ވެލާނާ އިންޓަނޭޝަނަލް އެއާޕޯޓުގައި އަލަށް ހަދާ ފާސްޓްފުޑް ރެސްޓޯރަންޓް އިމާރާތުގެ މަސައްކަތް ކުރިއަށް ދަނީ
08 ސެޕްޓެމްބަރ 2017 - 14:56
17 comments
ވެލާނާ އެއާޕޯޓުގައި އަލަށް ހަދާ ރެސްޓޯރަންޓްތަކުގެ މަސައްކަތް ނޮވެމްބަރު މަހު ނިމޭނެ ކަމަށް އެމްއޭސީއެލް އިން މިއަދު ބުނެފި އެވެ.
އެ ކުންފުނީގެ އޮފިޝަލަކު ވިދާޅުވީ އެއާޕޯޓުގެ ޑޮމެސްޓިކް ޓާމިނަލް ކުރިމަތީގައި ހަދާ ގާތްގަނޑަކަށް 300 މީހުންގެ ޖާގައިގެ ރެސްޓޯރަންޓް އިމާރާތުގެ ސްޓީލްގެ މަސައްކަތްތައް މިހާރު ނިމިފައިވާ ކަމަށެވެ.
"މުޅި އިމާރާތް ހަދަނީ ސްޓީލް އަދި ބިއްލޫރި ބޭނުންކޮށްގެން. އަޅުގަނޑުމެން މި މަސައްކަތް ނިމި ޑިސެމްބަރު މަހު ހުޅުވަން މަސައްކަތްކުރަމުން ދަނީ،" އޭނާ ވިދާޅުވި އެވެ.
ވެލާނާ އިންޓަނޭޝަނަލް އެއާޕޯޓުގައި އަލަށް ހަދާ ފާސްޓްފުޑް ރެސްޓޯރަންޓް އިމާރާތުގެ މަސައްކަތް
އެއާޕޯޓު ހިންގާ އެމްއޭސީއެލް އިން ނިންމާފައި ވަނީ އެތަނަށް ދުނިޔޭގެ މަޝްހޫރު ފާސްޓް ފުޑް ރެސްޓޯރަންޓްތައް ގެންނާށެވެ.
އޮފިޝަލް ވިދާޅުވީ އަލަށް ހަދާ ތަނުގައި ހަ ރެސްޓޯރަންޓް، ކެފޭ ހިންގުމުގެ ޖާގަ ހުންނާނެ ކަމަށެވެ. އެގޮތުން ކޮފީ ޝޮޕެއް ހިންގަން 231 އަކަމީޓަރުގެ ސަރަހައްދެއް ދިނުމަށް ހަމަޖެހިފައިވެ އެވެ. އަދި ޑޯނަޓް ވިއްކަން ހާއްސަކޮށްގެން 80 އަކަމީޓަރު، ކެޝުއަލް ޑައިނިން އަށް 302 އަކަމީޓަރު، ފާސްޓްފުޑް ކޮންސެޕްޓް ރެސްޓޯރަންޓަކަށް 171 އަކަމީޓަރު، ޕިއްޒާ ވިއްކަން 99 އަކަމީޓަރު އަދި އައިސްކްރީމް ވިއްކަން 14 އަކަމީޓަރުގެ ސަރަހައްދު ހަމަޖައްސާފައިވެ އެވެ.
ވެލާނާ އިންޓަނޭޝަނަލް އެއާޕޯޓުގައި އަލަށް ހަދާ ފާސްޓްފުޑް ރެސްޓޯރަންޓް އިމާރާތުގެ މަސައްކަތްކުރަނީ: އެތަން އަންނަ ނޮވެމްބަރު މަހުގެ ނިޔަލަށް ނިމޭނެ. ފޮޓޯ: އެމްއޭސީއެލް
ސްޓާ ބަކްސްގެ އިތުރުން ޑޯނަޓާއި ޕޭސްޓްރީ ވިއްކާ ތަނެއް ހިންގަން މަޝްހޫރު "ޑަންކިން ޑޯނަޓްސް" އަށާއި "ކްރިސްޕީ ކްރީމް" އަށާއި ކެޝުއަލް ޑައިނިން އަށް މަޝްހޫރު ނަންޑޯސް އަދި ހާޑްރޮކް ކެފޭ އަށާއި ފާސްޓް ފުޑް ވިއްކަން ކެންޓަކީ ފްރައިޑް ޗިކަން (ކޭއެފްސީ) ނުވަތަ މެކްޑޮނަލްސް އަށް އެމްއޭސީއެލުން ދައުވަތު ދީފައިވެ އެވެ. މީގެ އިތުރުން ޕިއްޒާ އަށް ޑޮމިނޯސް ނުވަތަ ޕިއްޒާ ހަޓަށް ހުޅުވާލިއިރު އައިސް ކްރީމް ވިއްކުމަށް ހާގެންޑާޒް ނުވަތަ ބާސްކިން ރޮބިންސް އަށް ފުރުސަތު ދީފައިވެ އެވެ.
ވެލާނާ އިންޓަނޭޝަނަލް އެއާޕޯޓްގެ އާ ރަންވޭގެ މަސައްކަތް ވެސް އަންނަނީ ކުރަމުންނެވެ. އެކަމަކު އާ ޓާމިނަލް އަޅަން ހިންގާ މަޝްރޫއުގެ އަމަލީ މަސައްކަތް ފަށާނެ ދުވަހެއް އެމްއޭސީއެލްއަކުން އަދި އިއުލާނެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާބާ
10 September 2017
ބާގާ ކިންގުވެސް ހުރޭ... 150 ހައް ބާގާއެއް....ރަހަޔަކުންކުރެ ރަހަރެއްނުލާ ޙީވަނީ ރޯފުއްގަންޑެއްކާހެން
އަޅުމާލެ
09 September 2017
މަށައްވަރިހަމަ ދުވަހަކު ނުނިމުނަސް މަށައް ކޮންފައިދާއެއް ގައިމު ހަނިމާދޫއައް އަންނަ ފުލައިޓު ޑިލޭވެގެން ޑޮމެސްޓިކު ޓާމިނަލް ބޭރުގަ އިންނަތަނުން އެންމެ ޗޮކްލެޓް މަފިން ގަނޑެއްވެސް ލިބެނީ 35 ރުފިޔާއައް ދިވެހިންގެ އެއާޕޯޓު ދިވެހިންނަށޯ ލަދުހަޔާތް ކޮބާ
ރ.މޫސަބޭ
09 September 2017
ބޭރުގެ ނަން މަޝްހޫރު އެއްވެސް ބަޔަކު ތިތަނަކަށް ނާދޭ.
ދޫނިދޫ
09 September 2017
ތަނެއް ހެދިޔަސް ހުޝާމަދު ކުރާކަށް ނުޖެހޭ. ޖުލައި މަހު އެކަނިވެސް 2.7ބިލިއަން ދައުލަތަށް ރައްޔިތުން ދެއްކި. ދެންކޮންވާހަކައެއް. މިއީ ޝަމުސުއްދީންގެ ރަސްކަމުގެ ދުވަސްވަރެއްނޫން. ޕީޕީ ކުދިންނަން ހަނދާންކޮށްލަދެން. ނަޝީދު ޖީއެސްޓީ ތައާރަފްކޮށް އަރައިނުގަނެވި އުޅެނިކޮށް ވެރިކަމުއްވައްޓަާލާ ޖީއެސްޓީ އިތުރުކޮށް އޭގެ ފޮނިކޮޅޭ ތޮޔަބޮނީ. އިތުރު ކަމެއް ތައާރަފެއްނުކުރޭ ބިންތަށްވިއްކާ އަޅުވެތިމުރުން ފިޔަވާ.
ހާގެންޑާޒް
09 September 2017
ޓްރޮޕިކަލްގަދަހޫނުގައި އެއަރކޯން ކޮށްފައި ހެދިޔަސް ތިނުގުދަނަކަށްވާނީ!
އާންހާ
08 September 2017
ބަލަ ނިހާނުމެން ފޮނިކަނޑާފަ ވަރަށްސަޅި ވޯކްވޭއެއް އެތައްމިލިއަން ރުފިޔާއެއް ހަރަދުކޮށްފަ އެއޮތީ ހަދާފަ، ލަދުން ބޯހަލާކު ވާރޭހިޔާއެއްނުވޭ، ބަލާލަންއެހާހުތުރު، އެންމެ އާދއިގެ ދަނގަޑު ބޭނުންކޮށްގެންހަދާފަ، ދެން ބޮކިފަތިލާފަ ފޮޓޯޓުވިޓްކޮށްފަ ތަރައްގީއޭ ކީމަ ގަންނަނީ ލަޑު ތަރައްގީ ޔަގީނެއްނުވޭ، އަންނަނީ ހިނި، އިންޓަނޭސަނަލް އެއަރޕޯޓަކޯ.... ގުނބޯ ހެއްދުން ނޫންކަމެއް މިސަރުކާރުން ނުކުރޭ، ސުވާލަކީ މި އެއަރޕޯޓާ މިފަަދަ އޮފީސްތަކުން ގުނބޯހައްދާއިރު ބަލަންތިބެ އަތްޖަހާތީ، ރައްޔަތުން ވެސް މިތިބީ ބަލަން، ދުވަހެއް އަންނާނެތާ! ދޯ!
ތަރައްގީ
08 September 2017
ބަލަ މިޒަމާނުގާ ހަދާ ބޯޑެތި ބިލްޑިން ހަދަނީ ދަގަޑުން އެހަދަނީ މޫދު ތެރޭގާވެސް.
ޕުރޮފެސަރު
08 September 2017
ޢާ އެޔާޕޯޓައް އެންމެ މުހިންމީ ރެސްޓޯރަންޓު ދޯ. ބޮހިޔާވަހިކަން ނުލިބޭ ރައްޔިތުން ނައް އެންމެ މުހިންމީ ޕާކުތަކާ ފުޓްސެލް ދަންޑު.
އާންމު ރައްޔިތު މީހާ
08 September 2017
އަޅުގަނޑުވެސް ގަބޫލުކުރަން. ތިތަން ނިމުނީމަ ހުންނާގެ ގޮތުގެ ކުރެހުންތައް ވަރަށް ފުރިހަމަ އަދި ހިތްގައިމު. އެކަމަކު ސުވާލެއް އެބައޮތް. ރާއްޖެފަދަ 10 ފޫޓުކައިރީގަ މޫދުއޮންނަ ތަނެއްގަ ދަގަނޑުން ތިކަހަލަ ތަންތަން ހެދުމަކީ ރަނގަޅު ކަމެއްތޯ؟ އެއީ، ލޮނުގެ އަސަރުކޮށް ތިތަނުގަ ހުރި ދަގަނޑު ތަނބުތައް ދަބަރަށް ވާން ކިތައް އަހަރުތޯ ނަގާނީ؟ އަޅުގަނޑުގެ ހިތަށް އެރީމަ އަހާލީހަމަ. އިންޖިނިއަރުން ތިބިއްޔާ އަޅެ ޖަވާބުދީބަލަ.
ކާލާ ކާލާ
08 September 2017
އެގޮތަށް ހެދީމާ ގިނަ ގިނައިން ހަދަން ޖެހޭނެ އެއް ނޫން ދޯ. އެއާރޕޯރޓްގެ ޖެޓީ އަދި ވެސް ހަދަނީ ދަގަނޑު އެޗް ބެރި ބިމަށް މޫދަށް ޖަހައިގެން ފީ އިލޮށިން ހަދާ ގޮތަށް. އެކަމަކު ރިސޯރޓް ތަކުގެ ޖެޓީތައް ކޮންކްރީޓް ޕިލާރސް ތަކުން. އެއާރޕޯރޓް ގައި ދަގަނޑުން ހެދީމާ ގިނައިން ކަޓް ކާން ލިބޭނެ އެއް ނޫން ބޭރުން ދަގަނޑު ގެންނަނީ. ދެން ކަޓް ޖައްސާލެވޭނެ އެއް ނޫން ބޭނުން ވަރަށް. ދެން ގިނަ ގިނައިން މަރާމާތު ކުރަން ޖެހުނު ވަރަށް ގިނަ ގިނައިން ކަޓް ކާލެވޭނެ އެއް ނޫންދޯ.
މަންޑޭލާ
08 September 2017
އެމްޑީޕީ ބައެއް މީހުން ޖއމރ އަތުން ލިބުނު ލާރިގަޑުން މުސްސަދިވީ.