ލ. ފޮނަދޫ
05 އެޕްރީލް 2018 - 15:02
1 comments
ލ. ފޮނަދޫގައި މިދިޔަ ހޯމަ ދުވަހުގެރޭ ހިންގި މާރާމާރީއާ ގުޅިގެން ހައްޔަރު ކުރި ތިން މީހުން ޝަރީއަތް ނިމެންދެން ބަންދު ކުރަން ލ. ގަމު މެޖިސްޓްރޭޓް ކޯޓުން ނިންމައިިފި އެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ ތިން މީހުންގެ ޝަރީއަތް ނިމެންދެން ބަންދު ކުރީ، އެ މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން ކަމަށެވެ. އަދި ތިން މީހުންގެ އިތުރުން، އެ މައްސަލައިގައި ކުޑަކުއްޖަކު 10 ދުވަހަށް ބަންދު ކުރަން ކޯޓުން އަމުރުކޮށްފައިވާ ކަމަށް އޭނާ ވިދާޅުވި އެވެ.
ފޮނަދޫގައި ހިންގި ގްރޫޕް މާރާމާރީގައި ދެ ޒުވާނަކު ޒަހަމްކޮށްލި އެވެ. އެ ގޮތުން، އެކަކުގެ ފައިގެ ދެ ތަނަކަށް ތޫނު އެއްޗަކުން ހަމަލާދީ ޒަހަމްކޮށްލާފައިވެ އެވެ. ޒަހަމްވި އަނެއް ޒުވާނާގެ މޫނަށް ވަނީ އެކިވަރުގެ ޒަޚަމްތައް ލިބިފަ އެވެ. އެ ދެ މީހުންނަށް ފަރުވާ ދިނުމަށް ފަހު މިހާރު ވަނީ ދޫކޮށްލައިފަ އެވެ.
އެ މާރާމާރީ ހިންގިކަމުގެ ތުހުމަތުގައި ފުލުހުން ހައްޔަރުކުރީ 23 އަހަރުގެ ފިރިހެނަކާއި 22 އަހަރުގެ ދެ ފިރިހެނުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާހިރު
05 April 2018
އަޅުގަނޑުމެންދަންނަ ފޮނަދޫ މީހުންނަކީ ސުލްޙަވެރި އިންސާފަށްލޯބިކުރާ ބަޔަކު އުޅޭރަށެކެވެ. އެހެންނަމަވެސް އެކިފަރާތްތަކުން ކުރާ ޢަމަލުތަކުގެ ސަބަބުން ފޮނަދޫގެ ނަންވެސްދަނީ ކިލަނބުވަމުންނެވެ. މި މާރާމާރިއަކީވެސް އެހެންރަށެއްގެ ބަޔަކާއި ފޮނަދޫގައި ފަހުން ވަޒަންވެރިވެފައިވާ ބަޔަކާއިދެމެދު ހިނގައިގެން އުޅޭ ކަމެކެވެ. ފޮނަދޫގައި އަލަށްވަޒަންވެރިވާ ފަރާތްތަކުންވެސް އެފަދަ ނޭދެވޭ ޢަމަލުތައް ނުކުރުމަށް ގޮވާލަމެވެ. އެއްކޮޅުން ސިޔާސީ ބޭފުޅުން ރަށަށް ހުތުރުނަން އަރުވަމުންދާއިރު އަނެއްކޮޅުން ވައްކަމާއި މާރާމާރީ ހިންގުންފަދަ ކަންކަމުން ފޮނަދުއަށް ހުތުރުނަން ލިބުމަކީ ވަރަށްދެރަ ކަމެކެވެ.