ނޫސްވެރިންގެ ބައްދަލުވުމެއްގައި އޭޑީކޭ ނާޝިދު ވާހަކަ ދައްކަވަނީ. - ފޮޓޯ: މިހާރު
26 އޮކްޓޯބަރ 2017 - 11:38
25 comments
ސަރުކާރުން ރައްޔިތުންގެ މަޖިލީހަށް ހުށަހެޅި ސަޕްލިމެންޓްރީ ބަޖެޓަށް ކޮމިޓީ މަރުހަލާގައި އެމްޑީޕީގެ ކޮމަންޑޫ ދާއިރާގެ މެމްބަރު އޭޑީކޭ އަހުމަދު ނާޝިދު (އޭޑީކޭ ނާޝިދު) އާއި މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ) ވޯޓު ދެއްވައިފި އެވެ.
ފިނޭންސް މިނިސްޓްރީން މަޖިލީހަށް ހުށަހެޅުއްވި 493 މިލިއަން ރުފިޔާގެ ބަޖެޓު ކޮމިޓީން ފާސްކުރީ އެ ދެ މެމްބަރުންގެ އިތުރުން ކޮމިޓީގައި ހިމެނޭ ޕީޕީއެމާއި އެމްޑީއޭގެ މެމްބަރުން ހިމެނިވަޑައިގަންނަވާ ގޮތަށް 13 މެމްބަރުންގެ އަޣުލަބިއްޔަތުންނެވެ. އެ ވޯޓުގައި ނާޝިދާއި ޝަރީފް ފިޔަވައި އިދިކޮޅު އެއްވެސް މެމްބަރަކު ބައިވެރިވެވަޑައިގެންފައެއް ނުވެ އެވެ.
ބައްދަލުވުމުގައި ޝަރީފް ވާހަކަ ދައްކަވަނީ.---ފޮޓޯ: ހުސެއިން ވަހީދު/މިހާރު
ބަޖެޓަށް ވޯޓަށް އަހަން ފެށުމުން އިދިކޮޅު މެމްބަރުން ވަނީ ކޮމިޓީ ބައްދަލުވުން ބޮއިކޮޓް ކުރައްވައިފަ އެވެ. ނަމަވެސް އެ ބައްދަލުވުމުން ނުނިކުންނަވައި އޭޑީކޭ ނާޝިދާއި ޝަރީފް ތިއްބެވީ އެވެ.
ބަޖެޓު ދިރާސާ ކުރާ ކޮމިޓީއަކީ އިގްތިސާދީ ކޮމިޓީ އާއި މާލިއްޔަތު ކޮމެޓީގެ މެމްބަރުން ހިމެނޭ ގޮތަށް އުފައްދާފައި އޮންނަ ކޮމެޓީއެކެވެ. ބަޖެޓު ކޮމިޓީގެ މެޖޯރިޓީ އޮންނަނީ ވެރިކަން ކުރާ ޕީޕީއެމަށެވެ. ކޮމެޓީ މަރުހަލާގައި ބަޖެޓުގެ އަދަދަށް އެއްވެސް ބަދަލެއް ގެނެސްފައެއް ނުވެ އެވެ.
ސަރުކާރުން މަޖިލީހަށް ހުށަހެޅި ބަޖެޓުގައި 268 މިލިއަން ރުފިޔާގެ އާމްދަނީއެއް ހޯދުމަށް ވަނީ ނިންމައިފަ އެވެ. އެ އާމްދަނީ ހޯދަނީ ޓެކްސްގެ ގާނޫނަށް ދެ އިސްލާހެއް ގެނެސްގެންނެވެ..
ސަޕްލިމެންޓަރީ ބަޖެޓުގައި އެންމެ ބޮޑު ހޭދައެއް ކުރަނީ ސިއްހީ ދާއިރާއަށެވެ. އެގޮތުން ސިއްހީ ދާއިރާއަށް 330 މިލިއަން ރުފިޔާ ހަރަދުކުރާއިރު، މަޖިލީހުގެ ބައި އިލެކްޝަންތައް ބޭއްވުމަށް 26 މިލިއަން ރުފިޔާ ހަރަދު ކުރާނެ އެވެ.
މަޖިލީހުގެ މިއަދުގެ ޖަލްސާގައި ބަޖެޓު ދިރާސާ ކުރި ކޮމިޓީގެ ތަޅުމަށް ވަނީ ހުށަހަޅައިފަ އެވެ. އަދި ސަޕްލިމެންޓްރީ ބަޖެޓު ފާސްކުރުމާ މެދު ވޯޓަށް އަހާނެ ކަމަށް ބެލެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިޖޭ
27 October 2017
ސަޕްލިމެންޓްރީ ބަޖެޓް ކޮމިޓީ ގެ ޥޯޓާއި މެދު ވިޕެއް ނުނެރޭ... މިއީ ދޮގު ޙަބަރެއް.....
އަމިއްލައެދުން
26 October 2017
މިއީ އަބަދުވެސް ވޯޓް ހޯދަން އެމްޑީޕީ މީހުން ކަމަށް ހެދޭ ދެ މެމްބަރުން.
ޗިކުސް
26 October 2017
ވެރިކަންކުރާ ޕާރޓީއިން ނުފޫޒް ފޮރުވާފަ މިއޮތީ.މަ ވޯޓާއަށް ހަދާންކޮއްދެން ޕޯޑިއަމް އަރާވާހަކަ ދެއްކުމަށް ވުރެ ރައްޔިތުންނަށް މުހިންމީ ވޯޓްކަން. ތިޔަހެން ނަހަދާށޭ. ރައްޔިތުންގެ ހައްގުތަކުގައި ކޮޅުފައިން ނުޖަހާށޭ. ދޭ ވަގުތީ އިންޒާރަކަށް ވޯޓް ވިއްކާނުލާށޭ . މީ ރައްޔިތުންގެ އަޑޭ . ކަނުލާއަހާށޭ.
ހާމަ333
26 October 2017
ސާބަހޭ ޝަރީފު....އައްޑޫ މިއަދު ބޭނުންވަނީ ތަރައްގީ...އެކަން ކުރެވޭނީ އައްޑޫގެ މެންބަރުނަ ސަރުކާރަށް އެއްބާރުލުން ދީގެން...ތަރައްގީއަށްޓަކައި އިސްކޮށް ނިންމާ ނިންމުމަށް ރައްޔިތުން މަރުހަބާކިޔާނެ....އައްޑޫ ހޮސްޕިޓަލް ބޭނުން...ތަރައްގީ ބޭނުން...ތާއިދުވެސް ކުރާނެ ކުރިއަށް އޮތް ތަނުގަ....
އާދަނާ
26 October 2017
ތިޔަ 2 މެމްބަރުން ބޮލަށް ރަންރީދޫ ކުދިން ނާރާތި. އޭރުން އަނެއްކާ ސްޕާރމެޖޯރިޓީ ސަރުކާރު ފަޅިއަށް ލިބޭނެ. މިވަގުތަކީ އެމްޑީޕީގައި ތިބި ހެޔޮވިސްނޭ މެމްބަރުން ތަރައްގީ އަށް ބިރެއްނެތި ވޯޓްވެސް ދެވެންވާ ވަގުތު. އަންނި އަށްޓަކައި މުޅި ގައުމު ގުރުބާން ކުރުމަކީ ހަލާކުހުރިކަމެއް.
އާދައިގެ މީހާ
26 October 2017
ބޮޑެތި ވިޔަފާރިވެރިން މަޖްލީހަށް ހޮވީމައި ވާނީ ތިހެންނެވެ. ވޯޓު ނުދީފިނަމަ ސަރުކާރުން އެމީހުންގެ ވިޔަފާރިތަކާ ކުޅެލާނެއެވެ. ވޯޓު ދިނުމުން އިތުރު ފުރުޞަތުތައް ހުޅުވޭނެ އެވެ. ދެން އަންނަ އިންތިޚާބެއްގައި ތަޢުލީމީ، އާދައިގެ މީހުން ނިކަން ހޮވާބަލާށެވެ! މިހާރު މިވާގޮތުން "ލައްގާނީ ލައްގާ ހުރަޔަށެވެ." އަބަދުވެސް ލިބެނީ ހަމަ އެއްބަޔަކަށެވެ.
ދޮންމަނިކު
26 October 2017
ބަޖެޓަށް ނާޝިދު ވޯޓު ނުދީފިއްޔާ ހަސްފަތާޅުވެސް އަތުލާނަން.
އަހުމަދުބެ
26 October 2017
ފެއިލް ވާ މެމްބަރުން އިތުރު ދައުރަކަށް ހޮވާނެ ކަމެއް ނެތެވެ. މިސަފްހާ ޕްރިންޓް ކޮށް ދެން އޮންނަ އިންތިހާ ބަކަށް ފޮރުވާފަ ބާއްވަން ޖެހެއެވެ. އެއީ ރައްޔިތުންނަށް ހަނދާން ކޮށްދިނުމަށެވެ.
ރޯނު އެދުރު
26 October 2017
ބަޖެޓް ދިރާސާ ކުރާ ކޮމެޓީގަ ތިބީ ލަވަ ކުޅޭމީހުން، ވަޑިން، މަޖީދީ މަގުގަ ފިހާރަހިންގާ މީހުން، ރިސޯޓް މުވައްޒަފުން. ރަނގަޅަށް ދިރާސާ ކުރެވޭނެދޯ
ނާޝިދު.
26 October 2017
ނާޝިދާ ކޮބައިހޭ 77 މިލިއަން ރުފިޔާ ހަރަދު ކޮއްގެން އަޅައިދޭން ބުނި ހޮސްޕިޓަލު