މާލޭ ވިޔަފާރި ބަނދަރު ސަރަހައްދުގައި ކޮންޓެއިނަރަކުން ޕިކަޕަކަށް މުދާ އަރުވަނީ: ސަރުކާރުން ކަނޑައެޅި އަގަށް ހުސްކޮށްދިން ނަމަވެސް ގުދަން ކުރަން ވަކި އަގެއް ނަގާނެ ކަމަށް މަޖޫރީން ބުނޭ. --ފޮޓޯ: އަލީ ނިޝާން /މިހާރު
05 އެޕްރީލް 2018 - 12:45
30 comments
ވިޔަފާރި ބަނދަރަށް ބާލާ ކޮންޓެއިނަރުން މުދާ ހުސްކޮށްދޭނީ ސަރުކާރުން ކަނޑައެޅި އަގަށް ކަމަށާއި ނަމަވެސް މުދާ ގުދަން ކުރަން ވަކި ފީއެއް ނަގާނެ ކަމަށް މަޖޫރީންގެ ގްރޫޕްތަކުން މިއަދު ބުނެފި އެވެ.
މާލޭގައި ޓްރެފިކް ބާރު ބޮޑުވާ މައްސަލަ ހައްލު ކުރުމަށްޓަކައި، މާލެ ތެރޭގައި މުދާ އުފުލުމަށް ވަކި ގަޑިތަކެއް ސަރުކާރުން ކަނޑައެޅުމުން، ކޮންޓޭނަރުތައް ހުސްކޮށްދޭ އަގު މަޖޫރީން ވަނީ ބޮޑުކޮށްފަ އެވެ. ނަމަވެސް އެކަން އެ ގޮތަށް ނުކުރެވޭނެ ކަމަށް ބުނެ، ކޮންޓެއިނަރުތަކުން މުދާ ހުސްކުރުމަށް ނެގޭނެ އެންމެ މަތީ އަގުތަކެއް ސަރުކާރުން އިއްޔެ ވަނީ ކަނޑައަޅައިފަ އެވެ.
ސަރުކާރުން އެ ކަމަށް ވަކި އަގުތަކެއް ކަނޑައެޅިޔަސް، މަޖޫރީން ބުނަނީ، ވިޔަފާރި ބަނދަރަށް ބާލާ ކޮންޓޭނަރުތައް ސަރުކާރުގެ އަގަށް ހުސްކޮށްދިން ކަމުގައި ވިޔަސް، ކޮންޓޭނަރުތަކުން ނެރޭ މުދާތައް ގުދަން ކުރުމަށް އިތުރު ފީއެއް ނަގާނެ ކަމަށެވެ.
ސަރުކާރުން މިހާރު ކަނޑައަޅާފައިވާ ގޮތުން، ހެނދުނު ހަޔަކުން ރޭގަނޑު 12 އާ ދެމެދު 20 ފޫޓުގެ ކޮންޓެއިނަރުތަކުން ބިއްލޫރި ޝީޓް ފިޔަވައި އެހެނިހެން މުދާ ހުސްކުރަން ނެގޭނެ އެންމެ ބޮޑު އަގަކީ 2،500ރ. އެވެ. އަދި 40 ފޫޓްގެ ކޮންޓެއިނަރަކުން ނެގޭނެ އެންމެ ބޮޑު އަގަކީ 5،000ރ. އެވެ. އަދި ރޭގަނޑު 12 އިން ހެނދުނު ހަޔަކާ ދެމެދު 20 ފޫޓްގެ ކޮންޓެއިނަރެއް ހުސްކުރަން ނެގޭނީ 3،000ރ. އެވެ. އަދި 40 ފޫޓްގެ ކޮންޓެއިނަރެއް ހުސްކުރަން ނެގޭނީ ގިނަވެގެން 5،500ރ. އެވެ.
ސަރުކާރުން ކަނޑައެޅި އަގާ ބެހޭ ގޮތުން، ވާހަކަދެއްކި މަޖޫރީންގެ ގްރޫޕްތައް ހިންގާ މީހަކު ބުނީ އިއްޔެ ކަނޑައެޅި އަގަށް ކޮންޓެއިނަރު ހުސްކޮށް، ލޮރީތަކަށް އަރުވައިދޭނެ ކަމަށެވެ. އަދި ގުދަން ކުރަން ވަކި އަގެއް ނަގަން ނިންމާފައިވާ ކަމަށް ވެސް އޭނާ ބުންޏެވެ.
އެ މީހާ ބުނީ ލޮރީ އަށް އަރުވާ މުދާ ގުދަނަށް ބާލައިދޭނީ 3،000ރ. އަށް ކަމަށެވެ. ނަމަވެސް އެ އަގަށް ހުރިހާ ގްރޫޕްތައް އެއްބަސްވި ކަމެއް އަދި ނޭނގެ އެވެ.
"ސަރުކާރުން ކަނޑައެޅީ ކޮންޓެއިނަރު ހުސްކޮށްދޭން ޖެހޭ އަގު. ދެން ވިޔަފާރިވެރިން ނިންމާނީ ގުދަކުރަން ވަކި އަގެއް ދޭނެތޯ. އަޅުގަނޑުމެންނަށް ދެން ގުދަން ކޮށްދެވޭނީ ވަކި ފީއެއް ނަގައިގެން،" އޭނާ ބުންޏެވެ.
މީގެ އިތުރުން ކޮންޓެއިނަރަށް ނުލާ އެތެރެކުރާ މުދަލަށް ނެގޭނެ އެންމެ ބޮޑު އަގަކީ ދާގީނާއަކަށް 6.ރ ކަމަށް ވެސް އެ އިއުލާންގައިވެ އެވެ.
ރާއްޖެ އަށް ގިނަ އަދަދަކަށް މުދާ އެތެރެކުރާ ކުންފުންޏެއްގެ ވެރިއަކު ވިދާޅުވީ ކޮންޓެއިނަރު ހުސްކޮށްދޭނެ އަގާ މެދު މިއަދު ގޮތެއް ނިންމާނެ ކަމަށް މަޖޫރީން އަންގާފައިވާ ކަމަށެވެ.
"މިހާރު އެހެރީ ކޮންޓެއިނަރު ނޫން ގޮތްގޮތަށް ގެންނަ ތަކެތި ބާލައިދޭ އަގު ބޮޑު ކޮށްދީފައި ހަތަރު ރުފިޔާ އިން ހަ ރުފިޔާ އަށް. އަޅުގަނޑުމެން އިއްޔެ ވެސް މިނިސްޓަރަށް ދެންނެވިން މަޖޫރީން ލައްވައި މި ކަންކުރެވޭނީ އެ މީހުން ބުނި އަގެއް ދީގެންނޭ. ނޫނީ އަޅުގަނޑުމެން އަމިއްލައަށޭ ކުރެވޭނީ،" އޭނާ ވިދާޅުވި އެވެ.
"އަޅުގަނޑުމެންގެ މުވައްޒަފުން ވައްދައިގެން މުދާ ނެރެފިއްޔާ މާ ފައިދާވާނެ. އެކަމަކު މައްސަލައަކީ އެ މަސައްކަތްކުރެވޭ މިންވަރަށް ކޯޓާ ނުލިބޭތީ."
މި މަހުގެ ފުރަތަމަ ދުވަހުން ފެށިގެން މާލޭގައި ދުވާލު ގަޑީގައި މުދާ އުފުލުން މަނާ ކުރުމުން، މާލޭގެ ވިޔަފާރި ބަނދަރު ސަރަހައްދުގައި މުދާ ހުސްކުރާ މަޖޫރީން ވަނީ މަސައްކަތް ހުއްޓާލައި، ހަޅުތާލުކޮށްފަ އެވެ. އެ މީހުން އަލުން އިއްޔެ މަސައްކަތް ފެށީ މުދާ ހުސްކުރުމުގެ އަގު ބޮޑު ކުރުމަށް ފަހު އެވެ. އެކަމާ ގުޅިގެން ސަރުކާރުން ވަނީ ފިޔަވަޅު އަޅާނެ ކަމުގެ އިންޒާރު ދީފަ އެވެ.
ބަނދަރުގައި މުދާ ހުސް ކުރުމުގެ އަގު ސަރުކާރުން ކޮންޓްރޯލް ކުރުމާ ގުޅިގެން، އެ އަގަށް މުދާ ހުސް ކުރުމުގެ މަސައްކަތް ކުރާނެ މަޖޫރީން އަލުން ރަޖިސްޓްރީވާން އެމްޕީއެލުން ވަނީ ހަތް ދުވަހުގެ މުއްދަތެއް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢިންސާފް
05 April 2018
ޢެބުނާހެން ހުޅުމާލެއަށް ލޯންޗް ގައި ދުވާލު 25 ރުފިޔާ އިރު އޮއްސި 6 ގެ ފަހުން 35 ރުފިޔާ. ޜޭގަނޑު ވީމާ ދުއްވަނީވެސް މަޑުން ލޯންޗްގައި ރޭގަނޑު 20 މިނެޓް ނަގާ ކޮޅަކަށް. މީ ކޮންކަހަލަ އިންސާފެއްތޯ؟ 11:30 ގަ ފުރާފެރީ 11:45 ގަ ހުރިހާ ރެއެއްގައިވެސް ފުރަނީ.
ޑޮކްޓަރުންގެ ސިޓީ / އައްޑޫ ސިޓީ
05 April 2018
މިސަރުކާރު މިއުޅެނީކިހިނެއްވެގެން ؟! ހާދިމާ (ރައީސް) ތިމާ އަމިއްލައަށް “ޙާކިމާ”(ފަނޑިޔާރުމަނިކުފާނު ނުވަތަ ޗީފްޖަސްޓިސް) ކަމުގެދައުރު އަތަށްނަގައިގަތީމަވާނީ މިހެން. . . . . އާދައިގެރައްޔިތުންގެބޮލަށް ސަވާރުވާއިރު ކޮކަކޯލާ އާއި ޕިޒާހަޓް މެރީބްރައުން، ބާގަރކިންގް އާއި މެންހަޓަން، ކޮފީކްލަބް، ކޭއެފްސީ އާއި ޕިޒާކަމްޕަނީ ތައިއެކްސްޕްރެސް ފަދަ ބައިނަލްއަޤުވާމީ ފްރަންޗައިޒް ވިޔަފާރިތައްގެނެސްގެން އުޅޭއިރުއެމީހުންގެންނަ ރޯމެޓީރިއަލްސްތަކުން ކަސްޓަމްސް ޑިއުޓީނެގުމާއި ބިދޭސިމުވައްޒިފުން އެތެރެކުރުމާއި ލޭބަރ ޤާނޫނުފޮލޯކުރުމާއި އެފަދަތަންތަނުގެ ޕީއޯއެސްތަކުން ކަޑާފައިސާ ބޭރުގެއެކައުންޓްތަކަށް މާލީޤާނޫނާއިހިލާފަށްޖަމާ ކުރާމައްސަލައާއި ދިވެހިޕާޓްނަރެއްވާނަމަ ލިޔެކިއުމުންއެކަން އިގޭނެގޮތްހެދުމަށާއި ބިޑްކުރުމެއްނެތި ދައުލަތުގެތަންތަން މިފަދަމީހުންނަށްދޭމައްސަލަބަލާ މިކަންކަމަށްފިޔަވަޅު އަޅާންވީ ނޫންތޯ؟ . . .އިކޮނޮމިކްމިނިސްޓްރީ ހިންގުމަކީ ޕްރައިވެޓް ސަންއައިލެންޑް ރިސޯޓް ހިންގުންހާ ފަސޭހަ ކަމެއްނޫން.
ޢަހޫ
05 April 2018
ތިވާހަކަ ދެއްކުމުގެ ބޭނުމަކީ ކޮބާ. ހުޅުމާލެއަށް ދުވާލުގަޑީގައި އެކްސްޕްރެސް ޓިކެޓެއްގެ އަގަކީ .25 ރުފިޔާ. ރޭގަޑު އެބަ ބަދަލުވޭ 35 ރުފިޔާއަށް. ރޭގަޑު ވީމާ އިތުރަށް ތެޔޮ ޚަރަދު ވަނީބާ. ނޫނީ ސަރުކާރުވީމާ ހުއްދައީތޯ
ފަރުދު
05 April 2018
ދެން ޓެކްސީ ފީ ރޭގަނޑު ބޮޑުވަނީ ގުއިރެވިގެންތަ؟
ނާޒީ
05 April 2018
ބަލަ މާލެ މީ 2 ކިލޯމީތަރު ހަމަ ނުވާ ކުޑަ ކުޑަ ރަށެކެވެ. ޢޮފީސް ތަކަށް ފައިމަގުގަ ހިނގާފައި ދާން ފެށީމާ މައްސަލަ ހައްލުވީއެވެ. ޢެކަމަކު ކޮންމެ މީހަކުވެސް ބޭނުންވަނީ ޖެހިގެން ހުންނަ ފިހާރަޔަށްވެސް ސާކަލުގަ ނުވަތަ ކާރު ކޮޅިގަ ދާށެވެ. ކޮންމެ ސަރުކާރު އޮފީހެއްގެވެސް ެތައް ވެހިކަލެއް އެބަ ގެންގުޅެއެވެ. ޢިޤްތިސާދީ މަސައްކަތެއް ނުކުރާ ޕްރައިވެޓް ކިތައް ކާރާއި ވޭން ފަދަ ކިތައް ވެހިކަލް ޢެބަގެންގުޅޭތޯއެވެ. ޓުރެފިކު މައްސަލަ ހައްލުކުރަން މަޖޫރީންނާއި އިޤްތިސާދީ މަސައްކަތުގައި ބޭނުން ކުރާ ޕިކަޕްތައް ގުރުބާން ކުރިޔަކަސް މައްސަލަ ހައްލެއް ނުވާނެއެވެ. ދާއިމީ ހައްލަކީ ތޮއްޖެސުމުގެ ސިޔާސަތު ބަދަލު ކުރުމެވެ.
އީނާޝް
05 April 2018
މަޖޫރީންގެ ތެރެއިން ހަޅުތާލުކުރާ ހުރިހާ މީހުން ވަޒީފާއިންވަކިކޮށް އިންޑިޔާ ނުވަތަ ބަނގްލަދޭޝްމީހުން ވަޒީފާތަކަށްގެނެސް އެކަށޭނެގޮތުގައި މިހިދިމަތް ފަރުމާކުރުމަށް ގޮވާލަން.
ރޮކެޓް ސައިންސް
05 April 2018
މަޖޫރީންޔަށް ވެސް ވަޒީފާއިން ވަކިކުރަނީޔޯ. ކެކެކެކެ
ރޮކެޓް ސައިންސް
05 April 2018
އަދިވެސް މާލޭގެ އާބާދީ ބޮޑުކޮށް ހުރިހާ މުދަލަކާއި ހުރިހާކަމެއް މާލެއިން ވޭތޯބަލާށެވެ. އޭރުން މަގުތަކުގެ ހަލަބޮލިކަން ފިލައިގެން ގޮސްދާނެއެވެ. އެއްގޮތަކަށް ވެސް މާލެނޫން އެހެންތަނެއް ތަރައްގީ ކުރުމުގެ ވިސްނުން ނުގެންގުޅޭށެވެ. އޭރުން ބޮޑުންނަށާއި މާލޭ މީހާއަށް ލިބޭއެތިކޮޅު މަދުވެދާނެއެވެ. ހަވަރު ތިނަދޫ މީހުން ބަގާވާތް ކުރަން ޖެހުނީވެސް ތިކަމާހުރެއެވެ.
ކާފަބެ
05 April 2018
ސަރުކާރު އަމިއްލައަށް ވެޓެންއުޅޭވަސް ވަރަށް އެބަދުވާ
ޖުހާ ތަރުޖަމާނު
05 April 2018
ކަހީނު ބުނީ ތިޔަކަން ވާކަށް ނެތޯ. އަންނި އަރާފާނެތީ. ވައްޓާފަ ރަގަޅު އެއްޗެއް އަރުވާނަމަ ސިކުންތެކޯ ނަގާނީ ވެއްޓެން. ޔާމީނަށްވެސް އެކަން އެގެޔޯ. އެހެންވެ އޭގެ މެކްސިމަމް ފައިދާ ނަގަނިއްޔޯ. އުގޭލޫ/ ކަލޯ ކޮންތާކު ތިއުޅެނީ؟ދެން ކަލެމެނެްވެސް ކަމުދާ އެއްޗެހީގެ ނަން ކިޔާބަލަ. ޔުމްނާވެސް ރަގަޅު ދޯ؟ ބައެއް މީހުން ބުނަނީ ކާމިނީ ވީމަ ކަޑައޭ. ކަމނީ ކެނެރީ ނޫން އެއްޗެކޭ ބޭނުމީ
ޙްމް
05 April 2018
މި ވަރެއް މަޖޫރީންނެއްތާ ދޯ. އުވާލާ މިމީހުން.
213654
05 April 2018
ކޮންޓްރޯލް ކުރާނެ އެއްޗެއް ނޭގިގެންތަ ތިއުޅެނީ؟ ނިކަން ޗަމްޕާ ރިސޯޓުން ޤާނޫނާ ޚިލާފަށް ދޭ ފިކްސް ސަރވިސް ޗާރޖްގެ މައްސަލަ ބަލާ ޗަމްޕާއަށް ހައްގު އަދަބު ދީބަލަ. ނުކުރޭނެ ދޯ؟ އަބަދުވެސް ކުދި މީޙުން ފަހަތުން ދުވާތި ގަޓު ސަރުކާރު!