މާލޭގައި ހުންނަ ހުޅުމާލޭ ފެރީ ޓާމިނަލްގެ ޖާގަ ބޮޑުކުރަނީ

ހުޅުމާލެއަށް ދަތުރުކުރާ މީހުންނަށް އެމްޓީސީސީން މާލޭގައި ހަދާފައިވާ ޓާމިނަލް: އަންނަ އަހަރު ހުޅުމާލެއަށް އިތުރު އެތައް ހާސްބަޔަކު ބަދަލުވާތީ ޓާމިނަލްގެ ޖާގަ ބޮޑުކުރުމުގެ މަސައްކަތް ވަނީ ފަށާފައި.

އަބްދުﷲ ޖަމީލު، މިހާރު

27 ޑިސެމްބަރ 2017 - 15:01

15 comments

މާލޭގައި ހުންނަ ހުޅުމާލޭގެ ފެރީ ޓާމިނަލްގެ ޖާގަ ބޮޑުކުރުމުގެ މަސައްކަތް ފަށައިފި އެވެ.

މާލެ ސަރަހައްދުގެ ރަށްތަކަށް ފެރީގެ ޚިދުމަތް ދޭ ކުންފުނީގެ އިސް އޮފިޝަލަކު މިއަދު ވިދާޅުވީ ހުޅުމާލެ އަށް ދަތުރުކުރާ މީހުން ބޭނުންކުރާ ޓާމިނަލްގެ ޖާގަ ބޮޑުކުރަނީ އަންނަ އަހަރު ހުޅުމާލެއަށް މީހުން އިތުރުވާނެތީ، ދަތުރުކުރާ މީހުންނަށް ފަސޭހަ އިންތިޒާމް ތަކެއް ހަމަޖެއްސުމަށް ކަމަށެވެ. އެގޮތުން ޓާމިނަލްގެ ކުރިމަތިން އޮންނަ ހުސް ޖާގަ ހިޔާކޮށް، މީހުން މަޑުކޮށްލައިގެން ތިބޭ ސަރަހައްދު ބޮޑުކުރަން ނިންމާފައިވާ ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން ވާނީ ހުޅުމާލޭގައި ހުންނަ ޓާމިނަލަށް ގެންނަން ޖެހޭ ބައެއް ބަދަލުތައް ގެނެސްފައި. މިހާރު ފަށައިގެން މިއުޅެނީ މާލޭގައި ހުންނަ ޓާމިނަލަށް ގެންނަން ޖެހޭ ބަދަލުތައް. އެ މަސައްކަތް އަންނަ މަހުގެ ތެރޭގައި ނިންމާލެވޭނެ،" އޮފިޝަލް ވިދާޅުވި އެވެ.

އޭނާ ވިދާޅުވި ގޮތުގައި، މާލޭގެ ޓާމިނަލަށް ގެންނަ ބަދަލުތަކުގެ ތެރޭގައި ޓާމިނަލްގެ ލައުންޖް އޭރިއާ ބޮޑުކޮށް، އިތުރު އިލެކްޓްރޯނިކް ގޭޓްތައް ހަރުކުރުން ހިމެނެ އެވެ. އަދި އޭސީ ފެރީން ދަތުރުކުރާ މީހުންނަށް ވެސް ދަތުރުކާޑު ބޭނުންކުރެވޭނެ އިންތިޒާމް އަންނަ އަހަރުގެ ފުރަތަމަ ކުއާޓަރުގައި ހަމަޖައްސާނެ ކަމަށް ވެސް އޭނާ ވިދާޅުވި އެވެ.

"ޓާމިނަލްގެ ޖާގަ ބޮޑުކުރުމުގެ އިތުރުން ނަސަންދުރަ ކުރިމަތީގައި އޮންނަ ހުރަސް ތޮއްޓާ ދިމާލަށް ފެރީ ކައިރިކުރެވޭނެ ގޮތް ހަދަން ވަނީ ނިންމާފައި. އަދި އެ ހިސާބުން ފެށިގެން ފެރީ ޓާމިނަލާ ދެމެދު ހިޔާކުރެވޭނެ،" އޮފިޝަލް ވިދާޅުވި އެވެ.

އޭނާ ވިދާޅުވީ ނަސަންދުރާ ކުރިމަތީގައި ހަދާފައިވާ ތޮށިގަނޑު ކައިރިއަށް ފެރީ ގާތް ކުރެވޭނެ ގޮތް ހެދުމުން، އެއްފަހަރާ ތިން ފެރީއަށް ޚިދުމަތް ދެވޭނެ ކަމަށެވެ.

ހުޅުމާލެ އަށް ދަތުރުކުރާ ފަސިންޖަރުންނަށް ޓާމިނަލްގައި ފަސޭހަ އިންތިޒާމްތަކެއް އެމްޓީސީސީން ހަމަޖެއްސުމުގެ މަސައްކަތް ކުރާއިރު، އެ ސަރަހައްދުގައި ސައިކަލް ޕާކުކުރަން އޮތް ޖާގަތައް ނަގަމުންދާ މައްސަލަ ވަރަށް ގިނަ ބަޔަކު ފާހަގަކުރެ އެވެ. އެގޮތުން ނަސަންދުރަ އިމާރާތްކުރަމުންދާތީ ފެރީ ޓާމިނަލް ކުރިމަތިން އޮންނަ ގޯޅީގައި ޕާކުކުރުން މަނާކޮށްފައިވާއިރު ފެރީ ޓާމިނަލް ކުރިމަތިން އޮންނަ ޕާކިން ޒޯނު ވެސް ވަނީ ކެންސަލްކޮށްފަ އެވެ. އޭގެ އިތުރުން އެ ސަރަހައްދުގައި ޕާކުކުރަން ދީފައިވާ އެހެން ޒޯންތަކުގެ ޖާގަތައް ވެސް ކުޑަކޮށްފައިވާ މައްސަލަ ވަރަށް ގިނަ ބަޔަކު ފާހަގަކުރެ އެވެ.

ހުޅުމާލެ އެމްޓީސީސީ ހުޅުމާލޭ ފެރީ ޓާމިނަލް

15 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންވޫ

28 December 2017

ފެރީޓާރމިނަލް ބޮޑުކުރުމަށްވުރެ ފެރީ ގިނަކުރުން މުހިންމީ. ވިލިނގިލީ ފެރީ ޓާރމިނަލްގައި ގިނަފަހަރު އިށީންނާކަށް ނުޖެހޭ، ދޯންޏަށް އަރަންޖެހެނީ. އެގޮތަށް ހަމަޖެހުމުން ތިޖާގަތަކެއް ބޭނުމެއްނުވާނެ. ފެރީގެ ސްޕީޑް ރަގަޅުކުރުމުން ފެރީ ގެންގުޅެންޖެހޭ ޢަދަދު މަދުވެގެންވެސް އުޅޭކަށް ނުޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލެޖް އިކޮނޮމިސްޓް

28 December 2017

ވެލާނާ އެއަރޕޯޓު ބޮޑުކުރަން ޖެހޭ ތިއަރީގެ ދަށުން ވިސްނާއިރު މީހުން ގިނަ ވާނަމަ ފެރީދޮށު ގައި މީހުންގެ އެރައިވަލް ގިނަވާނެތާ. ވީމަ ފެރީ ގިނަކޮށް މީހުން ފުރުވާލުމަށް ވުރެ އިސްކަން ދޭން ޖެހެނީ ގިމަތަ ދޮށަށް ގިނަވާ މީހުންނަށް ތިބެވޭނެ ޖާގަ ހެދުން. ތި ފެރީގެ ޖާގަ ބޮޑުކުރެވުނުކަމަށް ވާނީ މުއިއްޒު ލައްވާ ތި ފަޅު ހިއްކާލެވުނީމަ. އޭރުން ބްރިޖުގެ ކުރިން ކަމެއް ކުރެވުނު ކަމަށް ވާނީ. އޭރުން ތިތާ އޮންނާނީ ކޮންމެވެސް ކަހަލަ ސަންތި މަރިޔަނބު ޒޯނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

28 December 2017

މުޅި ތިޔަ ސަރަހައްދު އެމްޓީސީސީއަށް ދިނަސް ހިދުމަތެއް ރަނގަޅެއް ނުކުރެވޭނެ، އަދިވެސް ޒަމާނަކަށް ހަމަ ނުފެތޭ، ޓިކެޓް ގަތުމަށް އޮންނަ ކިޔޫ ޓާމިނަލުން ބޭރުގައި އޮވޭ، ދޮރުމަތީގައި ޓިކެޓް ކަނޑަން މީހުން ބައިތިއްބަންޖެހޭ، އަރާފޭބުމަށް ހަމަ މީގެ 15 އަހަރުކުރިންވެސް ހުރި އުސޫލު، ފެރީތަކުގެ ސްޕީޑަކަށްވެސް ބަދަލެއް ނައާދޭ، ވެހިކަލް ގެންދިއުމުގެ ނިޒާމެއްނެއް، ލޯންޗުދަތުރުތަށް ހަމަ އެގޮތަށް އޮވެފައި ނޮއޮވެފައި، އެެންނޫންތަވާނީ މިހާރު އެމްޓީސީސީ އުޅެނީ ފުލެޓް އެޅުމުގެ ކަންކަމުގައި، ފެރީތަކުގެ ނިޒާމް ހަރުދަނާކުރަން އޮތް ފައިސާކޮޅުންވެސް ބިންހިއްކާ އެއްޗެއް ގެނެސްގެން ސަރުކާރަށް ބިން ހިއްކައިދެނީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

27 December 2017

އެޔޯ އަނެއްކާ ،، ބުރިޖްއެޅައި ހުޅުވުނީމައި ތިޔަޓާރމިނަލް ދޮށަކު މީހުނެއްނޯންނާނެނޫންތޯ ؟؟ ދެންއަނެއްކާ ކޮންސަކަރާތެއް ޖަހަންތޯ ތިޔައުޅުންވަނީ ،،،، އަޅުގަނޑަށް ހަމަގެޓްނުވާތީވެ އަހާލެވުނީ ،،، ވރށވދނ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮކްޓެއިލްރައީސް

27 December 2017

ޖީބަށް ޖީބަށް، އަބަދުވެސް ވިސްނުން ހުންނާނީ އެފިކުރުގަ، މިވެރިކަމުގެ މައިގަނޑު ސިޔާސަތަކީ އެއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

27 December 2017

ދެން ކޮބާ ބްރިޖް. ތި ބުނީ ބްރިޖް އަންނަ އަހަރު ނުނިމޭނެ ވާހަކަތަ. ބްރިޖް އަގު ބޮޑުވެ ދަތުރު ކުރާނެ މީހަކު ނުވާނެ ވާހަކަތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގ

27 December 2017

އަނެއްކާ ބުރިޖު ބޭނުންކުރުމައް ސަހަލު އަގެއް ނޫންތަނިންމާ ގޮތައް އޮތީ އެކަމަކު ޔަގީނުންވެސް މިއަންނަ އިންތިހާބާހަމަޔައް އަގުވަރައް ބަރާބަރުވާނެކަން ހަމަ ޔަގީން އޭގެފުނަނޭނގެވާނެ ގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

27 December 2017

ޓަރމިނަލް ކުޑަވެގެންނެއް ނޫން މިއުޅެނީ. ކޮންމެ ފަހަރަކު ފެރީ ފުރިގެން އިތުރު އިންތިޒާރެއް ނުކޮށް ދަތުރު ނުކުރެވޭ މިހާރު، މީހުން ގިނަކަމުން. އޮފިހަށް ގަޑި އެބަޖެހޭ ކުރިން ފެރީއަށް ދިޔަޔަސް. ބައެއްފަހަރު 3 ފެރީއަށްވާވަރަށް މީހުން ދިޔަޔަސް އޮވެދާނެ އެންމެ ކުޑަ ފެރީގަނޑު. މުޅިންވެސް އިމާރާތް ފެންވަރު މަތިކުރެވެނިކޮށް ނިމުނީ، ޢާންމުން ވަރިހަމަ ކޮންމެ ހާލެއްގައި އުޅެން ޖެހުނަސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވޭ

27 December 2017

ކޮބާ ރަންރީނދޫ ޓްވިޓަރޭ މެންނޭ ތަމެންނަށް ފެނޭތޭ ދަ ގްރޭންޑް މާލެ އަށް އަންނަ ތަރައްގީ. ފެނޭތޭ ފެނޭދޯ. މަހަށް ދޭބަލަ ދެން. އެމްޑީޕީ އެމެން ނަކީ އެއީ ދިވެހިންނާއި އަޅާލާ ބަޔެއް ނޫނޭ. އެމެން ރަނގަޅު ވާނީ ކަނޑުފައްތާ ފިލްމް ކުޅުނިއްޔާއޭ މަމެން ބުނަން ނެތީމު ދޯ.