ކަޑިންމަ ރިސޯޓުގެ ކުލަ އާޓް ފެސްޓިވަލް.-- ފޮޓޯ: ކަޑިންމަ މޯލްޑިވްސް
09 ޖެނުއަރީ 2018 - 10:52
3 comments
ރާއްޖޭގެ ރިސޯޓެކޭ ބުނުމުން ކޮންމެ މީހަކަށް ވެސް ސިފަވާނީ ސާފު ހުދު ވެއްޔާއި ވިލު ނޫކުލައި މޫދެވެ. އެކަމަކު ކަނޑިންމަ ރިސޯޓުން އަހަރު ނިންމުމާ ދިމާކޮށް، ރާއްޖޭގެ ރިސޯޓަކުން މިހާތަނަށް ނުބާއްވާ ފެންވަރުގެ ކުލަ ގަދަ އާޓް ފެސްޓިވަލެއް ބާއްވައި ހުރިހާ ކުލަތަކެއް ވަނީ ދައްކާލައިފަ އެވެ. އެއީ ކުލައިގެ ބޮޑު އީދެކެވެ.
މިދިޔަ އޮކްޓޯބަރު ފަހެއްގައި އެ ފެސްޓިވަލް ލޯންޗުކުރުމާ އެކު ކަނޑިންމަ ރިސޯޓުގެ ހުރިހާ މުވައްޒަފުން ވެސް ދިޔައީ އެ ހަރަކާތަށް ތައްޔާރުވަމުންނެވެ. ރާއްޖޭގައި ތިބި އާޓިސްޓުންނަށް ފަހި ފުުރުސަތުތަކެއް ހޯދައިދީ، ކުރިއަށްދެވޭނެ ބޮޑު މަގެއް ހޯދައިދީފައިވާއިރު، މިދިޔަ މަހު އެ ރިސޯޓުގައި އިތުރަށް ފޯރި ގަދަވި އެވެ.
ކަޑިންމަ ރިސޯޓުގެ ކުލަ އާޓް ފެސްޓިވަލް ޓޫރިސްޓުންތަކެއް މޫނުގައި ކުލަ އުނގުޅައިގެން.-- ފޮޓޯ: ކަޑިންމަ މޯލްޑިވްސް
ތަފާތު ދާއިރާތަކުން ހާއްސަވެފައިވާ 20 ފަންނާނަކު ބައިވެރިކޮށްގެން އެ ރިސޯޓުގައި ބޭއްވި ފެސްޓިވަލުގައި ތަފާތު ކުޅިވަރުތައް ވެސް ވަނީ ބާއްވައިފަ އެވެ. އެގޮތުން ބީޗް ގޭމްސްތަކާއި އާޓާއި މުނިފޫހިފިލުވުމުގެ ގިނަ ހަރަކާތްތައް އޮތެވެ.
ކަޑިންމަ ރިސޯޓުގެ ކުލަ އާޓް ފެސްޓިވަލުގައި ބޭއްވި ކުލަ ރަން. .-- ފޮޓޯ: ކަޑިންމަ މޯލްޑިވްސް
ކަނޑިންމަ ރިސޯޓުގެ ބީޗުގައި ކުލަ އާޓް ފެސްޓިވަލް ކުރިއަށް ދިޔައިރު ރަށުގައި ތިބި ޓޫރިސްޓުންނަށް އާޓް ކްލާސްތަކެއް ނަގައި ދިވެހި ކުރެހުންތެރިންގެ ކުރެހުންތައް ދައްކާލި އެވެ. ބޭނުމަކީ ބޭރުގެ ފަރާތްތަކަށް ދިވެހީންގެ ހުނަރު ދައްކާލުން ކަމަށް އެ ރިސޯޓުން ބުންޏެވެ.
ކަޑިންމަ ރިސޯޓުގެ ކުލަ އާޓް ފެސްޓިވަލުގަި ކުރަހަނީ.-- ފޮޓޯ: ކަޑިންމަ މޯލްޑިވްސް
ކުލަ އާޓް ފެސްޓިވަލްގެ ތެރެއިން އެންމެ ގިނަބައެއްގެ ސަމާލުކަން ލިބުނީ ކުލަ ރަން އަށެވެ. ފިޔާތޮއްޓާއި ރީނދުލާއި ފެހި އަދި ނޫ ކުލައިގެ އެކި ކުލަތަކުން އެ ދުވުމުގައި ބައިވެރިވި އެންމެން ވެސް ވަނީ ޖަރީވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލުވެސް
09 January 2018
ދިވެހި އާޓިސްޓުންނަށް ކަނޑިންމައިން ފުރުސަތު ދިނުމަކީ ވަރަށް އުފާކުރާ ކަމެއް. އެހެނަސް ބުނެލަން އޮތީ ފޮޓޯގްރަފީ މަސައްކަތުގައި އޮތީ ބިދޭސީ ކުންފުންޏެއް. މިއީ ސީދާ ގަވާއިދާ ޚިލާފަށް ކުރާ ކަމެއް. މިކަން ބަދަލުކުރާނެކަމަށް އުންމީދުކުރަން.
އޯޔޯ
09 January 2018
ހީވެސް ނުވެ
ނުފެނޭދޯ
09 January 2018
ކަޑިންމަ ރިސޯރޓްގައި ވެސް ގިނައީ އެ ރިސޯރޓްގެ މެދު ފަންތި އާއި އަދި މަތީ ފަންތީގެ ވަޒީފާ ތަކުގައި މުޅިން ވެސް ބޭރު މީހުންނެވެ. ޓޮޕް ލޭޔަރ ގައި އެެއްކޮށް ތިބީ ދޮން މީހުންނޭ މަމެންނަށް ގަބޫލެއް ނުކުރެވޭނެއޭ މިގޮތެއް އެއްގޮތަަކަށް ވެސް ތިޔާ ގޮތަށް ގެނެސްދޭ ކުލަ އީދަކުން އެކަން މަތި ޖަހާލާނެ ކަމަށް ތަމެން ރިސޯރޓް ގައި އުޅޭ ދޮނޭ ޖީއެމް މެންނަށް އެކަން އެގޮތަށް ވާނެ ކަމަށް ހީކުރެވުނު ނަމަވެސް މިކަމަކީ މީ ޓޫރިޒަމް މިނިސްޓްރީގެ އިހްމާލު ވަރަށް ބޮޑަށް އޮތުމުން ރިސޯރޓްސް ތަކުގެ މެދު ފަންތި އާއި މަތީ ފަންތި އަށް ދިވެހިން ތަމްރީން ނުވެ އޮތީ. އެއީ މަމެން ލިޔެ ސޮއި ކޮށް ދޭނެ ކަމެކޭ. އަދި ވެސް ޓޫރިޒަމް މިނިސްޓްރީން މިކަން މީންސް ހުރި ގޮތެއް ގައި ކުރާ ތަން ފެނިގެން ނުދެއޭ.