ރާއްޖޭގެ ކަނޑުގެ ސަރަހައްދުގައި ބޭރުގެ ހަތަރު މަސް ބޯޓެއް އުޅޭތީ، އެމްއެންޑީއެފުން ހަރަކާތްތެރިވާން ފަށައިފި އެވެ.
އެމްއެންޑީއެފުން ބުނީ ގއ. ކޮލަމާފުށީ ހުޅަނގު އުތުރުން އެ ބޯޓުތައް ފެނިގެން ސިފައިންގެ ސަމާލުކަމަށް ގެނައީ ދިވެހި މަސްވެރިންތަކެއް ކަމަށެވެ. އަދި މަސް ބޯޓުތައް ދިވެހި މަސްވެރިން ހިފަހައްޓާފައިވާ ކަމަށް ވެސް ވެ އެވެ.
އެމްއެންޑީއެފުން ބުނީ މަސްބޯޓުތައް ފެނުނު ދިމާއަށް ކޯސްޓްގާޑުން ދަތުރުކުރަމުން އަންނަ ކަމަށެވެ.
މިއީ ކޮން ގައުމެއްގެ ބޯޓުތަކެއްކަން އަދި ނޭނގެ އެވެ.
ރާއްޖޭގެ ކަނޑުގެ ސަރަހައްދަށް ގަވައިދާ ހިލާފަށް ވަދެ، މަސްވެރިކަން ކުރާ ބޭރުގެ ބޯޓުތައް ދޭތެރެ ދޭތެރެއިން ފެނެ އެވެ.
