އެމްއީސީސީގެ އެންމެ މޮޅު ދަރިވަރަކަށް ފައުޒާ

އެމްއީސީސީގެ މި އަހަރުގެ އެންމެ މޮޅު ދަރިވަރު ފައުޒާއާ، އެޑިއުކޭޝަން މިނިސްޓަރު ޑރ. އާއިޝަތު ޝިހާމް ހާއްސަ އެވޯޑް އިއްޔެ ހަވާލުކޮށްދެއްވަނީ.---ފޮޓޯ: އެމްއީސީސީ

25 ނޮވެމްބަރ 2017 - 10:18

2 comments

ސްރީ ލަންކާގައި ދިރިއުޅޭ ދިވެހިންނަށް ޚާއްސަ ކޮށްގެން ދިވެހި ސަރުކާރުން އެ ގައުމުގައި ހިންގާ މޯލްޑިވިއަން އެޑިއުކޭޝަނަލް އެންޑް ކަލްޗަރަލް ސެންޓަރު (އެމްއީސީސީ) ގެ މި އަހަރުގެ އެންމެ މޮޅު ދަރިވަރަކަށް ފާތިމަތު ފައުޒާ ފަހީމް ހޮވައި އިއްޔެ އިނާމު ދީފި އެވެ.

ސޯސަންވިލާގައި ހިންގާ އެމްއީސީސީގެ މި އަހަރުގެ އެންމެ މޮޅު ދަރިވަރު އަދި މި އަހަރު ގްރޭޑް 10 ނިންމި ފައުޒާ އަށް ޚާއްސަ އެވޯޑް ހަވާލުކޮށްދެއްވީ، އެ ސެންޓަރުގެ ދިރާސީ އަހަރު ނިމުން ފާހަގަކުރުމަށް ބޭއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އާއިޝަތު ޝިހާމެވެ.

މި ރަސްމިއްޔާތުގައި ވަނީ އެމްއީސީސީން މި އަހަރު އެސްސީ އިމްތިހާނު ހެދި 11 ދަރިވަރުންނާ ވެސް ސެޓްފިކެޓް ހަވާލުކޮށްފައި ކަމަށް ލަންކާގައި ހުންނަ ދިވެހި އެމްބަސީން ބުންޏެވެ.

އިއްޔެ ހަވީރު ބޭއްވި މި ރަސްމިއްޔާތުގައި، ލަންކާގައި ހުންނަވާ ދިވެހި ސަފީރު މުހައްމަދު ހުސެއިން ޝަރީފް (މުންދު) ވަނީ އެމްއީސީސީގެ ލޯގޯ އާއި އެ ސެންޓަރުގެ ޔުނިފޯމް ވެސް އިފުތިތާހު ކޮށްދެއްވައިފަ އެވެ.

އެމްއީސީސީގެ ދިރާސީ އަހަރު ނިންމުމަށް އިއްޔެ ބޭއްވި ރަސްމިއްޔާތު: މި ރަސްމިއްޔާތުގައި ވަނީ އެ ސެންޓަރުގެ މި އަހަރުގެ އެންމެ މޮޅު ދަރިވަރަކަށް ފައުޒާ ހޮވައި އިނާމު ދީފައި.---ފޮޓޯ: އެމްއީސީސީ

ގިނަ އަދަދެއްގެ ބެލެނިވެރިންނާއި ކުދިން ބައިވެރިވި މި ހަފުލާގައި ސަފީރު ވިދާޅުވީ އެމްއީސީސީ އަކީ ރާއްޖެއާ ކިތަންމެ ދުރުގައި ހިންގާ ތަނަކަށް ވިޔަސް ދިވެހި ސަރުކާރުގެ ފުރިހަމަ އެހީތެރިކަމާއި އެއްބާރުލުން ލިބޭކަން ފާހަގަކުރައްވާ ކަމަށެވެ. އެގޮތުން އެ ސެންޓަރުގެ ކުދިން އަންނަ އަހަރު ޔުނިފޯމް ބޭނުންކުރަން ފެށުމާއި ޖަލްސާ ކުރާ ހޯލް ބޮޑުކުރުން ރާވާފައިވާ ކަމަށް އޭނާ ވިދާޅުވި އެވެ.

އެމްއީސީސީގެ ދިރާސީ އަހަރު ނިންމުމުގެ ހަފުލާގައި ވާހަކަ ދައްކަވަމުން އެޑިއުކޭޝަން މިނިސްޓަރު އާއިޝަތު ޝިހާމް ވިދާޅުވީ ރާއްޖެ އިން ބޭރުގައި ދިވެހި އާއިލާތައް ދިރިއުޅެމުން އަންނައިރު، އެ މީހުންގެ މެދުގައި ދިވެހި ގައުމިއްޔަތާއި އިސްލާމްދީން ހިމާޔަތް ކުރުމަށް ދިވެހި ސަރުކާރުން ވަރަށް ބޮޑު އަހައްމިއްޔަތު ކަމެއް ދޭ ކަމަށެވެ.

އެމްއީސީސީގެ ދިރާސީ އަހަރު ނިންމުމަށް އިއްޔެ ބޭއްވި ރަސްމިއްޔާތު ހުށަހަޅައިދެނީ: މި ރަސްމިއްޔާތުގައި ވަނީ އެ ސެންޓަރުގެ މި އަހަރުގެ އެންމެ މޮޅު ދަރިވަރަކަށް ފައުޒާ ހޮވައި އިނާމު ދީފައި.---ފޮޓޯ: އެމްއީސީސީ

އޭނާގެ ވާހަކައިގައި ވަނީ އެމްއީސީސީ ތަރައްގީ ކުރުމަށްޓަކައި ލަންކާގައި ހުންނެވި ރާއްޖޭގެ ކުރީގެ ސަފީރު ޒާހިޔާ ޒަރީރާއި މިހާރުގެ ސަފީރު މުންދު ކޮށްދެއްވާ މަސައްކަތްތަކަށް ޝުކުރު އަދާކުރައްވައިފަ އެވެ. އަދި ރާއްޖެ އިން ބޭރުގައި ދިވެހިންނަށް ޚާއްސަކޮށްގެން އެމްއީސީސީ ފަދަ މުހިންމު ތަނެއް ގާއިމްކުރުމުގެ ވިސްނުންފުޅު ގެންގުޅުއްވައި އެކަން ތަންފީޒު ކޮށްދެއްވި ކަމަށްޓަކައި ރައީސް އަބްދުﷲ ޔާމީނަށް ވެސް ޝުކުރު އަދާކުރެއްވި އެވެ.

ސްރީ ލަންކާ ތައުލީމް ރާއްޖެ-ލަންކާ މުހައްމަދު ހުސެން ޝަރީފު (މުންދު) ޑރ. އައިޝަތު ޝިހާމް (ސޯޝަލް އެންޑް ފެމިލީ)

2 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަފިހުން ގޮއްޔެ

26 November 2017

ސޯސަންވިލާގަ ހުންނަ އެމްއީސީސީގަ އޯލެވެލްފެންވަރަށް ކިޔަވާދޭން ފެއްޓީ ކޮން އިރަކުތޯ، ތިކަން އިނގޭނަމަ އަހުން ދަރިން ކޮޅު ގޮވައިގެން މިހާރު ހުރީހީ ތިޔަތަނަށްގޮސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އދ

25 November 2017

މިސަރުކާރަކުންނޫން ތިޔަތާގައި އިސްލާމް ދިވެހި ޤުރްއާން ކިޔަވައިދޭން ފެއްޓީ. މިހާރު ތިޔަކުރާހާ ބޮޑު ޚަރަދެއް ތިޔަކުރަނީ ސިޔާސީ ބޭނުމަށް ވޯޓް ހޯދަން. ތިޔަތާގައި މީގެ 8 އަހަރުކުރިން ހުރީ މުބާރަކު ކިޔާ ޓީޗަރެއް. އޮޅުވާނުލާ