ގޭންގެއް ކަމަށް ކަނޑައަޅަން ޕީޖީއަށް މައްސަލައެއް ފޮނުވައިފި

މިއަދު ބޭއްވި މީޑިއާ ބްރީފިންގައި ފުލުހުންގެ ބައެއް އިސް އޮފިސަރުން.---ފޮޓޯ: ޕޮލިސް

މުހައްމަދު ނަސީމް، މިހާރު

30 ޑިސެމްބަރ 2025 - 12:12

ކުށްކުރާ ގުރޫޕެއް، ގާނޫނުގައި ބުނާ ފަދަ ގޭންގެއް ކަމަށް ކަނޑައަޅަން ޕްރޮސެކިއުޓާ ޖެނެރަލްގެ އޮފީހަށް މައްސަލަައެއް ހުށަހަޅާފައިވާ ކަމަށް ފުލުހުން މިއަދު ބުނެފި އެވެ.

މިދިޔަ އޮގަސްޓްމަހު ތަސްދީގޮށް އަމަލުކުރަން ފެށި، "ގޭންގު ކުށްތަކާއި އެ ނޫން ވެސް ނުރައްކާތެރި ކުށްތައް ހުއްޓުވުމުގެ ގާނޫނު"ގައިވާ ގޮތުން، ކުށްކުރާ ގުރޫޕެއް ގޭންގެއްގެ ގޮތުގައި ކަނޑައަޅަން ފުރިހަމަކުރަން ޖެހޭ އިޖުރާއަތްތަކުގެ ތެރެއިން ފުރަތަމަ މަރުހަލާ އަކީ ފުލުހުން އެ މައްސަލަ ޕްރޮސެކިއުޓާ ޖެނެރަލަށް ހުށަހެޅުމެވެ.

ޕްރޮސެކިއުޓާ ޖެނެރަލް އެ މައްސަލަ ދިރާސާކުރެއްވުމަށް ފަހު، ފޮނުއްވަން ޖެހޭނީ އެ ގާނޫނުގައިވާ ގޮތުން ހައި ކޯޓަށެވެ. ކުށްކުރާ އެ ގްރޫޕަކީ، ގޭންގެއް ކަމަށް ކަނޑައަޅާނީ ހައި ކޯޓުންނެވެ.

އިސްކަންދަރުކޮށީގައި މިއަދު ބޭއްވި ޕްރެސް ކޮންފަރެންސެއްގައި، ގޭންގް ކްރައިމް އެންފޯސްމެންޓް ޑިޕާޓްމަންޓްގެ ހެޑް، ސުޕްރިންޓެންޑެންޓް އޮފް ޕޮލިސް އިސްހާގް އާދަމް ވިދާޅުވީ ގޭންގެއް ކަމަށް ކަނޑައަޅަން ޕީޖީ އޮފީހަށް ފޮނުވި މައްސަލައާ ގުޅިގެން އެ އޮފީހުން ލަފާ ދިން ކަންތައްތައް ފުލުހުން ކުރަމުން އަންނަ ކަމަށެވެ.

ގޭންގް ކްރައިމް އެންފޯސްމެންޓް ޑިޕާޓްމަންޓްގެ ހެޑް، ސުޕްރިންޓެންޑެންޓް އޮފް ޕޮލިސް އިސްހާގް އާދަމް މިއަދުގެ މީޑިއާ ބްރީފިންގައި ބައިވެރިވެވަޑައިގަންނަވަނީ.---ފޮޓޯ: ޕޮލިސް

"ގޭންގެެއް ކަނޑައެޅުމަށްޓަކައި އެއް މައްސަލަ ވާނީ ޕްރޮސެކިއުޓާ ޖެނެރަލްގެ އޮފީހަށް ފޮނުވާފައި. އެ މަސައްކަތުގައި ޕީޖީ އޮފީހުން އަޅުގަނޑުމެންނަށް ލަފާދީފައި ހުރި ކަންކަން މިހާރު މި ގެންދަނީ ކުރަމުން،" އިސްހާގް ވިދާޅުވި އެވެ.

އޭނާ ވިދާޅުވި ގޮތުގައި މާލޭގެ އިތުރުން އަތޮޅު ތެރެއިން ވެސް ގޭންގެއް ކަމަށް ޝަރުތު ހަމަވާ ފަރާތްތަކަކީ ކޮބައިތޯ ފުލުހުން އަންނަނީ ބަލަމުންނެވެ.

އިސްހާގް ވިދާޅުވީ ގޭންގް ކުށްތަކާއި އެ ނޫން ވެސް ނުރައްކާތެރި ކުށްތައް ހުއްޓުވުމުގެ ގާނޫނަށް އަމަލުކުރަން ފެށި ފަހުން އެ ފަދަ ކުށްތައް މަދުވެފައިވާ ކަމަށެވެ.

"މި ގާނޫނު އައުމުގެ ކުރިން އަޅުގަނޑުމެންނަށް ފެނޭ މަގުމަތީގައި، ވަރަށް ނުރައްކާތެރި، އިންތިޒާމްވެގެން ކުށްކުރާ ގްރޫޕްތައް ހަރަކާތެރިވާތަން،" އިސްހާގު ވިދާޅުވި އެވެ.

"އެހެން ނަމަވެސް އަޅުގަނޑު މި ޕްރެސް ކޮންފަރެންސްގައި ފާހަގަކޮށްފައި އޮންނާނެ، މި އަހަރުގެ އޮގަސްޓްމަހުން ފެށިގެން ހުށަހެޅޭ މައްސަލަތަކާ އަޅުގަނޑުމެންގެ އޮޕަރޭޝަންސް ޓީމްތަކަށް ފާހަގަވާ އަޅުގަނޑުމެންގެ އިންޓެލިޖެންސް ޓީމްތަކަށް ލިބޭ މައުލޫމާތުތަކަށް ބަލާއިރު މިކަންކަން ވަރަށް މަދޭ، މި އަހަރު ކުރީކޮޅާ އަޅާބަލާއިރު މިއަހަރު ފަހުކޮޅު އަދި އިންތިހާއަށް މިކަންކަން މަދުވެފައި ވަނީ."

ކުށްކުރުން ހުއްޓުވަން އެ ގާނޫނުގެ ބޭނުން އެންމެ ހެޔޮގޮތުގައި ހިފޭނެ ކަމުގެ ޔަގީންކަން އެބަ އޮތް ކަމަށް ވެސް އޭނާ ވިދާޅުވި އެވެ.

ކުށްކުރުން ފުލުހުން ގޭންގް ހަމަނުޖެހުން ޕްރޮސެކިއުޓާ ޖެނެރަލް

13 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވެރީ ފަނީ

30 December 2025

ރައީސް ވިދާޅުވި ގޭންގް ތަކެއް ނެތޭ. ގޭންގް ޕްރޮފައިލް އަށް ފެތޭ ބައެއް ނެތޭ. ގޮޅިތަށް ހުރީ ހުހަށޭ. ވިޔަފާރިއޭ ކުރަނީ. ވިޔަފާރި ގޭންގެއްތަ. އޮޅިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

30 December 2025

މަރުޙަބާ މަރުހަބާ! ރާއްޖޭގެ ގޭންގް އެއްގެ ލަގަބު ރަސްމީ ހައިސިއްޔަތުން ލިބިގެންދާ ފުރަތަމަ ގޭންގް އަށް ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލުނު

30 December 2025

މި ސަރުކާރުން ނުރަނގަޅު ކަންކަން ފެންނަފަދައިން ރަނގަޅުކަންކަންވެސް އެބަފެނޭ. ޢުމްރާނީ ތަރައްޤީއަށްވުރެ ބޮޑަށް ބޭނުމީ، ހިތްފަސޭހަކަމާ އަމާންކަމާއެކު ދިރިއުޅެވޭނެ މާހައުލެއް. އެއާ އެކު އަސާސީ ކަންކަން ފުރިހަމަވުން އެދެނީ. މިކަންކަމުގެ މައްޗަށް ތަނަވަސްކަން އިސްކުރާކަށް ބޭނުމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެޓް

30 December 2025

ގޭންގެއް ކަމަށް ކަންޑަ އަޅައީ ނިމޭހިސާުބުން ހުރިހާ މީހުންގެ ހުރިހާ އެސެޓެއް ހިފަހައްތަން ވާނެ އަދި ބޭެންކް އެކައުންޓް ، ޑެބިޓް ، ކުރެޑިޓް ކާޑް ބޭނުން ނުކުރެވޭ ގޮތް ހަދަންވާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއައު

30 December 2025

ގޭންގުތަކަށް ސަރުކާރުގެ ރަސްމީ ކުޅުވަރު މުބާރާތްތަކުގަ ބައިވެރިވެވޭތޯ؟ ހަމަ އަހާލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

30 December 2025

ޒުވާނުންގެ ގްރޫޕްތަކަށް ގޭންގޭ ނުކިޔާށޭ. އެހެން ކިޔާ ނަމަ އެމީހުން ކުރި ނުވަތަ ކުރާ ޖިނާއި ކުށްތަށް ބުނެދެެއްވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

30 December 2025

މިކަންވެސް މިވީ ބޮޑު ޖޯކަކަށް، ހައިކޯޓުން ގޭންގެއްކަމަށް ނިންމުމުން ގާނޫނީ ގޮތުން ގޭންގްގެ ލަގަބް މިލިބެނީ، ދެންއޮތީ ގޭންގްގުގެ ލަގަބު، ލިބުމުން ގާނޫނުނީ ގޮތުން ކަންކަން ދާގޮތްބެލުން، ކިހިނެތްތޯ މިހައިދިގު ޕޮރޮސީޖައި ހަދައިގެން ކުއްކުރުން ހުއްޓުވާނީ، ރަގަނޅު މުޖުތަމައުއެއް ބިނާކުރާނީ، މިކަންކަން މިހެން ހުރުމުން ހުރިހައި ގެއްލުމެއް މިލިބެނީ ކުށުގެ ވެށިން އެކަހެރިކޮއް އުޅެމުންދާ ރައްޔިތުންނަށް، މިރައްޔިތުންގެ އިންސާނީ ހައްގެއްނެތް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޗޯ ބުރު

30 December 2025

މި އުޅޭ ނަން ކިޔާ ގޭންގެއްގައި އަތްލާކަށް ފުލުހުންނަށް ނުކުރޭ. ކޮންމެވެސް ނަމެއްގައި ކަމެއް ކުރީމޭ ބުނަން ކުޑަ ގުރޫޕެއް ފަހާ ދުވަނީ. ބަލަން ތިބޭތި. ތީ މިކަން ވާނެ ގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފާންފޮށީ

30 December 2025

ބައްލަވާ..... ރައީސް ވިދާޅުވެފަ އެއްނޫންތޯ އޮތީ، ރާއްޖޭގަ އެއްވެސް ގޭންގެއް ނެތޭ، އެކުދިން މިހާރު ތިބީ ރަގަޅު ވަޒީފާތަކުގައޭ. ދެން ފުލުހުން މިއުޅެނީ ކޭކުރަންތާ؟