ރައްޔިތުންނާ އެކު ބޭއްވި ބައްދަލުވުމެއްގައި ސޯބެ ވާހަކަ ދައްކަވަނީ.
14 އޮކްޓޯބަރ 2017 - 11:39
66 comments
ފެނަކަ ކޯޕަރޭޝަނުން އައްޑޫގައި ދޭ ފެނުގެ ހިދުމަތް ނުހޯދުމަށް އައްޑޫ ރައްޔިތުންނަށް މޭޔަރު އަބްދުﷲ ސޯދިގް (ސޯބެ) ރޭ ގޮވާލައްވައިފި އެވެ.
އިދިކޮޅު ޕާޓީތަކުން ރޭ އައްޑޫގައި ބޭއްވި ޖަލްސާގައި އޭނާ ވިދާޅުވީ މި މަހުން ފެށިގެން ބިލް ކުރަން ފަށާ އައްޑޫގެ ފެނުގެ ހިދުމަތަކީ ވަރަށް ބޮޑު އަގެއްގައި ދޭން އުޅޭ ހިދުމަތެއް ކަމަށެވެ. އަދި އެ ފެނަކީ ބޯން ވެސް ރައްކާތެރި ފެނެއް ނޫން ކަމަށް ވިދާޅުވި އެވެ.
ސޯބެ ވިދާޅުވި ގޮތުގައި އައްޑޫގައި ފެނުގެ ހިދުމަތަށް ފެނަކައިން ބިލް ކުރަން އުޅެނީ، އެ ހިދުމަތް އެހެން ހިސާބުތަކުގައި ދޭ އަގަށް ވުރެ ތިން ގުނަ ބޮޑުކޮށެވެ.
"އެހެންވެ އަޅުގަނޑު ގޮވާލަން އައްޑޫ ރައްޔިތުން އެ ފެނުގެ ހިދުމަތް ނުހޯދަން،" އޭނާ ވިދާޅުވި އެވެ.
މޭޔަރު ވިދާޅުވީ ރައްޔިތުންނާ ގުޅުން ހުރި މިފަދަ އަސާސީ ހިދުމަތްތައް އެކަށީގެންވާ ގޮތަކަށް، ފޯރުކޮށް ދެވުމުގެ ގާބިލްކަން ސަރުކާރުގައި ނެތުމުން އެކަމުގެ ކަންބޮޑުވުންތަކާ އެކު ރައްޔިތުން ކައުންސިލާ ހަމައަށް އަންނަ ކަމަށެވެ.
އައްޑޫގެ ފެނުގެ އަގުގެ މައްސަލާގައި، ރައްޔިތުންގެ މަޖިލީހުގެ އައްޑޫގެ ބައެއް މެމްބަރުން ވެސް ވަނީ ކަންބޮޑުވުން ފާޅުކޮށް، އެ ހިދުމަތް ނުހޯދަން ގޮވާލައިފަ އެވެ. އަދި މި މައްސަލަ ރައްޔިތުންގެ މަޖިލީހަށް ވެސް ހުށަހެޅި އެވެ.
ފެނަކަ އިން އައްޑޫގެ ގޭބިސީތަކަށް ފެނުގެ ހިދުމަތް ދޭން ނިންމާފައި ވަނީ ޓަނެއް 65ރ. އަށެވެ. އަދި ވިޔަފާރިތަކަށް ޓަނެއް 100ރ. ގެ ރޭޓުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހއްމަދު ނަސީމު
15 October 2017
ސްޓެލްކޯ އިން ކަރންޓު އުފައްދަށް ދީސަލް ބޭނުންކުރާވަރަށް ، އެމް ޑަބުލިޔު އެސް ސީ ން ފެން އުފައްދަން ޑީސަލްބޭނުންނުކުރާނެ، ފެނާ އަޅާކިޔާނަމަ ކަރަންޓު އުފައްދަށް ކުރާ ހަރަދު ހާސްބައި ތަފާތުވާނެ ދީދީ މިކަމާ ވިސްނާލާ ކަނޑުން ލޮނުނަގާފަ އޭގެ އަގަށް ކަނޑުރަސްގެފާނަން އެއްމެ ލޯ ލާރިއެއްވެސް ނުދޭ........ ވ ވެދުން
ކޯހެރަ
15 October 2017
ބަލަ ސޯބެ ތިޔަބުނާ ފެން އައްޑޫ ރައްޔިތުން ބޭނުން ކުރާތާ ކިހާ ދުވަހެއް ވެއްޖެކަން ސޯބެ އަށް އެނގިލައްވާތޯ ކީއްވެގެންތޯ އަންނި ދައުރުގައި ތިޔަބުނާ ފެން ގުޅުމުން ފެން ބޭނުން ނުކުރާށޭ އައްޑޫ ރައްޔިތުން ގާތުގައި ނުބުނީ އެ ފެން ބޮއެ ކައްކާ ފެންވަރާ ފެނުން ކުރާނެހާ ކަމެށް ކޮށް އެތަށް ދުވަހެއް ފަހުން ތިޔަހެން ބުނީމާ ވަރަށް ހަޑި ދޯ އައްޑޫ ރައްޔިތުންނާއިމެދު އައްޑޫ ރައްޔިތުން ހޮވާފައިތިބި ކައުންސިލްގެ އިޙްލާސްތެރިކަން ނެތް މިންވަރު އެނގިގެންދޭ ސޯބެ މެން ގެ ޒިންމާ ބުނެ ދީބަލަ އައްޑޫ ރައްޔިތުންނަށްޓަކައި ކައުންސިލުން މިވީހާތަނަށް ކޮއްދިން ކަންތަށް ބުނެ ދީބަލަ
ބެއްޔާ
16 October 2017
އެހެރިނު ޕާކުހަދާފާ. ނުފެނޭތަ؟
ދީދީ
15 October 2017
ބުރޯ ސްޓެލޮކޯއިން ކަރަންޓު ވިއްކައިގެން ފައިދާއެން ނުވެޔޭ މުޅިން ގެއްލުން އެކަމު އެމް.ޑަބްލިއު.އެސް.އޭ އިން ފެން ވިއްކައިގެން ހެސްކިޔާފަ ފައިދާ ދެބައި މިހުން ވެސް ބޭނުން ކުރަނީ އެސްޓީއޯ އިން ވިއްކާ ޑީސަލް މިވެސް އަޖައިބެއް ދޯ
އަބްދުއްލާ
15 October 2017
ތިޔަ ކިޔާ ސޯބު މެންގެ ފެންވަރު ތިޔަ ފެންނަނީ ކޮންމެ ސަރުކާރެއް އޮތަސް ރައްޔިތުންނަށް ރަނގަޅުކަމެއް ވާނަމަ ބަލައިގަންނަން ވާނެ. ބަލައި ނުގަތުމަށް ގޮވާލާ މީހަކީ ގައުމަށް އިހްލާސްތެރިކަމެއް ނެތް މީހެއް.
އަހަންމާބެ
15 October 2017
މިވެރިންގެ ދައުރަކީ ރައްޔިތުންނަށް ގެއްލުންވާ ޒާތުގެ ވާހަކަދައްކައިގެން ރައްޔިތުންނަށް ލިބެންއޮންނަ ފަސާއިން އެމީހުން މަޙްރޫމުކޮށްލުން، މެޖޯރިޓީ ލިބުނީމާ ސަރުކާރަށް ޖެއްސުންކުރަމުން، ރައްޔިތުންނަށް ފޯރުކޮށްދޭ ޚިދުމަތްތަކަށްވެސް ހުރަސްއެޅުން، މިމީހުންގެ ވެރިކަމުގައި 3 އަހަރު ދިޔައިރު ކޮންކަމެއް ކުރެވުނީ، އެއްވެސް ބައެއްނޫންމީ.
އައްޑޫ ބެއްޔާ
15 October 2017
މި އާޓިކަލް ފުރިހަމަ ނުވެއެވެ. އެހެން ހިސާބުރަކުގައި ރޭޓް އޮތް ގޮތް ބުނަންވާނެއެވެ. ސަރުކާރުގެ ކުންފުންޏަކުން މާލޭގައި ފެން ވިއްކަނީ ޓަނެއް 22 ރުފިޔާއަށެވެ. ހަމަ ސަރުކާރުގެ ކުންފުންޏަކުން އައްޑޫގައި ފެންވިއްކަނީ ޓަނެއް 65 ރުފިޔާއަށެވެ. މާލޭގައި ސަރުކާރު ކުންފުނިން ކަރަންޓު ވިއްކަނީ 2.25 އާއި 3.75 އާއި ދެމެދުގައެވެ. އައްޑޫގައި ވިއްކަނީ 2.85 އާއި 6 އާއި ދެމެދުއެވެ.
ދޮގެއްތަ؟
15 October 2017
އާނ ރަނގަޅޭ ރަނގަޅޭ. ވާހަކަ ބަދަލު ކޮށްލާ. ކުރިން ބުނީ ފެނުގެ ޚިދުމަތެއް ނުދެވުނޭ. މިހާރު ތި ކިޔަނީ ފެނުގެ ޚިދުމަތް ބޭނުން ނުކުރާށޭ. ދެން އަނެއްކާވެސް އެހެން އެއްޗެއް ކިޔަން ފަށާ އަޑުވެސް ދުނިޔޭގަ ތިބި ބަޔަކަށް ފެންނާނީ. ސާބަހޭ ތި ޖަހާ މަރުފައްޔަށް.
ބެއްޔާ އައްޑޫ
15 October 2017
ގޭ ވަޑި ތިބި ފެން މަދީ؟؟؟؟؟؟؟؟؟؟؟؟؟؟؟؟؟
ބެއްޔާ އައްޑޫ
15 October 2017
ކިތައް ރައްޔިތުންގެޝަކުވާތޯ؟ ތިޔަ ކައުންސިލް އުފެދުނު ފަހުން މި އަތެޅެ އެއްވިއަސް ކަމަށް ރަގަޅަ ކެރާއް ކެޑެ ކަމައް ދައްކާއްވީ. މީހާއްޓެއި ބޮޑަ ވާހަކަ ދެއްކިގޭމެއި ނިމުނީ. ސަޅިބައިސާ ކަޑާއް ބާތިބާއްވެނީ. ބޮއްސުންލާފައިވާ ހިންގުމުގެ ނިޒާމު ހަރުދަނާ ކުރަން ޖެހޭ. ރައީސް ނަޝީދުގެ ސަރުކާރުގައި ސީދާ ނަޝީދު ވަޑައިގެން ކުރެއްވިކަމެއް ނޫނީ ވެފައެއްނެތް. އޭރުވެސް ތިޔަ ސޯބުތައް އެބުރުނީ ފޮނި ހުވަފެން ބަލައިގެން ބޮޑު ހިޔާލީ ފޮލާ ކެއްކުމުގައި. އަތުން ފައިން އަތަޅަ ތަރައްޤީ ކެރާއް އެއްކަމަސް ނިވެއި. މަ ޕާޓީ ވިޔަސް ހައްޤުބަސް ބެނާއްޖެހެއި ކަަމަށް ނަޝީދު ބެނަނީ
ސަތަރިދޯޏި
15 October 2017
ދެން ސޯބެ މެން ފެނުގެ ހިދުމަތް ދޭންވީނު.....ސިޔާސީ ވައި އަނގަ ނުތަޅާ