މާލެ ކޮމާޝަން ހާބަރު. - ފޮޓޯ: މިހާރު
05 ސެޕްޓެމްބަރ 2017 - 13:40
7 comments
މާލޭގެ ވިޔަފާރި ބަނދަރުގައި ކޮންޓެއިނާއެއް ބޯޓަކަށް ބަރުކުރަނިކޮށް، އެ ކޮންޓެއިނާ އިން ޖެހި ޒަޚަމްވި މީހާ އަށް އިތުރު ފަރުވާ ދިނުމަށް ރާއްޖޭން ބޭރަށް ފޮނުވާލަން މިއަދު ނިންމައިފި އެވެ.
ބޯޓެއްގެ ފަލްކާ އަށް ކޮންޓެއިނާތަކެއް ބަރުކުރަން އުޅުމުގެ ތެރޭގައި އަނިޔާވީ މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ މުވައްޒަފެކެވެ. އޭނާގެ ބޭސްފަރުވާގެ ހުރިހާ ކަމެއް ބަލަހައްޓަނީ އެތަނުންނެވެ.
އެމްޕީއެލްގެ އޮފިޝަލަަކު މިއަދު ވިދާޅުވީ ޒަޚަމްވި މީހާގެ ފައިގެ އޮޕަރޭޝަނެއް އައިޖީއެމްއެޗުގައި މިހާރު ކޮށްފައިވާ ކަމަށާއި އެމީހާގެ ހާލަތާ މެދު އެއްޗެއް ވިދާޅުވާން އެނގޭނީ ހަތަރު ދުވަސް ފަހުން ކަމަށެވެ.
"އޮޕަރޭޝަން ކުރުމަށް ފަހު މިހާރު އޮތީ އޮބްޒަވޭޝަންގައި. ޑޮކްޓަރުން އަންގަނީ 48 ގަޑި އިރު ފަހުން ކަމަށް އެއްޗެއް ބުނަން އެނގޭނީ،" އޮފިޝަލް ވިދާޅުވި އެވެ.
"އެމީހާ އަށް އިތުރު ފަރުވާ ދިނުމަށް ރާއްޖޭން ބޭރަށް ފޮނުވުމުގެ އިންތިޒާމުތައް ކުރިއަށް އެބަދޭ."
އެނގިފައިވާ ގޮތުގައި ބޯޓެއްގެ ފަލްކާ އަށް ކޮންޓެއިނާތަކެއް ބަރުކުރަން އުޅެނިކޮށް، އެކަތި އަރިއަޅާލައިގެން، ޒަޚަމްވި މީހާގެ ފައިގައި އެ ކޮންޓެއިނާ އިން ޖެހި އޭނާގެ ފައި ވަރަށް ބޮޑަށް ވަނީ ޗިސްވެފަ އެވެ. އެމްޕީއެލް އިން ބުނީ އެމީހާ ޒަހަމްވީ އޭނާގެ ފަޔާއި ކޮންޓެއިނަރާ ފިތިގެން ކަމަށެވެ.
އެމްޕީއެލް އިން ރޭ ނެރުނު ބަޔާނެއްގައި ބުނީ އަނިޔާވި މުވައްޒަފު ހުރީ ސަލާމަތީ ގޮތުން ފުރިހަމަ ކުރަންޖެހޭ ހުރިހާ ކަމެއް ފުރިހަމަ ކޮށްފައި ކަމަށެވެ. ކާގޯ ބޯޓުތަކުގައި ކޮންޓެއިނަރު ބަރުކުރުމާއި ކޮންޓެއިނަރު ބޭލުމަކީ އޭގެ ޒާތުގައި ރިސްކް ބޮޑު ކަމެއް ކަމަށާއި ރޭ ހިނގި ފަދަ ހާދިސާއެއް މަދުން ނަމަވެސް ކުރިމަތިވުމަކީ އެކަށީގެންވާ ކަމެއް ކަމަށް އެ ކުންފުނިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި
05 September 2017
ތިހެން ބުނެ ފުއްދާލުމަކުން ކަމަކު ނުދާނެ،ހެލްމެޓެއް އެކަނި އަޅައިގެން ހުރުމަކީ ރައްކާތެރި ކަމުގެ ހުރިހާ ފިޔަޥަޅެއް އަޅައިގެން ހުރުމެއް ނޫން. އެމް.ޕީ.އެލް ގައި މިހާރު ވެއްޖެ ކޮންޓެއިނާ ލޯޑިން އަންލޯޑިން މަސައްކަތް ހިޔުމަން ސަޕޯރޓިން މަދު ވެހިކިއުލަރ ނުވަތަ މެޝިން ސަޕޯރޓިވް ގޮތަކަށް ބައްޓަން ކުރަން. ކޮންޓެއިނަރެއް ކްރޭނަކުން މައްޗަށް ނަގާވަގުތު އަދި ތިރިކުރާވަގުތު އޭގެ ދަށުގައި ހަމައެކަނި ހެލްމެޓެއް އަޅައިގެން ހުންނަ މީހަކު ހުރީމައި އެއީ ރައްކާތެރި ވުމެއް ނޫން. ރައްކާތެރި ގޮތަކީ ދުރުގައި ތިބެ ކެމެރާއިން ބަމަމުން ކްރޭން އޮޕަރޭޓަރަށް ކިޔައި ދިނުން. މިކަން ކުރެވޭނީ ކަމުގެ އިލްމާއި ތަމްރީނު ލިބިގެން
ޖަލު
05 September 2017
އެކަކީ މިނިވަނެއް. އަނެކަކީ ކޮންމެފަދަގޮތަކުން ވިޔަސް ޖަލު ހުކުމެއްގައި ހުރި މީހެއް.
ޠާރާ
05 September 2017
ރިސްކު އެލެވެސް 1500
ވޯލް
05 September 2017
ހަހަ، އަސްލުވެސް، މޭޒު ދޮށުގައި ގަލަމުން ލިޔަނިކޮށް ހެދުމަށް ގަލަމުދެލި ބުރާފާނެކަމުގެ ރިސްކް އޮންނަ މީހާއާއި މަސައްކަތުގެ މާހައުލުގައި ހިންގާ އެކްސިޑެންޓްއަކުން މީހެއްގެ ގުނަވަނެއް ގެއްލުމުގެ ރިސްއޮންނަ މީހާއަށްވެސް އެލަވަންސްގައި މާބޮޑު ފަރަގެއް ނުހުރޭ.
ޑިމޮކްރަޓިސްޓް
05 September 2017
ރިސްކް އެލަވަންސް މީ ކީއްކުރަންދޭ ފައިސާއެއްކަން ކޮންމެސް މީހަކު ބުނެލަދީބަލަ..
މޮަދު
05 September 2017
ސަރުކަަރުގެ ޚަރަދުގަި ތިއޮއް ފުނުވުނީ، އަމިއްލަ ޚަރަދު ގައި ޤާސިމް ނުފޮނުވިގެން އަދިވެސް.
2222222222222222222222
06 September 2017
ޑިމޮކްރަޓިސްޓް އަށް، ރިސްކް އެލަވަންސަކީ މަސައްކަތުގެ މާހައުލުގައި ދިމާވެދާނެ ޖިސްމާނީ އަދި ސިއްޙީ ނުރައްކަލެއް ނުވަތަ މާލީ ގެއްލުމަކަށް މުވައްޒަފަށް ދެވޭ އިނާޔަތެކެވެ. ރާއްޖޭގައި އެކި ތަންތަކުގައި މި އެލަވަންސް ދެނީ އެކި ވަރަށެވެ. މަސައްކަތުގެ ދާއިރާއަށާއި، މުވައްޒަފު ކުރާ މަސައްކަތަށް ނުބަލާ، ދިރާސާއެއް ނުހަދާ، އެބޯޅޭ މިބޯޅޭކޮށް ސަރުކާރުން ދޭން ފެންނަ އަދަދަކަށް، ދޭން ފެންނަ ބަޔަކަށް ދޭ އިނާޔަތެކެވެ. އައި.ޖީ.އެމް.އެޗް ގެ ޓެކްނީޝަނެއް ކަރަންޓު ޖެހިއްޖިއްޔާ ދުވާލަކަށް 50 ރުފިޔާއެވެ. ޕްރޮސެކިއުޓަރ ޖެނެރަލް އޮފީހުގެ މޭޒުދޮށުގައި ކޮމްޕްިއުޓަރ ކައިރީގައި އިންނަ މީހާއަށް މަހަކަށް 2000 ރުފިޔާއެވެ. އެމް.ޕީ.އެލް އަކީ ރިސްކް އެލަވަންސް ދިނުމުގައި ވަރަށް ދޯހަޅި އުސޫލެއް ގެންދުޅޭ ބައެކެވެ. އަދި މުވައްޒަފުންގެ ރައްކާތެރިކަމަށް ވަރަށް ފަރުވާކުޑަ މެނޭޖްމަންޓެއް އޮންނަ ތަނެކެވެ. ކުރިންވެސް އެޕް.ޕީ.އެލްގެ ކޮންޓެއިނަރ ސަރަހައްދުގައި ބޮޑު އެކްސިޑެންޓްތައް ހިނގާ މީހުން މަރުވެފައި އެބަހުއްޓެވެ.