13 ސެޕްޓެމްބަރ 2017 - 17:04
6 comments
ކުނި އުކުމުގެ ޚިދުމަތް ދޭ، ސަރުކާރުގެ ކުންފުނި ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ގޭބިސީތަކަށް ގޮސް ފައިސާ ނުނަގާނެ ކަމަށާއި، އެކަން އެ ކުރަނީ އެހެން ބަޔަކު ކަމަށް، އެންވަޔަރަމެންޓް މިނިސްޓަރު ތޯރިގް އިބްރާހިމް މިއަދު ވިދާޅުވެއްޖެ އެވެ.
އެ މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި ތޯރިގް ވިދާޅުވީ ގޭގެއަށް ގޮސް ފައިސާ ހޯދަން އެދެމުން އެދަނީ ވެމްކޯގެ މުވައްޒަފުން ނޫން ކަމަށެވެ.
ކުނި އުކުމުގެ މަހު ފީ ބަލައި ގަންނާނީ ވެމްކޯގެ އޮފީހަށް ކަމަށާއި ކުރިއަށް އޮތް ތަނުގައި އެކަމުގައި ލުއި ފަސޭހަ ގޮތްތަކެއް ހަމަޖައްސާނެ ކަމަށް ވެސް މިނިސްޓަރު ވިދާޅުވި އެވެ.
"ކުނި ބަލާ ދާ މީހުންނަށް ފީ ދައްކާކަށް ނުޖެހޭނެ. ވެމްކޯ އޮފީހުން ފީ ބަލައިގަންނައިރު ކުރިއަށް އޮތް ތަނުގައި އިންޓަނެޓް ބެންކިން އާއި ތާޑް ޕާޓީ މެދުވެރިކޮށް ފީ ދެއްކޭނެ ގޮތް ހަމަޖެހިގެންދާނެ،" ތޯރިގު ވިދާޅުވި އެވެ.
މިހާތަނަށް 17،180 ގޭ ބިސީއަކުން ވެމްކޯގައި ރަޖިސްޓްރީ ކޮށްފައިވެ އެވެ. އަދި އަމިއްލައަށް ކުނި އުކާލަން 1100 އަށް ވުރެ ގިނަ ފަރާތުން ވަނީ ރަޖިސްޓްރީކޮށްފަ އެވެ.
އެންވަޔަރަމެންޓް މިނިސްޓްރީން ކުރިން ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު ތޯރިގު ވާހަކަ ދައްކަވަނީ -- މިހާރު ފައިލް ފޮޓޯ
ގަވައިދުން ކުނި ބަލާ ނުދާ ކަމަށް އާންމު ބައެއް މީހުން ކުރާ ޝަކުވާތަކާ ގުޅިގެން ވެމްކޯގެ ސީއީއޯ މުހައްމަދު ޝިފާއު ވިދާޅުވީ މިހާރު ކުނި ނުނެގި ދަނީ ދުވާލެއްގެ މައްޗަށް 100 ވަރަކަށް ގެއިން ކަމަށެވެ. ނަމަވެސް އެކަން ހައްލުކުރަން ގޮތްތަކެއް ރާވަމުން އަންނަ ކަމަށް އޭނާ ވިދާޅުވި އެވެ.
ޝާފިއު ވިދާޅުވި ގޮތުގައި މިހާރު އޮތް އެންމެ ބޮޑު ގޮންޖެހުމަކީ ކުނި ބަލައި ދާއިރު ގޭގެއަށް ވަންނަން ދިމާވާ ދަތިތަކާއި ކަސްޓަމަރުންނާ ބައްދަލު ނުވުމެވެ.
ތޯރިގު ވިދާޅުވީ ކުރިއަށް އޮތް ތަނުގައި ރޭގަނޑު 11:00 ގެ ކުރިން ހުރިހާ ގޭ ބިސީއަކަށް ކުނި ބަލައި ދާނެ އިންތިޒާމް ހަމަޖައްސާނެ ކަމަށެވެ.
އަންނަ ހުކުރު ދުވަހު އިންޒާރު ދޭން ފަށާނެ
މިނިސްޓަރު ވިދާޅުވި ގޮތުގައި އަދިވެސް ބިދޭސީންނާއި ބައެއް ދިވެހިން ގަވައިދާ ހިލާފަށް ކުނި އުފުލަމުން ދާ ކަމަށެވެ. އަންނަ ހުކުރު ދުވަހުން ފެށިގެން އެފަދަ ފަރާތްތަކަށް އިންޒާރު ދޭނެ ކަމަށާއި ގަވާއިދާ ހިލާފުވާ މީހުން ޖޫރިމަނާކުރަން ފަށާނީ އަންނަ މަހު ކަމަށް ވެސް ތޯރިގު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތޮލާ
14 September 2017
ކުނިވެސް މަނީ މަނީ ! ޔެސް ސަރ!!!!!!!
އުނބުށެން
14 September 2017
ލުއިފަސޭހަ ކޮށްލާއިރު އަނެއްކާ 1 ޓިކެޓް ދެފަހަރަށް ވިއްކާހެން އެއް ކަމަކަށް 2 ރަސީދު ހަދާހެން ނުހެދޭނެ ގޮތެއް އިންތިޒާމް ކުރަންވާނެއެވެ.
Hassanbe
13 September 2017
ފޯރިގަދަ ކަމަކާ މި އޮތީ ޖެހިފައި. ބަންގާޅީން ސައިކަލް ގަ ކުނި އުފުލާއިރު ކަވަރ ނުކޮށް ގެންދަނީ އޭ ކިޔާފައި އުޅުނު މީހުން މިހާރު މާލޭގެ ކޮންމެ ގެއެއްގެ ދޮރުމަތީގައި ފުނިފުނި އަށް ޖަހާފައި ކުނިކޮތަޅު. އަދި ދުވަސް ކޮޅަކުން ތިޔަކަން ނުވެގެން ހުއްޓާލާ މަންޒަރުވެސް ފެންނާނެ.
ލިޔާމީހާ
13 September 2017
ބަންގާޅީން އެކަން ކުރަމުންދިޔަ ގޮތަށް ޢުމުރު ދުވަހު އެކަމެއް ނުކުރެވޭނެއެވެ. ސާފުތާހިރުކަން ދެމެހޭއްޓޭނީ، ރަސްމީ ސިފައެއްގައި ސަރުކާރުގެ އަތެއް އޮވެގެންނެވެ.
މެންޓަލިސްޓް
13 September 2017
މިސަރުކާރުން ކުރާއެއްވެސް ކަމެށް މައްސަލައެއްނުޖެހި ބޮޑުފައިސާގެ ގޭސްގަނޑެއް ނޭންބުރި އެބަދޭތޯ ؟؟ މިހާރު ސަރުކާރުގެ އިސްމަގާމުތަކާއި ސިޔާސީ އިސްމީހުން 4 އަހަރު ތެރޭގައި މިލިއަނަރުންނަށްވެ އެމީހުން ބިންބިމާއި ފްލެޓްތަށް ރާއްޖޭގަޔާޢި ބޭރުގައި އެބަހުރި. އެއްގޮތަކުން އެއީ ރަގަޅުކަމެށް ،،، ކޮންމެވެސް ބަޔަކަށް އެފައިސާގެ ފައިދާވާނެތާ ،،، އަދި އެބިންތަކުން ލިބޭ ފައިސާއިން ކޮންމެވެސް އިންސާނުންތަކަކަށް ފައިދާވާނެތާ ،،، އެހެންވީމައި އޯކޭ އޭ ދެންނެވިދާނެ ،،، ދެން ވެމްކޯއަކީ ވެސް ބޮޑު ގޭސްގަނޑަކަށް މިހާރު މިވަނީ ވެފައި،،، މާލޭގެ މުޅި މަގުމަތީގެ އަރިމަތީގައި ކުނިކޮތަޅު ،،، ވެމްކޯއިން ބަލާ އަންނާނެ އިރެއް ނޭންގޭ ،،، މިހެންގޮސް ބޮއްސުންލާފައި އޮތް ބޮޑު ގޭސްގަނޑަކަށް ތިޔަކަން ވެއްޖެ.
އަހުމަސދު
13 September 2017
ކޮން އިންޒާރެއް ދޭކަށްތޯ؟ އަޅުގަނޑު ތިތަނުގައި ރަޖިސްޓްރީ ކުރީ މިދިޔަ އޮގަސްޓް މަހު 9 ގައި 4 ދުވަހު ބަރާބަރަށް އައި، ދެން ޖެހުނީ ދުވާލަ 24 ކޯލް ކޮށްގެން ރޭގަނޑު 12:30 ވަންދެން ހޭލާ ތިބެގެން ކުނި އުކުވަން. މިހެންވެސް ކުރެވުނީ 21 ވަނަ ދުވަހާއި ހަމަޔަށް. އެދުވަހު އައީމަ ކީއްވެތޯ މިހެން މިވަނީ ބުނީމަ ބުނީ ކެޕޭސިޓި ނެތިގެންނޭ. އެޔަށް ފަހު ޚަބަރެއްނުވެ މިމަހު 1 ގައި އަނެއްކާ އައީ. ސުވާލަކީ ތިތނަުގެ ކެޕޭސިތީގެ އިންތިޒާރުގައި އަޅުގަނޑުމެންގެ ގެ ކުނި ކުރަން ތިބެންވީހޭ؟ ނޯ !!!! ނުވާނެ. އެހެން ވީމަ އޮތް ހައްލަކީ ކެޕޭސިތީ ހުރި ބަޔަކު ލައްވާ އެކަން ކުރެވޭނެ އިންތިޒާމް ހަމަޖައްސުން. އަޅުގަނޑުވެސް އެދެނީ ދިވެހިން ދިވެހިންގެ މަސައްކަތް ތައް ކުރަން. އެކަމި މިހާލަކު ނޫން. އެޔަށް ވުރެ ތަރައްޤީ ޒަމާނެއްމީ. ސަލާމް