ދިރާގުގެ ހެޑް އޮފީސް: އެ ކުންފުނިން ބަދަލު ދޭން ޖެހުނީ ނަމްބަރުގެ ޚިދުމަތް ކަނޑާލަންޖެހޭ މުއްދަތަށް ވުރެ އެއް ދުވަސް ކުރިން ޚިދުމަތް ކަނޑާލުމުން.-- ފޮޓޯ: ނިޝާން އަލީ/ މިހާރު
28 އޮކްޓޯބަރ 2017 - 20:47
10 comments
ނަމްބަރެއްގެ ޚިދުމަތް ދާއިމީކޮށް މެދުކަނޑާލާ މުއްދަތު ހަމަވުމުގެ އެއް ދުވަސް ކުރިން ޕްރީޕެއިޑް ނަމްބަރެއްގެ ޚިދުމަތް ކަނޑާލުމުން، އެ ނަމްބަރު ގެންގުޅުނު މީހާއަށް ބައި ލައްކަ ރުފިޔާ ބަދަލެއްގެ ގޮތުގައި ދިނުމަށް ސިވިލް ކޯޓުން ދިރާގުގެ މައްޗަށް ހުކުމްކޮށްފި އެވެ.
ދިރާގުގެ ޕްރީޕެއިޑް ނަމްބަރެއްގެ ޚިދުމަތް ވަގުތީ ގޮތުން ކަނޑާލުމަށް ފަހު ދާއިމީކޮށް ޚިދުމަތް ކަނޑާލަނީ 180 ދުވަސް ހަމަވުމުންނެވެ. އެހެން ނަމަވެސް މިދިޔަ އަހަރުގެ އޮގަސްޓް މަހު ވަގުތީ ގޮތުން ޚިދުމަތް ކަނޑާލި ނަމްބަރެއްގެ ޚިދުމަތް ދާއިމީކޮށް މިދިޔަ ފެބްރުއަރީ މަހު ދިރާގުން ދިރާގުން ކަނޑާލީ އެ މުއްދަތު ހަމަވުމުގެ އެއް ދުވަސް ކުރިންނެވެ. އޭގެފަހުން މިދިޔަ މާޗް މަހު ދިރާގުން ވަނީ އެ ނަމްބަރު އެހެން މީހަކަށް ވިއްކާލައިފަ އެވެ.
އެހެންވެ، އެ ނަމްބަރު ގެންގުޅުނު މީހާ އެ ނަމްބަރު އަލުން ހޯދުމަށާއި ގެއްލުމުގެ ބަދަލަށް 150،000ރ. ހޯދަން ދައުވާ ކުރުމުން މިދިޔަ ބުރާސްފަތި ދުވަހު ކޯޓުން ނިންމީ ބަދަލެއްގެ ގޮތުން އޭނާއަށް 50،000ރ. ދިނުމަށާއި އެ ކެޓަގަރީގައި މިހާރު ހުސްކޮށް ހުރި ނަމްބަރުތަކުން ނަމްބަރެއް އިތުރު އަގަކާ ނުލައި އެ މީހާއަށް ދިނުމަށެވެ.
ބަދަލެއްގެ ގޮތުން 150،000ރ. ހޯދަން އެ މީހާގެ ދައުވާގައި އެދުނަސް ގާޒީ މުހައްމަދު ހަލީމް ކުރެއްވި ހުކުމުގައިވަނީ އެ މިންވަރަށް އެ ފަރާތަށް ގެއްލުން ލިބުނުކަން ސާބިތުނުވާ ކަމަށެވެ. އެހެން ނަމަވެސް މުވާސަލާތީ މިފަދަ ވަސީލަތެއް އުުސޫލުތަކާ ޚިލާފަށް މެދުކަނޑާލުމުން އުފުލަން ޖެހޭ ތަކުލީފުތަކާއި ލިބިދާނެ ގެއްލުންތަކަށް ބަލައި، އެދިފައިވާ ބަދަލުގެ ތިން ބައި ކުޅަ އެއް ބަޔަށްވާ 50،000ރ. އަކީ އެކަށީގެންވާ އަދަދެއް ކަމަށް ގަބޫލު ކުރެވޭ ކަމަށް ހުކުމުގައިވެ އެވެ.
ގެއްލިގެން ދިޔަ ނަމްބަރު އަލުން ހޯދުމަށް އެ ދައުވާގައި އެދިފައި ވިޔަސް އެ ހުކުމުގައިވަނީ އެ ނަމްބަރު އަލުން އެ މީހާއަށް ދޭން އަމުރު ނުކުރެވޭނެ ކަމަށެވެ. ސަބަބެއްގެ ގޮތުގައި ހުކުމުގައިވަނީ އެ ނަމްބަރަކީ އެހެން މީހަކު މިހާރު ބޭނުން ކުރާ ނަމްބަރަކަށް ވުމުން، އެގޮތަށް އަންގައިފި ނަމަ ތިން ވަނަ ފަރާތެއްގެ ހައްގަށް އަސަރު ކޮށްފާނެތީ އެވެ.
ދިރާގުން ކޯޓުގައި ބުނެފައިވަނީ އެ ނަމްބަރުގެ ޚިދުމަތް ދާއިމީކޮށް ކަނޑާލީ އޮންނަ އުސޫލުގެ މަތިން 180 ދުވަސް ހަމަވި ދުވަހު ކަމަށެވެ. އެކަމަކު ކޯޓުގެ ހުކުމުގައިވަނީ މާނަ ކުރުމުގެ ހަމަތައް ބަޔާން ކުރުމުގެ ގާނޫނުގެ ދަށުން، ދެ ކަމެއްގެ ދޭތެރޭގައި ހިނގާ މުއްދަތު ގުނާއިރު އެ ދެކަމެއް ހިނގާ ދެ ދުވަސް ނުގުނޭނެތީ އެގޮތަށް މުއްދަތު ގުނުމުން އެ ނަމްބަރު ޚިދުމަތް ކަނޑާލީ 179 ވަނަ ދުވަހު ކަމަށް ބަލަންޖެހޭ ކަމަށެވެ.
މީގެކުރިން ފޯނެއް ގަތުމަށް ދިރާގަށް ޕްރީއޯޑަރު ދިން މީހަކަށް ކަނޑައެޅި މުއްދަތުގައި ފޯނު ނުލިބުނު މައްސަލާގައި ބަދަލެއްގެ ގޮތުން 160،000ރ. އެ މީހާއަށް ދިނުމަށް ވެސް ސިވިލް ކޯޓުން ހުކުމްކުރި އެވެ. އެ މައްސަލަ މިހާރު އޮތީ ހައި ކޯޓުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސާސް
29 October 2017
160 މައްސަލަ އެއްފަހަރާ ނިންމީމާ މިޒާތަށް ހުރެދާނެ.
މީޑިއާނެޓް
29 October 2017
މަވެސް ވެއްޖެ "މީޑިއާނެޓާ" ދަޢުވާ ކުރަން. މިގޭ ކޭބަލްނެޓް، ފައިސާ ދައްކާތާ 30 ދުވަސް ހަމަ ނުވަނިސް ޚިދުމަތް މެދު ކަނޑާވަރުން. މިހާރު އެކަމުގެ ޝަކުވާ މީޑިއާ ނެޓްގެ އޮފީހަށް ގޮސް ކިތަންމެ ފަހަރަކު ކޮށްފީމެވެ. ޙައްލެއް ނުލިބުނެވެ.
ބަލްރޯގް
29 October 2017
ތިވަރުން ބޭނުންވާ ނަންބަރެއް ކީއްކުރަން 179 ދުވަސް ވަންދެން ބޭނުންނޮކޮށް އޮތީ؟ އަނެއްކަމަކީ ތިހާ ކްރިޓިކަލްކޮށް ހިދުމަތް ބޭނުންވަންޏާ ޕޯސްޓްޕޭއިޑް އަކަށް ބަދަލު ނުކުރީ ކީއްވެ؟ އަސްލުމިވާ ގޮތަކީ "ރީތި" ނަންބަރާ ހެދި މީހުން ހޭބަލިވަނީ. ރީތި ނަންބަރަކަސް ހުތުރު ނަންބަރަކަސް ލިބެނީ އެއް ހިދުމަތެއް.
ކަސްޓަމަރު
29 October 2017
ހުރިހާ ކަސްޓަމަރުން އަތުން ތި ބައި ފެލައިލާނެ. ވިސްނާ.....
އުނބުށެން
29 October 2017
ދޮޅުލައްކަ ގެއްލުންވިކަން ސާބިތުކޮށް ނުދެވޭކަމަށް ވާއިރު 50 ހާސް ގެއްލުންވިކަމަށް ސާބިތުވީ ކިހިނެއްބާ؟ ހިއެއްނުވޭ މިއީ ކޮންމެ ކޮންމެ މީހަކަށް ހާޞިލްކުރެވިދާނެ ކަމެއްހެނެއް.
ޒާނޫ ޕީއެފް
29 October 2017
ދެންފަހަރަކުން ބަދަލުހޯދަން ހުށަހަޅާއިރު، ބޭނުންވާ އަދަދުގެ 3 ގުނަ ބޮޑުކޮށް އެދުން ބުއްދިވެރި. މި ނެރެވިފައިވާ ހުކުމަށް ރިޢާޔައް ކޮށް، އެގޮތައް ހުކުމް ނެރެމުން ދާތަން ވަރައް ދެކޭ ހިއްވޭ.
ޔޫސުބު
29 October 2017
ބިދޭސީން ވަޒީފާއިން ވަކިވުމުން ޑިޕޮޒިޓް ރިފަންޑް ހޯދަން ހުށަހެޅުމުން 15 ދުވަހުގެތެރޭ ޑިޕޮޒިޓްގެ ފައިސާ އަނބުރާ ދިނުމަށް އޮތަސް އެކަން ވެސް ވަރަށް ލަސްވޭ. މިކަމާ ވެސް މީހަކު އުޅެލީމަ ވާއެއްޗެއް އެނގޭނީ!
ޑޮކްޓަރުންގެ ސިޓީ / އައްޑޫ ސިޓީ
28 October 2017
މަދަނީ އިޤްތިސޯދީ ކަންކަމަކީ ސަމާސާ އެއްނޫން ކަން އެންގުމަށް މިފަދަ ދައުވާ ތަކާއި މިފަދަ އަދުލުވެރި ޝަރުއީ ހުކުމް އަދި އަވަސް ތަންފީޒީ ނިޒާމެއް ބޭނުންވޭ. . ހާއްސަކޮށް ދައުލަތުގެ ކުންފުނިތަކުން މިފަދަ ކަންކަން ހުއްޓުވާ ނަމޫނާ ބަޔަކަށް ވާންޖެހޭ. މޯލްޑިވިއަން އިން ޓިކެޓް ބައްލަވައި ގަންނަ މީހާ އައްޑޫ އަށް ދާނެ ގަނޑި ކަޑައެޅު އެޅުމަކީ މިހާރު އެއަރލައިންގެ ކަމެއްކަމަށް އާންމު ވެއްޖެ. އަދި ގަނޑި ބަދަލު ވެއްޖެ ކަމަށް ބުނެ ފުރަންދާއިރު ވިއްކާފައިވާ ޓިކެޓް ގައި އިންނަ ފްލައިޓް ނަމްބަރ އަދި ފުރާ ފްލައިޓް ނަންބާރ އާއި ދިމަލެއްނުވޭ؟! ބޭންކް އޮފް މޯލްޑިވްސްގެ މައްޗަށް ސިވިލްކޯޓުން ހުކުމެއްކޮށް އަމުރު ކޮށްފައިވަނީ “އެމީހަކު ބޭންކަށް ޖަމާކހރި ފައިސާ އެމީހަކު ބޭނުންވެގެން ނަގަން އެދިއްޖެ ނަމަ ފައިސާ ޖަމާކުރި ކަރަންސީ އަކުން ފައިސާ ދޫކުރާން ޖެހޭނެ” ކަމަށް. އެހެން ނަމަވެސް އެމަރިކާ ޑޮލަރު ބޭންކުން ދޫކުރުމުގައި އަމަލު ކުރަނީ މިދެންނެވި އުސޫލުންތޯ ؟ އަދި މޯލްޑިވިއަން އަމަލު ކުރަނީ އައިކާއޯ ޤަވާއިދަށްތޯ ؟
ދިވެހިން
28 October 2017
ތިޔަ ދައުވާ ކުރި މީހަކަށް އައްސަރިބަހާ ސާބަސް
ބަނދަރު ކާޅު.
28 October 2017
ވަރަށްދެރަ، ތިވީގޮތުން ތި ގެއްލުނު ބައިލައްކަ ރުފިޔާ ހޯދަން ބޮޑުއަގުގަ ވިއްކާ (ޚިދުމަތް) އިރަށް ބޮޑުކޮއްލައިގެން ކަސްޓަމަރުން އަތުން އެތައް ލައްކައެއް ދިރާގުން ނުނަގާނެބާ!!