ޚަބަރު / ދިވެހި ގައުމީ ޔުނިވަސިޓީ

ގައުމީ ޔުނިވަސިޓީގެ ސްކޮލަޝިޕް 24 ދަރިވަރަކަށް ދީފި

އެމްއެންޔޫގެ ސްކޮލަޝިޕް ލިބުނު ދަރިވަރުންނާއެކު، އެ ޔުނިވާސިޓީގެ އިސްވެރިން ފޮޓޯއަކަށް ހުއްޓިލައިގެން- ފޮޓޯ: އެމްއެންޔޫ

އާސިމާ ނިޒާރު، މިހާރު

28 ފެބުރުއަރީ 2018 - 13:51

5 comments

ދިވެހިރާއްޖޭގެ ގައުމީ ޔުނިވާސިޓީގެ ސްކޮލަޝިޕަށް ހޮވުނު 24 ދަރިވަރުންނަށް އެކަމުގެ ލިޔުން މިއަދު ހަވާލުކޮށްފި އެވެ.

އެ ޔުނިވާސިޓީގައި މިއަދު ބޭއްވި ރަސްމިއްޔާތެއްގައި ޕޯސްޓް ގްރެޖުއޭޓް ސްކޮލަޝިޕަށް ހޮވުނު ދަރިވަރުންނަށް ވަނީ ލިޔުން ދީފަ އެވެ. އެއީ މުޅިން ހިލޭ ކިޔެވޭ ހަތަރު ސްކޮލަޝިޕާއި ޓިއުޝަންފީ ސްޕޮންސާ ކޮށްފައިވާ 20 ސްކޮލަޝިޕެވެ.

އެ ޔުނިވާސިޓީގެ ޑެޕިއުޓީ ވައިސް ޗާންސެލާ އާއިޝަތު ޝާހީން ވިދާޅުވީ މި ފަހަރު ހުޅުވާލި ސްކޮލަޝިޕަށް ވެސް 200 އަށް ވުރެ ގިނަ ދަރިވަރުން ކުރިމަތިލި ކަމަށެވެ. އެ ސްކޮލަޝިޕް ލިބޭ ދަރިވަރުން ހޮވަނީ އެކަމަށް ހާއްސަ ކޮމެޓީން ދަރިވަރުންނަށް މާކްސް ދިނުމުން، އެންމެ މަތީން މާކްސް ލިބޭ ދަރިވަރުންނަށެވެ.

ގައުމީ ޔުނިވާސިޓީގެ ސްކޮލަޝިޕް ލިބުނު ދަރިވަރުންނަށް އެކަމުގެ ލިޔުން ހަވާލުކުރުމަށް މިއަދު ބޭއްވި ރަސްމިއްޔާތުގައި ބައވެރިވި ބައެއް ދަރިވަރުން.-- ފޮޓޯ: އެމްއެންޔޫ

އޭނާ ވިދާޅުވީ އެ ޔުނިވަސިޓީގެ ދަރިވަރުންނަކީ މުޖުތަމައުގައި ތަފާތު ދައްކާ ބަޔަކަށް ވާންޖެހޭ ކަމަށެވެ. އެ ގޮތުން ގައުމީ ފެންވަރުގަ އާއި ޔުނިވާސިޓީ އަށް ވެސް، މިއަދު ސްކޮލަޝިޕް ލިބުނު ދަރިވަރުންގެ ފަރާތުން ފައިދާ ހުރި ހިދުމަތްތަކެއް ލިބޭނެ ކަމަށް އުއްމީދުކުރައްވާ ކަމަށް ވިދާޅުވި އެވެ.

މި ރަސްމިއްޔާތު ޝަރަފުވެރި ކޮށްދެއްވައި ވާހަކަދައްކަވަމުން އެ ޔުނިވާސިޓީގެ ކައުންސިލް މެމްބަރު އަދި ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ މެޑިކަލް އޮފިޝަލް ޑރ. ފާތިމަތު ނަޒްލާ ވަނީ ތައުލީމް ހާސިލްކުރަން އެ ދަރިވަރުންނަށް ލިބިފައިވާ ފުރުސަތުގެ ބޭނުން ރަނގަޅު ގޮތުގައި ހިފުމަށް އިލްތިމާސް ކުރައްވައިފަ އެވެ.

އެމްއެންޔޫގެ ސްކޮލަޝިޕް ލިބުނު ދަރިވަރަކަށް، އެ ޔުނިވާސިޓީގެ ކައުންސިލް މެމްބަރު ޑރ. ނަޒްލާ (ކ) ލިޔުން ހަވާލުކޮށްދެއްވަނީ.-- ފޮޓޯ: އެމްއެންޔޫ

ނަޒްލާ ވިިދާޅުވީ ތައުލީމް ހާސިލް ކުރާ އިރު އިތުރު ހަރަކާތްތަކުގައި ބައިވެރިވުމަކީ މުހިއްމު ކަމެއް ކަމަށެވެ. އެކަމުގެ ފައިދާ ފަހުން ކުރާނެ ކަން އޭނާ ފާހަގަކުރެއްވި އެވެ.

ޔުނިވާސިޓީން ސްކޮލަޝިޕް ދެމުން އަންނަތާ ގިނަ އަހަރުތަކެެއް ވެއްޖެ އެވެ.

ތައުލީމް ދިވެހި ގައުމީ ޔުނިވަސިޓީ ސްކޮލަޝިޕް މަތީ ތައުލީމު

5 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިބެ

01 March 2018

ރިސަލްޓް ޝީޓް ބޭނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުއްމީދު

28 February 2018

ވަރަށް އުފާވެއްޖެ އެމް.އެން.ޔޫ. އިން މި ސްކޮލާޝިޕް ދެމުންދާތީ. ތާކުންތާކު ނުޖެހޭ ތައުލީމެއްނެތް މީހުން މިގައުމުގެ އިދާރާތަކުންނާއި، މަޖްލިހުންނާއި، މިނިސްޓްރީތަކުން ވޯޓުލާ ބޭރުކޮށް، ހަރުދަނާއަދި ހެޔޮވިސްނުންތެރި މީހުންނަށް އެ ތަންތަނާއި ހަވާލުކުރުވަން ތައުލީމީ މީހުން އުފައްދުން ވަރަށް މުހިއްމު. ފަށްފަށުން ޝުކުރު ދަންނަވަން.