އެންވަޔަރްމަންޓް މިނިސްޓަރު ތޯރިގް، އައިލެންޑް އިލެކްޓްރިސިޓީ ޑޭޓާ ބުކް 2017 މިއަދު ނެރެދެއްވަނީ.-- ފޮޓޯ: ހުސެއިން ވަހީދު/ މިހާރު
17 ޑިސެމްބަރ 2017 - 12:56
6 comments
ރާއްޖޭގެ ހަކަތައިގެ ދާއިރާއާ ބެހޭ މައުލޫމާތުތައް ހިމެނޭ ފޮތެއް އެންވަޔަރްމަންޓް މިނިސްޓްރީން މިއަދު ނެރެފި އެވެ.
އެ މިނިސްޓްރީގައި ބޭއްވި ރަސްމިއްޔާތެއްގައި "އައިލެންޑް އިލެކްޓްރިސިޓީ ޑޭޓާ ބުކް 2017" ނެރެދެއްވީ އެންވަަޔަރްމަންޓް މިނިސްޓަރު ތޯރިގް އިބްރާހިމެވެ.
މި ފޮތުގައި މީހުން ދިރިއުޅޭ ރަށްރަށުގައި ކަރަންޓުގެ ހިދުމަތް ފޯރުކޮށްދިނުމަށް ގާއިމްކޮށްފައިވާ ނިޒާމުުތަކުގެ މުހިއްމު މައުލޫމާތުތަކާއި ހަކަތައިގެ ދާއިރާ އަށް ބޭނުންތެރި ގިނަ ތަފާސްހިސާބުތައް ހިމެނޭނެ ކަމަށް މިނިސްޓްރީން ބުންޏެވެ. މީގެ އިތުރުން ރާއްޖޭގެ ބައެއް ރިސޯޓުތަކުގައި ހަކަތައިގެ ދާއިރާގެ ގިނަ ތަފާސްހިސާބުތައް ހިމެނިފައިވާކަން ވެސް މިނިސްޓްރީން ފާހަގަކުރި އެވެ.
އެ ފޮތުގައި ހިމަނާފައިވާ ތަފާސްހިސާބުތައް ދައްކާ ގޮތުން މިދިޔަ އަހަރުގެ ތެރޭގައި 445،036 މެޓްރިކް ޓަނުގެ ޑީސަލް، 47،794 މެޓްރިކް ޓަނުގެ ޕެޓްރޯލް، 30،611 މެޓްރިކް ޓަނުގެ އޭވިއޭޝަން ގޭސް އަދި 13،619 މެޓްރިކް ޓަނުގެ ކައްކާ ގޭސް ރާއްޖެ އެތެރެކޮށްފައިވެ އެވެ. އަދި މީހުން ދިރިއުޅޭ ރަށްރަށުގައި މިދިޔަ އަހަރު ޖުމްލަ 628 ގިގަވޮޓް އަވާގެ ކަރަންޓު ހަކަތަ ބޭނުންކޮށްފައިވާ ކަމަށް ވެސް ބުންޏެވެ.
މި ފޮތް ނެރުމަށް ބޭއްވި ރަސްމިއްޔާތުގައި ވާހަކަދައްކަވަމުން މިނިސްޓަރު ވިދާޅުވީ އައިލެންޑް އިލެކްޓްރިސިޓީ ޑޭޓާ ބުކް އިން ރާއްޖޭގެ ހަކަތައިގެ ދާއިރާއާ ގުޅޭ މުހިއްމު މައުލޫމާތު ލިބިގެންދާނެ ކަމަށެވެ. އަދި ހަކަތައިގެ ދާއިރާ އިން ރާއްޖޭގައި އިންވެސްޓްކުރަން ބޭނުންވާ މީހުންނަށް ވެސް ފަސޭހަވެގެންދާނެ ކަން ފާހަގަކުރެއްވި އެވެ.
މިނިސްޓަރު ވިދާޅުވި ގޮތުގައި ހަކަތަ ފަދަ ތިމާވެއްޓާ ބެހޭ މުހިއްމު ދާއިރާތަކުގެ މައުލޫމާތެއް ކުރިން ނުލިބެ އެވެ. ނަމަވެސް މި ސަރުކާރު އައި ފަހުން އެންމެ އިސްކަމެއް ދިނީ، އެފަދަ ތަފާސްހިސާބުތައް ގިނަ މީހުންނަށް ފެންނާނެހެން އާއްމުކުރުން ކަމަށް ވެސް ވިދާޅުވި އެވެ.
މި ސަރުކާރު އައި ފަހުން ހަކަތައިގެ ދާއިރާ އިން ރާއްޖެ ވަނީ އިންގިލާބީ ބަދަލުތަކެއް ހޯދާފައިކަން ވެސް މިނިސްޓަރު ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނެޝަނަލިސްޓް
18 December 2017
ތޯރިގަށް ދަންނަވާލަން! ރާއްޖެއަށް ތެލުގެ ބާވަތްތައް އިމްޕޯޓް ކުރެވޭ މިންވަރު ކަސްޓަމްސް ގެ ވެބްސައިޓް ހައި ހުރޭ! އަދި ހަކަތަ އާއި ގުޅޭ ތަފާސްހިސާބު ސްޓެޓިސްޓިކަލް އިޔަރބުކް ގައިހުރޭ! ތެލާ ކަރަންޓުގެ ހިދުމަތް ދެނީ ސަރުކާރުން! ރެސޯޓް ތަކުގައި ހިންގާ ފަރާތުން! މިވަގުތައް ތިޔައީ އިންވެސްޓަރުންނަށް ފުރުސަތު އޮތް ދާއިރާއެއް ނޫން! ލާމު އަތޮޅުގައި ކިތައް ސޯލާ ޕްރޮޖެކްޓް ތޯ ހުރީ ތިޔަ ބޭނުންކުރުމުގެ ހުއްދަ ނުލިބިފައި؟
ނޫސްވެރި
17 December 2017
ހަމަ އަންތަރީސް ވެއްޖެ!
ޑޮކްޓަރުންގެ ސިޓީ / އައްޑޫ ސިޓީ
17 December 2017
ހުސަން ވަހީދު އަކީ ރާއްޖޭގެ ނޫސްވެރިކަމުގެ އެންމެ ދުވަސްވީ އެއް ފޮޓޮޤްރާފަރު. ކީއްވެގެންތޯ ފޮޓޯ ނެގުމުގައި ކަނައަތް ފަރާތުގައި ހުންނެވި ބޭފުޅާ ފުރިހަމައަށް ފޮޓޯ އަށް ނޭރުވީ !!؟؟ “ތަސްވީރު ބަލާނީ ތަސްވީރު ބުނާފަދައިން” ނޭ ބުނެ އުޅޭގޮތަށް ފެންނަ ކޮންމެ ފޮޓޯ އަކާއި މަންޒަރުން މިސަރުކާރުގެ ހާލަތު އެގުން ނޫން ކަމެއް ނުވޭ.
ސަމާސާ
17 December 2017
ތިގޮތަށް ނެރޭ ކޮންމެ ފޮތެއް ރާއްޖޭގެ ކޮންމެ ގެއަކަށް ހިލޭ ބަހާ ނަމަ ، މި ކުޑަކުޑަ ރާއްޖޭގެ ރައްޔިތުންގެ މައުލޫމާތު ހާދަހާ މުއްސަނދިވާނެއޭ ދޯ!! އަހަރުމެންނަކީ ކޮންމެ ގެއެއްގައި ދިހަބާރަ މުސްހަފު އޮންނައިރުވެސް ފަންޑްރެއިޒް ކޮށްގެން މުސްހަފް ޗާޕުކޮށްފަ ބަހާމީހުންވިއްޔަ!!
އައްޑޫ ރަދުން
17 December 2017
ދެން އެންމެ އަވަހަށް އިވޭނެ އަޑަކީ ތިބުނާ ފޮތެއް ނެރުމުގައި ގަވާއިދާ ޚިލާފަތް ޚަރަދު ކުރިވާކަ....ޗާޕުކުރުމަށް ފޮތަކަށް 1500 ރުފިޔާ މަގުން..
މެންޓަލިސްޓް
17 December 2017
ތިޔަފޮތުން އެނގޭނެބާ ،،، ސްޓެކްކޯއަށް އަހަރުަކު 100މ ގެއްލުންވަނީ ކީއްވެގެންތޯ ؟؟ އޭގެސޮލިއުޝަންއަކީ ކޮބައިތޯ ؟؟ އަދި ފެނަކައިން މަހަކު 10މ ގެއްލުންވަނީ ކީއްވެތޯ ؟؟؟ މިހުރިހާ ސުވާލެއްގެ ޖަވާބާއި ސޮލިއުޝަން ލިބޭވަރުގެ ރިސާޗްއެއް ހަދައިގެން ފޮތްނެރުނީމައި ބަޔަކަށް ނޫނީ ގައުމަށް ފައިދާއެއްވާނީ ،،، މިހާރު ތިޔަހެއްދެވިގޮތުން ހުރިހާ ފައިދާއަކާޢި މަންފާއެއްވާނީ ތިޔަފޮތް ޗާޕްކުރި ޗާޕްޙާނާއަށް ،،،،، ދެން ކިއްލިހަދާމީހުންނާޢި ހެދިކާބަންދުކުރާ މީހުންނަށް ތިޔަފޮތުން ފައިދާވާނެ ،،،، މައައްސަލާމާ ،،،