އައްޑޫގެ އާ އޭޓީއެމްއެއްގެ ކައިރީގައި ބީއެމްއެލްގެ މުވައްޒަފުންތަކެއް މަޑުކޮށްލައިގެން. ފޮޓޯ: ބީއެމްއެލް
21 ފެބުރުއަރީ 2018 - 10:52
5 comments
ބޭންކް އޮފް މޯލްޑިވްސް (ބީއެމްއެލް) އިން އައްޑޫގައި އިތުރު ދެ އޭޓީއެމް ބަހައްޓައި އިއްޔެ ޚިދުމަތް ފަށައިފި އެވެ.
މި ފަހަރު އޭޓީއެމް ބެހެއްޓީ ހިތަދޫ ރީޖަނަލް ހޮސްޕިޓަލް (އެޗްއާރްއެޗް) ގެ ގޯތިތެރޭގަ އާއި ގަން އިންޓަނޭޝަނަލް އެއާޕޯޓުގަ އެވެ. އެއާޕޯޓްގައި ކުރިން ވެސް އޭޓީއެމެއް ބަހައްޓާފައި ވެ އެވެ.
އެޗްއާރްއެޗްގައި އޭޓީއެމް މެޝިނެއް މި ބެހެއްޓީ އެކަމަށް އެދި އައްޑޫގެ ވަރަށް ގިނަ ބަޔަކު އެދެމުންދާތާ ގިނަ ދުވަސްތަކެއް ފަހުންނެވެ.
ގައުމީ ބޭންކުން ބުނީ އައްޑޫގައި އަލަށް ބެހެއްޓި އާ ދެ އޭޓީއެމަކީ، ރާއްޖޭގެ އެކި ސަރަހައްދުތަކުގައި އެ ޚިދުމަތްތައް ދިނުމަށް 300 މިލިއަން ރުފިޔާގެ ބަޖެޓަކުން ހިންގާ މަޝްރޫއުގެ ދަށުން ބެހެއްޓި މެޝިނެއް ކަމަށެވެ. މީގެ ސަބަބުން، ކަސްޓަމަރުން ޚިދުމަތް ހޯދުމުގައި ވަރަށް ބޮޑު ލުޔެއް ލިބޭނެ ކަމަށް ބީއެމްއެލް އިން ބުންޏެވެ. އަދި މި ފަހަރު އޭޓީއެމްތައް ބެހެއްޓުމުގައި އިސްކަން ދިނީ އާންމުކޮށް ގިނަ ބަޔަކު ޚިދުމަތް ހޯދަން ދާ ސަރަހައްދުތަކައް ބަލައިގެން ކަމަށް ބޭންކުން ބުންޏެވެ.
ބީއެމްއެލް އިން ގަން އެއާޕޯޓްގައި އާ އޭޓީއެމް ހުޅުވަން ބޭއްވި ހަފުލާގައި މުވައްޒަފުންތަކެއް. ފޮޓޯ: ބީއެމްއެލް
އައްޑޫގައި ބީއެމްއެލްގެ ތިން ބްރާންޗެއް ހުންނައިރު، އެއިން ކޮންމެ ތަނަކުން އޭޓީއެމްގެ ޚިދުމަތް ލިބެ އެވެ. ފޭދޫގައި ވެސް އޭޓީއެމެއް ބަހައްޓާފައި ވެ އެވެ. އައްޑޫގައި ބީއެމްއެލްގެ ބްރާންޗްތައް ހުންނަނީ ހިތަދޫ، މަރަދޫފޭދޫ އަދި ހުޅުމީދޫގަ އެވެ.
އެގޮތުން ގިނަ އޭޓީއެމްތަކަކީ ސެލްފް ސާވިސް މެޝިންތަކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޝީދު
21 February 2018
ހޮސްޕިޓަލަށް ދާ މީހުން ބޭނުންވަނީ ލާރި ނަގަން. ވަރަށް ރަގަޅުކަމެއް އަދި ފަސޭހަތަކެއް ލިބިގެންދާނެ.
އައްޑޫ ރަހާ
21 February 2018
މަޢާފަށް އެދެމެވެ.މިހާރު ބަހެއްޓި އޭ.ޓީ.އެމް.އަކީ މުޅިން އާ(ބްރޭންޑް ނިއު) އެއްޗިއްސެއް ނޫނެވެ.މިއީ ވަރަށް ދެރަކަމެކެވެ.ތަންތަނުން ނަގާ އެއްޗެހި ގެނެސް ބެހެއްޓުމުން މަރާމާތު ކުރުމާއި ބެލެހެއްޓުމުގެ ޚަރަދުތައް އިތުރުވާނެއެވެ.އައްޑޫގެ އިރުމަތީ ބިތުގައި ވަކިންއޮންނަ ދެރަށުގައި ވެސް ކަންކޮށްފައި އޮތީ މިހެންނެވެ.އެތަނަކު ތިބުނާ "ސެލްފްސާވިސް" ބޭކިންގ އެއްނެތެވެ.އިޝްތިހާރު ކުރަންވީ "ކޭޝްލެސް ސޮސައިޓީ" އަށް ދިއުމަށް ބޭނުންވާ ކަންކަމަށް މަގުފަހިވާގޮތަށް ކަންކަން ބައްޓަންކުރުމަށެވެ.މިހާރު ކުރެވޭ ކަމަކީ ޚިދުމަތަށްވުރެ ބޮޑަށް "ޕަބްލިކް ރިލޭޝަން" ރަގަޅު ކުރުމަށް ކުރާމަސައްކަތްތަކަށް އިންވެސް ކުރުމެވެ.ލޯނުތަކުގެ އިކުއިޓީ ބޮޑުކުރައްވައިފީމުއެވެ.ބޭސްރޭޓް ބަދަލު ނުކުރައްވަންތޯއެވެ.ހައުސިންގ އަށް ދޭ ލޯނުތައް މިކަމުގެ ސަބަބުން އަސަރު ނުކުރާނެތޯއެވެ.މި ބަދަލުތަކުގެ ސަބަބުން ޢާންމު ރައްޔިތު މީހާއަށް، ތިޔަ ކޯޕަރޭޓް ޕްރޮފައިލްގަ ބުނާ "ފައިނޭންޝަލް އެކްސެސް" ލިބޭތޯއެވެ.ތިޔަހެން ނަހައްދަވާށެވެ.
ފަހެއް
21 February 2018
ފޮޓޯއިން އެބަ ފެނޭ 5 އޭޓީއެމް.
ށާޢީޣާ
21 February 2018
ޙުޅުމާލޭގައި ބެހެއްޓި ނަމަ
މޮޑަފްް
21 February 2018
ހިތަދޫ ހޮސްޕިޓަލުގަ އޭޓީއެމް ބެހެއްޓިއިރު ޑިޕޮޒިޓް ކުރެވޭ މެޝިނެއް ނުބެހެއްޓީމަ ތީގެ ހަގީގީ ފަސޭހަކަމެއް އެހިސާބު މީހުންނަކަށް ނުކުރާނެ. ޑިޕޮޒިޓް ކުރަންޏާ އަނެއްކާވެސް ދާން މިޖެހެނީ ރަށުގެ އަނެއްކޮޅުގަ ހުންނަ އޭޓީއެމްއަށް. މިކަމާ ނުވިސްނީތީ ދެރަ.