އެތުލެޓިކޯ މެޑްރިޑުގެ ފޯވާޑް އެންޓޮއިން ގްރިޒްމަން ބޯޅަ ފޮނުވާލަނީ. --ފޮޓޯ: އޭއެފްޕީ
16 އޮކްޓޯބަރ 2017 - 11:12
12 comments
މެޑްރިޑް (އޮކްޓޯބަރު 16) – އެތުލެޓިކޯ މެޑްރިޑުގެ ފޯވާޑް އެންޓޮއިން ގްރިޒްމަން ބާސެލޯނާ އަށް އައުމަށް އެ ޓީމުގެ ތަރި ލިއޮނަލް މެސީ ދައުވަތު ދީފި އެވެ.
މެސީ މި ދައުވަތު ދިނީ ސްޕެނިޝް ލީގުގައި މި ދެ ޓީމު ކުޅެ 1-1 އިން އެއްވަރުވި މެޗުގަ އެވެ. މި މެޗުގައި މެސީ އާއި ގްރީޒްމަން ވަނީ މޮޅު ކުޅުމެއް ދައްކައިފަ އެވެ. މެސީ ފޮނުވާލި ހިލޭ ޖެހުމެއް ދަނޑިއަށް އަމާޒުވިއިރު، ގްރީޒްމަން ފޮނުވާލި ހަމަލާތައް ބާސެލޯނާގެ ޖަރުމަނު ކީޕަރު ޓާ ސްޓެގެން ވަނީ މަތަކޮށްފަ އެވެ.
ގްރީޒްމަންގެ ގާތް މީހަކާ ހަވާލާދީ މީޑިއާ ރިޕޯޓްތައް ބުނާގޮތުގައި މެސީ ވަނީ ގްރީޒްމަނަށް އަންނަ އަހަރު މެންޗެސްޓާ ޔުނައިޓެޑަށް ބަދަލުނުވެ ބާސެލޯނާއާ ގުޅުމަށް ދައުވަތުދީފަ އެވެ. ޖަވާބުގައި ގްރީޒްމަން ވަކި އެއްޗެއް ނުބުނާ ކަމަށް ރިޕޯޓްތައް ބުނެ އެވެ.
ނިމިދިޔަ ޓްރާންސްފާ މާކެޓްގައި ގްރީޒްމަން ހޯދަން ޔުނައިޓެޑުން ވަރަށް މަސައްކަތްކުރި އެވެ. ގްރީޒްމަން އެތުލެޓިކޯ ދޫކޮށްނުލީ ފީފާއިން އެ ޓީމަށް ދީފައިވާ ޓްރާންސްފާ އަދަބުގެ ސަބަބުން އެ ޓީމަށް ކުޅުންތެރިން ގެނެވޭނެ ގޮތެއް ނެތުމުންނެވެ. އަދި ގްރީޒްމަން ވަނީ އެތުލެޓިކޯއާ އެކު 2022 ގެ ނިޔަލަށް އެއްބަސްވުން އާ ކޮށްފަ އެވެ.
ރިޕޯޓްތައް ބުނާގޮތުން ގްރީޒްމަންގެ ކޮންޓްރެކްޓްގައި އޭނާ ވަނީ ހާއްސަ މާއްދާއެއް ހިމަނައިފަ އެވެ. އެއީ މި ސީޒަނަށް ފަހު އޭނާ އިހުތިޔާރު ކުރާ ކްލަބަކުން 100 މިލިއަން ޔޫރޯ އަށް ވުރެ މަތީ އަގެއް ހުށަހަޅައިފިނަމަ އޭނާ ދޫކޮށްލަން އެތުލެޓިކޯ އިން އެއްބަސްވާ ގޮތަށެވެ.
މެސީ ވަނީ މީގެ ކުރިން ވެސް ދަނޑުމަތީގައި ބާސެލޯނާ އަށް އަންނަން ކުޅުންތެރިންނަށް ދައުވަތުދީފަ އެވެ. އެގޮތުން ބްރެޒިލް އާއި އާޖެންޓީނާ ކުޅުނު މެޗެއްގެ ތެރެއިން ބްރެޒިލްގެ މިޑްފީލްޑަރު ޕައުލީނިއޯ އަށް ވެސް ދައުވަތު ދީފަ އެވެ. ޕައުލީނިއޯ ވަނީ މިދިޔަ ޓްރާންސްފާ މާކެޓްގައި ބާސެލޯނާއާ ގުޅިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުރަނދު
17 October 2017
މި ސީޒަންގަ އެންމެ ތައްޓެއްވެސް ތިޔަ ބާސާއަކަށް ނެތް ލިބޭކަށް.....!!!!
ޖާރިޔާ އަހުމަދު ދީދީ
16 October 2017
މިދާ ރޭޓުން ދަންޏާ އަދި ރޮނާލްޑޯއަށްވެސް ދައުވަތު ދޭނެ.
ޜޮނަލްޑޯ
16 October 2017
ހެހެ. މެސީގެޓީމެއްތަ ބާސާމީ؟؟؟ މިހާރު އޮޅިއްޖެ. ޢެންމެ ފަހުންވެސްް ޓްރާންސްފާ މާކެޓުގެ މެސީއެދުނު ކުޅުންތެރިންނެއް ބާސާއަކުން ނުހޯދި. އެހެންވެ ބޮޑާހާކަފަ ކޮންޓްރެކްޓް އާނުކޮއްއެއުޅެނީ، އެހެނަސް ބާސާދޫކޮއްލާކަށް ނުކެރޭނެ. ޢެހެންޓީމަކައް ގޮއްސިޔާ ތަރިއޮއްސޭނެކަން ވ ރަނގަޅައް މެސީއައްއިނގޭ.
ރަދީފް
16 October 2017
ވެލްކަމް ޓު ބާސާ.
ޑެފޯ
16 October 2017
ހަހަ، މިއީމަޖާކަމެއް. ދުނީގެ އެންމެ މޮޅެތިކުޅުންތެރިން ލައިގެންވެސްތިކަން ނުވަވީދޯ؟؟
ރަދީފް
16 October 2017
ފުޓްބޯޅަ އެއީ މިހާރު ބޮޑު ވިޔަފާރިއެއްކަން ދަފޯ އަށް ނޭނގުން އެއީ ދެރަކަމެއް.ސޮރީ ބްރަދާ.
ޜަދީފް
16 October 2017
ބޮޑުވިޔަފާރިއެއްނޫނޭ ކާކުތަބުނީ؟ މިދައްކަނީ ކާމިޔާބުނުލިބޭވާހަކަ. މިކަހަލަ އަރަމުންދާ ސްޓާރުންގެންގޮސް ޓީމު ފުލް 11އިން ފުރުސަތުނުލިބޭތީ ކުޅުންތެރިންގެ ފޯމުގެއްލި ބޭކާރުބަޔަކައްވަނީ
ލޯންސްޓަރ
17 October 2017
ކާމިޔާބު ނުލިބޭކަމެއް ނޭންގުނު......ވޭތުވެދިޔަ 10 އަހަރު ތެރޭ ބާސާ ހޯދާފައިވާ ޓްރޮފީތައް ޑެފޯ ބަލާބަލަ. ލިޔުމެއް ފެންނައިރަށް ކުމެންޓް ކުރިޔަކަސް ކަމަކުނުދާނެ.....މީވަރަށްވާހަކަ
ޕެނެލްސީ
16 October 2017
ބާސާއަށްދާކައް ގިރްޒްމަންއެއްނޫޅޭ. މޮޅައްކުޅެވޭނީ މޮޅުކުޅުންތެރިންގެ އެހީއާއެކީކަން މެސީއައްއިނގޭ..
ނޭންގުނޭ
16 October 2017
ނޭންގުނޭ ތިޔަ ވިދާޅުވި ބަހުގެ މާނައެއް ނޭންގުނޭ..
ޕެނެލްސީ
16 October 2017
ގެޓެއްނުވާނެ
ފާގަ ހަސަނާ
16 October 2017
ކަޑިވާނެ ބަސް ޕާރކް މެން ޔުނައިޓެޑް އިން...