ފްލެޓް ވިއްކުން މަޑުޖައްސާލިކަން އެޗްޑީސީން އިއުލާންކޮށްފި

މާލޭގެ އަރަބިއްޔާ ސްކޫލްގެ ބިމުގައި ހަދާފައި ހުރި ފްލެޓް އިމާރާތް

އާމިނަތު ޝިފްލީން، މިހާރު

03 ޑިސެމްބަރ 2017 - 21:10

މާލޭގެ ގާކޮއްޓާއި އަރަބިއްޔާ ސްކޫލް ކުރިން ހިންގި ބިމުގައި އިންޑިއާގެ ޓާޓާ ކުންފުނިން އިމާރާތް ކުރި ފްލެޓްތައް ވިއްކުން މެދުކަނޑާލިކަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން މިއަދު އިއުލާންކޮށްފި އެވެ.

އެޗްޑީސީން މިއަދު މެންދުރެއްހާއިރު އެ އިއުލާން ނެރުނީ، ފްލެޓް ގަތުމަށް ފޯމު ހުށަހަޅަން ގިނަ ބަޔަކު، ދެ ދުވަސް ކުރިން ކިޔޫ ހަދައިގެން ތިއްބައި އެކަން ހައުސިން މިނިސްޓަރު މުހައްމަދު މުއިއްޒު ޓްވީޓަކުން ކެންސަލް ކުރެއްވުމުން ގިނަ ބައެއްގެ ފާޑުކިޔުން އަމާޒުވެފައި ވަނިކޮށެވެ.

އެޗުޑީސީގެ އިއުލާންގައި ވެސް އޮތީ މުއިއްޒު ކުރެއްވި ޓްވީޓްގައި ހިމެނޭ ވާހަކަތަކެވެ. އެޗުޑީސީގެ ކަންކަން ބެލެހެއްޓެވުމުގެ އެންމެ އިސް ފަރާތަކީ ހައުސިން މިނިސްޓަރެވެ.

ގާކޮށްޓާއި އަރަބިއްޔާ ހުރި ބިމުގައި އިމާރާތް ކުރި 264 ފްލެޓްގެ ތެރެއިން، 105 ފްލެޓް ވިއްކުމުގެ ފޯމް ހޯދަން ގިނަ ބަޔަކު ކިޔޫ ހެދުމުން މިނިސްޓަރު ރޭ 11 ޖަހާކަންހާއިރު ކުރެއްވި ޓްވީޓެއްގައި ވިދާޅުވީ އެ ފްލެޓް ގަތުމަށް "ރައްޔިތުން ކިޔޫ ހަދަން ޖެހުމަކީ ސަރުކާރުން ގަބޫލުކުރާ ކަމަކަށް" ނުވާ ކަމަށެވެ.

އަދި ފަސޭހަ ގޮތެއް ހަމަޖެއްސުމަށް، ފްލެޓްތައް ވިއްކުން މަޑުޖައްސާލާފައިވާ ކަމަށް ވެސް މިނިސްޓަރު ވިދާޅުވި އެވެ.

އެކަމަކު އެޗުޑީސީން ނެރުނު އިއުލާނެއް މިނިސްޓަރުގެ ޓްވީޓަކުން ކެންސަލްވާނެތޯ ބައެއް މީހުން ސުވާލު އުފެއްދި އެވެ. އެހެންކަމުން އެޗުޑީސީއަށް ވެސް އޮންނާނީ ކުރީގެ އިއުލާން ކެންސަލްކޮށް، ނުވަތަ ފްލެޓް ވިއްކުން މަޑުޖައްސާލިކަން އިއުލާންކުރުން ކަމަށް، ކިއޫގައި ތިބި ބައެއް މީހުން ބުނެފައިވެ އެވެ.

Flat ge demand bodu, rey queue jehunu meehun ge vaahakathah

The most trusted news source in the Maldives

Mihaaru

އެޗްޑީސީގެ އިއުލާނެއްގައި ބުނެފައި ވަނީ "ފްލެޓް ގަތުމަށް ގިނަ ބަޔަކު ކިޔޫ ހަދަމުންދާތީ، ކިޔޫގައި ނުޖެހި، ލުއި ފަސޭހަ ގޮތެއް ހަމަޖެހެންދެން ފްލެޓްތައް ވިއްކުން މެދުކަނޑާލައިފައިވާ" ކަމަށެވެ.

ފްލެޓް ވިއްކުމުގެ ފޯމް ދޫކުރުން އަލުން ފަށާނެ އިރެއް ކަމާ ބެހޭ އިދާރާތަކުން އަދި ހާމައެއް ނުކުރެ އެވެ. އެޗްޑީސީން ބުނިގޮތުގައި ފޯމު ދޫކުރާނީ 100،000ރ.ގެ ބޭންކް ގެރެންޓީ ގެންދާ ފަރާތްތަކަށެވެ. ފްލެޓެއް ވިއްކުމަށް ނިންމާފައިވަނީ ދެ މިލިއަން ރުފިޔާ އަށެވެ. އަރަބިއްޔާ ހުރި ބިމުގައި ހަދާފައިވާ "މާލޭ ގްރޭންޑް" އަދި ގާކޮށީގައި ހަދާފައިވާ "މާލޭ ސްކެއާ"ގެ ފްލެޓްތައް 268 މީހަކަށް ގުރުއަތުން ލިބިފައިވާއިރު ފްލެޓްތައް ލިބެނީ ކަނޑައަޅާފައިވާ މުއްދަތުގެ ތެރޭގައި ފައިސާ ދައްކާ މީހުންނަށެވެ. ވިއްކާލަން އިއުލާންކުރީ ފައިސާ ނުދެއްކު މީހުންނަށް ލިބުނު ފްލެޓްތަކެވެ.

ފްލެޓް އެޗްޑީސީ ހައުސިން ޔުނިޓް ގާކޮށި ޑރ. މުހައްމަދު މުއިއްޒު، މާލޭގެ މޭޔަރު ޓާޓާ ގްރޫޕް

6 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޭސް

04 December 2017

ތިޔަ ފުލެޓްތަކަކީ ތިޔަގޮތައް ވިއްކަންޖެހޭ ފުލެޓެއް ނޫނެވެ. ތިޔައި ބޯހިޔާވަހިކަމަށް އެދި މި ސަރުކާރުގައި އެދިފައިވާ 15 ހާސް މީހުންގެ ތެރެއިން އެންމެ ބޭނުންޖެހިފައިވާ ނުވަތަ އެންމެ މަތީ ޕޮއިންޓް ލިބުނު މީހުންނަށް ދޫކުރަންޖެހޭ ފުލެޓެވެ. މި ސަރުކާރުން އެއްވެސް ކަމެއް ކުރާއިރު ވިސްނުންތެރިކަމެއް ނުހުންނަކީ ކީއްވެބާއެވެ. ކޮންމެ ކަމެއް މޭޒު ދަށުން ނިންމަން ހަދައިގެން ވާގޮތެއްބާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުއާދު ތައުފީކް

04 December 2017

ދެން މިހާރު ހުޅުވާފައިހުރި ބެންކު ގެރެންޓީ އަށް ކިހިނެތް މިހަދަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޑިނޭގޭ

04 December 2017

ދެން ވީގޮތަކީ ޔޯލަ...! ކޮންމެވެސް ކޮމިޝަނެއްގެ ބޭފުޅަށް ނުދެވިގެން މިވަގުތައް ހުއްޓާލީޔޯ..! ކުރިޔަށް އޮތީ އިންތިޙާބުތައް ވީމަ، ކޮންމެހެން ވެސް އެބޭފުޅާ މުހިއްމުވީ ޔޯ.. ދެން މިވާހަކަ ނުދައްކާތި އިނގޭ މަށަށް ރޯޅި އަންނާނީ..ޔޯލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވީޓީސީ (ވެރީ ޕަޕެޓް ކޯޕަރޭޝަން)

04 December 2017

ދެން ފަހެ މުއިއްޒުގެ ޓްވީޓް އެޗްޑީސީ (ޕަޕެޓު ކޯޕަރޭޝަން އިން) ކޮޕީ ޕޭސްޓް ކޮށް އިއުލާނެއްގެ ގޮތުގައި ނެރެ ފޫއެވެ. ސާބަހޭ އެޗުޑީސީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

04 December 2017

ދައުލަތުން ރައްޔިތުންނަށް ދޭންޖެހޭ ހިދުމަތް ދިނުމަށް “އަހަރުމެން ލާފައިތިބޭ މަަަސައްކަތުމީހުން” ނުވަތަ ސަރުކާރުން ރައްޔިތުންގެ ތިޖޫރީ އާއި ދޯޅު ވުމަކީވެސް ރައްޔިތުން ޤަބޫލު ކުރާނެ ކަމެއްނޫން. އެހެން ކަމުން “އިތުރަށްފުރުސަތު ނުދީ އެފަދަ ސަރުކާރު ޒިންމާއިން ދުރުކުރުމަށް” ރައްޔިތުން މިތިބީ ތެދުވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމް

03 December 2017

"ރައްޔިތުން ކިޔޫ ހަދަން ޖެހުމަކީ ސަރުކާރުން ގަބޫލުކުރާ ކަމަކަށް" ނުވާ ކަމަށެވެ. ދިވެހިސަރުކާރަށް ރައްޔިތުން ބޯހިޔާވަހިކަމަށް ބޭނުންވެފައިވާވަރު ޙިޔާލަށް ގެންނަންވެސް ނޭނގުނުކަމީ ހިތާމަހުރިކަމެއް.