މީރާއިން ބަޔަކު ޚިދުމަތް ހޯދަނީ: ހުކުމާ އެއްގޮތަށް ޖީއެސްޓީ ނުދެއްކި ދެ މީހަކު ގޭގައި ބަންދު ކުރަން ކޯޓުން ވަނީ ހުކުމް ކޮށްފައި --ފޮޓޯ/މިހާރު
19 ސެޕްޓެމްބަރ 2017 - 14:44
15 comments
ޓެކްސްގެ ގޮތުގައި ދައުލަތަށް ދައްކަންޖެހޭ ފައިސާ ހުކުމާ އެއްގޮތަށް ނުދެއްކި ދެ މީހަކު އެއް މަހަށް ގޭ ބަންދުކުރަން ސިވިލް ކޯޓުން ހުކުމްކޮށްފި އެވެ.
މިދިޔަ މަހުގެ 28 ވަނަ ދުވަހާއި މި މަހުގެ 13 ވަނަ ދުވަހު ދެ މީހެއްގެ މައްޗަށް ވަކިވަކިން އެ ހުކުމްކުރީ މުދަލާއި ޚިދުމަތުގެ އަގުން ނަގާ ޓެކްސް (ޖީއެސްޓީ)ގެ ގޮތުގައި އެ ދެ މީހުން ދައުލަތަށް ދައްކަންޖެހޭ ފައިސާ ހުކުމާ އެއްގޮތަށް ދައްކާފައި ނުވާތީ އެވެ.
އޭގެ ތެރެއިން އެކަކު ޖީއެސްޓީގެ ގޮތުގައި 824،000ރ. ދައުލަތަށް ދައްކަން ޖެހޭއިރު ދެން ހުރި މީހާ ލައްކައަކަށް ވުރެ ގިނަ ރުފިޔާ ޖީއެސްޓީގެ ގޮތުގައި ދައްކަން މިދިޔަ އަހަރު ކޯޓުން ކުރިން އޮތީ ހުކުމްކޮށްފަ އެވެ.
އެކަމަކު ހުކުމާ އެއްގޮތަށް އެ ދެ މީހުން އެ ފައިސާ ނުދައްކާތީ އެ މައްސަލަ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ކޯޓަށް ހުށަހެޅުމުން ކޯޓުން ހުކުމްކުރީ އެއީ އެ ދެ މީހުން އެފަދަ ކަމެއް ކުރި ފުރަތަމަ ފަހަރު ކަމަށްވާތީ އެއް މަހަށް ގޭގައި ބަންދު ކުރުމަށެވެ. އަދި ކުރީގެ ހުކުމާ އެއްގޮތަށް އަމަލުކުރަން ހުކުމުގައިވަނީ އެ ދެ މީހުންނަށް އަންގައިިފަ އެވެ.
ރަހުނު ނުހިމެނޭ ސާބިތު ދަރަނީގެ މުއާމަލާތްތަކުގައި އަމަލުކުރާ ގޮތުގެ ގަވާއިދު ބުނާގޮތުން ހުކުމާ އެއްގޮތަށް ދަރަނި އަދާ ނުކޮށްގެން މައްސަލަ ހުށަހަޅައިފި ނަމަ ފުރަތަމަ ފަހަރު އެއް މަހަށް ގޭގައި ބަންދު ކުރެވޭނެ އެވެ. ދެވަނަ ފަހަރު ނަމަ އަރުވާލުން ނުވަތަ ޖަަލަށްލާން ހުކުމް ކުރެވޭއިރު ތިން ވަނަ ފަހަރު ނަމަ އަދަބު ކުރިއަށް ވުރެ ބޮޑު ކުރެވެ އެވެ.
ހުކުމާ އެއްގޮތަށް އަމަލު ނުކޮށްގެން އެންމެ ފަހު ފިޔަވަޅަކަށް އެޅެނީ ދަރަނި ދައްކަންޖެހޭ މީހާގެ މުދާ ޝަރީއަތުން ވިއްކާލައިގެން އެ ދަރަނި އަދާ ކުރުމެވެ. ޓެކްސް ފައިސާގެ މައްސަލަތައް ނޫނަސް ރަހުނު ނުހިމެނޭ ދަރަނީގެ އާންމު މައްސަލަތަކުގައި ވެސް އެގޮތަށް އަމަލު ކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިކަލޯ
20 September 2017
އަޅުގަނޑަކީ މީރާއިން ޖެހި ތިމަޅީގެ އަހުލުވެރިއެކެވެ. މިހާރު އަޅުގަނޑު މިހުރީ ދަރައި ވިކިގެން މީރާ އައް ދައްކަންޖެހުނު ފައިސާ ދައްކައި ޚަލާސް ކޮށް ވިޔަފާރިވެސް ހުށްޓައިލައިގެން ދެން މީރާއަކައް ނުހައްގުން ވިޔަސް ދެވޭނެ އަދަބެއް ނޯނާނެނު ޤިޔާމަތް ދުވަހުން މިކަން ކުރި ފަރާތްތަކާ ސުވާލު ކުރެވޭނެނެއެވެ.
ހިތި ކަލޯ
20 September 2017
ލޮލް :ޕީ ރަނގަޅަށް ވާނީ ފޮނި ކަމުން ޓެކްސް ނުދައްކާ ހުރީ ކަމަށް، މީރާއިން ރޯ ފިލުވާލީމާ ތި އިހުސާސްވީ ފޮނިކަން.
ރުޅި
20 September 2017
މީރާއަކީ ތިޔައީ ހަމައެއް އުޞޫލެއް އިންސާފެއް އޮންނަތަނެއްނޫން. ބިދޭސީން ކުރާ ވިޔަފާރިތަކުން ޖީއެސްޓީ އަދި ޓްރޭޑް ފީ އެއް ނުދައްކާ. އެކަމަކު ހަމަ އަޅާވެސްނުލާ. ދިވެއްސަކު ކަމެއްކުރާއިރަށް ފަހަތުން ދުވާވަރުން އެމީހަކު އެކަމެއް ހުއްޓާލާވަރުކޮށްލާ. ނުވިތާކަށް އެމީހާ ޖަލަށްލާ. މީރާ މީހުން ބުނާގޮތުގައި މީރާގައި ރަޖިސްޓްރީ ނުކޮށް ކިތަންމެ ވިޔަފާރިއެއްކުރިއަސް އެމީހުންނަށް ކުރެވޭނެކަމެއް ނޯވޭ. ޤަވާޢިދުން ރަޖިސްޓްރީ ކުރުމުން މި ކަމުނުދަނީ. ބިދޭސީން ހޮޓާ ހަދައިގެން ދުވާލު ހަތަރުދަމުން އެތިބެނީ ބޮޑެތި ބާސްކެޓްތަކުގައި ޑެލިވަރީ ކޮށްކޮށް. ފަހާތަންތަނާއި ބޯކޮށާ ތަންތާގައި ސައިބަރ ކެފޭ ތަކާއި ގެސްޓް ހައުސް ވިޔަފާރިއާއި ކަންމަތީ ގިނަ ކުދި ފިހާރަތަކަކީ ސީދާ އެމީހުންގެ ތަންތަން. އެމީހުންވީމާ ޤާނޫނެއް ނުހިނގާ ރިސޯޓް ޑެލިވަރީހެދުމާއި މިހެންގޮސް ނުކުރާ ވިޔަފާރިއެއްނުހުރޭ. މީރާއަށް ޢަދުލުވެރިކަމާއެކު ތިޔަކަން ނުކުރެވޭނަމަ އަހަރެމެން އަތުންވެސް ނުނަގާ.
ބަންދޭ
20 September 2017
އެމީހުން ގޭބަންދުގަ ތިބީމަ ލާރި ލިބޭތަ؟ އެހެން ވެއްޖިއްޔާ މަވެސް ގޭބަންދުކޮށްލަދީ! އޭގެ ބަދަލުގަ މީރާއިން ވަޒީފާދީ މުސާރައިން ބައެއްކަނޑާގޮތަށް ހެދިނަމަ. ގާނޫނާއި ގަވާއިދުގައި އެހެންހެދޭކަށެއްނޯވޭ ދޯ؟
ހެހެހެ
20 September 2017
އެމީހުން ދޫކޮށް ލާފައި ތިބީމާ ލާރި ލިބޭތަ؟
މެޖިސްޓްރޭޓް އަލީ
20 September 2017
މިހާރު ވެސް ތި އަމަލު ކުރައްވަނީ މީގެ 13 އަހަރު ކުރީގެ ޤަވާއިދަކަށް ތާއެވެ.ތިއީ ޑރ ޖަމީލުގެ ޖަސްޓިސް މިނިސްޓަރ ކަމުގައި މުޖްތާޒް ފަހުމީގެ އިސް ޤާޒީ ކަމުގައި އޭނާ ހައްދަވާފައިވާ "ސާބިތު ދަރަނީގެ ހުކުމް ތަންފީޒް ކުރުމުގެ"ޤަވާއިދެ ކެވެ.އޭގެ ފަހުން މިހާރު ޤާނޫނު އަސާސީ އިސްލާހު ވިމުން އަދި ވެސް އެ ޤަވާދު ވަރެއް ނެތްތާއެވެ.
މިވަރެއްނެތް
20 September 2017
ދަރަނި ހޯދަން މައްސަލަ ހުށަހަޅަނީ މަދަނީ ކޯޓަށް. މީރާއިންވެސް ޓެކްސް ނުދެއްކުމުން ދަނީ ހަމަ އެކޯޓަށް. ސަބަބަކީ ދަރަންޏާއި ދަރަނި ނުދެއްކުމަކީވެސް މަދަނީ މައްސަލަކަށްވާތީވެ. ދަރަނި ނުލިބުމުން ޖެހޭނީ މީހާ އިފްލާސްކުރަން. ގާނޫނުއަސާސީގެ 55 ވަނަ މާއްދާގައި ވަރަށް ސާފުބަހުން ލިޔެފައިވަނީ މަދަނީ މައްސަލައެއްގައި މީހަކު ބަންދުކޮށްގެން ނުވާނެކަމަށް. އެހާ ހިލާފަށް ގަވާއިދަކުން ނުވަތަ ގާނޫނަކުންވެސް ކަންކަން ކޮށްގެން ނުވާނެ. ބޯދާ ޒަމާނުގައި ކަންކަން ކުރި އުސޫލުން ގާނޫނުއަސާސީ އަށް ނުވަތަ ގާނޫނަކަށް ނުބަލާ ފެންނަހާ ގޮތަށް އަމަލު ކުރުން ކަމަކުނުދާނެ. މިހާރު ޖެހޭނީ ކޮންމެ ކަމެއްވެސް ގާނުނީ އިމުގެ ތެރެއިން ކުރަން.
އެދުރު ބެ
20 September 2017
ބަންދު ކުރަނީ މަދަނީ މައްސަލަ އެއް ގައެއް ނޫން. ބަނދު ކުރަނީ ކޯޓްގެ ހުކުމަށް ޤަސްދުގައި ކިޔަމަން ނުވުމުން ނެވެ.ތި ބުނާ މާއްދާ ޤާނޫނު އަސާސީގައި ހިމެނީ ސަބަބަކީ ދަރިނީގެ މައްސަލަ ތަކާއި ވިޔަފާރީގެ އެ ނޫން ވެސް މުޢާމަލާތް ތަކުގެ ތެރެއަށް ފުލުސް އޮފީހުން ވަދެ ފުލުސް އޮފީހުން މީހުން ހައްޔަރު ކުރާތީ އެވެ.ޤާނޫނަކީ އަދި ތިޔަހެން އެގޭ އެއްޗެއް ނޫނެވެ.
މަކުޑި
19 September 2017
އެދެމީހުންގެ ހައްގު ގެއްލިދާނެތީ އެމީހުންގެނަން ހާމަ ނުކުރާތި.
އަހުމަދުބެ
19 September 2017
އެމީހާގެ ބަހެއް ލިޔެލިނަމަ ރަނގަޅުވީހެވެ. ކޯޓުތަކުން ކުރާހުކުމް ތަކަށް އިތުބާރެއް ނުކުރެވެއެވެ.
އުމަރު
19 September 2017
ދެން ގޭބަންދުކުރީމަ ފައިސާލިބޭތަ؟
ކޯކަސް
20 September 2017
ދެން ބަންދު ނުކޮށް ތިބީމާ އެފައިސާ ލިބޭތަ؟ ބަންދު ނުކޮށް ހުރިއްޔާ ޢިތުރު މީހަކަށް ދޭނީ ލަޑެއް..
އުމަރު
19 September 2017
މީރާ މީހުން އުޅެނީ ރައްޔިތުން ފެލަން. ކިތައް ފަރާތަކަށް ވަރަށް ޒިއްމާދާރު ކުޑަގޮތެއްގައި ފައިސާ ހޯދާ މީރާގެ އިސްވެރި މީހާ ސޮއިކޮށްފަ ހުރި ސިޓީތަކެއް ފޮނުވީ. އެތައް އަހަރެއް ވަދެން ވިޔަފާރި ހުއްދަ ބާތިވެފައިވާ ފިހާރަތަކަށް ޖީ.އެސް.ޓީ ދައްކަން ޖެހޭކަމަށް ސިޓީ ފޮނުވީ. ފައިސާ ދައްކާފަ ހުރި ކަން މީރާ ސިސްޓަމަށް ނޭގެނީ ކީއްވެގެންތޯ؟ ރައްޔިތުން މިއުޅެނީ ހާސްކަމެއްގެ ތެރޭގައި... މިނިވަން މުއައްސަސާޔަވިޔަސް ތަންކޮޅެއް ބޮޑުވަރު މިއީ؟ މިރާ މުވައްޒަފުން ޒިއްމާ އަކީ ކޮބައިތޯ؟
ކެކެކެކެ
20 September 2017
ތަންކޮޅެއްކުރިން ނޫހަކުން ކިން މަރުވެފައިވާ މީހަކަށްވެސް ޓެކްސް ދައްކަން މީރާއިން ސިޓީ ފޮނުވައިގެން އުޅުނު ވާހަކައެއް.. މީގަ އެންމެ މަޖާކަމަކީ ތަނެއްދޮރެއް ބަލައިނުލާ އެ ސިޓީ ސޮއިކޮށްފަ ފޮނުވި ބޭފުޅާއަށް އިހަކަށްދުވަހު އެސިސްޓެންޓް ކަމިޝަނަރ ކަމަށް ޕްރޮމޯޓްކުރީމާ...
އަހުމަދު ސ
19 September 2017
އަސްތަގްފިރުﷲ