ބްރޯޑްކާސްޓިން ކޮމިޝަން (ބްރޯޑްކޮމް)އާ ދެކޮޅަށް ރާއްޖެ ޓީވީން ހިމޭން އިހްތިޖާޖެއް ކުރަނީ: ރާއްޖެ ޓީވީގެ ޖޫރިމަނާ ދެއްކުން ފަސް ކުރުމުގެ އަމުރަކަށް ވަނީ އެދިފައި.-- ފޮޓޯ/މިހާރު
15 އޮކްޓޯބަރ 2017 - 11:31
6 comments
ރާއްޖެ ޓީވީ ފަސް ލައްކަ ރުފިޔާ އިން ޖޫރިމަނާކުރި މައްސަލަ ސިވިލް ކޯޓަށް ހުށަހަޅައި، ޖޫރިމަނާ ފައިސާ ދެއްކުން ފަސް ކުރުމުގެ އަމުރަކަށް ރާއްޖެ ޓީވީން މިއަދު އެދެފި އެވެ.
މީގެ ކުރިން ދެ ފަހަރެއްގެ މަތިން ޖޫރިމަނާ ކުރުމަށް ފަހު މި ފަހަރު ބްރޯޑްކާސްޓިން ކޮމިޝަނުން ރާއްޖެ ޓީވީ ފަސް ލައްކަ ރުފިޔާ އިން ޖޫރިމަނާ ކުރީ ގައުމީ ސަލާމަތަށް ނުރައްކާވާ ފަދަ ކޮންޓެންޓެއް ގެނެސްދިން ކަމަށް ބުނެ އެވެ. އެއީ ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރު މުހައްމަދު މުސްތަފާ އެ ޓީވީގެ ޕްރޮގްރާމެއްގައި ދެއްކެވި ވާހަކައަކާ ގުޅިގެންނެވެ.
އެ މައްސަލަ ރާއްޖެ ޓީވީން މިއަދު ކޯޓަށް ހުށަހަޅައި، ޖޫރިމަނާ ފަސް ކުރުމުގެ އަމުރަކަށް އެދުނީ އެއީ ގާނޫނާ ޚިލާފަށް ކުރި ޖޫރިމަނާއެއް ކަމަށްވާތީ ކަމަށް ރާއްޖެ ޓީވީގެ ސީއޯއޯ ހުސައިން ފިޔާޒް ވިދާޅުވި އެވެ.
ޖޫރިމަނާ ދެއްކުން ފަސް ކުރުމުގެ އަމުރަކަށް ރާއްޖެ ޓީވީން އެދުނު އިރު ޖޫރިމަނާ ފައިސާ ދެއްކުމަށް އަބުރު ފަންޑުގެ ނަމުގައި އެ ސްޓޭޝަނުން ދަނީ ފަންޑެއް ހުޅުވައި، ފައިސާ އެއްކުރަމުންނެވެ. މީގެ ކުރިން އެއް މިލިއަން ރުފިޔާގެ ޖޫރިމަނާއެއް ވެސް ރާއްޖެ ޓީވީގެ މައްޗަށް ކުރި އެވެ.
ޖޫރިމަނާކުރި މައްސަލަ ކޯޓަށް ހުށަހެޅިއިރު ރާއްޖެ ޓީވީން ވަނީ ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބުގެ މައްޗަށް ވެސް ދައުވާ ކުރަން ނިންމައިފަ އެވެ. އިތުރު މެމްބަރުންގެ މައްސަލަތައް ވެސް ކޯޓަށް ހުށަހަޅާނެ ކަމުގެ އިންޒާރު އެ ސްޓޭޝަނުން ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔަގީން
15 October 2017
ތިޔައީ ވަކި ޗެނަލެއް ސެލެކްޓް ކޮށްގެން ކުރެވޭ ސެލެކްޓެޑް ފައިން އެއް އެއްހަމަޔަކު ން އެއް އުޞޫލުން މި ކަން ނުހިންގާތީ އެގޮތަށް އެކަން ހިނގާކަމަށް ނިންމައިފިން
ކާފަ
15 October 2017
ތިކަން މި ގައުމުގެ ކޯޓަކުން ބަލައިގަންނާނެބާ.؟ ލަދުން ބޯހަލާކު. ފަނޑިޔާރުންނެކޭ ވަގުންނެކޭ ހަމަ އެއްވެސް ތަފާތެއްނެތް.
ތަމް
15 October 2017
އެއީ ހަމަ އެކައްޗެއް.
ދޫނި ރާއްޖެ
15 October 2017
ތި އަމުރެއް ކޯޓުން ނެރޭދޭނެ ބާ؟ #ދެންއަތްޖަހާ
ވާލުސޮރު
15 October 2017
މީދެން ބޮޑު ޖޯކެއް ކަހަލަ ކަމެއް!! ޣައިރު ގާނޫނީ އަމުރު ތަކަށް ތަބާ ނުވުމަކީ ކޮންމެ ފަރުތަކަށްވެސް އޮތް އަސާސީ ހައްގެއް. އެހެންވީއިރު ބަޔަކު ޖޫރިމަނާ ކޮށްފީމޭ ބުނެލާއިރަށް އެ ދައްކާފަ މިހާރު ދެން ކޮން އަމުރެއް ހޯދާކަށް. "ތިޔައީ ޣައިރު ގާނޫނީ ޖޫރިމަނާއެކޭ ހަމަ ހިލާ ނުދައްކާނަމޭ" ބުނަން ނުކެރެންޏާ މިފަހަރުވެސް ދައްކާލީމަ ވީއެއްނު!!!
ތަމް
15 October 2017
ގާނޫނީ ހައްގޭ؟ މިސަރުކާރުގައި ތިނަން ކިޔާ އެއްޗެއް ނުދެކެން. ފުލުހުންނާއި ސިފައިން ފޮނުވާ ތަންބަންދުކުރާތަން ފެންނަނީ ތިޔަ ގާނޫނީ ހައްގޭ ކިޔަން ހިތަށް އަރުވާލިޔަސް.