28 އޮކްޓޯބަރ 2017 - 13:01
118 comments
ކުޅުދުއްފުށްޓަށް ކުޅި ބޭނުން ހެއްޔެވެ؟ މި ރަށުގެ ވަރަށް ގިނަ މީހުންނާ މި ސުވާލު ކޮށްލައިފީމެވެ. ގިނަ މީހުންގެ ޖަވާބަކީ ނޫނެކޭ އެވެ. އެ މީހުން ދައްކާ ސަބަބުތައް ވެސް ވަރަށް ބައިވަރެވެ. ކުޅިއެއް އޮވެގެން، ހަމައެކަނި އެ ނަމެއް އޮވެގެން ތިބުމުގެ ބަދަލުގައި އެންމެންގެ ވެސް ވިސްނުން ހުރީ މުސްތަގުބަލަށެވެ. ކުރިމަގަށް ރަނގަޅު އިންވެސްޓްމަންޓަކަށެވެ. ދަތުރުފަތުރުގެ ފަސޭހަ ނިޒާމަކަށެވެ.
"އެ ކުޅި އެތާ އޮންނަތާ ކޮން ޒަމާނެއް. ވީކަމެއް ނެތް. އަހަރެމެން ބޭނުމީ އެއާޕޯޓް. އެތަން އެއްކޮށް ހިއްކިޔަސް އެއްވެސް މައްސަލައެއް ނެތް، އަހަރެންގެ އުމުރުން 59 އަހަރު. އަހަންނަން ތި ތަނުންވީ އެއްވެސް ފައިދާއެއް ނެތް،" މިރަށު ސަމާވަލްގޭ އުމަރު ޒާހިރު ބުންޏެވެ.
ކުޅި ހިއްކަން ގޮވާލައި، ޝުއޫރު ފާޅުކުރަނީ ފޮޓޯ: ފޭސްބުކް
ބާރަވަރަކަށް ހެކްޓަރުގެ ކުޅިން ނުވަ ހެކްޓަރު ހިއްކަން ނިންމާފައިވާއިރު އެކަމަށް ވާންޖެހޭ ހުރިހާ ތައްޔާރީއެއް އޮތީ ވެ ނިންމާފަ އެވެ. ދެތިން ދުވަސް ތެރޭގައި ކުޅި ހިއްކަން ފަށާނެ އެވެ. އެކަމަކު އެމްޓީސީސީން ބުނަނީ ކުޅީގެ އެންމެ ހާއްސަ ކަންތައް ކަމަށްވާ މަށިކުޅި ނުހިއްކާނެ ކަމަށެވެ. ކުޅި ހިއްކަން ނިންމާފައިވަނީ ކުޅީގެ މެދުން ހުޅަނގު ފަރާތު މޫދާ ދިމާލެވެ.
ތިމާވެށި ހިމާޔަތް ކުރަން ވަކާލާތު ކުރާ ޖަމިއްޔާތަކާއި އީޕީއޭގެ އެންވަޔަރަމެންޓް އިމްޕެކްޓް އެސެސްމެންޓް (އީއައިއޭ) އިން ވެސް އެނގޭ ގޮތުގައި ކުޅި ހިއްކައިފި ނަމަ ގުދުރަތީ ގޮތުން މި ރަށަށް ބޮޑެތި ގޮންޖެހުންތަކެއް ކުރިމަތިވާނެ އެވެ. އޭގެ ތެރޭގައި، މިހާރު ވެސް ފެންބޮޑުވާ މި ރަށުގައި ފެން ބޮޑުވުން އިތުރުވެގެންދިއުން ހިމެނެ އެވެ.
ގޯތި ދޫކުރަން ވެސް ކުޅި ހިއްކަންވީ
ކުޅުދުއްފުށީ އުފެދިފައިވާ ގޮތުން މި ރަށަކީ ގިނަ އަދަދަކަށް ކުޅި އޮތް ރަށެކެވެ. ނަމަވެސް އޭގެ ތެރެއިން ބޮޑު ބައެއް މީގެ އަހަރުތަކެއް ކުރިން ވެސް ވަނީ ހިއްކައިފަ އެވެ. ޖަލާލުއްދީން ސްކޫލާއި އަފީފުއްދީން ސްކޫލުގެ ބިން އޭގެ ތެރޭގައި ހިމެނެ އެވެ.
ކުޅުދުއްފުށީ ކުޅި: އެ ކުޅި ހިއްކުމަށް މި ރަށު ރައްޔިތުން އެދޭ -- ފޮޓޯ: އަހުމަދު ޝައްފާހް/ މިހާރު
މި ރަށުން ވާހަކަ ދެއްކި ޒުވާނަކު ބުނިގޮތުގައި ތަރައްގީވަމުން އަންނައިރު ކުޅިތަކާއި ފާތަކުގެ ބޭނުމެއް ނެތެވެ. މި ރަށަކީ މިހާރު ވެސް ފުރި ގޯތި ދޫނުކުރެވިފައިވާ ރަށަކަށްވާއިރު ކުޅި ހިއްކައިގެން ގޯތި ދޫކުރުން ވެސް މާ މުހިންމު ކަމަށް އެ މީހުން ގަބޫލް ކުރެއެވެ.
"ކީއްކުރަން ބާއްވާ ތަނެއް އެއީ. އެތަން އޮވެގެން ލިބެނީ ކޯއްޗެއް. އެއަށްވުރެ އެތަން ހިއްކައިފައި ގޯތި ދޫކުރިޔަސް ރަނގަޅުވާނެ،" ކުޅުދުއްފުށީ ޒުވާނަކު ބުންޏެވެ.
ހަނިމާދޫން ކުޅުދުއްފުއްޓަށް 20 މިނެޓް!
ހަނިމާދޫ އިންޓަނޭޝަނަލް އެއާޕޯޓުން ކުޅުދުއްފުއްޓަށް އައުމަށް ނަގަނީ ވިއްސަކަށް މިނެޓެވެ. ކުރީގެ ރައީސް މުހައްމަދު ނަޝީދާއި އެހެން ގިނަ ބަޔެއްގެ ވެސް ވާހަކައަކީ އެހާ ކައިރީގައި އެއާޕޯޓެއް އޮތް އިރު މި ރަށަށް ވަކި އެއާޕޯޓެއް މުހިންމު ނޫން ކަމަށެވެ.
އެކަމަކު އެމްޑީޕީ ކައުންސިލަރުން ހިމެނޭ ކުޅުދުއްފުށީ ކައުންސިލްގެ ރައީސް އަބްދުލް ލަތީފް ވިދާޅުވީ ކުޅުދުއްފުއްޓަކީ ފެރީގެ ނިޒާމުން ވެސް ހއ. އަތޮޅާއި ށ. ގެ އިތުރުން ހދ. ގެ ރަށްތައް ގުޅިލާމެހިފައިވާ ހަބް ކަމަށްވާއިރު އެ ފަރާތްތަކަށް ވެސް ފައިދާ އޮތީ މި ރަށުގައި އެއާޕޯޓް އެޅުން ކަމަށެވެ.
ކުޅުދުއްފުށީ ހޮސްޕިޓަލަކީ މި ސަރަހައްދުގެ މައި ހޮސްޕިޓަލަށް ވެފައި، އެ ހޮސްޕިޓަލުން ފަރުވާ ދީ އިތުރު ފަރުވާ އަށް މާލެ ގެންދަން ޖެހޭ މީހުން ގެންދަން ވެސް ފަސޭހަ ވާނީ ކުޅުދުއްފުށީގައި އެއާޕޯޓެއް އޮތުން ކަމަށް މި ރަށު މީހުން ގަބޫލްކުރެއެވެ. ސަބަބަކީ ހަނިމާދު އަށް ދާން ކުރަން ޖެހޭ ހަރަދު ބޮޑުކަމެވެ. ހަނިމާދު އަށް ދާން 1200ރ. ހަރަދު ކުރާއިރު، ކަނޑު ގަދަ ދުވަހެއްގައި ވަރަށް ބޮޑު ތަކުލީފެއް ވެސް އުފުލަން ޖެހެ އެވެ.
މި ރަށުގެ އާބާދީގެ ހަމަ ގިނަ މީހުން އެ ކުޅި ނައްތާލައި، އެ ސަރަހައްދުގައި ކުރިމަގަށް ރަނގަޅު ކަމެއް ކުރަން ބޭނުން ވެ އެވެ. ކުޅި އޮވެގެން އެ މީހުންނަށް ވާ ވަކި އިތުރު ފައިދާއެއް ނެތެވެ. އެ އަށް ވުރެ ބޮޑަށް ބިމުގެ ދަތިކަން އޮތީ ކުރިމަތިވެފަ އެވެ. އެންމެންގެ ވާހަކައަކީ ވެސް މި އެވެ؛ ކުޅި އޮވެގެން ވާ ވަކި އިތުރު ފައިދާއެއް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޅުދުއްފުށި
30 October 2017
ދެން އަނެއްހެން ގޯސް ވާހަކަ އެއްވެސް ނޫން!
ނޫރީ
30 October 2017
މީހަކު ފޮންޏަށް ބުނެލި އެންމެ ބަހަކަށްޓަކައި ތި ނަގާލެވެނީ އަގު ނުކުރެވޭފަދަ ގުދުރަތީ ތަރިކަ އެއް. ރަށުގެ ފެން ފަށަލައަށް އަތުވެދާނެ ނޭދެވޭ ބަދަލަކަށް ސަމާލުވުން މުހިއްމު. ރަށުގައި ފެން ބޮޑުވެދާނެ ކަމަށް ވިސްނުން މުހިއްމު. ނެތި ހިނގައިދާނެ ދިރުންތަކުން އަހަރެމެންނަށް ލިބިދެނީ ކޮން ކޮން ފައިދާއެއްތޯ ވިސްނާ ފިކުރު ކުރުން މުހިއްމު. ކުޅި ނުލިބި އެއަރޕޯޓު ނުމެ ލިބި، ދެމީދާ ފެހި ބުޅަލަށް ވީވަރު ނުވެއްޖެއާ ކިތައްމެހާވެސް ރަނގަޅު.
ފާތުން
29 October 2017
އައްޑޫ ކޮންވެންޝަން ސެންޓަރ އަޅަން، އަންނި ސަރުކާރުން މެދުއާރި ކުޅިއަށް ހަދާލިގޮތުގެ ވާހަކަ ނުދައްކާތީ ހައިރާންވޭ.
އަންނޮ
30 October 2017
އަންނި ކޮސްކަމެއްކުރީމަ ދެން އެންމެ އެކަން ތަކުރާރުކުރަންވީދޯ. ކޮންކަހަލަ ކޮށި ވިސްނުމެއްތަ ތިހުންނަނީ.
ޖޖޖޖ
29 October 2017
ފަތުރުވެރިކަން ނެތް ހދ އަށާއި އަދި ރާއްޖެއިން ދުނިޔެއާ އެންމެ ކައިރި ބޮޑުތިލަދުންމައްޗަށް، ބައިނަލްއަގްވާމީ ގޮތުން ގުޅިފައިވާ އެއަރޕޯޓަކާ، އަގުހެޔޮ ކޮލިޓީ ފެރީ ނިޒާމަކާ ނުލާ ފަތުރުވެރިކަން ކުރިއަށް ގެންދެވިދާނެތަ؟ 3 ރައީސުން އެރިއިރު އެކަން ނުވެ އޮތީ ކީއްވެ؟
އައީޝާ
29 October 2017
މަ ކުރީއްސުރެވެސް ހިތަށްއަރާ އަހަރެމެން ރަށުގަވެސް ކުޅިއެއް އޮތްނަމައޭ އެކަމަކު މިހާރު ކުޅުދުއްފުށީ ރައްޔިތުންގެ ސުއޫރުތަށް އަޑުއިވުމުން ހިތަށްއަރާ ނަސީބެކޭ ތިޔަކަހަލަ ބޭނުމެއް ނުހިފޭ ބޭކާރު ތަނެއް ނެތްކަން.
ޢަޅުގަނޑު
30 October 2017
ޢެއީ ބޭނުމެއްނުހިފޭ ތަނެއްނޫން. ޢެކަމަކު އަމިއްލަ އެދުމާ މާއްދިއްޔަތަށް ހެއްލޭ މީހުނަކަށް ނުފެންނާނެ އަދި ނޭގޭނެ އޭގެ ފަިދާއެއް. ފަހުން އަދި ރޯނެ
މޫސާސް
29 October 2017
ކުޅިބަލަން ކުޅުދުއްފުށީ މީހުން ކުރީ ކޮން ކަމެއްތޯ. ތިޔަތާ އެއަރޕޯޓެއް އެޅީމާ މާދަމާ ދިރިއުޅޭނެ ބިންކޮޅެއް ބޭނުންވީމާ ކޯއްބާ ކުރާނީ.
ލިޔާލު
29 October 2017
ކުޅުދުއްފުށީ ގައި އެއާރ ޕޯރޓެށް އަޅާ، ހަނިމާދޫ އެއާރ ޕޯރޓް އާންމުންނަށް ހިދުމަތް ލިބޭ، މިލިޓަރީ އެއާރޕޯރޓެއްގެ ގޮތުގައި ކަނޑައެޅުން މިސަރަހައްދަށް ރަކާތެރި އަދި މުހިއްމުކަމެއްކަމަށް ފެނެއެވެ. އެހެނީ ރާއްޖެ ޖަޒީރާ ތަކަކަށް ފެތުރިފައިވާއިރު ދެކުނުގައި ވެސް ކައްދޫ އެއާރޕޯރޓް ކަނޑައަޅާފައި ވާފަދައިން އުތުރުގައިވެސް އެފަދަ ތަނެއް ދިފާއީ ބާރަށް އޮތުން ރާއްޖޭގެ ރައްކާތެރި ކަމަށް މުހިންމުކަމަށް ފެނެއެވެ.
66666
29 October 2017
އައްޑޫރައްޔިތުން އަަތޮޅުގައި އޮތް އެންމެ ބޮޑު ކުޅި، ހިތަދޫ އީދިގިލިކުޅިމަތީ އެއަރޕޯޓެއް ނަޅާ. އެޅީ ދުރުގައި އޮތް ގަމުގައި! މާލެވެސް އެގޮތަށް. ކުޅުދުއްފުއްޓަކީ އުތުރުގެ ކެޕިޓަލް. ކެޕިޓަލް ސިޓީ ހަލާކުކޮށްނުލާ! ކުޅިއަށް ދާން ކޮންމެ ޓުއަރިސްޓެއްގެ އަތުން 50 ޑޮލަރު އަދި ދިވެއްސެއްގެ އަތުން 30 ޑޮލަރު ޗާރޖްކޮށްލާ ބިޒްނަސް ހިންގާލާ! އެކަަމަށް ކައިރި ރަށްރަށަށް ފެރީ އަޅާލާފައި ތިލަދުންމަތީގައި ބައިނަލްއަގްވާމީ އެއަރޕޯޓެއް ހެދުމަށް މާލޭސަރުކާރު ނޫޅެނީ ކަމެއްވެގެން!
ރަބަރު
29 October 2017
ކުޅުދުށްފުށި އެކަންޏެއް ނޫނެވެ. އަދި ރާއްޖެ އެކަންޏެއްވެސް ނޫނެވެ. އޭސިއާ ބައްރު އެކަންނެއްވެސް ނޫނެވެ. މުޅި މިބިން ހެއްދެވީ ﷲ އެވެ. ފަރުބަދަތަކާ ކޯރުތަކާ ކުޅިތަކާ އަދިވެސް އަދިވެސް ގުނާ އަދަުނުކުރެވޭހާ ތަންތަނާއެކު ބިން އުފެއްދެވީ އޭގެ އެންމެ ފިރިހަމަގޮތުގައެވެ. އެގޮތަށް އެބިން ނުބާއްވާ ދުނިޔޭގެ މީހުން ގަރުނުތަކެއްވަންދެން އެބިމުގެ އެކިއެކި ހިސާބުތަކަށް ގެންނަ ބަދަލުތަކުން ދުނިޔެއަށް އަދަދު ނުކުރެވޭވަރުގެ ބޮޑު ގެއްލުން ވަމުންދާވާހަކަ ސަލާމަތްބުއްދިހުރި މީހުން މިހާރު އެދަނީ ދައްކަމުންނެވެ. އެކަމާ ދެކޮޅަށް އަޑު އުފުލަމުންނެވެ. ކުޅިން ވާފާއިދާއެއް ނެތޭ ބުނާމީހުނަށް ބުނެލާހިތްވެއެވެ. ތިރަށް އުފެއްދެވީ އެންމެމޮޅަށް ކަންތައް ދެނެވޮޑިގެންވާފަރާތުންނެވެ. އެފަރާތުން ކަންތައް ކުރައްވާގޮތް ނުވިސްނުނަސް އޭގެ ވަރަށް ބޮޑު ހިކުމަތެއްވާނެއެވެ.
ރިއަލީ
30 October 2017
މައްކާ އަކީ އަދި މާ މާތް ބިމެއް. އެކަމު ޒަމާނަށް އަންނަ ބަދަލާ ގުޅިގެން ދަތުރުފަތުރު ފަސޭހަކުރުމަށްޓަކައި އެ ރަށަށް ޒިޔާރަތްކުރާ އެންމެނަށް ފަސޭހައަށްޓަކައި އެ ރަށުގަ ހުންނަ ފަރުބަދަތަކުގައިވެސް ލޯވަޅު ކަނޑައި މަގު ހަދާފަ އެހެރީ. އަދި ގެފުޅުގެ ވަށައިގެން އެތައް ޒަމާނީ ތަރައްޤީއެއް ފެންނަން އެހެރީ. ދީނީ ނަޒަރަކުން ވިސްނާނަމަ ބަޔަކު ބަދަލުނުކުރާނެ އެންމެ ތަނެއް މިދުނިޔޭގައިވާނެނަމަ އެ މާތް ބިމުގެ އެންމެ ތަންކޮޅެއްވެސް ބަދަލުނުކުރީސް.
އަޅުގަނޑުގ
30 October 2017
ސެލިއުޓް
ބަނިއާދަން
29 October 2017
ހަނިމާދޫން ކުޅުދުއްފުއްޓަށް 20 މިނެޓުން ދެވޭ. ކާށިދޫން މާލެއަށް 6 ގަޑިއިރު، ކާށިދޫގައިވެސް ޗަސްބިމާ ތަރާގނަޑާއެއްޗެތި އެބަހުރި. އެއަރޕޯޓެއް އަޅައިދީބަލަ