އިސްލާމިކް މިނިސްޓަރު ޑރ. އަހުމަދު ޒިޔާދު ބާގިިރު-- މިހާރު ފޮޓޯ
13 މާޗް 2018 - 09:14
160 comments
ރޮހިންޖާ މީހުންނަށް އެހީވާން އިސްލާމިކް މިނިސްޓްރީން މިދިޔަ އަހަރު ހިންގި ހަރަކާތްތަކުން ލިބުނު 18 މިލިއަނަށް ވުރެ ގިނަ ރުފިޔާ، ބަންގްލަދޭޝް ރެޑް ކްރެސެންޓާ ވީހާވެސް އަވަހަކަަށް ހަވާލުކުރަން މަސައްކަތް ކުރަމުން އަންނަ ކަމަށް އިސްލާމިކް މިނިސްޓްރީން ރޭ ބުނެފި އެވެ.
ރޭ ދަންވަރު އެ މިނިސްޓްރީން، އެ ފަންޑާ ބެހޭ ގޮތުން ނޫސް ބަޔާނެއް ނެރުނީ، ރޮހިންޖާ ފަންޑަށް ވީ ގޮތެއް ނޭނގުނު ކަމަށް ބުނެ، "މިހާރު"ގައި ހަބަރެއް ޖަހާފައި ވަނިކޮށެވެ. އެ ހަބަރު ލިއުމުގެ ކުރިން އެތައް ފަހަރަކު އެކަމާ ބެހޭ ގޮތުން މިނިސްޓްރީއަށް ގުޅާފައިވެ އެވެ. އެކަމަކު އެއްވެސް މައުލޫމާތެއް ދީފައެއް ނުވެ އެވެ.
މިދިޔަ ނޮވެމްބަރު ފުރަތަމަ ހަފުތާގައި އިސްލާމިކް މިނިސްޓަރު ޑރ. އަހުމަދު ޒިޔާދު ބާގިިރު ވިދާޅުވެފައި ވަނީ އެ ފައިސާ ހަފުތާއެއްގެ ތެރޭގައި ބަންގްލަދޭޝްގެ ރެޑް ކްރެސެންޓާ ހަވާލުކުރާނެ ކަމަށެވެ.
Rohingya Fundah veegotheh neiygunu
The most trusted news source in the Maldives
Mihaaru
ރޮހިންޖާ ފަންޑަށް ލިބުނު ފައިސާއަށް ވީގޮތެއް ނޭނގުން.
މިނިސްޓްރީގެ ބަޔާނުގައި ބުނެފައިވަނީ އެ ފައިސާ ބަންގްލަދޭޝްއަށް ފޮނުވަން ކުރަން ޖެހޭ އިދާރީ ހުރިހާ މަސައްކަތެއް މިހާރު ނިމިފައިވާ ކަމަށެވެ. އެހެންކަމުން ވީހާވެސް އަވަސް މުއްދަތެއްގެ ތެރޭގައި ފައިސާ ހަވާލުކުރުމުގެ މަސައްކަތް ކުރަމުން އަންނަ ކަމަށް މިނިސްޓްރީން ބުނެ އެވެ.
އެފައިސާ ހަވާލުނުކޮށް ލަސްވާ ސަބަބެއް މިނިސްޓްރީގެ ބަޔާނުގައި ނެތެވެ. އެކަމަކު ފަންޑަށް ފައިސާ ހަދިޔާކުރި ބައެއް ފަރާތްތަކުގެ އަތުން ފައިސާ ހޯދަން ދިގު މުއްދަތެއް ހޭދަވި ކަމަށް މިނިސްޓްރީން ބުންޏެވެ.
މިނިސްޓްރީން ބުނީ އެ އެހީގެ ހައްގުވެރިންނާ ފައިސާ ހަވާލުކޮށް އެކަން ޔަގީން ވެސް ކުރާނެ ކަމަށެވެ.
ރޮހިންޖާ ފަންޑަށް ލިބުނު ފައިސާ ބަންގްލަދޭޝްގެ ރެޑް ކްރެސެންޓާ ހަވާލުކުރި ކަމުގެ މައުލޫމާތު ލިބިފައިވޭތޯ ބެލުމަށް މިދިޔަ ހަފުތާގައި ފޮރިން މިނިސްޓްރީއާ ގުޅުމުން އެ މިނިސްޓްރީން ބުނީ އެހީގެ ފައިސާ ފޮނުވިކަން ނޭނގޭ ކަމަށާއި، ޔަގީނުން ވެސް އެ މިނިސްޓްރީ މެދުވެރިކޮށް އެފަދަ މުއާމަލާތެއް ބަންގްލަދޭޝްއާ ކޮށްފައިނުވާ ކަމަށެވެ.
އެކަމަކު އިސްލާމިކް މިނިސްޓްރީގެ ބަޔާނުގައި ބުނެފައިވަނީ އެފަދަ ރަސްމީ މައުލޫމާތެއް ފޮރިން މިނިސްޓްރީން ދީފައިނުވާނެ ކަމަށް އެ މިނިސްޓްރީން އަންގާފައިވާ ކަމަށެވެ.
ރޮހިންޖާ މުސްލިމުންނަށް އެހީވާން ރާއްޖެ ޓީވީ ވަކިން ފަންޑު ފޮއްޓެއް ހުޅުވި އެވެ. ދިވެހި ރެޑް ކްރެސެންޓާއި ބައެއް ކައުންސިލްތަކާއި އާންމުން އެ ފަންޑަށް ދިން 500،000 އަށް ވުރެ ގިނަ ޑޮލަރު ބަންގްލަދޭޝްގައި ރޮހިންޖާ މުސްލިމުންނަށް އެހީތެރިވުމުގެ ހަރަކާތުގައި އުޅޭ ރެޑް ކްރެސެންޓާ މިހާރު ވަނީ ހަވާލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުއްދިވެރިޔާ
14 March 2018
ބަލަގަ ތަމެން ހީކުރީ މިހާރު ރޮހިނޖާ މީހުންނަށް އެފައިސާ ދީފިކަމަށޭ؟؟؟؟؟؟ ކީއްވެބާ މިހާގިނަދުވަސް އެކުރީ އެފައިސާ ނުދީ؟؟؟ ފިކްސް ޑިޕޮޒިޓެއް ހެދީބާ؟؟؟/ މިނިސްޓަރު އެކަން ވީގޮތް ކިޔާދޭންއެބަޖެހޭ؟؟؟ އެފައިސާ އެންމެ ބޮޑަށް ބޭނުންވީ އެމީހުން ހާލުގައި ޖެހުނު ވަގުތު، އެވަގުތުކޮށްލޫ މިހާރު ޖިގައްޖެނޫންތޯ؟؟؟ މިޙާރު އެމީހުންގެ ކަންތައް ދަނީ ހަމަޔަކަށް އެޅެމުންނޫންތޯ؟؟؟ ފިކްސް ޑިޕޮޒިޓެއް ދުވަސްކޮޅަކަށް ހަދާލިޔަސް މަދުވެގެން 1،980،000 ރ ޖީބާއްލެވޭނެ. ހެޔޮނުވާނެ ނިކަމެތިންނަށް އެހީވާށޭކިޔާފައި ފައިސާ ނަގައި އެފައިސާ އެންމެ ބޭނުންވި ދުވަހު ނުދީ ތިބެން...
ސަލީމްބެ
14 March 2018
މިނިސްޓަރ އަޅެ ލަދެއް ނުގަނޭތަ. އަޑުއަހަން ލަދަށޭ އަންނައުނު ލައިގެން އުޅޭނީ...ނިކަމެތި ހާލުގައި ޖެހިފައިވާ ބައެއްގެ ހައްޤަށް އަރައިގަންނަން ހެޔޮނުވާނެ...ހެއްދެވިފަރާތަށް ބިރުވެތިވޭ،...މި ނޫނަސް އަދި ދުވަހެއް އޮބައޮތް
ޓެކް މޭން
14 March 2018
ތިފައިސާ ރައްޔިތުން ދިނީ ކަލޭމެން ހިތަށް އެރިދުވަހަކުން ދޭންތަ؟ތިފައިސާގެ ވާހަކަ ނޫހެއްގަ ޖެހީމަ އެއްދުވަސް ފަހުން ދޯ ތިފައިސާ ހުރިކަންވެސް ނޫންކަންވެސް ބުނެލަން އިނގުނީ؟ތީ ދެން ތަންފުކެއް ބޮޑުވަރު!!ހަމަ މިހާރު އެފައިސާ ހައްގުވާ ފަރާތަށް ދީ!! އަދި ހަވާލުވި ފަރާތަކާއި ދިނީ ކިހާވަރެއްތޯ އަދި އަދި މުއާމަލާތުގެ ޑޮކިއުމެންޓްސްތަށްވެސް އާނމުކުރަން ވާނެ.ތީ ނިކަމެތި ރޮހިންޖާ އަހުންނާއި އުހުތުންނަށް ރައްޔިތުން ދިން ފައިސާ ތިޔާ ނުކިޅޭތި ފާޑު ފާޑަށް.ރައްޔިތުން މިތިބީ ބަލަން އިނގެއްޖެ؟
މާރކޯރ
14 March 2018
މިފެންނަނީ މިރާއްޖޭގަ މިނިވަން ނޫސްވެރިކަމެއް އޮއްނަންޖެހޭކަމުގެ މުހިއްމުކަން
ޢަލީމް
14 March 2018
ރޮހިންޖާ ފަންޑުފޮށިންވެސް ތިފެނުނީ ސަރުކާރުގެ ސިފަ. ޙާލުޖެހި ބޯނެ ފެންފޮދެއްނެތް މުސްލިމުންނަށް އެހީވުމަށް ޖީބުއޮތް ވަކިލާރިކޮޅަށް ދާންދެން ހަދިޔާ ކުރީމަ އެ ކައްވާލާނީ ވަރަށް ގޮތެއް ނެތީމަ.
ކުރުކޮށް
14 March 2018
އަދި މާ އަވަސް
މަންސޫރު
13 March 2018
އިސްލާމިކް މިނިސްޓަރަށް ހަމަ ނޭނގެނީބާ ފަންޑު ހުޅުވީ ހާލުގައި ޖެހިފައިވާ މުސްލިމުންތަކަކަށް ވީހައި އަވަހަކަށް އެހީވުމަށް ކަމަށް؟ ނޫސްތަކުގައި ޖަހައި ފައިސާ ކޮބައިހޭ ކިޔާ އަޑުގަދަ ކުރީމައި މި ބުނަނީ ނިކަން އަވަހަށް ހަވާލުކުރާނަމޭ! ކީއްވެބާ އެ ފައިސާއިން ވިޔަފާރިއެއްކޮށް ފައިދާ ލިބުނު ދުވަހަކުން ފޮނުވާނަމޭ ނުބުނީ؟
ވަކަބޭ
13 March 2018
މިިހާރު ނޫސް ހިންގާ އިދާރާއިން ކަޅު ފޮއްޓެއް ނުފެނިއްޖިއްޔާ ކިތަންމެހާވެސް ރަނގަޅު އެކަމަކު ފޯނުތައް ގެންދާނެކަން ކަށަވަރު!
ޟަމީރު
13 March 2018
ޜޮހިންޖާ މުސްލިމުންކޮޅު މަރާ ހުސްކުރީމަ ދެން އެފައިސާ ބޭނުންކޮށްލެވޭނެތާ. މިތިބީ މަރަމުންދާގޮތް ބަލަން. ދީނާ ޤައުމަށްޓަކާ
ޝިޔާމް
13 March 2018
މިނިސްޓަރު އުޅުއްވަނީ ކެންޕޭނު ކަންތަކާ ވަރަށް އަވަދިނެތި. ވީމާ ރޮހިންޔާ މީހުންމަތިން އެހެރީ ހަނދުމަނެތިފަ. އެބައިމީހުންނަށް އެހީ ބޭނުންވާ ވަގުތު ފާއިތުވެގެން ނުދަނީސް ތިޔަ އެހީކޮޅު ހަވާލު ކޮއްލަ ދީފާނަންތޯ ކެންޕޭން މަޑުޖައްސާލާފަ ނަމަވެސް. ވަރަށް އާދޭހާއެކު މިދެންނެވީ.