އޭޝިއާ-ޕެސިފިކް އިކޮނޮމިކް ސަމިޓުގެ ތެރޭގައި ޓްރަމްޕާއި ޕުޓިން މަޝްވަރާ ކުރައްވަނީ. --ފޮޓޯ:އޭއެފްޕީ
11 ނޮވެމްބަރ 2017 - 14:57
2 comments
މޮސްކޯ (ނޮވެމްބަރު 11) - ސީރިއާގައި އިސްލާމިކް ސްޓޭޓް (އައިއެސް) ބަލިކޮށްލުމަށް އެމެރިކާގެ ރައީސް ޑޮނަލްޑް ޓްރަމްޕާއި ރަޝިޔާގެ ރައީސް ލަޑިމިއާ ޕުޓިން އެއްބަސްވުމަކަށް އައިސްފައިވާ ކަމަށް ކްރެމްލިން އިން މިއަދު ބުނެފި އެވެ.
އެޕެކް ސަމިޓުގައި ބައިވެރިވެވަޑައިގަތުމަށް ވިއެޓްނާމަށް ވަޑައިގެންވި ދެ ރައީސުން މިއަދު ވަނީ ކުޑަ ވަގުތުކޮޅަކަށް ބައްދަލު ކުރައްވައިފަ އެވެ. ދެ ބޭފުޅުން ދެއްކެވި ވާހަކައާ ގުޅޭ ގޮތުން އެމެރިކާ އިން އެއްވެސް ބަޔާނެއް ނެރެފައެއް ނުވެ އެވެ.
ކްރެމްލިން އިން ބުނެފައި ވަނީ ސީރިއާ މައްސަލަ އަށް އަސްކަރީ ހައްލެއް ނެތް ކަމަށް ވެސް ޓްރަމްޕާއި ޕުޓިން ވެސް ދެކެވަޑައިގަންނަވާ ކަމަށެވެ.
ޓްރަމްޕާއި ޕުޓިން ފުރަތަމަ ފަހަރަށް ބައްދަލުކުރެއްވީ ޖުލައި މަހު ޖަރުމަނުގައި ބޭއްވި ޖީ20 ސަމިޓުގަ އެވެ. އޭގެ ފަހުން ވަނީ ދެ ގައުމުގެ ގުޅުމުގައި މައްސަލަތަކެއް ޖެހިފަ އެވެ. އެޕެކް ސަމިޓުގެ ތެރޭގައި ޓްރަމްޕާއި ޕުޓިންގެ ރަސްމީ ބައްދަލުވުމެއް ބާއްވާނެކަން އަދި ޔަގީނެއް ނޫނެވެ.
އެމެރިކާ އިން މިހާރު ދަނީ ރިޔާސީ އިންތިޚާބަށް ރަޝިޔާ އިން ނުފޫޒު ފޯރުވި ކަމަށް ބުނާ މައްސަލަތައް ތަހުގީގު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
farthy
12 November 2017
އައިއެސްއަކީ އެމެރިކާގެކުލީސިފައިން. އެހެންވީމަ އެމެރިކާބޭނުންވީމަ ތިއައިއެސްގެކަންތައްނިމޭނެ.
ސަޅިބައިސާ
12 November 2017
އެމެރިކާއިން މިހާރު ބޭނުންވަނީ ސޫރިޔާ ހަނގުރާމަ ނިންމަން. ދެން ފަށާނީ އެއަށްވުރެ ބޮޑު ހަނގުރާމައެއް. އެ ހަނގުރާމައިގާ ބައިވެރިވާނީ ސައުދީ އިޒްރޭލު ޔޫ އޭ އީ ބަހްރެއިން އެމެރިކާ. ހަނގުރާމައިގެ ލަނޑުދަނޑިތަކަކީ ލުބުނާނުގައި އޮތް ހިޒްބުﷲ ނައްތާލާފަ އިރާނަށް އަރައިގަތުން. މި ހަނގުރާމަ ފެށުމުގެ ކުރިން ރަސިއާ ސައިލެންޓުކޮށްލަން ސައުދީއާއި ޔޫއޭއީ އިން ރަޝިޔާއަށް އެތައް ބިލިއަން ޑޮލަރެއް ދޭނެ. މަރުވެ ފަނާވާނީ ކުށެއް ނެތް އެތައްހާސް މުސްލިމުންނެއް.