އެއާ އޭޝިއާގެ މަތިންދާބޯޓެއް ވެލާނާ އިންޓަނޭޝަނަލް އެއާޕޯޓަށް ޖައްސަނީ: އެ އެއާލައިނުން ވަނީ އަންނަ މަހުގެ ހަވަނަ ދުވަހުން ފެށިގެން ހަފުތާއަކު 11 ދަތުރުކުރަން ނިންމާފައި.
09 ޖެނުއަރީ 2018 - 16:34
5 comments
މެލޭޝިއާގެ ކުއަލަލަމްޕޫރާއި ރާއްޖެއާ ދެމެދު ދަތުރުކުރާ އެއާ އޭޝިއާ އެއާލައިންގެ ޑިމާންޑް ވަރަށް ބޮޑަށް އިތުރުވެފައި ވާތީ ހަފުތާއަކު 11 ދަތުރުކުރަން ނިންމައިފި އެވެ.
ދެކުނު އިރުމަތީ އޭޝިއާ ސަރަހައްދުގެ އެންމެ ވަރުގަދަ އެއް ބަޖެޓް އެއާލައިން ކަމަށްވާ އެއާ އޭޝިއާ އިން ބުނީ އަންނަ މަހުގެ ހަވަނަ ދުވަހުން ފެށިގެން އެކްސްގެ އެއާބަސް އޭ 300-330 މަރުކާގެ މަތިންދާބޯޓަކާއެކު އިތުރު ހަތަރު ފްލައިޓް ކޮންމެ ހަފުތާއަކު އޮންނާނެ ކަމަށެވެ. އެއާ އެކު ރާއްޖެއަށް ހަފުތާއަކު 11 ދަތުރު އޮންނާނެ އެވެ.
އެ އެއާލައިނުން މިހާރު ރާއްޖެއަށް ކުރާ ދަތުރުތަކުގައި ބޭނުންކުރަނީ އެއާބަސް އޭ 320 މަރުކާގެ، 180 މީހުންގެ ޖާގައިގެ ބޯޓަކާއި 186 މީހުންގެ ޖާގައިގެ ބޯޓެކެވެ. އަދި އަންނަ މަހުގެ ހަވަނަ ދުވަހުން ފެށިގެން ބޭނުންކުރާ ބޯޓުގައި ޕްރިމިއަމް ފްލެޓް ބެޑް 12 ޖާގައާއެކު 377 މީހުންގެ ޖާގަ އޮންނާނެ ކަމަށް ވެސް އެއާ އޭޝިއާއިން ބުންޏެވެ.
އެ އެއާލައިނުން ބުނީ ރާއްޖެއަށް ހަފުތާއަކު 11 ދަތުރުކުރަން ފެށުމުން ސީޓިން ކެޕޭސިޓީ އަހަރަކު 287،000 އަށް އިތުރުވެގެންދާނެ ކަމަށެވެ. އަދި މިދިޔަ އަހަރު ވެސް އެ އެއާލައިނުން 106،00 އަށްވުރެ ގިނަ ފަސިންޖަރުން ދަތުރުކޮށްފައިވާ ކަމަށް ވެސް ބުންޏެވެ.
ރާއްޖެއަށް ދަތުރުތައް އިތުރުކުރަން ނިންމުމަށްފަހު މިމަހުގެ 14 ވަނަ ދުވަހުގެ ނިޔަލަށް ކޮޅަކަށް 199 ރިންގިޓް (767ރ.) އަށް ހާއްސަ ފެއާއެއް ފަށައިފަ އެވެ. އަދި މިމަހުގެ 14ގެ ކުރިން ގަންނަ ޓިކެޓަށް މެއި ހަވަނަ ދުވަހުގެ ކުރިން ދަތުރުކުރަން ޖެހެ އެވެ.
އެ އެއާލައިންގެ ހެޑް އޮފް ކޮމާޝަލް ބެރީ ކްލިއްޕްއާ ހަވާލާދީ މެލޭޝިއާގެ ނޫހެއްގައި ބުނެފައި ވަނީ ރާއްޖެއަށް އެ އެއާލައިންގެ ދަތުރުތައް ފެށުމާއެކު ޑިމާންޑް ވަރަށް ބޮޑަށް އިތުރުވެފައިވާ ކަމަށެވެ. އެއާއެކު ކުރިން ހަފުތާއަކު ތިން ދަތުރުކުރި އެއާލައިނުން މިދިޔަ އަހަރުގެ ފަހުކޮޅު ހަފުތާއަކު ކޮންމެ ދުވަހަކު ދަތުރުކުރަމުން އަންނަ ކަމަށް ވެސް އޭނާ ވިދާޅުވި އެވެ. އެއީ ގާތްގަނޑަކަށް 130 ޕަސެންޓްގެ އިތުރުވުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ ކޮއްޔާ.
09 January 2018
ކުއަލަ ލަމްޕޫރުން މާލެއަށް 767 ރުފިޔާއަށް ދަތުރުއެކުރަނީ. ލަގޭޖަށް އެއްޗެއް ނުދިނަސް ކާން އެއްޗެއް ނުދިނަސް މޯލްޑިވިއަންގަ އައްޑުއަށް މިކުރާ އެއްގަޑި އިރުގެ ދަތުރަށް ވެސް އެބަނަގާ ކޮޅަކަށް 1500 ނުނީ 1700 ވެސް. ވިސްނާލުން މުހިއްމު. އަދިވެސް މިކިޔަނީ ރައްޔިތުންނަށް ޚިދުމަތޯ މިކުރަނީ. ހަމަ އަތްޖަހަން ތިބެންވީ!
ބަރުބާަދު
09 January 2018
ދުވާލަކު 24 ދަތުރު ކުރިޔަސް ތިޔައް ސަލާން.
ސައްތާރު މުފަ
09 January 2018
ވަރަށް އުފާވެރި ހަބަރެއް. ޓިކެޓް 150 ޑޮލަރު ބެގޭޖު 20 ޑޮލަރު ސީޓު 3 ޑޮލަރު ކާއެއްޗެއް 5 ޑޮލަރު ޖުމްލަ: 195 ޑޮލަރު ކޮޅަކަށް ދެކޮޅަށް ވެއްޖެޔާ 390 ޑޮލަރު. ޔޫއެލް އިލް ލިބޭނެ ދެކޮޅު ޓިކެޓް 410 ޑޮލަރަށްވުރެ ކުޑަކޮށް، ކޮންގޮތެއް ރަނގަޅީ؟
ދަތުރުވެރިޔާ
10 January 2018
ދުރާލާ ރޭވިގެން ޓިކެޓް ގަނެފިނަމަ ތިހުރިހާ އެއްޗެކާ އެކުވެސް 300 ޑޮލަރު ނާރާނެ. ފަހުވަގުތު ނަގާނަމަ ބޮޑުވާނެ.
ހަމްސް
09 January 2018
އުފާވެރި ހަބަރެއް. ނަމަވެސް ވެލާނާ އިންޓަނޭޝަނަލް އެއާރޕޯޓްއިން ފުރާ ކޮންމެ ދިވެހި ޕަސިންޖަރެއްގެ އަތުން ނަގަން ޤާނޫނުގައި ކަނޑައަޅާފައިވާ އެއަރޕޯޓް ޑިވެލޮޕްމަންޓް ޗާރޖް 12 ޑޮލަރު އަދި އެއަރޕޯޓް ސާރވިސް ޗާރޖް 12 ޑޮލަރުގެ ބަދަލުގައި މިއިން ކޮންމެ ޗާޖަކަށްވެސް އަދިވެސް ނަގަމުންދަނީ 25 ޑޮލަރު. އިތުރަށް ނަގާފައިވާ 26 ޑޮލަރު ރިފަންޑް ނުކޮށްދޭކަމީ ހިތާމަހުރިކަމެއް. ޚާއްސަކޮށް އޮންލައިންކޮށް ޓިކެޓް ނަންގަވާ ފަރާތްތަކުން މިކަމަށް ބޮޑަށް ސަމާލުކަންދިނުމުގެ އިތުރުން އިތުރަށް ނަގަމުންދާ ޖުމްލަ 26 ޑޮލަރުގެ ރިފަންޑު ހޯދުމަށް ޑިމާންޑުކުރުމަށްވެސް އެދެން.