ރޮހިންޖާގެ ބައެއް މީހުންނާއެކު ޑރ. މަޖީދު އަދި އިސްލާމިކް ފައުންޑޭޝަންގެ ބައެއް އިސްވެރިން: ރޮހިންޖާ މުސްލިމުންގެ ހާލަތު ދަށް ކަމަށް އޭނާ ވިދާޅުވި-- ފޮޓޯ: އިސްލާމިކް ފައުންޑޭޝަން
08 އޮކްޓޯބަރ 2017 - 12:49
10 comments
މިޔަންމާއިން އަވަށްޓެރި ބަންގްލަދޭޝްއަށް ހިޖުރަކޮށްފައިވާ ރޮހިންޖާ މުސްލިމުންގެ ހާލަތު، ދުލުން ބަޔާންކޮށްދެއްވޭ ވަރަށް ވުރެ ދަށް ކަމަށް، މިހާރު އެ ގައުމުގައި ހުންނެވި ކުރީގެ އިސްލާމިކް މިނިސްޓަރު ޑރ. އަބްދުލްމަޖީދު އަބްދުލްބާރީ މިއަދު ވިދާޅުވެއްޖެ އެވެ.
ރޮހިންޖާގެ މުސްލިމުންނަށް އެހީވުމަށް، އިސްލާމިކް ފައުންޑޭޝަން އޮފް ދި މޯލްޑިވްސްއިން އެއްކުރި އެއް މިލިޔަން ރުފިޔާ ހަވާލުކުރަން، ބަންގްލަދޭޝްގައި ހުންނެވި މަޖީދު ވިދާޅުވީ ރެފިއުޖީން ތިބީ ކާއެއްޗެއް ލިބުން ވެސް އުނދަގޫ ހާލަތެއްގައި ކަމަށެވެ.
"މުޅި ދުވަހު އެއް ޓެންޓުން އަނެއް ޓެންޓަށް ހިނގައިގެން، އެ މީހުންނަށް ކުޑަ ހަނޑޫކޮޅެއް ލިބޭއިރު ހުންނަނީ އިރުއޮއްސިފައި. އޭތިކޮޅު ކައްކާލައިގެން ކުޑަކުދިންނަށް މި ކާންދެވެނީ ވެސް،" މަޖީދު ވިދާޅުވި އެވެ.
"އަޅުގަނޑަށް ސިފަކޮށްދެވޭ ވަރަށް ވުރެ އެ މީހުން ތިބި ހާލަތު ދެރަ."
ދިވެހިން ރޮހިންޖާގެ މުސްލިމުންނާ އެކުގައި ތިބިކަން އަންގައިދޭ ބޯޑަކާ އެކު އިސްލާމިކް ފައުންޑޭޝަންގެ ބައެއް އިސް ވެރިންނާއި ރޮހިންޖާގެ ބައެއް މީހުން ފޮޓޯއަކަށް ހުއްޓިގެން-- ފޮޓޯ: އިސްލާމިކް ފައުންޑޭޝަން
އޭނާ ވިދާޅުވީ ދެ ގައުމުގެ ސަރަހައްދީ ރޮނގު ކައިރީގައި ތިބި ރޮހިންޖާ މުސްލިމުންގެ ޓެންޓުތަކުގެ މަތިން މިޔަންމާގެ ހެލިކޮޕްޓަރުތައް އުދުހޭތަން ފެންނަ ކަމަށެވެ. އެ މީހުންގެ ހަމަލާއެއް އަތުވެދާނެ ކަމަށް ހީކޮށް އިއްޔެ ވެސް ބައެއް ޓެންޓުތަކުން މީހުން ހުސްކުރި ކަމަށް ވިދާޅުވި އެވެ.
"އަޅުގަނޑުމެން އެތަނުގައި ތިބޭއިރު ފެނޭ، ބޯޑަރުގެ މިޔަންމާއާ ވީ ފަޅި [ރޮހިންޖާ މުސްލިމުން ތިބޭ އަވަށް] އަނދާތަން. އިއްޔެ ހަމަ ނޫސްތަކުން ފެނުނު އިތުރު 10،000 މީހުން އެ އަވަށުން ބަންގްލަދޭޝްއަށް އެތެރެވި ކަމަށް،" މަޖީދު ވިދާޅުވި އެވެ.
އިސްލާމިކް ފައުންޑޭޝަނުން ވަނީ އިސްލާމީ ޖަމާއަތެއް ކަމަށް ވާ އިސްލާމިކް ރިލީފް ވޯލްޑްވައިޑްއާ ހަވާލުކޮށްގެން ރޮހިންޖާގެ މުސްލިމުންނަށް އެއް މިލިޔަން ރުފިޔާ ހަދިޔާކޮށްފަ އެވެ.
އޭގެ އިތުރުން ހަތަރު ދުވަސް މަތިން ޓެންޓުތަކަށް ވަދެ، ވަކިވަކިން މީހުންނަށް ފައިސާ އާއި އަންނައުނާއި ލުއި ކާނާ ވެސް ދިވެހި ވަފުދުން ހަދިޔާކުރި އެވެ.
މަޖީދު ވިދާޅުވި ގޮތުގައި ހާލުގައި ޖެހިފައި ތިބޭ ބައެއްގެ ފަަރާތުން ފެނިވަޑައިގެންފާނެ ކަމަށް ކުރިން ހީކުރެއްވި ފަދަ ކަމެއް ފެނިވަޑައެއް ނުގަންނަވަ އެވެ.
"ފަހަތުން ހިނގައި ސަލާން ޖަހައިނުހަދާ،" މަޖީދު ވިދާޅުވި އެވެ.
އޭނާ ވިދާޅުވި ގޮތުގައި ރޮހިންޖާ މުސްލިމުންގެ ފަރާތުން ފެނުނީ ރީތި އަހުލާގެވެ.
ރޮހިންޖާގެ މުސްލިމުންނަށް އެހީވާން އިސްލާމިކް ފައުންޑޭޝަނުން އެއްކުރި އެއް މިލިޔަނަށް ވުރެ ގިނަ ރުފިޔާ، އެ ފައުންޑޭޝަނުން އިސްލާމިކް ރިލީފް ވޯލްޑްވައިޑާ ހަވާލުކުރަނީ
މަޖީދު ވިދާޅުވީ މިޔަންމާ ވަށައިގެންނާއި ކައިރީގައި ޗައިނާ އާއި އިންޑިއާ ފަދަ ބޮޑެތި ގައުމުތައް އޮތް އިރު އެ މީހުންގެ އެއްވެސް އެހީތެރިކަމަކާއި އެއްބާރުލުމެއް ރޮހިންޖާގެ މުސްލިމުންނަށް ނުލިބޭ ކަމަށެވެ.
ރޮހިންޖާގެ މިލިޔަނެއްހާ މުސްލިމުން ހާލުގައި ޖެހިފައިވާއިރު، ވަކިވަކި ފަރުދުންނަށް ބަދަލުކުރެވޭ ވަރަށް ވުރެ އެ މީހުންގެ ހާލަތު ދަށް ކަމަށް މަޖީދު ވިދާޅުވި އެވެ.
އިސްލާމިކް ފައުންޑޭޝަންގެ ފަރާތުން ރޮހިންޖާގެ މުސްލިމުންނަށް އެއް މިލިޔަން ރުފިޔާ ހަދިޔާ ކުރެއްވީ އެ ޖަމިއްޔާގެ ރައީސް އިބްރާހިމް ފައުޒީ އާއި ސެކެޓަރީ ޖެނެރަލް އިބްރާހިމް ނާޒިމް އަދި މަޖީދެވެ.
ސޯމާލިޔާއަށް 2011 ގައި ދިމާވި ބަނޑުހައިހޫނުކަމުގެ ކާރިސާގައި ވެސް އެ ފައުންޑޭޝަނުން ދިން ފައިސާގެ އެހީ ހަވާލުކުރީ އިސްލާމިކް ރިލީފް ވޯލްޑްވައިޑާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާލީމާ
09 October 2017
ނުބައިވެގެންވާ ނުބައިމީހުންގެ އަތްތަކުން މުސްލިމުން ސަލާމަތްކޮށްދެއްވާ ރައްކާތެރިކޮށްދެއްވާށި! އާމީން! -އިބްރާހީމް-
ޔެސްބުރޯ
08 October 2017
އިސްލާމިކް ރިލީފަކީ ވަރަށް ބަރާބަރު ފަންޑެއް. މުސްލިމުން ހާލުގައި ޖެހޭ ކޮންމެތަނެއްގައިވެސް ހަރަކާތްތެރިވާ މިގުރޫޕަށް ހުޅަނގުން ޓެރަރިސްޓުންނަށް ފަންޑުކުރާ ތަނެކޭ ބުނެ ހަގީގަތެއް ނެތް އެތަށް ވާހަކަޔެއް ހަދައިގެން ދައްކާ. އެމީހުންބޭނުންނުވޭ ޔޫއެން ފަދަ ޖަމާއަތްތަކުން ކޮންޓްރޯލްނުވެ މުސްލިމު އެއްވެސް ބަޔަކަށް އެހީ ވެދޭކަށް. ޝުކުރިއްޔާ ބާރީ... އަމިއްލަ ރިސޯޓުންވެސް އިތުރު ބަންޑެއްޔެއް ހިފައިގެން ދިޔަނަމަ އިތުރަށް ފުރިހަމަވީސް. 50،000 ޑޮލަރަކީ ބާރީމެން ދަތުރުކުރައްވާއިރު ގެންގުޅޭ ވަރުގެ ކުޑަ ޕޮކެޓް ކޭޝް ކޮޅެއް.
ދަރުމަ
08 October 2017
ޝުކްރިއްޔާ ޑޮކްޓަރ މަޖީދު އަދި ބައިވެރިން
މެންޓަލިސްޓް
08 October 2017
ކޮންމެ ހަގުރާމައެއްގައިވެސް އަދި ދުނިޔެ ދުއް އެތެނިކް ކުލިންސްނިންގް ތަކުގައި ވިކްޓްމައިޒްވެގެންދާ މީހުންގެ ހާލަތް ވަރަށްދައްވާނެ ،، ޔަމަންގައިވެސް ،، އިރާގް ލީބިޔާ އަފްގާނިސްތާން ފަލަސްތީން މިހުރިހާ ތަނެއްގައިވެސް ކަންހުރީއެހެން ،، އެފްރިކާގެ ގައުމުތަކުގެ އަހްލީހަނގުރާމަތަކުގައިވެސް ފެންނާންއޮތީއެއްކަމެށް ،،، އިންސާނިޔަތުަކަންގެއްލި ކެނިބަލިޒަމްގެ ނިޝަންތަށް ފެންނާންހުންނާނީ ،، ދުނިޔޭގައި އިންސާނީ ތާރީހްފެށުނީއްސުރެން ކޮންމެވެސް ބައްރެއްގައި ތިޔަޒާތުގެ ކަންކަން ހިނގަމުންދާނެ ،، އިންސާނުން އުޅެމުންއައީ ވަރަށް ރެބެލް ޓެރިޓޯރިއަލް ސިސްޓަމްއެއްގައި ،، އެހެންވެ ކޮންމެ ގައުމެއްގައި ދިދަޖަހާ ވަކިނަމެށްކިޔާ ވަކިނަސްލްތަށް ފާހަގަކޮށް އެއުޅެނީ ،،، އެއްބަޔަކު އަނެއްބައެއްގެ މައްޗަށް ގަދަވެގަތުމާއި ބާރުދެއްކުން އޮންނާނީ ،، ހަރުކަށި ގާނޫންތަކާޢި ގަވާޢިދުތަކުން ބޮޑެތި އަދަބުދީގެންވެސް ކޮންޓްރޯލްކުރެވޭ ،، އަދިލޯތްބާޢި އިހްތިރާމުން ދާއިމީހައްލެއް ލިބޭނެ ،، ވަރަށްވެދުން
އަހައްމާ
08 October 2017
މިތާނގެ ހާލަތުވެސް ހަމަ ތިހެން. އިންސާފުގެ ކަންފުޅެއްނެތް. މީހުން މަރަނީ. ޝަރީއަތެއް ރަނގަޅު ނުކުރެވޭ. ވައްކަންކުރަނީ އިންތިހާއަށް. ދޮގުހަދަނީ، މަކަރުހަދަނީ ވަގުހަދަނީ ވެރިކަމާހެދި ތަޅާފޮޅަނީ ހަމަނުޖެހުމަށް ވައްޓަން އުޅެނީ. ކަލޭމެން އެބައުޅެންތަ މިތަން ރަނގަޅުކުރަން އެހެން ތަންތާ ވާހަކަ ދައްކާއިރު
ދިވެހިދިދަ
08 October 2017
ތިޔަހާވަރަށް ދިވެހި ދިދަ ނުޖަހާ އެމީހުންނަށް އެހީ ފޯރުކޮށްދިނުން މާރަނގަޅުވާނެ ހެން ހީވޭ.
ސަކީނާ
08 October 2017
އެހީވުން ރަނގަޅެވެ. އެކަމަކު ހާލުގައި ޖެހިފައި ތިބި ބަޔަކަށް އެހީދީފައި އެމީހުން ލައްވައި ދިވެހި ދިދަ ހިފުވައިގެން ތިބޭ ގޮތަށް ހެދީމަ މަށަށް ފެންނަނީ ދެއްކުންތެރިކަމެވެ. ނޫނީ ހާލަތުގައި ނާޖާއިޒު ފައިދާ ނެގުމެވެ. އިސްލާމްދީނުގައި މީހުންނަށް އެހީވުން އޮންނަނީ ކަނާތުންދޭ އެއްޗެއް ވާތަށްވެސް ނޭނގޭހާ ސިއްރުން ދިނުމެވެ. އެހީވެފައި އެވާހަކަ ދެއްކުމެއް ނޯވެއެވެ.
މަނަދޫ ގާދިރު
08 October 2017
ޟމަޖީދުމެން ކަންތައް ތިކުރަނީ ވަރައް ދެރަކޮއް..ތިޔަހެން ފަހަރަކު ބަޔަކު ލާރިކޮޅެއް ދިނީމަކާ ތިޔަހާ ގިނަ މީހުންނަކައް އެހީ އަކައް ނުވާނެ. ޜާއްޖޭން ދޭން އެހީއެއް އެއްކޮއް ދިނީމާ ވަރައް ރަގަޅު އެޙީ އަކައް ވާނެ. ޣައްޒާގެ ރައްޔަތުން ނައް އެހީދިން ގޮތައް. ޜާއްޖެ ޓީވީ ލާރި ވަކިބަޔަކައް މަޖީދު މެން ވަކިބަޔަކައް.ސަރުކާރުން ވަކިބަޔަކައް.. މީތި ކަޑައޭ މަޖީދު.
2589
08 October 2017
ސައުދީން ބޮންއަޅާ ސުންނާފަތި ކުރާ ޔަމަނުގެ ހާލަތާ މެދުވެސް ދިވެހިން ކަމެއް ކުރަންޖެހޭ!
ސަޅިބައިސާ
08 October 2017
ޢަރަބިވެރިން ބިލިއަން ބިލިއަން ޑޮލަރުގެ ހަތިއާރުގަތުމާއި ގައުމުތަކުގެ ދާޚިލީ ކަންކަމަށް އަތްބޭނުމުގަ އަވަދިނެތި. އެމެރިކާގެ ރުހުންލިބޭތޯ ތެޅިމަރުވަނީ. ގައިމުވެސް މިއަދު މިތިބަ އިސްލާމީ ވެރިންނާ ނިކަމެތި މި އަޚުންގެ މައްސަލައިގާ ސުވާލުކުރެވޭނެ.