20 ސެޕްޓެމްބަރ 2017 - 14:27
38 comments
ހިތުގެ ބައްޔަކަށް ސިންގަޕޫރުގައި މިހާރު ފަރުވާ ހޯއްދަވަމުން ގެންދަވާ، ޖުމްހޫރީ ޕާޓީގެ ލީޑަރު ގާސިމް އިބްރާހިމް ހިތުގެ އޮޕަރޭޝަނެއް މިއަދު ކުރައްވާފައިވާ އިރު އެ އޮޕަރޭޝަން ކާމިޔާބު ކަމަށް އާއިލާ އިން މިއަދު ބުނެފި އެވެ.
އާއިލާއާ ހަވާލާދީ ޖުމްހޫރީ ޕާޓީގެ ސެކްރެޓަރީ ޖެނެރަލް އަހުމަދު ސަމީރު "މިހާރު" އަށް ވިދާޅުވީ ރާއްޖޭ ގަޑިން މިއަދު ހެނދުނު އަށެއް ޖަހާކަށްހާއިރު ކުރި ގާސިމްގެ ހިތުގެ އޮޕަރޭޝަން ކާމިޔާބު ކަމަށާއި މިހާރު އޮންނެވީ އައިސީޔޫގައި ކަމަށެވެ. އާއިލާގެ އެދުމާއެކު އިތުރު ތަފްސީލެއް ހާމައެއް ނުކުރެ އެވެ.
ގާސިމްގެ ހިތަށް ލޭ ފޮނުވާ މައި ނާރުތަކަށް މައްސަލަތަކެއް ދިމާވެ، ވީ އެންމެ އަވަހަކަށް އޮޕަރޭޝަން ކުރުމަށް، އޭނާ ބެއްލެވި ސިންގަޕޫރުގެ ޑޮކްޓަރުން ވަނީ ވިދާޅުވެފަ އެވެ. ފަރުވާ އަށް އަންނަ ޑިސެމްބަރު މަހުގެ ނިޔަލަށް ސިންގަޕޫރުގައި މަޑު ކުރުމަށް ވެސް ޑޮކްޓަރުން ލަފާ ދެއްވާފައިވެ އެވެ.
ސިންގަޕޫރުގެ ހާޓް، ސްޓްރޯކް އެންޑް ކެންސާ ސެންޓަރުގެ ޑޮކްޓަރު މައިކަލް ލިމް ޗުން ލެންގް ގާސިމް ބެއްލެވުމަށް ފަހު ދެއްވި ލިޔުމެއްގައި ވިދާޅުވީ ހިތަށް ލޭ ފޮނުވާ މައި ނާރުތަކަށް މައްސަލަ ދިމާވެފައިވުމުން، ވީހާ ވެސް އަވަހަކަށް އޭނާގެ އޮޕަރޭޝަން ކުރަން ޖެހޭ ކަމަށެވެ.
ގާސިމް ހުންނެވި ހާލަތުން ހާޓް އެޓޭކެއް ނުވަތަ ކުއްލިއަކަށް މަރުވުމުގެ ރިސްކު އޮތުމުން ސިންގަޕޫރުގައި ވީ އެންމެ އަވަހަކަށް އޮޕަރޭޝަން ކުރަން ޑޮކްޓަރު ޗުން ލެންގް ވަނީ ލަފާ ދެއްވާފަ އެވެ.
ރިޝްވަތުގެ މައްސަލައެއްގައި ތިން އަހަރަށް ޖަލަށް ލާން ހުކުމް ކޮށްފައިވާ ގާސިމްގެ ހާލު ގޯސްވެ، ސިންގަޕޫރުގައި ފަރުވާ ހޯއްދެވުމަށް ކަރެކްޝަންސް އިން އެންމެ ފުރަތަމަ ދިން 10 ދުވަހުގެ މުއްދަތު ހަމަވީ މިދިޔަ ހޮނިހިރު ދުވަހަށެވެ.
މިދިޔަ ހަފުތާގެ ބުދަ ދުވަހު ކަރެކްޝަން ސާވިސް އިން ގާސިމްގެ ބޭސް ފަރުވާ އަށް އިތުރު 10 ދުވަސް ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަކޫމަލީ
21 September 2017
އަވަސް ޝިފާއަކަށް އެދެން / އަޅުގަނޑުގެ ނަސޭހަތަކީ ކަނޑައެޅިގެން ޖަލަށްވަނަން މިކޮޅަށް ވަޑާއި ނުގަތުން.
ޙަސަންބެ
21 September 2017
ތިޔަކުރެއްވި އޮޕަރޭޝަން ކާމިޔާބުވީތީ ޝުކުރުކުރަން ކުރިޔަށް އޮތްތަނުގައި ތިޔަކަމުން އިބްރަތް ލިބިގަތުމަށް އެދެން.......!
މާމަ
20 September 2017
ޤާސިމަށް އަވަސް ޝިފާއަކަށް އެދެން!
ނޯޕިންކް
20 September 2017
ޕިންކޭމެން ބުނީ އެއީ ފޭކް ހަދާ މީހެކޯ!!!! އެކަމަކު ސިންގަޕޯރ އިން އެކުރީ ހިތުގެ އޮޕަރޭޝަނެެް!!! ވަގުން ހިމާޔަތް ކުރަން ހަދައިގެން ޕިންކޭ މެން މުޅިން ސޯޓް ބޭލެނީ ދޯ!؟؟؟ ގާސިމަށް އަވަސް ޝިފާއަކަށް އެދެން
މަރީ
20 September 2017
ހިތަށް ލޭ ފޮނުވާ ނާރުވަ ޖެހޭ މައްސަލަތައް ހައްލުކުރަން ހަދަނީ އެންޖިއޯ ގްރާމް މައްސަލަ އުޅެންނާ އެންޖިއޯ ޕްލާސްޓަރ އެންމެ ގޯސްހާލަތުގަ ދާނީ ބައިޕާސްއަކަށް ބައިގަޑިއެއްހާއިރުން އައިޖީ އެމް އެޗް ގަ އެކަން ކޮއްލެވޭ އުފުހުން ކެއުން ބުއިން ހިނގުން މަނައެއްނޫން މީހުންގެ ހަމްދަރުދީ ހޯދުމަށް ތިޔަ ޖެއސެވީ ސަކަރާތް
ހަމަހޭ
20 September 2017
އައި ޖީ އެމް އެޗް ގަ ހިތުގެ އޮޕަރޭސަން ކުރެޔޭ ބުނާއަޑު ހަމައެކަނި އިވިފަތިހިރީ، އެކަމަކު މިހާރު ތިޔަކިޔާދެނީ ހިތުގެ އޮޕަރޭސަން ކުރާނެގޮތާ ރިކަވަރީއައް ނަގާނެވަގުތު. ތިޔައް އަސްލުގަ މީހުން ރޯނުއެދުރުން ކިޔަނީ.
އެފް އެމް
20 September 2017
ހިތަށް ލޭ ފޮނުވަދޭ ނާރުތަކުގަ މައްސަލަ ހުރެގެން އޮޕަރޭޝަނެކޭ؟ ބައްލަވާ އެހެއްދެވީ އެންޖިއޯ ގޮރާމް ނުވަތަ އެންޖިއޯ ޕްލާސްޓަރ ހަމަ ޔަގީނުންވެސް ބައިޕާސް އެއް ހަނދާހާ ސީރިއަސްއެއްނޫން މާލޭ އައިޖީ އެމް އެޗްގަ ތިޔަ ހުރިހާކަމެއް އެބަވޭ ބައިޕާސް ހަދަންޖެހުނަސް ކުރެވޭ އަޅުގަނޑުގެ ބައްޕަ އިނޑިޔާއިން މީގެ 7 އަހަރުކުރިން ބައިޕާސް ހަދާފަ ހުއްޓާ މީގެ ހަފްތާއެއްކުރިން ދެވަނަ ފަހަރަށް ބައިޕާސް ހެދީ ގާތްގަނޑަކަށް ބަެިގަޑިއެއްހާއިރުވީ ހޮސްޕިޓަލްގަ 4 ދުވަސް އެދުހުން މަނައެއްނޫން ހިނގާބިގާވެ އިރާދަކުރެއްވިއްޔާ ހެޔޮހާލުގަ އޮނަރަބަލް ގާސިމް ވީމަ ނުވަތަ ސިޔާސީ މީހަކަށްވީމަ ތިޔަ ޑްރާމާއަކަށްވީ
ޖޖސޖ
20 September 2017
އައިޖީއެމް އެޗް ގެ ވާހަކަ ތި ދައްކނީ... އެއީ މީހުން ބަލިވީމަ ތަހލީލް ކުރާތަނެއް.ވަރައް ރަގޅައް އެގިގެން މިބުނީ
ތިމަންނަ
20 September 2017
الحمد لله . މާތްﷲ ގާސިމް ގެ އުމުރު ދިގުކުރައްވާ ހެޔޮ ސިއްހަތެއްގަ ލަހައްޓަވާށި...
ބޯމާ
20 September 2017
ރީދޫ ބޮޑޭވެސް ބުރިކަޝީގެ އޮޕަރޭޝަން ވަރަށް ކާމިޔާބު!
ހެއް ހެއް
20 September 2017
ތިހެދީ އެންޖިއޯޕްލާސްޓީއެްއ ކަމަށްވަންޏާ ތީ ނާއިންސާފު ޖަލުގަ ތިބި އެހެން އާދައިގެ މީހުންނަށް. އެއީ އެންޖިއޯ ހަދާ، ސްޓެންޓު ލައްވާ ހެދުމަކީ ރާއްޖޭގައި މިހާރު ވާކަމެއް. އަދި ބުނަން. އެންޖިއޯ އެއް ހަދައިގެން ހޮސްޕިޓަލުގައި އާދައިގެ މީހުން ބާއްވަނީ އެއްދުވަހު!