ލުބާނާނުގައި ހަރީރީގެ އާއިލާ އިން ހިންގާ ފިއުޗާ ޓީވީ ޗެނަލް އަށް އިންޓަވިއު ދެއްވަނީ. --ފޮޓޯ:އޭއެފްޕީ
13 ނޮވެމްބަރ 2017 - 09:23
1 comments
ރިޔާޒް (ނޮވެމްބަރު 13) - ބޮޑު ވަޒީރުގެ މަގާމުން އިސްތިއުފާ ދިނީ އަމިއްލަ ސަލާމަތާއި ރައްކާތެރި ކަމަށް ކަމަށާއި ވަރަށް އަވަހަށް ގައުމަށް ވަޑައިގަންނަވާނެ ކަމަށް ލުބުނާނުގެ ބޮޑު ވަޒީރު ސައުދު ހަރީރީ ވިދާޅުވެއްޖެ އެވެ.
މި މަހު 4 ވަނަ ދުވަހު އިސްތިއުފާ ދެއްވި ފަހުން ފުރަތަމަ ފަހަރަށް ވާހަކަ ދައްކަވަމުން ހަރީރީ ވިދާޅުވީ މަގާމު ދޫކޮށްލުމުގެ ފަހަތުގައި ވަނީ ހިޒްބުﷲ ޖަމާއަތް ކަމަށެވެ.
"އަޅުގަނޑު އިސްތިއުފާ ދީފިން. ވަރަށް އަވަހަށް ލުބުނާނަން ދާނަން. އަދި ގާނޫނު އަސާސީގައިވާ ގޮތަށް އިސްތިއުފާ ހުށަހަޅާނަން،" ރިޔާޒުގައި ހުންނަވާ ފިއުޗާ ޓީވީއާ ވާހަކަ ދައްކަވަމުން ހަރީރީ ވިދާޅުވި އެވެ.
ލުބުނާނުގެ ބޮޑު ވަޒީރު ހަރީރީ އިސްތިއުފާ ދިނީ ސައުދީ އަރަބިއާ އިން މަޖްބޫރުކޮށްގެން ކަމަށް ބައެއް ފަރާތްތަކުން ބުނޭ. --ފޮޓޯ:އޭއެފްޕީ
ހަރީރީގެ އިސްތިއުފާ ލުބުނާނުގެ ރައީސް މިޝޭލް އަޔޫން ގަބޫލް ކުރައްވައިފައެއް ނުވެ އެވެ. އޭނާ ވިދާޅުވީ ސައުދީން ވަނީ ހަރީރީ އަށް ބިރު ދައްކައިފައި ކަމަށެވެ. ހިޒްބުﷲއާ ގާތް ގުޅުމެއް އޮންނަ އީރާނުން ވެސް ބުނެފައި ވަނީ ސައުދީން ހަރީރީ ކިޑްނެޕްކޮށްފައިވާ ކަމަށެވެ.
ހަރީރީގެ އިސްތިއުފާ އިއުލާން ކުރައްވަމުން އޭނާ ވަނީ ސަރަހައްދުގެ ހަމަނުޖެހުން ނަގާލަން ހިޒްބުﷲ އިން މަސައްކަތް ކުރަމުންދާ ކަމަށް ވިދާޅުވެފަ އެވެ. އެކަމަކު ތަޖްރިބާރުން ބުނަނީ ހަރީރީ އިސްތިއުފާ ދެއްވަން ސައުދީން މަޖްބާރުކޮށްފައި ވަނީ ލުބުނާނުގެ ސަރުކާރުން ހިޒްބުﷲ ބޭރު ކުރަން ހަރީރީ ދެކޮޅު ހައްދަވާތީ ކަމަށެވެ. ލުބުނާނުގެ ޕާލަމެންޓުގައި ވެސް ހިޒްބުﷲ ގެ މެންބަރުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޅިބައިސާ
13 November 2017
ޔަމަނުގެ ރައީސް ހާދީވެސް ހުރީ ސައުދީގަ ކިޑްނެޕްކޮށްފަ. ހަރީރީވެސް ތިހުރީ ކިޑްނެޕްކޮށްފަ. އާލުސޫދުންނަކީ ކިޑްނެޕްކުރުމާއި ގަތުލުއާންމު ހިންގުމުގެ ރެކޯޑުއޮތް މުޖުރިމުންތަކެއް. އިސްލާމީ އުންމަތުގާ ދީނީ ފިތުނަ އުފައްދާ މުޅި ދީންވެސް ފަސާދަކުރީ ތިއަ އާއިލާ.