ކުރީގެ ނައިބު ރައީސް ޖަމީލާއި އޭނާގެ ޓީމުގެ ބޭފުޅުން ޖޭޕީ އަށް ސޮއިކުރެއްވުމަށް މި މަހުގެ ދެވަނަ ދުވަހު ޖަރުމަނުގެ ފްރެންކްފަޓްގައި ބޭއްވި ރަސްމިއްޔާތުގައި ގާސިމް ވާހަކަ ދައްކަވަނީ.
11 ފެބުރުއަރީ 2018 - 19:42
18 comments
ޖުމްހޫރީ ޕާޓީގެ ލީޑަރު ގާސިމް އިބްރާހިމާ ބެހޭގޮތުން ދޮގު ވާހަކަ ފަތުރަނީ އެއީ ރާއްޖޭގެ އިސްލާހީ ހަރަކާތުގެ އިންޖީނަށް ވުމުން ކަމަށް އެ ޕާޓީން މިއަދު ބުނެފި އެވެ.
ސުޕްރީމު ކޯޓުން އަމުރެއް ނެރެގެން ވެރިކަން ބަދަލު ކުރުމަށް ގެންނަން އުޅުނު "ބަޣާވާތު"ގެ އެންމެ އަޑީގައި ހުންނެވީ ގާސިމް ކަމަށް ވިދާޅުވެ، ޕީޕީއެމްގެ ނައިބު ރައީސް އަބްދުއް ރަހީމް އަބްދުﷲ މިއަދު ދެެއްކެވި ވާހަކަތައް ކުށްވެރިކޮށް ނެރުނު ބަޔާނުގައި ޖޭޕީން ބުނީ، ގާސިމަކީ ޝަރުއީ ހުކުމްތަކަށް ތަބާވެ، ފަނޑިޔާރުގޭގެ ނިންމުންތަކަށާއި އަދުލު އިންސާފުގެ ދާއިރާ އަށް އިހުތިރާމް ކުރައްވާ ބޭފުޅެއް ކަމަށެވެ.
ކޮންމެ ހާލަތެއްގައި ވެސް ސިފައިންނާއި ފުލުހުންގެ ޝަރަފާއި އިއްޒަތް ދެމެހެއްޓުމުގައި ގާސިމް ދެމި ހުންނަވާނެ ކަމަށް ވެސް ޖޭޕީން ބުންޏެވެ.
ޕީޕީއެމްގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުުގައި ފޮނަދޫ ދާއިރާގެ މެމްބަރު އަބްދުއްރަހީމް ވިދާޅުވީ، ހުކުމުގައި ތިބި އިދިކޮޅު ސިޔާސީ ބޭފުޅުން މިނިވަން ކުރުމަށް މި މަހުގެ ފުރަތަމަ ދުވަހު ސުޕްރީމް ކޯޓުން އަމުރު ނެރެ، އެ ކަންތައްތައް ރާވާ ހިންގެވީ ގާސިމް ކަމަށާއި އެއީ ގައުމަށް ޣައްދާރުވެފައިވާ ބޭފުޅެއް ކަމަށެވެ. އެކަމަކު ދެ ވަނަ ފަހަރަށް ރައްޔިތުންގެ ގައިގައި އެ ކަށި ނުޖެހޭނެ ކަމަށް އޭނާ ވިދާޅުވި އެވެ.
ގާސިމްގެ ދިފާއުގައި ޖޭޕީން ނެރުނު ބަޔާނުގައި ބުނީ، ރައީސް އަބްދުﷲ ޔާމީނާއި ސަރުކާރުގެ އިސްވެރިން، ގައުމުގެ އެންމެ މަތީ ކޯޓުން ކުރި ހުކުމް ތަންފީޒު ނުކޮށް، ބާރުތައް ވަކިކުރެވިފައވާ ނިޒާމަށް އިިހުތިރާމް ނުކުރުމުގެ ސަބަބުން ގައުމާއި ރައްޔިތުންގެ ކަރާމާތް ވެއްޔާއި މޮޑެވިފައިވާ ކަމަށެވެ. އަދި ބޭރު ދުނިޔޭގައި ދިވެހި ސަރުކާރާއި ދައުލަތް ބަދުނާމު ވެފައިވާ ކަމަށް ވެސް ބުންޏެވެ.
"ދިވެހި ފަސްގަނޑުގައި ދިވެހި ރައޔިތުންނަށް އަމާންކަމާއި ރައްކާތެރިކަން ގެއްލިފައިވާ ކަމަށް އެތައް ބަޔަކު މިވަނީ ގަބޫލުކުރަން މަޖުބޫރުވެފަ އެވެ. ސިޔާސީ ލީޑަރުންނާއި ހަރަކާތްތެރިން މިވަނީ ބޭއިންސާފުން ޖަލަށް ލެވި، ގައުމުން ބޭރުުކުރެވި އަދި ސަރުކާރުގެ އަނިޔާގެ ޝިކާރައަކަށް ވެފަ އެވެ. މަޖިލީހުގެ މެމްބަރުން މިވަނީ ޖަލަށް ލެވިފަ އެވެ،" ބަޔާނުގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންސާނާ
12 February 2018
އިސްލާހޭ ކަލޯ ކަލޭމެން ތިދައްކާ ވާހަކަޔައް މަށައް ވާހަކަ ދެން ދެއްކޭނީ ފަޅުރަށެއްގެ އަތިރިމަތިން ތިޔަ ބުނާ އިސްލާހައް މަސްއްކައް ކުރާމީހުންނާ ބައްދަލުވެގެން
ޕްރަސާންތަ
12 February 2018
މީނައަށް މިހާރުވެސް ވެރިކަން ފެންނަން ފަށައިފި. މީނައަށް ނުވާނެ އިތުބާރު ކުރާކަށް. ނޭގޭނެ ކޮންވަގުތަކު ކަމެއް ޔާމީނާއެކު ޑީލް ހަދާނީ
އިންޖީނޭ
12 February 2018
ގާސިމަކީ އިންޖީނު، އުމަރު އެއީ ގިއަރ ބޮކްސް، ޖަމީލަކީ ހުންގާނު.... އިންޖީނު ރަނގަޅަސް ފަހުން އެޅުވި ގިއަރ ބޮކްސް ހުރީ އިތުރައް ބެނުން ނުކުރެވޭ ވަރައް ހަލަކު ވެފަ ، އަވަހައް އާ ގިއަރު ބޮކުހެއް އަޅުވާ ނޫނީ ވިއްޔާ އިންޖީނު ހަލާކުވުން ވެސް އެކަށީގެންވެ....
ޓިނު
12 February 2018
މި ގައުމަށް ގެނައި އިސްލާހީ ކުރިއެރުން 2012 ވަނަ ފުނޑާލި އިންޖީނު މިއީ. ވެރިކަމުގެ ދަހިވެތިކަމުގައި ސަރުކާރުތަކަށް ލޮޅުން އަރުވާ މީހެއް.
މިލިޓަރީ
12 February 2018
މަނީކުފާނަ ތާއީދުކުރަން އެމްޑީޕީއާ ދުރުވޭ ނަޝީދަކީ ދިވެހިންނަ ހެޔޮއެދޭމީހެއްނުން.
ސޮކްތެރެޕީ
12 February 2018
ޤާސިމަ ތާއީދުކުރިޔަސް ނަޝީދަ ތާއީދެނުކުރަން އެއީ މިރާއްޖެފުޑާލަން އުޅޭތީ މިރާއްޖޭގެ ދުސްމަނެ ނަޝީދަކީ.
ާމޮހޮމްމާ
12 February 2018
ހަލާކުގެ އިންޖީނުންނަކީ އިދިކޮޅު މަޖިލިސް މެމްބަރުން ނާއި އިދިކޮޅު ކޯލިޝަން ވަރަށް ސަލާމް
ތިނަދޫ އިދިކޮޅު މެމްބަރު
12 February 2018
ޤައުމޭ ރަައްޔިތުންނޭ ކިޔައިގެން މިއުަލޭ އިދިކޮޅޭމެން މީ ހާދަ ކޮރަޕްޓް އަދި ގޮތްނެތް ބައެއކޭ ލަދު ނުގަނޭތަ މިޤައުމަށް އިންޑިޔާ ސިފައިން ފޮނުވަން ގޮވާފަ. އަދި އިދިކޮޅު މަޖިލިސް މެމްބަރުންގެ ކޮރަޕްޓް ވާހަކަ ދެއްކުމެއްނެތް
ހަލާކު
11 February 2018
މިގައުމުގެ ހަލާކު، މުޅިން އަމިއްލައެދުމާގެން. ޑެން ސިޔާސީގޮތުން އެއްވެސް ޔާރެއް ބާރެއް ނެއް ބޮޑު އަނގަ ދެއްވާފަ ތިބި 2 މީހުން އެ ގާތްކޮއްލީ. ވަރައް ވެދުން ޖޭޖީ އަށް.
ޒަންޖަބީލު
11 February 2018
ގާސިމަކީ 7 ފެބުރުއަރީ 2012 ގައި ކުރި ބަޣާވަތުގެވެސް އިންޖީނު.. ކޯނީ ރިޕޯޓުން ހަރާމް ބަޣާވާތެއް ހަލާލު ކުރިޔަސް ބަޣާވާތްކުރި ބާޣީންގެ ކަރުބުޑުގައި އޭގެ ހިތިރަހަ ނުލައި ނުދާނެކަމުގެ ހެކި މިފެންނަނީ.. ދައްކަވަން ހުރި ތަނެއް ދައްކަވާނެ..