ސްޓެލްކޯގެ މައި އިމާރާތް: ތެލުގެ އަގު ބޮޑުވި ނަމަވެސް ފިއުލް ސާޗާޖު މިވަގުތު ނުނަގާ ގޮތަށް ވަނީ ނިންމާފައި.
02 އޮކްޓޯބަރ 2017 - 12:50
30 comments
އެސްޓީއޯ އިން ވިއްކާ ތެލުގެ އަގު ބޮޑުކުރި ނަމަވެސް ފިއުލް ސާޗާޖު މިވަގުތު ބޮޑުނުކުރަން ނިންމާފައިވާ ކަމަށް ސްޓެލްކޯ އިން މިއަދު ބުނެފި އެވެ.
ކަރަންޓުގެ ހިދުމަތް ދޭ ސަރުކާރުގެ މައި ކުންފުނީގެ ސީއީއޯ އަހުމަދު ޒުހޫރު ވިދާޅުވީ ތެލުގެ އަގު ބޮޑުވި ނަމަވެސް މިވަގުތު ކަރަންޓުގެ އަގު ބޮޑުނުކުރަން ރައީސް އަބްދުﷲ ޔާމީން އަންގަވާފައިވާ ކަމަށެވެ.
"ރައީސް ވަނީ ކަރަންޓުގެ އަގު މި ވަގުތު ބޮޑުނުކުރައްވާނެ ކަމުގެ ޔަގީންކަން ދެއްވާފައި. ރައީސް ބޭނުންފުޅެއް ނުވޭ ރައްޔިތުންނަށް މިވަގުތު އިތުރު ބުރައެއް ޖައްސާކަށް. އެހެންވެ މި ކުންފުނިން ދޭ ކަރަންޓުގެ އަގު ބޮޑު ނުކުރަން ވަނީ ނިންމާފައި،" ޒުހޫރު ވިދާޅުވި އެވެ.
ކަރަންޓުގެ ހިދުމަތް ދޭ ކުންފުނިތަކަށް ޑީސަލް ގަންނަން ލިބޭ އަގު ލީޓަރެއް 8ރ. އަށް ވުރެ ބޮޑުވާ ނަމަ އިތުރުވާ ކޮންމެ ދިހަ ލާރިއަކުން ތިން ލާރި ފިއުލް ސާޗާޖުގެ ގޮތުގައި ނެގޭ ގޮތަށް އެނާޖީ އޮތޯރިޓީން ހުއްދަ ދީފައިވެ އެވެ.
ސްޓެލްކޯ އަށާއި ފެނަކަ އަށް ޑީސަލް ސަޕްލައިކުރާ އެސްޓީއޯ އިން މިއަދުން ފެށިގެން ވަނީ ޑީސަލް ލީޓަރެއް ވިއްކާ އަގު 9.17ރ. އަށް ބޮޑުކޮށްފަ އެވެ.
ސްޓެލްކޯ އިން މިދިޔަ ޖުލައި 1 ވަނަ ދުވަހާ ހަމަޔަށް ފިއުލް ސާޗާޖުގެ ގޮތުގައި ޔުނިޓަކަށް 35 ލާރި ނަގާފައިވެ އެވެ. އޭގެ ފަހުން ފިއުލް ސާޗާޖު ސްޓެލްކޯ އާއި ފެނަކަ އިން ނަގަމުންނެއް ނުދެ އެވެ. ސަބަބަކީ ޖޫން މަހު ތެލުގެ ޑިއުޓީ ފަސް ޕަސެންޓަށް ސަރުކާރުން ކުޑަކުރުމެވެ.
ސްޓެލްކޯ އިން ފިއުލް ސާޗާޖު މި ވަގުތު ނުނަގަން ނިންމި ނަމަވެސް ފެނަކަ ކޯޕަރޭޝަނުން ނިންމާފައިވާ ގޮތެއް އަދި ސާފެއްނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗިކުސް
02 October 2017
ދެން ކޮންމެވެސް ނަމެއްގަ ތި ރައްޔިތުން އަތުން ނަގާނެ. މީ ޔަގީން ކަމެއް.
ކުނި
02 October 2017
ރައްޔިތުން އަތުން ފައިސާނެގުމާ އިސްރާފު ބޮޑުސަރުކާރެއްމީ ސަރުކާރު ކުނަފުނިތަކަށް ޕާޓީ މީހުން ވެއްދުމާ ކުރި ހުރިހާވައްކަމެއްެ އަގު ދައްކަންޖެހުނީ ރައްޔިތުންނަށް ހިތަކުން މިކަންކަން ފިލައެއް ނުދާނެ
އައްޑޫ ރަދުން
02 October 2017
ކަރަންޓު ބިލު ބޮޑުވުމާ ކުޑަވުން މިހީ ރޫހާނީ ކަމެށް
އިމާދު
02 October 2017
ބޮޑުކުރާނެ، އެކަމަކު ބިލަމުން ނުފެންނާނެ، ކަރަންޓް އަގުބޮޑުވާނެ، ފިއުލް އަގުބޮޑުވުމުން ހުރިހައި އެއްޗެއްގެ އަގުމައްޗަށްދާނެ އިންފްލޭޝަން މައްޗަށްދާނެ، އޭގެ ސަބަބުން ތަންތަނުގެ ކުލި ބޮޑުވާނެ، އެއްޗެތީގެ އަގު ބޮޑުވާނެ
މެންޓަލިސްޓް
02 October 2017
ހާދަހެޔޮފުޅޭ ،، ކަރަންޓްއަކީވެސް މީހުންގެ ހިއްތަކުގައި ފިޔަރ އުފައްދާއެއްޗެއް ،،، ވަރަށްގިނަގޭގައި ކަރަންޓްބިލް ބޮޑުވެދާނީވެ ބިރުން އެތަށްކަމެށް ނުކޮށްހުރޭ ،،، ދަރީންނަށްވެސް އަނގާ ބޮކިނިއްވަން ،، ފަންކާނިއްވަން ،،، އޭސީނިއްވަން ،، ނުޖައްސަން ،،، ވަކިގަނޑިތަކެއްނޫނީ ،،، އެވެސް ޒާތެއްގެ ބިރުދެއްކުމެށް ،،، އިންސާނުން އެބަޖެހޭ ފްރީވާން ،، ފްރީޑަމްހޯދަން ،، ހުރިހާ ބިރުތަކުން ސަލާމަތްވާނެ ،،، އޭރުން ރަގަޅު ސޮސައިޓީޢެއް ބިލްޑްވާނީ ،،، ވަރަށްވެދުން
އެމީހާ
02 October 2017
ގައިމު ފެނަކަ އަށް ތެޔޮ ގަންނަނީ ރައްޔިތުންގެ މަޖިލިސް ގެ މެމްބަރުންގެ ހިއްސާ ހުރި ކުންފުނިތަކުންނޭ މީގެ ކުރިން ކީ ޙަބަރެއްގަ އޮތް.
ޔަގީނޭ
02 October 2017
ތެލުގެ އަގު ބޮޑުވި ނަމަވެސް ސްޓެލްކޯއިން ފިއުލް ސާޗާޖު ބޮޑު ނުކުރަން ނިންމައިފި ނަމަ މާލެ ވިލިގިލީގައި އޮތް ފުޓް ބޯޅަ ކުޅޭ ސްޓޭޑިއަމް ދޫކޮށްލަންވީ ސްޓެލްކޯ އަށް 1000 އަހަރު ދުވަހަށް ކުއްޔެއް ނެތި ހިލޭ އެ ދަނޑުގެ ކޮށީގައި ވާ ހުސް ތަންތަނާއި އެކު. ފުޓްސަލް ދަނޑު ވެސް ދޭނީ އެވެ. ދެން އެތަނުގައި ސްޓެލްކޯ އާއި އެމްޓީސީސީ ގުޅިގެން ބީއެމްއެލް އިން ލޯނެއް ނަގައިގެން 35 ބުރީގެ އިމާރާތެއް ކޮށް އެ އިމާރާތުގެ އެންމެ މަތީ ބުރީ ގައި ފުޓް ބޯޅަ ދަނޑު ހެދީމާ ނިމުނީ އެއް ނޫން ދޯ.
ފޮނިޓައްޕު ހަސަނު
02 October 2017
ތިހިން ނަހަދާ ބޮޑުކުރެވެން ހުރިއެއްޗެއް ބޮޑު ކުރޭ. ރައްޔިތުން ޖެހޭނީ ހަމަ ބޮޑޭ ބޮޑޭ ކިޔަކިޔައި ތިބެން. އެކަމަކު 2018ގައި ރައްޔިތުން ވަރަށް ރަނގަޅަށް ވޯޓުން ބަދަލު ހިފާނެ. އެދުވަސް މިހާރު އެހެރީ ކައުންޓް ޑައުން ފެށިފަ.
ލައްކަވާހަކަ
02 October 2017
ދެން އެންމެން އަތް ޖަހަމާ..!!
ދެކޮޅުވެރިޔާ
02 October 2017
އަނެއްކާ ވެސް ތިޔަ ދިޔައީ މީގެ 10 އަހަރު ފަހަތަށް. މިހާރު ދުނިޔޭގައި ތިއްބެވި ގިނަ ބޭފުޅުންނަށް އެނގިވަޑައިގަންނަވާނެ މައުމޫނުގެ ދައުރު ނިމުނުއިރު ރާއްޖޭގައި ފެނާއި ކަރަންޓުދިން ކުންފުނިތައް އޮތީ ދަރާ ވިކިފައި. އެއިން ކޮންމެ ކުންފުންޏަކުން އެތައް މިލިއަން ރުފިޔާއެއް ސަރުކާރަށާއި އެސްޓީއޯއަށާއި އެކި ތަންތަނަށް ދައްކަން ޖެހި ނުދެއްކިފައި އޮތީ. އެކަން އެހެން އޮއްވާ މިއައި ސަރުކާރުތަކުން (މަދެން ނަޝީދޭ ބުނާކަށް ނެތިން) މި ކުންފުނިތައް މިވަނީ ކޮޅަށް ޖަހާފައި. އަނެއްކާވެސް ތެލުގެ އަގު ބޮޑުވެ ކުންފުންޏަށް ގެއްލުން ބޮޑުވަމުން ބޮޑުވަމުން އެސްޓީއޯގެ ކުރެޑިޓު ފެސިލިޓީޒް ބޮޑުވަމުން ގޮސް ގައުމުގެ ދަރަންޏާ އެތަންތާނގެ ދަރަނި ބޮޑުވެގެން ގޮސް ސޯމާލިއާ ބުރެޒިލްފަދަ ގައުމުތަކުގެ ދަރަޖައަށް ވައްޓާލާފައި ނޫނީ މިކަން ނުނިމޭނެ