ރާއްޖޭގައި ޓެރަރިސްޓް ހަމަލާއެއް ދޭން އުޅުމުގެ ތުހުމަތުގައި ދިވެއްސަކު ހައްޔަރުކޮށްފި އެވެ.
އިސްލާމިކް ސްޓޭޓް (އައިއެސް) ޖަމާއަތާ ގުޅިގެން ޓެރަރިސްޓް ހަމަލާއެއް ދޭން ތައްޔާރުވަމުން ދާ ކަމުގެ ތުހުމަތުގައި މި މަހުގެ 14 ވަނަ ދުވަހު ހައްޔަރުކުރި އެ މީހާގެ ބަންދަށް 10 ދުވަސް ކްރިމިނަލް ކޯޓުން ވަނީ އިތުރު ކޮށްދީފަ އެވެ. ރ. މަޑުއްވަރީ އެ މީހާގެ ބަންދުގެ މުއްދަތަށް ފުރަތަމަ ދިން 10 ދުވަސް މިއަދަށް ހަމަވާތީ، މުއްދަތު އިތުރުކުރަން ކޯޓަށް ގެންދާ ގޮތަށް ވަނީ ނިންމާފައި ކަމަށް ވެ އެވެ.
މި މައްސަލައިގެ އިތުރު ތަފްސީލެއް ރަސްމީ އެއްވެސް އިދާރާއަކުން އަދި ހާމައެއް ނުކުރެ އެވެ.
ވެލާނާ އިންޓަނޭޝަނަލް އެއާޕޯޓްގައި އިއްޔެ އިން ފެށިގެން ސިފައިން އަންނަނީ ހަތިޔާރާ އެކު ސަލާމަތީ ކަންތައް ބަލަހައްޓަމުންނެވެ. އެކަމަކު އެއީ ރާއްޖޭގައި ދޭން އުޅުނު ޓެރަރިސްޓް ހަމަލާއާ ގުޅިގެން ނޫން ކަމަށް ޑިފެންސް މިނިސްޓަރު އާދަމް ޝަރީފް އިއްޔެ ވަނީ ވިދާޅުވެފަ އެވެ.
ތުރުކީ މަގުން ސީރިއާ އަށް ދާން އުޅުނު ތިން ދިވެއްސަކު ހައްޔަރުކޮށް، ބަންދުގެ މުއްދަތު ވެސް ވަނީ އިތުރުކޮށްފަ އެވެ.
