ޝަރޫ އިން 29 މިލިއަން ރުފިޔާ އެމްސީބީއަށް ދައްކަން ޖެހިއްޖެ

އެމްސީބީ: އެ ބޭންކަށް ފައިސާ ދައްކަން ޖެހުނު ޝަރޫއަކީ ޑޮލަރުގެ މުއާމަލާތްތަކަކާ ގުޅިގެން ސަރުކާރުގެ ދެ ކުންފުންޏަކަށް 20 މިލިއަން ދައްކަން ޖެހިފައިވާ ކުންފުންޏެއް .---މިހާރު ފައިލް ފޮޓޯ

މުއިއްޒު އިބްރާހިމް، މިހާރު

05 ނޮވެމްބަރ 2017 - 20:34

11 comments

ޑޮލަރު ވިއްކުމުގެ މުއާމަލާތްތަކަކާ ގުޅިގެން ސަރުކާރުގެ ދެ ކުންފުންޏަކަށް 20 މިލިއަން ރުފިޔާ ދައްކަން ޖެހިފައިވާ ޝަރޫ ލޯންޗް ކުންފުނީގެ މައްޗަށް އިތުރު 29 މިލިއަންގެ ދަރަންޏެެއް ސާބިތުވެ، އެ ފައިސާ މޮރިޝަސް ކޮމާޝަލް ބޭންކް (އެމްސީބީ) އަށް ދައްކަން ސިވިލް ކޯޓުން ހުކުމްކޮށްފި އެވެ.

ޝަރޫ ކުންފުނިން 29.3 މިލިއަން ރުފިޔާ އެމްސީބީއަށް ދައްކަން ޖެހުނީ އެތަނުން ނެގި ލޯނެއް އަނބުރާ ނުދައްކައިގެން އެމްސީބީން ދައުވާ ކުރުމުންނެވެ.

ސިވިލް ކޯޓުން މިދިޔަ މަހުގެ 31 ވަނަ ދުވަހު ކުރި ހުކުމުގައި ވަނީ މިދިޔަ އަހަރުގެ ޖެނުއަރީ މަހު ހެދި އެއްބަސްވުމެއްގެ ދަށުން އެމްސީބީން ޝަރޫއަށް 13.8 މިލިއަން ރުފިޔާ އާއި 966،000 ޑޮލަރުގެ ލޯނެއް ދޫކޮށްފައިވާ ކަމަށެވެ. އެ ފައިސާ ނުދެއްކުމުން ޖޫރިމަނާ އާއި އިންޓްރެސްޓްގެ ގޮތުގައި 14 މިލިއަނަށް ވުރެ ގިނަ ރުފިޔާ އާއި 990،000 ޑޮލަރު (15 މިލިއަނަށް ވުރެ ގިނަ ރުފިޔާ) އަރާފައިވާ ކަމަށާއި އެއީ ޝަރޫއިން ދައްކަން ޖެހޭ ފައިސާއެއް ކަން ސާބިތުވާ ކަމަށް ހުކުމުގައިވެ އެވެ.

އެހެންވެ 10 މަސް ދުވަހުގެ ތެރޭގައި އެ ފައިސާ ދައްކަން ޝަރޫ އާއި އެ ލޯނަށް ގެރެންޓީ ދިން ދެ މީހެއްގެ މައްޗަށް ހުކުމުގައި ވަނީ އަންގައިފަ އެވެ.

އެ މުއްދަތުގައި ފައިސާ އެއްކޮށް ނުދައްކައިފި ނަމަ، އެ ލޯނަށް ރަހުނު ކޮށްފައިވާ ޝަރޫގެ ތިން ލޯންޗަކާއި ހުޅުމާލޭގެ ދެ ގޯއްޗެއް ވިއްކާލައިގެން ފައިސާ ހޯދުމުގެ ހައްގު އެމްސީބީއަށް ލިބިގެންވާ ކަމަށް ވެސް ހުކުމުގައިވެ އެވެ.

ފެނަކަ އާއި ސްޓެލްކޯ އަށް ޑޮލަރު ވިއްކަން ހިންގި މުއާމަލާތުގައި ޑޮލަރު ނުދެވުނީ އެމްސީބީގެ ސަބަބުން ކަމަށް ބުނެ 150 މިލިއަން ރުފިޔާގެ ބަދަލެއް އެމްސީބީގެ ފަރާތުން ހޯދަން ޝަރޫއިން ކުރިން ދައުވާކުރި އެވެ. އެކަމަކު އެ މައްސަލައިގެ ހުކުމް ކުރަން ހަމަޖެހިފައި އޮތް ދުވަހު ޝަރޫއިން ދައުވާ އަނބުރާ ގެންދިޔައީ އެވެ.

ފެނަކަ އަށް ޑޮލަރު ދޭނެ ކަމަށް ބުނެ ފައިސާ ނެގި މައްސަލަ ކުރިން ފުލުހުން ވެސް ބެލި އެވެ. އެ މައްސަލާގައި އޭރު ބައެއް މީހުން ހައްޔަރު ވެސް ކުރި އެވެ.

ސިވިލް ކޯޓް ސްޓެލްކޯ ޑޮލަރު ފެނަކަ ކޯޕަރޭޝަން މޮރިޝަސް ކޮމާޝަލް ބޭންކް

11 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޫތު

06 November 2017

އަޑުއިވޭގޮތުގަ މިކުންފުޏަކީ ސަރުކާރުގެ އިސްވެރިންނާއި ވަރަށް ގާތްގުޅުމެއް އޮންނަ ބައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޖޭ

06 November 2017

މި ޝަރޫ ކުންުފނީގެ އަޑީގައި ތިބީ ކޮންބައެއބާ؟؟ މިހަވަރުގެ ކަނތައް ތައް ހިލިގެން ގޮއްސާ މިހުރީ ކޮހާވަރެއްގެ ބައެއްބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫތު

06 November 2017

މުޝްތާގު އެއީ އެކަކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރުމީލާ

06 November 2017

ހިއްސާދާރުންނާ ޑައިރެކްޓަރުންގެ ނަންތައް ހާމަކޮއްލަދީބަލަ އެގޭބޭފުޅަކު ހުރިއްޔާ.... ގައުމީ ސަލާމަތަށާ އިގްތިސާދަށް ވަރައް ނުރައްކާބަޔަކަށް މި މީހުންވެއްޖެ އެއްނުން. އަދި ފަޅާނާރާ ކިހާކަމެއް ހުންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

06 November 2017

ހާދަވަރުގަދަ ޝަރޫއެކޭދެއްތޯ ތިއީ ،،، ސަރުކާރާއިވެސް އެވަރަށް ގުޅިފައި ،،، އަނެއްކޮޅުން ބޭންކާއިވެސް އެވަރަށް ގުޅިފައި ،،، ވައްކަން ކާންދޭއަތުގައި ދަތްއެޅީމައި ކުންފުނި އަތަށްގޮވާފައި ތިޔައޮތީ ،،، ދެން މަތިމައްޗަށް ހުކުމްތަށް އަންނާނެ ،،، މީރާއިންވެސް އަދި ފަހާދުވާނެ ،،،، މާފިޔާ ގޭންގްތަކުގައިވެސް ބޮސްއަށް އެއްފަހަރުވެސް ޙިޔާނާތްވީމައި ދެން ގޮވާނީ އަތަށް ،،،،، އެގޮތުން ޝަރޫއަށްވެސް ތިޔަވަނީ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާ

06 November 2017

ޝަރޫ ލޯންޗް ގެ ވެރިފާތް މިހާރު އާންމުންނަށް އެގެންޖެހޭ،ތިޔަމީހުންގެ ކިބައިން ރައްޔިތުން ސަލާމަތްވެ ތިބުމަށްޓަކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

06 November 2017

ރަހުނު ކޮއްފަ ހުރި ތިއެއްޗހިި ވިއްކައިގެން ހިޔެއްނުވޭ 29 މިލިއަން ރުފިޔާ ލިބޭނެ ހެނެއް. ބޭންކު ތަށް މުއްސަނދިވަނީ ރިބާގެ ވިޔަފާރިން - ވާއިރު ގެއްލުން ވާފަހަރު ވެސް އާދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެވެލި

06 November 2017

ތީ ހުސް ގޭމް. ދެން ޝަރޫ އަކީ މަލްޓި ނޭޝަނަލް ކުންފުންޏެއްތަ ސަރުކާޜުގެ ކުންފުނިތަކުން ޑޮލަރު ގަންނަން އެތަށް މިލިއަން ރުފިޔާ ދޭން.، ރޯމާ ދުވާލު ކުރާ ވައްކަން.