ޚަބަރު / ތޯރިގް އިބްރާހިމް (އެންވަޔަރުމެންޓް މިނިސްޓަރު)

އިރުގެ ހަކަތައާ ގުޅޭ ގޮތުން ރާއްޖޭން ކުދި ގައުމުތަކަށް ނަމޫނާ ދައްކާނެ: ތޯރިގް

އެންވަޔަރްމަންޓް މިނިސްޓަރު ތޯރިގް، އިރުގެ ހަކަތައިގެ މައުލޫމާތު ލިބޭ "ސޯލާ ރިސޯސް އޯވަވިއު 2017" ފޮތް މިއަދު ނެރެދެއްވަނީ.-- ފޮޓޯ: އެންވަޔަރްމަންޓް މިނިސްޓްރީ

އާސިމާ ނިޒާރު، މިހާރު

08 ނޮވެމްބަރ 2017 - 15:06

4 comments

އިރުގެ ހަކަތައާ ގުޅޭ ގޮތުން ދުނިޔޭގެ ކުދި އެހެން ގައުމުތަކަށް ރާއްޖޭން ނަމޫނާ ދައްކާނެ ކަމަށް އެންވަޔަރްމަންޓް މިނިސްޓަރު ތޯރިގް އިބްރާހިމް މިއަދު ވިދާޅުވެއްޖެ އެވެ.

ރާއްޖޭގެ އިރުގެ ހަކަތައިގެ މައުލޫމާތު ހިމެނޭ "ސޯލާ ރިސޯސް އޯވަވިއު 2017" އިފްތިތާހު ކޮށްދެއްވުމަށް ފަހު "މިހާރު"އާ ވާހަކަ ދައްކަވަމުން މިނިސްޓަރު ވިދާޅުވީ އިރުގެ ހަކަތައާ ގުޅޭ މައުލޫމާތުތައް ރައްކާކޮށްފައި ހުރީ ރާއްޖެ ހިމަނައިގެން ވަރަށް މަދު ކުދި ގައުމެއްގައި ކަމަށެވެ. އެހެންވެ ރާއްޖޭގެ އިރުގެ ހަކަތައާ ގުޅޭ މައުލޫމާތުތަކަކީ، އެހެން ގައުމުތަކުން ވެސް ނަމޫނާއަކަށް ބަލާނެ ކަމެއް ކަމަށް ތޯރިގް ވިދާޅުވި އެވެ.

ތޯރިގް ވިދާޅުވީ ރާއްޖޭގައި މީހުން ދިރިއުޅޭ ހުރިހާ ރަށެއްގައި، ކުރިއަށް އޮތް ދެ އަހަރުގެ ތެރޭގައި، ދުވާލު ގަޑީގައި ބޭނުންކުރާ ކަރަންޓުގެ 30 ޕަސެންޓަކީ އިރުގެ އަލިން އުފައްދާ ހަކަތަ އަށް ހަދަން މަސައްކަތް ކުރާ ކަމަށެވެ. ނަމަވެސް ކުދި އެހެން ގައުމުތަކަށް ވެސް އެކަމުގެ ގޮންޖެހުންތައް ބޮޑު ކަން ފާހަގަކުރެއްވި އެވެ.

"ކުދި ގައުމުތަކުން ވެސް އިރުގެ ހަކަތަ އިން ބޮޑު ކާމިޔާބީއެއް ހޯދަން މަސައްކަތް ކުރޭ. ސްމޯލް އައިލެންޑް ސްޓޭޓްގެ ޗެއާގެ ހައިސިއްޔަތުން އެ ގައުމުތަކަށް ވެސް އެހީވުމަށް މަސައްކަތް ކުރާނަން. މޫސުމަށް އަންނަ ބަދަލުތަކުން ގައުމުތަކަށް ލިބޭ ގެއްލުން ކުޑަ ކުރުމާއި ތެޔޮ ބޭނުންކުރާ ވަރު ކުޑަ ކުރެވިގެންދާނެ،" ތޯރިގު ވިދާޅުވި އެވެ.

އެންވަޔަރްމަންޓް މިނިސްޓަރު ތޯރިގް (ވ-3)، އިރުގެ ހަކަތައިގެ މައުލޫމާތު ލިބޭ "ސޯލާ ރިސޯސް އޯވަވިއު 2017" ފޮތް މިއަދު ނެރެދެއްވަނީ. -- ފޮޓޯ: އެންވަޔަރްމަންޓް މިނިސްޓްރީ

އޭނާ ވިދާޅުވީ ކުދި ގައުމުތަކުގެ ތެރެއިން، އިރުގެ ހަކަތަ ނުވަތަ ތިމާވެއްޓާ ގުޅޭ ގޮތުން އެކި ޕްރޮގްރާމްތައް ބޭއްވުމުގައި ވެސް ރާއްޖެ އަކީ މަތީ ފަންތީގައި ހިމެނޭ ގައުމެއް ކަމަށެވެ.

ސޯލާ ރިސޯސް އޯވަވިއު ފޮތަކީ، ރާއްޖޭގައި އިއާދަކުރަނިވި ހަކަތައިގެ ވަސީލަތްތައް ހުރި މިންވަރު ދެނެގަތުމަށް ވޯލްޑް ބޭންކުގެ އެހީގައި ކުރިއަށްގެންދާ މަޝްރޫއުން އެއްކުރި މައުލޫމާތުގެ މައްޗަށް އެކުލެވޭ ފޮތެކެވެ. އެ މައުލޫމަތުތައް ނަގާފައި ވަނީ ރާއްޖޭގެ ހަތަރު ސަރަހައްދެއްގައި ގާއިމްކޮށްފައިވާ ސޯލާ މެޝަރިން ސްޓޭޝަންތަކުންނެެވެ.

އެ ފޮތުގައި ގްރައުންޑް މެޝަމަންޓުތައް ބޭނުންކޮށްގެން 1999 އިން 2016 އާ ދެމެދުގެ މައުލޫމާތުތައް ހިމެނެ އެވެ. މި އަހަރު ނިމުމުން، މިދިޔަ އަހަރުގެ މައުލޫމާތުތަކާ އެކީ، ދެ އަހަރުގެ ގްރައުންޑް މެޝަމަންޓު ބޭނުންކޮށްގެން މައުލޫމާތުތައް އެއްކޮށްލާނެ ކަމަށް ބުންޏެވެ.

ތިމާވެށި އެންވަޔަރްމެންޓް މިނިސްޓްރީ އިއާދަކުރަނިވި ހަކަތަ ތޯރިގް އިބްރާހިމް (އެންވަޔަރުމެންޓް މިނިސްޓަރު)

4 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ.

09 November 2017

ރާއްޖެޔަކީ ފުރިހަމަ 12 ގަޑިއިރު އަވިދޭ ގައުމެއް ނަމަވެސް ދައުލަތުން ރާއްޖޭގެ ބޮޑުފަޅެއް ތައްގީ ކުރުމުގެ ވިސްނުމެއް ނެތް މިސާލަކައް ބުނާނަމަ ހއ އަތޮޅުގެ ރަށެއް ހުރިހާ ހއ ނިސްބަތްވާ މީހުނައް އެއްރަށުގަ އިޔާދަކުރުވަނިވި ހަކަތައިން ކަރަންޓް ލިބިގެން އެއާޕޯޓުލިބިގެން އުފަލުގަ ސިއްހީނިޒާމައެކު އުޅެވޭނެ މަގުތަނަވަސްކޮއްދިނުމައްފަހު ތުރާކުނު ވަށަފަރު މުރައިދޫ ކަހަލަ ރައްރަށުން މީހުންބާލަންވީ ދިއްދޫވެސް މީހުންބާލަންވީ ކެލާކަހަލަ ބިންބޮޑު ރަށަކައް ހުރިހާވަސީލަތާއެކު ގަދަބަރުންވެސް ބަދަލުކުރުވަންވީ ކޮންމެރަށަކައް ކަރަންޓާފެނާ ބެނުމެއްނުވާނެ ހަމަ އެގޮތައް މާމަކުނުދޫ ހިއްކާފަ އެއާޕޯޓާ ސިއްހީނިޒާމާ ގާއިމު ކުރުމައްފަހު ކުޅުދުއްފުއްޓާ ދެންހުރި އާބާދީތައްވެސް އެއްފަސްކުރުވަންވީ ހުރިހާރަށެއްގަ މިހުންތިބުމަކީ ވަރައް ބޮޑުހަރަދެއް ބޭނުމީ ވެރިމީހާގެ ހިތްވަރު މީގަޓުވެރިން ނިންމާނެ ނިންމުން މުސްތަގުބަލައްފައިދާކުރާނެ ނިންމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫ އަލީ

09 November 2017

ކީއްވެތަ ދިއްދޫއާ އަޅާގަނެގެން ތިއުޅެނީ.. ހޮސްޕިޓަލާ،ބޭންކާ ،ސުކޫލް ކަލޭމެން ބޭނުން ތަނަކަށް ގެންގޮސްބަލަ.. އަހަރެމެން ނުދާނަށް ބަގުޑި ބައްދާކަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

09 November 2017

މިހާރު ދުނިޔޭގައި ހުރިހާ ގޮތަކުން އެއްވަނައިގައި އުޅޭ ޔުނައިޓެޑް ސްޓޭޓްސް އޮފް އެމެރިކާވެސް އެދަނީ ރާއްޖެނަމޫނާ އަކަށް ބަލައިގެން ގިނަކަންތައްކުރަމުންނެވެ. މިސާލަކަށް އެންމެ ފަހުން ބޭއްވި އިންތީޚާބު ފުދެއެވެ. ދެ ޕާޓީގެ ކެންޑިޑޭޓުން ކެމްޕޭނުގައި ދެއްކިވާހަކަތަކުން މިކަން ފެނުނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވޭ

08 November 2017

އިރުގެ ހަކަތައިގެ މިންވަރު އެގުނު ނަމަވެސް ސޯލަރ ޕެނަލްސް ތަކުގެ ބޭނުން ކުރެވޭ ކަރަންޓް މިންވަރާއި ބެހޭ ފޮތެއް ނުނެރުން މީ ބޮޑު މައްސަލަ އެކޭ. ދުނިޔޭގެ މިހާތަނަށް އަދި އެއްވެސް ކުންފުންނަކަށް ވެސް ނުއުފުއްދެއޭ ޑޮމެސްޓިކް ކޮށް މި ބޭނުން ކުރާ ސޯލަރ ޕެނަލްސް ތަކުގެ ބޭނުން ކުރެވޭ ކަރަންޓް އަކީ ޕެނަލްގެ ރޭޓިންގް ގެ %15 އަށް ވުރެން މަތި ނޫން. މިކަން ކީއްވެގެންތޭ މިނިސްޓްރީން ހާމަ ނުކޮށްގެން އުޅެނީ. މީ ބޮޑު އޮޅުވާލުމެއް ނޫންތޭ. މަމެން އެއްގޮތަކަށް ވެސް ގަބޫލެއް ނުކުރާނަން ރާއްޖޭގައި އުފައްދާ ކަރަންޓްގެ %30 އެއީ ސޯލަރ އެނަރޖީ އަށް ބަދަލު ކުރެވޭނެ ކަމަށް. ސަބަބަކީ ޕެނަލް ގައި ނެތް ހަކަތަ އެއް ނުދެވޭނެއޭ ރާއްޖޭގައި އެވްރެޖް ކޮށް ހޫނު މޫސުމުގައި ވެސް އިރުގެ އަލިން ސޯލަރ ޕެނަލް ޗާރޖް ކޮށްދެނީ އެންމެ ދެ ގަޑިއިރު. މާލޭ ހުރިހާ ގެއެއްގައި ސޯލަރ ޕެނަލް ޖެހި ނަމަވެސް ބޮޑު އިންޖީނުގެ އިން އަންދާ ތެލުން އެންމެ ލީޓަރު ޑީސަލް އެއް ވެސް ސަލާމަތް ނުވާނެއޭ މިހާރު މިނިސްޓްރީން ކަންކަން ކުރާ މޮޑެލް އިން.