އައިފޯން 10ގެ ސްކްރީނަށް ފެހިކުލައިގެ ރޮނގު އަރާފައި
13 ނޮވެމްބަރ 2017 - 10:37
11 comments
އެޕަލްގެ އެންމެ ފަހުގެ އަދި އެންމެ އަގުބޮޑު ފޯނު ކަމަށްވާ އައިފޯން 10 ގެ ސްކްރީނަށް ފެހިކުލައިގެ ރޮނގެއް އަރާ މައްސަލައެއް ދިމާވެ ބައެއް މީހުން އެކަމުގެ ޝަކުވާކުރަން ފަށައިފި އެވެ.
އެންޑްރޮއިޑުގެ ބައެއް ފޯނުތަކުގައި ފިޔާތޮށި ކުލައިގެ ރޮނގެއް ސްކްރީނަށް އަރާ ގޮތަށް އައިފޯނުގައި ވެސް ރޮނގު އިންނަނީ ސްކްރީނުގެ ދިގަށްވާ ގޮތަށެވެ. މި މައްސަލަ ދިމާވި ބައެއް މީހުން ސޯޝަލް މީޑިއާގައި ބުނެފައިވާ ގޮތުގައި މި މައްސަލަ ދިމާވަނީ ގިނައިރު ފޯނު ބޭނުންކުރުމުންނެވެ.
މި ލައިން އިންނަނީ ވަރަށް ހިމަކޮށް ކަމަށް ވިޔަސް ޑިސްޕްލޭއިން ވަރަށް ބޮޑަށް އެ ރޮނގު ފާހަގަވެ އެވެ. މިކަމާ ބެހޭ ގޮތުން އެޕަލް އިން ރަސްމީގޮތެއްގައި ވާހަކަ ނުދެއްކި ނަމަވެސް މި މައްސަލަ ތަޖުރިބާކުރަން ޖެހުނު މީހަކު ސޯޝަލް މީޑިއާގައި ބުނެފައިވާ ގޮތުގައި އެޕަލް އިން ވަނީ އެއްވެސް އަގަކާ ނުލައި ފޯނު ބަދަލުކޮށްދީފަ އެވެ.
އައިފޯން 10ގެ ސްކްރީނަށް ފެހިކުލައިގެ ރޮނގު އަރާފައި
އައިފޯން 10 އަށް މާބޮޑަށް ފިނިވުމުން ޓަޗް ސްކްރީން ރަނގަޅަށް މަސައްކަތް ނުކުރާ ކަމުގެ ޝަކުވާތަކެއް ވެސް ބައެއް މީހުން ކޮށްފައިވެ އެވެ. އައިފޯނު ގެންގުޅެން ޖެހެނީ 0-35 ޑިގްރީސެލްސިއަސްގައި ކަމަށް ވާއިރު މި ޓެމްޕަރޭޗާ ތެރޭގައި ވެސް ފޯނުގެ މަސައްކަތަށް ހުރަސްއެޅޭ ކަމަށްވެ އެވެ. އެޕަލް އިން ވަނީ މި މައްސަލަ އުޅޭކަން އެނގިފައިވާ ކަމަށް ބުނެ އެކަން ހައްލުކުރާނެ ކަމަށް ބުނެފަ އެވެ. ޓަޗް ސްކްރީނަށް އެ މައްސަލަ ދިމާވަނީ ފިނިވުމުން، ކުޑަ ވަގުތުކޮޅަކަށް ކަމަށާއި އިރުކޮޅަކުން ރަނގަޅުވާ ކަމަށް ވެސް އެޕަލް އިން ބުނެފައިވެ އެވެ.
އައިފޯން 10ގެ ސްކްރީނަށް ފެހިކުލައިގެ ރޮނގު އަރާފައި
މިގޮތަށް ސްކްރީނަށް ރޮނގެއް އެރުމުގެ މައްސަލަ ގޫގުލް ޕިކްސެލް އާއި ސެމްސަންގުގެ ބައެއް ފޯނުތަކަށް ވެސް ދިމާވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
14 November 2017
ސެމްސަންގުވެސް ތިޔަޒާތުގެ ބޮނޑިއެއް ބޮއެ އެތަށްބިލިއަން ޑޮލަރެއްގެ ގެއްލުންވީ ،،،، އޭރުއެމީހުންގެ ފޯންގެ ބެޓެރީ ގޮވަންފެށީ ،،، މިހާރު އައިފޯންގެ ސްކްރީންނަށް ރޮނގެއް ތިޔައަރަނީ ،،، ދެން ޕްރީއޯޑަރކުރިމީހުން ކިހިނެއްބާ ހަދާނީ ،،، އާބެޗެއްގެ ފޯންއަންނަންދެން މަޑުކުރާނީތޯ ؟؟ ދިރާގުން ވޮރަންޓީދޭތޯ ؟؟ އަޅުގަނޑު މިހުންނަނީ މަޑުކޮއްލައިގެން އަދި ބަލާލަން ،،، ގިނަފަހަރު އާމޮޑެލްތަށްނުކުންނައިރު ޒާތްޒާތުގެ މައްސަލަ ހުރޭ ،،،، ބުއްދިވެރިވާނީ ދުވަސްކޮޅަކަށް ކެއްކޮއްލީމައި ،،، އޭރުން ވެގެން އުޅޭގޮތެއް ސާފްވާނެ ،،، ވަރަށްވެދުން
ހެހެހެހެ
13 November 2017
އެޕަލް ފޯނަކައް މިކަހަލަ ހާޑުވެއާ މައްސަލައެއް ދިމާވެއްޖެނަމަ ވޮރަންޓީ ބޭރުންވެސް އާފޯނު ލިބޭނެ. އައިފޯނު ހަތަރެއް ޒަމާނުގަ ހޯމް ބަޓަން އަބަދު ހަލާކުވެފަ. އެކަމު ޑިސްޓްރިބިއުޓަރުން ދިޔައީ ސުވާލު ކުރުމެއް ނެތި ބަދަލުގަ އާ ފޯނު ދެމުން. ދެން އޭގެ ހަރަދު އެޕަލް ޒިންމާވެފަ ގެއްލުންވެސް އެމީހުނައް. ކަސްޓަމަރުންނައް ގެއްލުން ނުވާ ގޮތައް.
ހަހަ
13 November 2017
ބުނެލެވޭނީ ހަމަ ސެމްސަންގ ވަރެއް ނުވާނެޔޭ
ހެހެހެހެ
13 November 2017
މީ ސެމްސަންގު ފޯނައްވެސް އެރި ރޮނގެއް. އަދި ކިއެއްތަ މި އައިފޯނުގެ ސްކްރީން ހެދީވެސް ސެމްސަންގު. ދެނޯ؟
އިންމަސް
14 November 2017
ލޮލް.. އައިފޯނުގަ ރޮންގެއްތާދޯ އެކަމަކު ސެމްސަންގް ޖީބުގަ އޮއްވަ ގޮވަނީ.. ދެން ލަލަލާ
ހުޔާ
14 November 2017
ބައެއް އެއާރލައިން ތަކަށްވެސް އެރުވުން މަނާ ސެމްސަންގ.... ނޮޓް އެޕަލް... ހެހެހެހެހެ
ކައުންސެލަރު
13 November 2017
އެއި އަހަރެންބުނާ ވާހަކައަކީ؟ ތިޔަބުނާ "ގްރޭޓް" އައިފޯނު! މައްސަލަ ހަމަދިމާވޭދޯ އައިފޯނަށްވެސް...
ނަން
13 November 2017
ބޭފުޅާ ސެމްސަންގްގެ އެމޯލެޑް ޑިސްޕްލޭ ބޭނުންކޮށްފަ އައިފޯން 10ގަ ހުންނަނީ
އާމިނަ
13 November 2017
ބުނެވޭގޮތުގައި ޑިސްޕްލޭ ހެދީ އެޕަލް އިންޖިނިއަރުންގެ އަމިއްލަ "ސްޕެސިފިކޭޝަނަށް" ސެމްސަންގ އެމޮލިޑް ޓެކްނޮލޮޖީ ބޭނުންކޮށް. މިގޮތަށް މައްސަލަ ޖެހެނީ ނިސްބަތުން މަދު ގުނާލެވޭ ފޯނުތަކުގަ. މާނައީ ޓެކްނޮލޮޖީ މައްސަލަ ނެތް އެކަމަކު ޕްރޮޑަކްޝަން މައްސަލައެއް.
ކަމީން
13 November 2017
ލިޔުމުގައި ބުނެފައިވާ ފަރާތައް އެޕަލްއިން ބަދަލު ދިނަސް މިރާއްޖޭގައި އެއީ ވާނެ ކަމެއްނޫން..ސެމްސަންގް ފޯނުތަކަށް ދިމާވި މައްސަލައިގައި ބަދަލު ހޯދަން ނޫނީ އެކަން ރަނގަޅުކުރަން ދިއުމުން ދާމީހާގެ ބޮލަށް ކަނޑާލަނީ .. ފޯނުގެ ގެންގުޅޭ ގޮތުންވާ ކަމެއް ކަމަށްބުނެ..
މޮޑަފްް
13 November 2017
ނޫނޭ ބޭފުޅާ. އަހަރެން ދިރާގުން ގަތް އައިފޯނެއް ނެޓްވޯރކް މައްސަލަޖެހިގެން ހަމަ އާފޯނަކަށް ބަދަލުކޮށްދިން. އެކަމަކު އެއީ ވޮރެންޓީ ގެ މުއްދަތުގަ. އަދި ހަފްތާއެއްވަރުވި. ސިންގަޕޫރުން އައީ.