ސްޓެލްކޯގެ ސޭލްސް ސެންޓަރުން ވިޔަފާރިކުރަން ދިޔަ ބަޔަކު ކިއޫ ހަދާފައި: އެ ކުންފުނިން ވަނީ ފްލެޓް އަޅާނެ ބަޔަކު ހޯދަން އިއުލާންކޮށްފައި. --މިހާރު ފައިލް ފޮޓޯ
23 ނޮވެމްބަރ 2017 - 21:43
31 comments
ބޯހިޔާވަހިކަމުގެ ބިޔަ މަޝްރޫއުގެ ދަށުން ހުޅުމާލޭގައި ސްޓެލްކޯ އިން އަޅާ 15 ބުރީގެ ދެ ޓަވަރު އިމާރާތްކޮށްދޭނެ ބަޔަކު ހޯދަން އެ ކުންފުނިން މިއަދު އިއުލާންކޮށްފި އެވެ.
ހުޅުމާލޭގައި 80،000 މީހުންގެ އާބާދީއަކަށް އަމާޒުކޮށްގެން 25 ބުރީގެ 62 ޓަވަރު އަޅަން ސަރުކާރުން ވަނީ ނިންމައިފަ އެވެ. މީގެ ތެރެއިން ބައެއް ފްލެޓްތައް އަޅަން ހަވާލުކޮށްފައި ވަނީ، ސަރުކާރު ހިއްސާވާ ކުންފުނިތަކާ އެވެ.
ފްލެޓްތައް އަޅަން ކުންފުނިތަކާ ހަވާލުކުރީ، އެ ކުންފުނިތަކުގެ މުވައްޒަފުންނަށް ދޫކުރުމަށް ފަހު ބާކީ ހުންނަ ފްލެޓްތައް އާއްމުންނަށް ވިއްކާލެވޭ ގޮތަށެވެ.
ސްޓެލްކޯގެ ދެ ޓަވަރު އިމާރާތްކުރަން ޝައުގުވެރިވާ ފަރާތްތަކުން އަންނަ މަހުގެ 7 ގެ ކުރިން ޕްރޮޕޯސަލް ހުށަޙަޅަން ޖެހެ އެވެ. މި ޓަވަރުތައް އިމާރާތް ކުރަން ޝައުގުވެރިވާ ދިވެހި ކުންފުނިތަކާއި ބޭރުގެ ކުންފުނިތަކަށް ވެސް ފުރުސަތު އެބަ އޮތް ކަމަށް ސްޓެލްކޯ އިން ބުންޏެވެ.
ސްޓެލްކޯގެ އިތުރުން އެސްޓީއޯ އާއި ފެނަކަ އާއި އެމްޑަބްލިއުއެސްސީ އާއި އެމްޕީއެލް ފަދަ ކުންފުނިތަކުން ވެސް ފްލެޓް އެޅުމާ ވަނީ ހަވާލުވެފަ އެވެ. އެކަމަކު ފްލެޓް އަޅާނެ ބަޔަކު ހޯދަން މި ކުންފުނިތަކުން އަދި އިއުލާނެއް ނުކުރެ އެވެ.
ބޯހިޔާވަހިކަމަށް ހައްލު ހޯދަން ހުޅުމާލޭގައި 15،000 ފްލެޓް އަޅަން ނިންމާފައިވާއިރު، މި މަޝްރޫއު 2019 އަށް ނިމޭނެ ކަމަށް ސަރުކާރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަގޭ ރިޕޯޓް
26 November 2017
ޓަވަރެއްގައި ހުންނާނީ 200 ފްލެޓް. އޭގެ މާނައަކީ، އަކަފޫޓަކަށް -/950ރ. ރޭޓުން ބެލިއަސް، 250 މިލިއަން ރުފިޔާ. އޭގެ މާނައަކީ، ތިޔަ އީ "ބިޔަ" އިންވެސްޓްމަންޓް އެކޭ. ސުވާލަކީ، ތިޔަ ފްލެޓް ގަންނަން ރައްޔިތުން އަތުގައި ލާރި ހުރިތޯ؟ ފްލެޓެއް ވިއްކާ އަގަކީ، 2.5 މިލިއަން ރުފިޔާ ކަމުގައި ވާނަމަ، ގާކޮށި، އަރަބިއްޔާގެ ތިބި ޝަރުޠު ހަމަނުވާ މީހުންނެކޭ އެއްވަރެއް ނޫންތޯ ވާނީ. އެހެންވެއްޖެއިޔާ، ތި ޓަވަރު ނިމޭނީ، އެންމެ ގޮތަކަށް. ގަންނާނެ މީހަކު ނެތި، ނައިޖީރިއާގެ ސްޓޭޓެއް ފަޅުވިހެން، ތިޔަކަންތައްވެސް ނިމޭނީ.....
ަމަނާރު
25 November 2017
ހުސް ކޮރަޕްޝަން
ހާސަރު
24 November 2017
ސްޓެލްކޯއިން ފްލެޓް އެޅުމުގެ ކުރިން އެމީހުންގެ މެންޑޭޓްގައި ވާ މަސައްކަތް ފުރިހަމަކޮށްބަލަ. ގެދޮރު އަޅަން ސަރުކާރުން ހަދާފައޮތް ކުންފުނިލައްވާ ފްލެޓް އަޅުވާބަލަ. މިވަރުން ދަންޏާއަދި ފާޚާނާ ހޮޅިއެޅުމާއި ކަރަންޓް މަސައްކަތް ކުރަން ކޯޓްތަކަށްވެސް ޖެހިދާނެ!
އާމިނަ
24 November 2017
ޓަވަރުތައް އުސްކަމުންވެސް.
ަކީއްކުރާނަމޭ
24 November 2017
ކީއްކުރާނަމޭހިތާ ތިއުޅެނީ؟
ކެވެލި
24 November 2017
ފްލެޓް އަޅަން އިސްލާމިކް މިނިސްޓްރީ އާ ޙަވާލު ކުރަން ފެނޭ.
އުމަރު
24 November 2017
މިއީ ދެން ވަރަށް ތާކުންތާކު ނުޖެހޭކަމެއް، ސަރުކާރުގެ ކުންފުނިތަކުގެ މުއައްޒަފުން އެކަނިތޯ މިޤައުމުގައި ހިދުމަތްދެމުންދަނީ؟ އެމީހުން ދައްކާ ޓެކުސްތޯ އެންމެ ގިނައީ؟ ސްޓެލްކޯއަށް އަދި ސަރުކާރުގެ ކުންފުނިތަކަށް ފުރުސަތު ހުޅުވާލަންޏާ ރާއްޖޭގެ އެހެން ޕްރައިވަޓް ކުންފުނިތަކަށްވެސް ހުޅުވާލަންޖެހޭ، ސަރުކާރުގެ އެއްވެސް ކުންފުންޏެއް އުފެއްދިއިރު ގަރާރުގައި ނޮއޮންނާނެ ފުލެޓް އަޅައިގެން ރިއަލްސްޓޭޓް ވިޔަފާރިއަށް ވަނުމަކަށް، އެމީހުންގެ މޭންޑޭޓުން ބޭރުވަންޏާ އެމީހުންގެ މުއައްޒަފުން ކޮރަޕްޝަނުގެ ތެރެއަށް ތިޔަވެއްދެނީ، ދައުލަތުގެ މުއައްޒަފުން އެކަންޏެއްނޫން ފުލެޓް ބޭނުންވަނީ، ދައުލަތުގެ މީހުންނަށް ކިޔޫއެއްގައި ނުޖެހި ނަންނޯޓްނުކޮށް ސޯޝަލް ހައުސިންގް ތެރެއިން ނުގޮސް ފުލެޓްލިބޭނެ މޮޑެލެއް އެޗްޑީސީންވެސް އަދި ރައީސު އޮފީހުންވެސް ރާވައި ހިންގައިނުވާނެ، އެޗްޑީސީއަކީވެސް ސަރުކާރުގެ ކުންފުންޏެއް އަދި ޓެކުސްގެ ފައިސާއިން 3 ވަނަ ފިޔަވަހިވެސް އަދި އެއްވަނަ ފިޔަވަހިވެސް ހިއްކީ، ވަރަށް ގޯށް ސަރުކާރެއް
ޠާންޓޭ
24 November 2017
ރަގަޅު ރައްޔިތުން ފެލައިގެން ކުރާކަންތައް
Abdul Latheef
25 November 2017
އަދި ކުރިޔަށްއޮތީ ކުލީއަޅުންނަށް ހެދުމުގެ މަރުހަލާ.
ލުކްވެލް
24 November 2017
ސްޓެލްކޯ އިން ވެސް 15 ބުރީގެ 2 ޓަވަރު ހުޅުމާލޭގައި އިމާރާތް ކުރަން އިއުލާން ކޮށް އެކަން ކުރުމަށް ޓަކައި ކޮންޓްރެކްޓަރ އެއް ހޯދާއިރު ތިޔާ މަސައްކަތް ދޭން އެންމެ ރަނގަޅީ އެމްޓީސީސީ އަަށެވެ. އެއިރުން އެމްޓީސީސީން ސްޓެލްކޯ އާއި ގުޅިގެން ތިޔާ މަސައްކަތް ސަރުކާރުގެ ވައުދުގެ ގޮތުގައި ފުއްދާ ދޭން މަސައްކަތް ކުރާނެއެވެ. އެއްގޮތަކަށް ވެސް ލަންކާ އަދި އިންޑިއާ ކުންފުނި ތަކަށް ތިޔާ މަސައްކަތް ދީގެން ނުވާނެއެވެ.
އަލީ.
24 November 2017
ކޮބާހޭ ރިސޯޓު ހިއްސާ