"ޕަދްމާވަތު" ގެ ޕޯސްޓަރެއް: ފިލްމްގެ ސްޓްރީމިން ރައިޓްސް ވަނީ އެމެޒޯން އަށް ދީފައި.
28 މާޗް 2018 - 06:54
ދާދި ފަހުން ރިލީޒް ކުރި ސަންޖޭ ލީލާ ބަންސާލީގެ ތާރީހީ ލޯބީގެ ފިލްމް "ޕަދްމާވަތު" އިންޑިއާގެ މަޝްހޫރު ޗެނެލަކުން ގޭގެ ސިޓިން ރޫމްތަކަށް އަންނާނެ ކަމަށް އުންމީދުކޮށްގެން ތިބި މީހުންނަށް މިއީ އެހާ އުފާވެރި ހަބަރަކަށް ނުވެދާނެ އެވެ.
އެކަމަކު އެ ފިލްމް އުފެއްދި ބަންސާލީ ފިލްމްސް އާއި ވަޔަކޮމް 18 މޯޝަން ޕިކްޗާޒް އިން ތިބީ އެ މީހުންގެ އާ ޑީލާއެކު ވަރަށް އުފަލުންނެވެ. "ޕަދްމާވަތު" ބަލައިލަން ބޭނުން މީހުންނަށް އެ ފުރުސަތު އޮތީ ސްޓްރީމިން ސާވިސްގެ ތެރެއިންނެވެ. އެގޮތުން އެމެޒޯން ޕްރައިމް ވީޑިއޯ އިން "ޕަދްމާވަތު" ގެނެސް ދޭން މިހާރު ވަނީ އެއްބަސްވުމަކަށް އައިސް އެކަން ރަަސްމީކޮށް އިއުލާން ވެސް ކޮށްފަ އެވެ.
The queen is here! @filmpadmaavat Watch Now! @deepikapadukone #PadmaavatOnAmazonhttps://t.co/cbGHWcDU1E pic.twitter.com/8uxZ6ABzcs
— Amazon PrimeVideo IN (@AmazonVideoIN) March 26, 2018
އެމެޒޯންގެ ޓްވީޓެއް.
މިކަމާ ބެހޭ ގޮތުން އެމެޒޯން ޕްރައިމް ވީޑިއޯ އިންޑިއާގެ ކޮންޓެންޓް ޑިރެކްޓަރު ވިޖޭ ސުބަރްމާނިއަން ބުނީ ބަންސާލީގެ އެންމެ ކާމިޔާބު ފިލްމްގެ ސްޓްރީމިން ރައިޓްސް އެމެޒޯން އަށް ލިބުމަކީ ވަރަށް ބޮޑު ކާމިޔާބީއެއް ކަމަށެވެ. "ޕަދްމާވަތު" މިއަދުން ފެށިގެން ޕްރައިމް އެމެޒޯން އިން ސްޓްރީމް ކުރާނެ އެވެ.
"މި ފުރުސަތު އެމެޒޯން އަށް ލިބުމަކީ ވަރަށް ބޮޑު ފަހުރެއް ވެސް މެ،" އޭނާ ބުންޏެވެ.
ބޮކްސް އޮފީހުގައި 500 ކްރޯޑް ރުޕީސް އަށް ވުރެ ބޮޑު އާމްދަނީއެއް ހޯދާފައިވާ "ޕަދްމާވަތު" ގައި ލީޑް ރޯލް ކުޅެފައި ވަނީ ރަންވީރު ސިންގް އާއި ދީޕިކާ ޕަދްކޯންގެ އިތުރުން ޝާހިދު ކަޕޫރެވެ.
އިންޑިއާ އިން ބޭރުގައި ފިލްމް ދައްކަން ހޮލީވުޑްގެ މަޝްހޫރު ސްޓޫޑިއޯ ޕެރަމައުންޓް ޕިކްޗާޒް އިން ޑިސްޓްރިބިއުޝަނާ ހަވާލުވި ފިލްމް ސިނަމާތަކަށް އައީ ޖެނުއަރީ 25 ގަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ހަސަންމަނިކުފާނު
28 March 2018
ނެޓްޕްލިކްސް އަށް ނާންނާތީ ކަޑަ!