ނަފް ކޯރު ހުރަސްކޮށް ރަކީން ސްޓޭޓުން ބަންގްލަދޭޝް އަށް އެތެރެވި ރޮހިންޖާ ބަޔަކު ގޮނޑުދޮށުގައި ހިނގާފައި ދަނީ. --ފޮޓޯ:އޭއެފްޕީ
02 އޮކްޓޯބަރ 2017 - 17:18
1 comments
ރަކީން (އޮކްޓޯބަރު 2) - މިއަންމާގެ ރަކީން ސްޓޭޓުގައި ހަމަޖެހުން ގާއިމްވެފައިވާކަން ދެއްކުމުގެ ގޮތުން އެ ސްޓޭޓުގެ ސްކޫލްތައް ހުޅުވައިފި އެވެ.
އެކަމަކު އޮގަސްޓް މަހު ފަހުކޮޅު ރަކީން ސްޓޭޓުގައި ހިންގި އަނިޔާވެރި އަމަލުތަކުގެ ސަބަބުން އެ ސްޓޭޓު ވަނީ ގާތްގަނޑަކަށް ފަޅުވެފަ އެވެ. މުސްލިމުންގެ އަވަށްތަކުގައި އަލިފާން ޖަހާ އިމާރާތްތައް ވަނީ ހަލާކުކޮށްފަ އެވެ. ނަތީޖާއެއްގެ ގޮތުން ބައި މިލިއަނެއްހާ ރޮހިންޖާ ރެފިއުޖީން ވަނީ އަވަށްޓެރި ބަންގްލަދޭޝް އަށް އެތެރެވެފަ އެވެ. މިއީ ރަކީންގެ މުސްލިމުންގެ އާބާދީގެ ދެބައިކުޅަ އެއްބައި މީހުންނެވެ. ރަކީންގައި މިއަންމާ ސިފައިން ހިންގި އަނިޔާވެރި އަމަލު އދ. އިން ސިފަކޮށްފައި ވަނީ ނަސްލެއް ނެތިކޮށްލުމުގެ ގޮތުގަ އެވެ.
މިއަންމާގެ އެޑިއުކޭޝަން މިނިސްޓްރީގެ އޮފިޝަލުން ބުނީ ރަކީންގައި އެންމެ ބޮޑަށް ހަމަނުޖެހުން ހިންގި މައުންގްޑޯ އާއި ބުތިޑައުންގް ޓައުނުގެ ސްކޫލްތައް ހުޅުވާ ކިޔަވައި ދޭން ފަށާފައިވާ ކަމަށެވެ. މިއަންމާގެ ނޫހެއް ކަމަށްވާ ގްލޯބަލް ނިއު ލައިޓް އިން ބުނީ ރަކީންގެ އަވަށްތަކަށް މިހާރު ހަމަޖެހުން އައިސްފައިވާ ކަމަށާއި މިހާރު އެ ތަންތަން ރައްކާތެރި ކަމަށެވެ.
މިއަންމާ ސަރުކާރުން ބުނީ ރޮހިންޖާ މީހުން މިހާރު ބަންގްލަދޭޝް އަށް ދަނީ ރަކީންގެ ހާލަތު ގޯސްވެގެން ނޫން ކަމަށެވެ. މިއަންމާ ހުރަސްކޮށް ބަންގްލަދޭޝް އަށް ވަނުމަކީ ވެސް ނުރައްކާ ދަތުރެކެވެ. ކަނޑުމަގުން ބަންގްލަދޭޝް އަށް އެތެރެވާން އުޅެނިގެން މިދިޔަ ހަފުތާގައި ވަނީ ބޯޓު ފެތިގެން 60 އަށް ވުރެ ގިނަ ރެފިއުޖީން މަރުވެފަ އެވެ.
އދ.ގެ މަންދޫބުންނާއި ޑިޕްލޮމެޓުން ރަކީން ސްޓޭޓަށް މިއަދު ގެންދާ ގޮތަށް މިއަންމާ ސަރުކާރުން އޮތީ ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުވެހިން
04 October 2017
ބަދަލު ހިފާނެ ބަޔަކު އަދި ފާޅުވާނެ ތިޔަހާ ފިނިކޮން އެތައްބަޔަކުގެ ފުރާނަ ހަނދާން ނައްތާނުލެވޭނެ އދ ގެ ސުލްހަ ބަލަހައްޓާ ފައުޖުތައް ކޮބާތަ؟ދެން ދިވެހި މޮޑަރޭޓް މިސްލިމުން ގޮވާނެ ދީނަކުނެތޭ ރޮހިނޖާ މުސްލިމުންގެ މިނިވަން ކަމުގެ ވަހަކައެތް.