންމެ ޒަމާނީ ވަސީލަތްތަކާއެކު ކްލާސްރޫމުތަކެއް ހުންނައިރު، އެތަނުން މުޅި ބަގީޗާ ތެރެ ފެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަރުދިޔަ
31 August 2017
ފިހާރައިގެ ސޭޓަކަށް ގެންނަ ބިދޭސީ މަސައްކަތު މީހާ އޭނަގެ ދިވެހި ވެރިމީހާ ކުރިމަތީ ކަންފަތުގެ މުދިލާފަ ހެޑްފޯން ޖަހައިގެން އުޅޭތަން ފެނުނީމަ ދެން ދިވެހިންގެ އާއިލާ ތެރޭގަ ޑިސްޕްލިން ހުންނާނެ ފެންވަރު އެނގޭނު. ގިނަ ބިދޭސީން ރާއްޖޭގަ އުޅޭނީ އަކީ ކޮންމެހެން އެމީހުންގެ ރަށުގަ އާމްދަނީއެއް ނުލިބޭތީ އެއް ނޫން. އެއީ އެމީހުންގެ ތެރޭގަ އޮންނަ ޝަރަފެއް ކަމަށްވަނީ، ދަރަނި ވެގެން ވެސް ބޭރު ގައުމަކަށް ދިޔުން. ފަގީރު މީހުން ދެފޯނު ހިފާލާފަ ސިގިރޭޓް ބޯނެތަ؟
ޢަބްދުﷲނާފިޒު
31 August 2017
ވޯޓު ދޭންޖެހޭވަރުގެ ކަމެއް ނޫން، މިބުނީ ތިކަހަލަ ކިތައްމެ ޕާކެއް ހުޅުވިއަސް 2018ރިޔާސީ އިންތިޚާބުގަ ވޯޓެއް ނުދޭނަމޭ، ވަރަށް ސަލާމް.
ކަތީބު
31 August 2017
އަދި ފީ ބޮޑުކޮއްލަން ފެނޭ. 1000 ރުފިޔާ ރަނގަޅުވާނެ
ހެޔޮހިތުން
31 August 2017
ބޭރު މީހުންގެ ތެރެއިން ބިދޭސީ ސްޓޫޑެންޓުން، ވަޒީފާގައި އުޅޭ މީހުންނަށް ވަކި އަދި ލުއި ހެޔޮ އަގުތަކެއް ހަދަވައިދެއްވުން ރަނގަޅު ކަމަށް ފެނޭ،
މީމު ޝީން
31 August 2017
ބިދޭސީންނާ މެދު މިގޮތަށް ކަންތައްކުރާއިރު، އެމް.އެން.ޔޫ ގައި ކިޔަވާ މަލިކު ކުދިންވެސް އުޅޭ. އެކުދިންނަކީ ދިވެހި ނަސްލުގެ ކުދިން އިންޑިއާ ޕާސްޕޯޓް އޮތަސް. ދިވެހިން އެކުދިންނާ މެދު ވެސް ދެކެނީ އެހެން ބިދޭސީންނާ މެދު ދެކޭ ގޮތަށްބާ؟ 1976ގައި އިންޑިއާއާ ރާއްޖެއާ ދެމެދު މެރިޓައިމް އެއްބަސްވުމެއްވި. އެއީ ފުރަތަމަ ފަހަރަށް ދިވެހި ސަރުކާރުން މަލިކަކީ އިންޑިއާގެ ތަނެއްކަމަށް އެއްބަސްވި ފަހަރު. އޭގެކުރިން މަލިކުވަނީ ރާއްޖެއަތުން ޖަހައިގެންފަ. އެއްވެސް ރަސްކަލަކު އެކަމު އެކަމަށް ރުހުން ދީފައެއްނެތް. 1976ގައި ދިވެހި ސަރުކާރުންވަނީ އިހްމާލުވެފަ. މިކޮމެންޓް ލިޔާއިރު މަގޭ ކާފައަކީވެސް މަލިކުމީހެއް.
ަސދަސދަދ
30 August 2017
މޫދާއި މިހާ ކައިރީގައި ހުރި ތަނެއްގައި މޫދު މަސް ގެން ގުޅެވޭ ކަހަލ ބޮޑު އެކްއޭރިއަމް އެއްހަދައި މޫދުން އެކްއޭރިއަމްއަށް ހޮޅިއަޅައި ދެތިން ސޯލަރ ޕެނަލް ހަރުކޮށްލިނަމަ ކިހާ ސަޅިވީސް. މުއިޒު ވިއްޔާ...ދެން ކިޔާނެ އެއްޗެއްނެތް.
ޑޯން
30 August 2017
ގޯހެއްނޫން... ލާރިނެގުން އޯކޭ ލާރިޔަށް ވާނުވާނޭގިދާނެތީ މައްސަލަޔަކީ...
އަލީ ސުޖާ
30 August 2017
ދިވެހިން ވަރައް ވިސްނުންކޮށި އަދިވެސް، ތާޖުމަހަލް އެއީ ހަވީރުފިންޏައްދާ އަދައިގެ ޕާކެންނޫން ތިޕާކުތިއީ ހުސްތަންނޯންނަ ސީޓީތަކުގަ މީހުން ހިންމަޖަސް ވަންކަހަލަ ގުރީން އޭރިއާއެއް
އާޝިޔާ
30 August 2017
ވަރަށް ރަގަޅު ނިމުމެއް. ބިދޭސީން ރަސްރަނި ބަގީޗާއަށް ހިލޭ ވަދެވޭ ގޮތެއް ހަދައިފިނަމަ ދިވެހިންނަށް ފުރުސަތެއް ނޯންނާނެ.
ޕޮކަންޑި މޭން
31 August 2017
ބިދޭސީންގެ ވަސްވެސް ޤައުމުން ފޮހެލަންވީ، އެމީހުނާ ނުލާ އުޅެވޭނެ ގޮތަކަށް މަގު ކޮށަން އެބަޖެހޭ.
ފުރާވަރު.
30 August 2017
ކިތައްމެ ފައިސާއެއް ދައުލަތަށް ލިބުނަސް ރައްޔަތުންގެ ޖީބު ވަނީ ހައްތާ ލުއި.
ސިދުޤީ
30 August 2017
މިއީ ޔާމީނު ސަރުކާރުން މިހާތަނަށް ކުރިން އެންމެ ރަނގަޅު ކަންތައް. މިކަން ގޯސްވެގެން އިދިކޮޅު ފަރާތްތަކުން ނޫޅެނީބާ! ސަރުކާރުން ކުރާ ހުރިހާ ކަމެއް ކޯސްވާ ބަލިޖެހިގެން އުޅޭ މީހުންގެ ޚަބަރެއް ނުވަނީ އަނެއްކާ ކިހިނެއްބާ މިވީ
އަފިހުން ގޮއްޔެ
31 August 2017
ހައްތަހާވެސް ރަނގަޅު ކަންތައް، މިސްރުކާރުން ގޯސް އެއްވެސް ކަމެއް ނުކުރޭ، އެކަމަކު ވޯޓު ދޭކަށް ނުޖެހޭނެ ނޫންބާ! ވޯޓެއް ނުދޭނަން، ކިތަންމެ ރަނގަޅު ކަމެއް ކުރިއަސް.