ސްޓެލްކޯ އިން ހުޅުމާލޭގައި ތަރައްގީކުރާ ޕަވާ ޕްލާންޓްގެ އިމާރާތް ހެދުމުގެ މަސައްކަތް ކުރިޔަށް ގެންދަނީ. ފޮޓޯ: ސްޓެލްކޯ
05 ޑިސެމްބަރ 2017 - 20:31
12 comments
ހުޅުމާލޭގައި ހަދާ 50 މެގަވޮޓްގެ ކަރަންޓް އުފައްދާ ޕަވާޕްލާންޓްގެ މަސައްކަތް ތާވަލާ އެއްގޮތަށް ކުރިއަށްދާ ކަމަށާއި އެތަނުގައި 8.9 މެގަވޮޓްގެ ހަ ޖަނަރޭޓަރު ބަހައްޓާނެ ކަމަށް ސްޓެލްކޯ އިން ބުނެފި އެވެ.
ކަރަންޓުގެ ހިދުމަތްދޭ ސަރުކާރުގެ މައި ކުންފުނިން ބުނީ އެ ކުންފުނިން ކަރަންޓުގެ ހިދުމަތް ދިނުމަށް ހިންގާ އެންމެ ބޮޑު މި މަޝްރޫއުގައި ގެންނަ ޖަނަރޭޓަރުތައް އަންނަ އަހަރު ކުރީކޮޅު ބަހައްޓައި ނިމޭނެ ކަމަށެވެ. އަދި މި މަޝްރޫއުގެ މަސައްކަތް އެއް އަހަރާ ދެ މަސް ދުވަހުގެ ތެރޭގައި ނިންމާނެ ކަމަށް ވެސް ސްޓެލްކޯ އިން ބުންޏެވެ.
ސްޓެލްކޯ އިން ހުޅުމާލޭގައި ތަރައްގީކުރާ ޕަވާ ޕްލާންޓްގައި ޖަނަރޭޓަރުތައް ބަހައްޓާ ތަނުގެ ކޮންކްރީޓް އެޅުމުގެ މަސައްކަތްކުރަނީ. -- ފޮޓޯ: ސްޓެލްކޯ
އެ ކުންފުނިން ބުނީ ޗައިނާގެ ޑޮންފެން އިލެކްޓްރިކް އިންޓަނޭޝަނަލް ކޯޕަރޭޝަނާ ހަވާލުކޮށްފައިވާ 1.2 ބިލިއަން ރުފިޔާގެ، ފަސްވަނަ ޕަވާ ޕްރޮޖެކްޓް ކުރިޔަށް ގެންދަނީ ތިން ބަޔަކަށް ބަހާލައިގެން ކަމަށެވެ. އެގޮތުން ޖެނެރޭޝަން ފެސިލިޓީ އާއި ފިއުލް ފާމްގެ އިތުރުން ވޯޓާ ޑީސެލިނޭޝަން ފެސިލިޓީއެއް ގާއިމުކުރަން ނިންމާފައިވާ ކަމަށް ވެސް ސްޓެލްކޯ އިން ބުންޏެވެ.
އެ ކުންފުނިން ބުނީ އެ މަޝްރޫއުގެ ދަށުން ބަހައްޓާ ހުރިހާ ޖެނެރޭޓަރެއްގެ ފައުންޑޭޝަން އެޅުމުގެ މަސައްކަތް ނިމިފައިވާ ކަމަށެވެ. އަދި ޕަވަ ހައުސް އާއި ކޮންޓްރޯލް ފެސިލިޓީގެ އިމާރާތަށް ބޭނުންވާ ދަގަނޑު އެ ސައިޓަށް ގެނެސްފައިވާ ކަމަށް ވެސް ސްޓެލްކޯ އިން ބުންޏެވެ.
ސްޓެލްކޯ އިން ހުޅުމާލޭގައި ތަރައްގީކުރާ ޕަވާ ޕްލާންޓްގެ މަސައްކަތްކުރިޔަށް ގެންދަނީ. ފޮޓޯ: ސްޓެލްކޯ
ތެޔޮ އަޅަން ބޭނުންކުރާ ޕަންޕުތައް ބަހައްޓާ އިމާރާތާއި ލޮނު ފެން ނަގަން ބޭނުންކުރާ ޕަމްޕު ބަހައްޓާ ތަނާއި މެއިންޓަނަންސް ވޯކުޝޮޕް ހެދުމުގެ މަސައްކަތްކުރަމުން އަންނަ ކަމަށް ވެސް އެ ކުންފުނިން ބުންޏެވެ.
ސްޓެލްކޯ އިން ބުނީ އެ މަޝްރޫއުގެ ދަށުން ދެވަނަ ތެޔޮ ތާނގީ ބަހައްޓާ ތަނުގެ ކޮންކްރީޓް މަސައްކަތް ނިމިފައިވާ ކަމަށެވެ. އަދި މުޅި މަޝްރޫއުގެ މަސައްކަތް ވެސް ކުރިޔަށް ދަނީ ކަނޑައެޅިފައިވާ ތާވަލާ އެއްގޮތަށް ކަމަށް ވެސް އެ ކުންފުނިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ihaaru.
14 March 2019
އިސުލޭސަންއެއްވެސް ނެތް، ހަމައެކަނި ހޫނައްވެސް އެފިޝެންސީ މައައްސަލަ ނުކުންނާނެ ވަގުތުން، އަދިއެހާމެ ހޫނުގަދަ ތަނެއްގަ، ޓިނު އަވަނެއްގެތެރޭގަ 6 ގެނެރޭޓަރ އާއި އެ އަންބުރާނެ ޑީސަލް 6 އިންޖީނުގެ ނޫން އިހުސާސްކޮށްލައްވާ!
ނެޝަނަލިސްޓް
09 December 2017
ކީއްވެގެންތޯ 25 މެގަވޮޓް ގެ ތިން ޓާބައިން (އެމްޖީއޯ އިން ހިންގަން) ނުބަހައްޓަނީ؟ މި އިންޖީނުގެ ކޮމިޝަން ކުރެވޭއިރު މާލެގެ ޑިސްޓްރިބިއުޝަން އަށް ކޭބަލް އަކުން ގުޅާލެވޭނެ ކަމަށް އުއްމީދުކުރަން!
ހަސަނު
06 December 2017
ތިއަށްވުގެ ބޮޑެތި ޖަނަރޭޓަރެއް ނުހުރޭތަ.. 8.9 ގެ 6 އެތީގެ ބަދަލުގާ 20 މެގއވޮޓޫގެ ތިނެތި ނުގެނައީ ކީއްވެ؟؟
ކޮލެޖް ބޯއީ
06 December 2017
ކިހިނެތް ގެއްލުންވާ ކުންފުންޏަކުން ހުޅުމާލޭ ގައި ފްލެޓް އަޅަނީ؟ އިކޮނޮމިސްޓް ހަމަ މޮޅީތަ؟
މެންޓަލިސްޓް
06 December 2017
ސުވާލަކީތިޔަ ބަހައްޓާ ޖެނެރޭޓަރުތަކުން ނޫނީ އިންޖީންގޭން ވާނީ ފައިދާތޯ ގެއްލުންތޯ ؟؟ މިހެންމިދަންނަވަނީ މާލޭގެ މޯލްޑިވްސް އިލެކްޓްރިސިޓީ ބޯޑް ޒަމާނުންސުރެން ފެށިގެން ގެއްލުން ވާވާހަކަ ދައްކަތީވެ ،،، ރައީސްމައުމޫންގެ ޒަމާނުގައި 1980-90 އާޢިހަމަޔަށްވެސް އަޅުގަނޑަށް އެނގިގެން ބަޖެޓުން ސްބްސިޑީ ދީގެން އިންޖީންގެ ހިންގާއުޅުނީ ،،، އަދި އެހައްދުވަހު މަޖިލިސްގައި ސަރުކާރުން ވިދާޅުވީ އަހަރަކު 100މ ގެއްލުންވާވާހަކަ ،،، އަދި ޖުމްލަ 1.6ބިލިއަން ގެއްލުން އެުޅޭކަމަށް ،،، މާލޭގައި ގާތްގަޑަކަށް 40 ހާސް މީޓަރު އުޅޭނެ ،،، ކަރަންޓުގެ އަގެއްވެސް ހެވެއްނޫން ،،، ވީމާ ސުވާލަކީ ކީއްވެތޯ ގެއްލުންވަނީ ،،، އެންޖީންއިން އުފައްދާ ކަރަންޓް ޓްރާންސްފޯޜމަރ އާއިހަމަޔަށް ދާއިރު ލޮސް އުޅެނީތޯ ؟؟ ނޫނީ ޓްރާންސްފޯޜމަރގެ މައްސަލައެއްތޯ ؟؟ މިކަމުގައި އެބަޖެހޭ ސޮލިއުޝަންއެއް ހޯދަން ،،، ވެގެން އުޅޭގޮތެއްބަލަން ،،، ނާސާޢިން މީހުންގެނެސްގެންވެސް އެކަން ބަލަންއެބަޖެހޭ ،،،،، މައަޢްސަލާމް ،،
ސައްދާމް
06 December 2017
މާލޭގައި ކަރަންޓުގެ އަގު ދިވެހިރާއްޖޭގެ އެހެން ރަށްރަށުގެ އަގަށް ވުރެ 3 ގުނަ އަގުހެޔޮ........... ދެން ހަމަ އަތްޖަހަން ވީ......... ތިކަން ތިކުރަނީ ނިކަމެތިން ފެލައިގެން...........
ރީދޫމީހާ
06 December 2017
ގެއްލުންވިޔަސް ބޭސިކް ޚަރަދު ކުރަންޖެހޭނެ، އަދި އެކަމަށް އިންވެސްޓްވެސް ކުރަންޖެހޭނެ. މިސާލަކަށް ހަނގުރާމައެއްދިމާވެގެން ކާބޯތަކެތި އަގުބޮޑުވިޔަސް، ކޮންޓްރޯލްކޮށްފަވެސް ކާޑުގެ ބާވަތްތައް ޕްރޮވައިޑް ކޮށްދޭންޖެހޭނެ!
ރާއްޖެ
06 December 2017
މިސަރުކާރުން މިހިންގާ ވަރަށް ނިމިދިޔަ ސަރުކާރު ތަކުން ޕްރޮޖެކްޓް ހިންގި ނަމަހީ ރާއްޖޭ އޮންނާނީ ވަރަށް ކުރިއަރާފަ. ސުނާމީ ރީކޮންސްޓްރަޝަނަށް ވެސް ފަންޑް ލިބި ހުރެމެ 10 އަހަރު ހޭދަވި.
އަލީ.
05 December 2017
ކިހާތާހިރު ރައްޔިތުން ފެލާފަ ނަގާޓެކްސް ފައިސާކޮޅު މާލޭފުޅު ބޭފުޅުންގެ އަރާމާ އުފަލައް ފުލެޓު ކޮޅުވެސް ބޮޑުންގެ ޖީބައް ބިލިޔަނުން ފައިސާދޭ މީހުނައް ކިހާތާހިރު މަށައްވެސް 53 ޕޮއިންޓް ލިބުން ހަރާމްގުޅާވެސްނުލާ މަހުވާކޮއްފަ މިބުނީ މާލެދެވުނުހާ އަވަހަކައް ޕީޕީއެމް އިންވަކިވާނަން އިލެކްޝަން ކޮމިޝަނުން ދަރުބާރު ފެކްޝަނައް އެންމެގިނަ ފައިސާ ދީގެންނުވާނެ ދޮގާމަކަރުން މަގޭވޯޓު ފޭރުނީ ރިސޯޓުހިއްސާ ދޭނަމޭ ކިޔައިގެން މީތޯ އިސްލާމީ ވެރިން ކަންކުރާ ގޮތަކީ ލަދުހަޔާތުގެ ކުނޑިފުކެއްވެސްނެތް.
ތުއްތު
05 December 2017
ދެކޮޅުނުޖެހިގެން އަހަރަކު އެތައް މިލިއަން ރުފިޔާ ދައުލަތުން ހަރަދުކުރަންޖެހޭ ކުންފުންޏަކުން 1.2 ބިލިއަން ރުފިޔާގެ މަޝްރޫއު ހިންގަމުން ފްލެޓް އަޅަމުން ކުޑަ އަގުގަ މާލޭމީހުނަށް ކަރަންޓުދެމުން، އެކަމަކު ހަމަ އެއްދައުލަތެއްގެ އެހެން ރަށްރަށުގެ ކަރަންޓު އަގުހެޔޮނުކުރެވި.... ރޭސިޒަމް އިންތިހާ.
ސައްދާމް
05 December 2017
މާލެ ފިޔަވައި ދެން ހުރިހާ ރަށެއްގައި 3 ގުނަ އިތުރަށް ކަރަންޓް އަގު ނަގައިގެން މިކަން މި ކުރަނީ............ ނިކަމެތިން ފެލައިގެން މުއްސަނދިންނަށް އަގުހެޔޮ ހިދުމަތް ދެނީ....... އެންމެންނަށް އެއް އަގެއް ސަރުކާރުން ދޭ ހިދުމަތުގެ ނުދެވެން ވީ ކީއްވެ ؟..........އަދި ކަރަންޓް އެކަނި ނޫން އެންމެ ފަހުން ލިބުނު ފެން ބިލު ވެސް 3 ގުނަ މާލެއަށް ވުރެ ބޮޑު................ މި ނޫނީ ނިކަމެތިން ފެލައިގެން ދައުލަތް ހިންގާ ބަޔަކު ނުދެކެން........ ވަކިބަޔަކަށް ހިދުމަތް ރަނގަޅު ވެފައި އަދި އަގުހެޔޮ ކޮށް...... ދެން އަތްޖަހަން މި ޖެހެނީ........
އަންދާނީ މަޝްރޫއުގެ ތެޔޮ؟
05 December 2017
އަންދާނީ ތެޔޮ؟ ކޮބާ ކީލީން އެނޭރޖީ؟