ޑިޕްލޮމާ ނެތް އިސް މުވައްޒަފުންގެ ވަޒީފާ ގެއްލޭނެ

ސިވިލް ސާވިސްގެ މުވައްޒަފުންތަކެއް: އިސް މުވައްޒަފުން ޑިޕްލޮމާ ފެންވަރަށް ކިޔެވުމަށް ވަނީ މަޖުބޫރުކޮށްފައި.- މިހާރު ފޮޓޯ

އާސިމާ ނިޒާރު، މިހާރު

26 އޮކްޓޯބަރ 2017 - 15:30

75 comments

ސިވިލް ސާވިސްގެ މެދު ފަންތީގެ މަގާމުތަކުން ފެށިގެން މަތީގެ މުވައްޒަފުުންގެ ތެރެއިން ޑިޕްލޮމާ ސެޓްފިކެޓް ހާސިލްނުކުރާ މުވައްޒަފުން ވަޒީފާ އިން ވަކި ކުރާ ގޮތަށް ސިވިލް ސާވިސް ކޮމިޝަން (ސީއެސްސީ) އިން ނިންމައިފި އެވެ.

ސީއެސްސީން އިއްޔެ ވަނީ މެދު ފަންތީގެ މެނޭޖްމަންޓްގެ މުވައްޒަފުންނާއި ސީނިއާ ސިވިލް ސާވިސް ފެންވަރުގައި މަސައްކަތް ކުރާ މުވައްޒަފުން، 2019 ވަނަ އަހަރުގެ ޖޫން މަހާ ހަމަ އަށް ޑިޕްލޮމާ ފެންވަރަށް ކިޔަވަން ފުރުސަތު ދީ އެކަމުގެ އުސޫލެއް އާއްމުކޮށްފަ އެވެ.

އެ މުއްދަތުގައި ޑިޕްލޮމާ ހާސިލް ނުކުރާ ނަމަ، އެ ކޮމިޝަންގެ ގަވާއިދުގެ ދަށުން ވަޒީފާ އިން ވަކިކުރާނެ ކަން ފާހަގަކޮށްފައި ވެ އެވެ.

އެ އުސޫލުގައި ބުނެފައިވަނީ 2019 ވަނަ އަހަރުގެ ޖޫން މަހާ ހަމަ އަށް ޑިޕްލޮމާ ފެންވަރުގެ ސެޓްފިކެޓް ހާސިލް ނުކުރާނަމަ "ވަޒީފާގެ ވާޖިބުތައް އަދާކުރުމަށްޓަކައި ފުރިހަމަކުރަންޖެހޭ ތަމްރީނު ކޯހަކުން ފާސްނުވުން، ނުވަތަ ކޯސް ފުރިހަމަ ނުކުރުމުން" ވަޒީފާ އިން ވަކިކުރާނެ ކަމަށެވެ.

ސިވިލް ސާވިސް އިން ދޭ ހިދުމަތުގެ ފެންވަރު ރަނގަޅުކުރުމަށް "ސިވިލް ސާވިސް އިން ފޯރުކޮށްދޭ ހިދުމަތުގެ ފެންވަރު މަތިިކުރުމުގެ ގޮތުން، ސިވިލް ސާވިސްގެ އިސް މުވައްޒަފުންނަކީ ވަކި ފެންވަރަކަށް ތަމްރީނުވެފައިވާ ބައެއް ކަމަށް ކަނޑައެޅުމުގެ ސިޔާސަތު"ގެ ނަމުގައި އެކުލަވާލައިވާ އުސޫލަށް އަމަލުކުރަން ފަށާނީ އަންނަ ބުދަ ދުވަހުން ފެށިގެންނެވެ.

Civil service ge iss muvazzafun diploma fenvarah kiyavan jehey gothah hadhaifi

The most trusted news source in the Maldives

Mihaaru

އޭގައި ބުނެފައިވާ ގޮތުގައި ތަމްރީނުވުމަށް ލާޒިމްކުރާ ފަރާތްތަކުގެ ތެރެއިން ތަމްރީނުވުމަށް އުޒުރުވެރިވާ 55 އަހަރުން މަތީގެ މުވައްޒަފުންނަށް ވަނީ ވަޒީފާ އިން ރިޓާޔާވުމުގެ ފުރުސަތު ވެސް ދީފަ އެވެ.

އެ ސާކިއުލާގައި ބުނެފައިވާ ގޮތުގައި ޑިޕްލޮމާ ފެންވަރަށް ތަމްރީނުވާން ޖެހޭނީ ހިންގުމުގެ ދާއިރާއާ ނުވަަތަ އެ މުވައްޒަފެއްގެ މަގާމުގެ މަސައްކަތާ ގުޅުން ހުރި ދާއިރާއަކުންނެވެ.

އެ ކޮމިޝަންގެ މީޑިއާ އޮފިޝަލް މިއަދު ވިދާޅުވި ގޮތުގައި ތައުލީމާއި ތަމްރީނުތައް ހޯދުމަށް ވަޒީފާ އިން ވީއްލުމުގެ ފުރުސަތުތައް އޮފީސްތަކަށް ދީފައިވާ ކަމަށެވެ. އެހެންކަމުން އެ ގަވާއިދުގެ ތެރެއިން މިހާރު ވެސް ތައުލީމް ހާސިލްކުރުމުގެ ފުރުސަތުތައް އޮންނާނެ ކަމަށް އޭނާ ވިދާޅުވި އެވެ.

މުވައްޒަފުންގެ ފެންވަރު ރަނގަޅުކުރަން ސީއެސްސީން އަންނަނީ ސިވިލް ސާވިސް ޓްރެއިނިން އިންސްޓިޓިއުޓުގައި ވެސް ކޯސްތައް ހިންގަމުންނެވެ. އެގޮތުން އެ އިންސްޓިޓިއުޓުން ތަމްރީނުވުމުގެ ފުރުސަތުތައް ވެސް އޮންނާނެ ކަމަށް މީޑިއާ އޮފިޝަލް ވިދާޅުވި އެވެ.

ވަކި ރޭންކެއްގައި މަސައްކަތް ކުރާ މުައްޒަފުން ޑިޕްލޮމާ ފެންވަރަށް ކިޔަވަން ސީއެސްސީން އުސޫލެއް ހެދިއިރު، ރަސްމީ ގަޑީގައި އަމިއްލަ ކަންކަމުގައި ބޭރުގައި އުޅޭ، ސަރުކާރު މުވައްޒަފުންގެ މުސާރަ އިން ކަނޑައަޅަން ވެސް އެ ކޮމިޝަނުން ވަނީ ނިންމައިފަ އެވެ. ސިވިލް ސާވެންޓުގެ ގޮތުގައި 24،516 މުވައްޒަފުން މިހާރު ވެސް މަސައްކަތް ކުރެ އެވެ.

ސިވިލް ސާވިސް ސިވިލް ސާވިސް ކޮމިޝަން ސިވިލް ސާވަންޓުން ސިވިލް ސާވިސް ގާނޫނު

75 ކޮމެންޓް, 132 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާތުން

30 October 2017

ފުރަތަމަ މަޖްލީސް މެމްބަރުން ތި ޤަވާއިދަށް ފައްތަން މަސައްކަތް ކުރޭ އޭގެ ފަހުން ސިވިލް ސާވިސް ގެ މުއައްޒަފުންނަށް ތި ޤަވާދު ހުށަހަޅާ. ސަބަބަކީ މަޖްލީސް މެމްބަރުން ގެ އިލްމާ ހިލްމު ގެ ފެންވަރުނެތި ނެތި އެމީހުން މަޖުލީހުގަ ހާވާ ހަޑި ކޮންމެ ދުވަހަކު ބާލާ އަހަރުމެން ވ ލަދުގަނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުމާލް 2

29 October 2017

ޢެއްވެސް ހަމައެއް ލަމައެއްނެތް ތިމާމެން ހިތުހުރިގޮތެއްހަދާ 30 އަހަރު 35 އަހަރު ޤަވްމަށް ޚިދްމަތްކޮށް 55 ވީމާ ރިޓަޔަރ ވާނެ ފުރްސަތުވެސް ނުދީ ވަޒީފާއިން ވަކިކޮށް އެއްލާލާ އިރު ކޮބާ އެމީހާގެ މުޅި ޢުމުރު ހުސްކޮށް ކުރި ބުރަމަސައްކަތުގެ އަގު! ހުސްއަތާ ނެރި އެއްލާލާއިރު އަނިޔާވެރި ވުމުގައި މީ ތަންކޮޅެއް ބޮޑުވަރު ސަރުކާރުންވެސް މިކަމުގައި އެއްޗެއްބުނަންޖެހޭ އަދިމިކަން މިގޮތަށް ވިޔަދީގެން ނުވާނެ. ކިޔެވުންއެއީ ރަގަޅުކަމެއް ނަމަވެސް ކިޔެވޭނެގޮތެއްވެސް ތަނަވަސްކޮށްނުދީ ކަޑާއެއްލާލައިގެން ނުވާނެ މިނޫން އެހެންގޮތެއް ހޯދައިދޭންއެބަޖެހޭ! ނުވަތަ ކޮންމެވެސް އިނާޔަތެއްދީފަ ނުވަތަ ޕެކޭޖެއްގެ ދަށުން ނަމަވެސް ވަޒީފާއިން ވަކިކުރާނަމަ އެއީވެސް ރަގަޅުގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުނޫނު

28 October 2017

މެނިފެސްޓޯ ތަންފީޒު ކުރުމަށް ސިޔާސީގޮތުން ތިއްބަވާ ބޭފުޅުންގެވެސް އެ ދާއިރާއަކުން ޑިގްރީ ފެންވަރު ހުންނަންވާނެ ކަމުގައި އަޅުގަނޑު ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރަސީި

28 October 2017

ޢެއްވެސް ހަމައެއް ލަމައެއްނެތް ތިމާމެން ހިތުހުރިގޮތެއް 30 އަހަރު 35 އހަރު ޤަވްމަށް ޚިދްމަތްކޮށް 55 ވީމާ ރިޓަޔަރ ވާނެ ފުރްސަތުވެްސް ނުދީ ވަޒީފާއިން ވަކިކޮށް އެއްލާލާ އިރު ކޮބާ އެމީހާގެ މުޅި ޢުމުރު ހުސްކޮށްކުރި މަސައްކަތުގެ އަގު ހުސްއަތާ ނެރި އެއްލާލާއިރު އަނިޔާވެރި ވުމުގައި މީބޮޑުވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުސް ކުއްޖާ

28 October 2017

ތިޔަބުނާ ޑިޕޮލަމާޔަށް ކިޔަވަން ފުރުސަތު ތިދިނީ ވަކިބަޔަކަށް އަޅުގަނޑުމެން މިތިބީ އިނތިޒާރުގަ ވަޒީފާގަ އުޅޭތާ 31 އަހަރުވީ މަސައްކަތް ކުރުވަންވީމަ ކަމުދޭ ޓްރޭނިންނަށް ތަނަކަށް ފޮނުވަން ވީމަ ވަޒީފާޔަށް ތަސައްރަފު ނުފުދޭ ކިހާ ހެއްވާދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

/////؟؟؟؟؟؟

27 October 2017

މޫދުގަ އުޅޭ މަހަކައް އެއްގަމުގައި ހުރި ގަހަކައް އަރަން ކިތައްމެ ވަރަށް އުޅުނަސް ނޭރޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީމް

27 October 2017

މިތާ ކޮންމެންޓުކުރާ ބައެއްބޭފުޅުން އަތުގައި ޑިޕްލޮމާނެތިގެން ވަރަށް ޑިފެންސިވްވާކަމަށްފެނޭ. އަބަދު ބޮޑުގޮނޑީގައި ތިހެންނީންދެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިވިލް

27 October 2017

އަހަރެން އަތުގަ ޑިޕްލޮމާއެއް ނެތް އެކަމަކު ޑިގުރީއެއް އެބައޮތް. އަހަރެން މިޕޮލިސީއާ ދެކޮޅީ ސަރުކާރުގަ އަދި ޕްރައިވެޓް ސެކްޓާގަ ކުރެވިފަހުރި ތަޖުރިބާއަށް ބަލާފަ. އަހަރެން މީހަކު ހަޔާކުރަންޏާ އަބަދުވެސް ބަލަނީ ތަޖުރިބާއަށް. ބަރިބަރިއަށް ސެޓފިކެޓު އޮންނަ ކިތަންމެ ބަޔަކު އެބައުޅޭ އަމަލީއެއްވެސް ތަޖުރިބާއެއް ނެތް. މީގެ ވަރަށް ރަނގަޅު މިސާލެއް އެއީ އަހަރަމެން ކުޑައިރު ކިޔަވާދިން ލަންކާ އަދި ދިވެހި ޓީޗަރުން. އެމީހުން އަތަކު ނޯވޭ ޓީޗިންގް ޑިޕްލޮމާއެއް. އެކަމަކު އެމީހުންގެ ކިޔަވާދިނުމުގެ ފެންވަރު ހާސްބައި ރަނގަޅު މިހާރު ޓީޗިން ޑިޕްލޮމާ އައި ޑިގްރީ ހަދައިގެން އުޅޭ ދިވެހި އަދި އިންޑިއާ ޓީޗަރުންނަށްވުރެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތު.

28 October 2017

ސިވިލް ގެ ވާހަކަ އަށް ތާޢީދު. ސެޓްފިކެޓު ގަނެވިދާނެ. ޢެކަމަކު މަސައްކަތުގެ އަޚްލާޤަކީ ގަނެވޭ އެއްޗެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަގީން

27 October 2017

ވަރަށް ރަނގަޅުކަމެއް. ނުކިޔަވާތިބެ ވަޒީފާގެ ގިނަދުވަސްވުމުގެ ސަބަބުން ޕްރޮމޯޓް ވަމުން ވަމުންގޮސް ވެރިއަކަށް އައި ނަމަވެސް ކިޔަވައިގެންތިބޭ މުވައްޒަފުންގެ ވިސްނުމެއް މި ބޭފުޅުންގެ ގަޔަކު ނުހުންނާނެ. އަދި މިބޭފުޅުންނާހެދި ކިޔަވައިގެންތިބޭ މުވައްޒަފުންނަށް އޮފީސްތަކުން ކުރިއެރުމެއްވެސް ނުލިބޭ.