ރާއްޖޭގައި މިއަދު ފެށި ޑަބްލިއުއެޗްއޯގެ ބައްދަލުވުމާ ގުޅޭގޮތުން ޑރ. ޕޫނަމް ވާހަކަ ދައްކަވަނީ.---މިހާރު ފޮޓޯ: ނިޝާން އަލީ
06 ސެޕްޓެމްބަރ 2017 - 21:00
22 comments
ސައުތު އީސްޓް އޭޝިއާގެ ގައުމުތަކުގެ ތެރެއިން ސިއްހީ ދާއިރާ އަށް އެންމެ ބޮޑު ޚަރަދެއް ކުރަނީ ރާއްޖެއިން ކަން ފާހަގަކޮށް، ދުނިޔޭގެ ސިއްހަތު ޖަމިއްޔާ އިން މި ސަރަހައްދަށް ކަނޑައަޅާފައި ހުންނަވާ ރީޖަނަލް ޑިރެކްޓަރު ޑރ. ޕޫނަމް ކެތްރަޕަލް ސިންހާ މިއަދު ތައުރީފު ކުރައްވައިފި އެވެ.
ޑަބްލިއުއެޗްއޯގެ ސައުތު އީސްޓް އޭޝިއާ ސަރަހައްދުގެ ބައްދަލުން ފެށުމަށް ޕެރެޑައިސް އައިލެންޑް ރިސޯޓުގައި ބޭއްވި ނޫސްވެރިންގެ ބައްދަލުވުމުގައި، ޕޫނަމް ވިދާޅުވީ އެހެން ގައުމުތަކުން ސިއްހީ ދާއިރާ އަށް ޚަރަދު ކުރަނީ ރާއްޖެ އަށް ވުރެ ދެގުނަ މަދުން ކަމަށެވެ.
އޭނާ ވިދާޅުވީ ދިވެހި ދައުލަތުގެ ބަޖެޓުން ސިއްހީ ދާއިރާ އަށް 26 ޕަސެންޓް ޚާއްސަ ކޮށްފައިވާއިރު އެއީ ވަރަށް ބޮޑު އަދަދެއް ކަމަށެވެ.
"...އެހެންވީމަ މި ކަންތައްތަކާ އެކުގައި ވެސް ދެމުންދާ ޚިދުމަތްތައް ބަލައިގަންނަން ޖެހޭ،" ރާއްޖޭގެ ސިއްހީ ދާއިރާ އަށް ތައުރީފު ކުރައްވަމުން ޕޫނަމް ވިދާޅުވި އެވެ.
ޑަބްލިއުއެޗްއޯ އިން ބުނިގޮތުގައި ރާއްޖޭގެ ހުރިހާ ރަށެއްގައި ބޭސްފިހާރައެއް ހުޅުވުމަކީ ސިއްހީ ދާއިރާ އިން ކާމިޔާބު ހޯދާކަމުގެ ހެއްކެކެވެ.
ޕޫނަމް ވިދާޅުވީ ސައުތު އީސްޓް އޭޝިއާގެ ގައުމުތަކުގެ ތެރެއިން ރާއްޖެ އަކީ ބޭސްފަރުވާ އަށް ގައުމުން ބޭރަށް މީހުން ދާ ހަމައެކަނި ގައުމު ކަމަށެވެ.
އޭނާ ވިދާޅުވީ މި ސަރަހައްދުގައި 11 ގައުމު ހިމެނޭއިރު، ރާއްޖެ ވެފައި ވަނީ ބޭސްފަރުވާ އަށް ބޭރަށް ދާން ބޭނުންވާ މީހުން އުޅޭ ގައުމެއްގެ ގޮތުގައި ކަމަށެވެ.
ޕޫނަމް ވިދާޅުވި ގޮތުގައި ސަރުކާރުންނާއި އަމިއްލަ ފަރާތްތަކުން ވެސް ރާއްޖޭގައި ހޮސްޕިޓަލްތައް ހަދަމުން އަންނައިރު، އަމިއްލަ ގައުމުގައި ތިބެގެން ފަރުވާ ހޯދާ މީހުންގެ އަދަދު އިތުރުވެ އަދި ސިއްހީ ހިދުމަތް ވެސް އަވަސްވާނެ އެވެ. އެކަމަކު މި ހާލަތުގައި ވެސް ދިވެހިން ބޭނުން ވަނީ ބޭސްފަރުވާ އަށް ރާއްޖެ އިން ބޭރަށް ދިއުމަށް ކަން ޕޫނަމް ފާހަގަކުރެއްވި އެވެ.
ފަރުވާ ހޯދުމަށް އެހެން ގައުމުތަކަށް ދިއުމަކީ ޚަރަދު ބޮޑު ކަމެއް ކަމަށާއި ދަތުރުފަތުރަށް ވެސް ސަރުކާރުން ބޮޑު ހޭދައެއް ކުރަންޖެހޭ ކަމަށް އޭނާ ވިދާޅުވި އެވެ.
"ބޭރަށް ދިއުމަށް ބޮޑު ޚަރަދެއް އެބަކުރޭ. އެކަމަށް ދާ މީހުންނަށް [ސަރުކާރުން] ކުރަންޖެހޭ ދަތުރުފަތުރުގެ ޚަރަދު ބޮޑު. [މި ސަރަހައްދުގެ] އެހެން ގައުމުތަކުގައި އެ ކަހަލަ އެހީތަކެއް ރައްޔިތުންނަށް ނުލިބޭ،" ޕޫނަމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާހިމް
07 September 2017
ތިޔަ ވިދާޅުވީ މާލޭ ރައްޔިތުންނަށް ކުރާވާހަކަ ދެއްތޯ؟
ޢަހޫ
07 September 2017
ޢެހެރަ ހަދަނީވެސް 150 މިލިއަން ޑޮލަރުގެ ކުޑަކުޑަ އިމާރާތެއް. ދާހަރަދަށްވުރެ 3 ގުނަބޮޑުއަގުގައި. ހުސްކޮރަޕްޝަން. އެހެންވީމާ ސިއްހީ ހަރަދު ބޮޑުވާނެއެއްނު. ޖީބުބޮޑުވާނެއެއްނު
ހަޖޫ
07 September 2017
ޕޫނަމް! ކޭ ރަނގަޅުވާނެ އެހެން ޕޫނަމް ހެން ފިލްމެއްކުޅެން. ކޭ ތީ ތިމަގާމަށް އެކަށީގެން ވާމީހެއް ކަމާއި މެދު ޝައްކު. ރާއްޖޭގެ ބަޖެޓް ގެ 20% ޚަރަދު ކުރަނީ ސިއްހީ ކަންކަން ކުރިއަރުވަންތޯ، ނުވަތަ ޖާޑިތައް ފުރަން ކޮރަޕްޝަން ހިނަގަންތޯ ބަލާލިނަމަ ރަނގަޅު ވީސް.
ކެނެޑީ
07 September 2017
ރިވެތި ބަހުން މުޚާތަބުކުރަން ދަސްކުރުންވެސް ބުއްދިވެރި
ކަތްދަ
07 September 2017
ސަމަންދަރު ގައި އުޅޭ ޕޫނަމެއް ނޫން ދޯ. ކޮބާ އަމީތާބު؟
ޕޫނަމް
07 September 2017
ޕޫނަމް އަށް ދިވެހިން ބޭރަށް ދާންޖެހުނު ސަބަބުތަށް ރަނގަޅަށް އޮޅުންފިލާފަ ހުރިނަމަ މިކަހަލަވާހަކައެއް ނުދައްކާނެ. މެޑިކަލް ޑޮކްޓަރުން ނަށް ހަދާފަ ރަށްރަށަށް ފޮނުވީ ކޮޅުބުން ހެލްތްވޯކަރު ކޯސްކިޔެވި ބަޔަކު. ނަތީޖާއަކަށްވީ އެތަކެއްހާސް މީހުން ނުކުޅެދުންތެރި ބަޔަކަށްވީ.
ވޯލް
07 September 2017
ޕޫނަމު ދައްތައަށް ނޭންގުނު ތަންކޮޅަކީ، މިރާއްޖޭގައި ހޮސްޕިޓަލާއި ޑޮކްޓަރުން ފަރުވާ ކުޑަވެގެން ހިންގާ ކަންކަން ނުބެލެކަން އަދި ފިޔަވަޅު ނޭޅޭކަން، އެކައުންޓަބަލް ސިސްޓަމެއް ނެތް ރަގަޅު. ރާއްޖޭން ބޭސް ފަރުވާ ކުރެވެނީ އަދި ޑޮކްޓަރުންނަށް ކުރަން އެގެނީ ނިސްބަތުން އާއްމު ބަލިތަކަށް ބޮޑެތި ބަލިތަކަކީ އެކަމަށް ފަރުވާ ދިނުމަށް ބޭނުންވާ ވަސީލަތާއި ތަޖުރިބާވެސް ނެތް ކަންކަން. އެހެންވިމަ އެފަދަ ބަލިތަކަށް ރަައްޔިތުން ނަގާ ޓެކުސްއިން ފަރުވާދޭން ބޭރަށްވެސް ދައުލަތުން ޖެހޭނީ ގޮނުވައި ދޭން
މުކޮސް
07 September 2017
އާނ ރަނގަޅު ޚަރަދު ކުރަނީ ޕްރިވެންޝަން އެއް ނެތް ރައްޔިތުން އަތުން ޖީއެސްޓީ 6% ނަގާފަ އޭގެން ބާސަންދަ ނަމުގަ ބޭސް ދެނީ ދޭއިރު މަދިރިމަދުކުރުމަށް މަސައްކަތެއް އިޖުތިމާއީގޮތުން ހަރަކާތެއް ނުހިންގާ ވެނުމަސް ވެނަށް ރައްޔިތުން އަތުން އެންމެ ބޮޑު ޓެކުހެއްް ނަގަނީވެސް ތާއްޖޭގަ ޓެކްސް އެތައްފަހަރަކު އެތެރެވާއިދު ފިހާރައިން ގަންނަ އިރުވެސް މިފޮތަށް ފަށްފަށްވާކަމެއް ނޭނގޭތަ
ނަމެއް ނޭގެ
06 September 2017
އާާނ އާސަދައިން ދޯ ހަމަ ކައްޔިތުންގެ ލާރިން ރައްޔިތުންނަށް ޖެހޭނީ އެކަމު މައްސަލައަކީ ސިއްހީ ދާއިރާ ތަރައްގީ ކުރަން ތިބުނާ ހަރަދެއް ނުކުރެވޭ
ރާއްޖެ
06 September 2017
މިތާގަ ކޮމެންޓް ކުރާ މީހުން ކިޔާ އެއްޗަކާއި ޕޫނަމް މި ކިޔާ އެއްޗެއް ދިމާނުވަނީ ހަމަ މިމަންޖެއަށް ވުރެ ކޮމެންޓް ކުރާ މީހުންނަށް މާ ބޮޑަށް އެނގޭތީތަ؟ ރާއްޖޭގެ ޞިއްޙީދާއިރާ ކުރިއަރާކަން އެނގޭނެ މިރާއްޖެއިން ނައްތާލާފައިވާ ބަލިތަކާއި މިރާއްޖޭގެ ހެލްތް އިންޑިކޭޓާސް ބަލާލި ކޮންމެ މީހަކަށް. ތަނެއް ދޮރެއް ދޮރާއްޓެއް ނުބަަލާ ކުރާނެ ކަމެއް ނެތި ކޮމެންޓް ކުރިޔަކަސް ހުރިހާ ކަމެއް އެނގޭ ކަމަކަށް ނުވާނެ.
ވޯލް
07 September 2017
ރާއްޖޭން ނައްތާލާފައިވަ ބަލިތަކަކީ އެހެން ޤައުމުތަކުގެ އާބާދީ ބޮޑުކަމުން ފަސްގަޑު ބޮޑުކަމުން އެކަންކަން ކުރަން އުދަގޫވަނީ، އެއީ ވެކްސިން ދީގެން ކުރަކަންކަން.
އިބޫ
06 September 2017
ދާން ބޭނުންވަނީކީ ނޫން ރާއްޖޭން ލިބެން ނުހުންނަ ޙިފުމަތް ހޯދަން ޖެހެނީ. މުޅި ގައުމުގަ 2 ނިޔުރޮލޮޖިސްޓް، 1 ނެފްރޮލޮޖިސްޓް ދެނޯ އެމްއާރއައި އކަށަ އެޕޮއިންެޓްމެންޓް ލިބެނީ 4-6 މަސް ފަހުްން ދެނޯ ؟ ބިޔަ އިމާރާތަކަށް ވުރެ މުހިންމީ ޑރ އިން ދޯ