ސީރިއާގައި ކެމިކަލް ހަމަލާ ދިން މީހުން ބޮޑު އަގެއް ދައްކަން ޖެހޭނެ: ޓްރަމްޕް

ވިހަ ގޭހުގެ އަސަރު ކުރި ސީރިއާގެ ކުޑަ ކުދިންނަށް ވޮލަންޓިއަރުން ފަރުވާ ދެނީ. --ފޮޓޯ؛އޭއެފްޕީ

ހަސަން އާމިރު، މިހާރު

08 އެޕްރީލް 2018 - 20:21

ވޮޝިންޓަން (އެޕްރީލް 8) - ސީރިއާގައި ކެމިކަލް ހަތިޔާރުގެ ހަމަލާ ދިން މީހުން އެކަމުގެ ބޮޑު އަގެއް ދައްކަން ޖެހޭނެ ކަމަށް ވިދާޅުވެ އެމެރިކާގެ ރައީސް ޑޮނަލްޑް ޓްރަމްޕް އިންޒާރު ދެެއްވައިފި އެވެ.

ސީރިއާގެ ރައީސް ބައްޝާރުލް އަސަދަކީ "ޖަނަވާރެއްގެ" ގޮތުގައި ވެސް ޓްރަމްޕް ވަނީ ސިފަ ކުރައްވައިފަ އެވެ.

"ޖަނަވަރު އަސަދަށް ވާގިވެރިވުމުގެ ޒިންމާ ރައީސް ލަޑިމިއާ ޕުޓިން އާއި ރަޝިޔާ އަދި އީރާނުން އުފުލަން ޖެހޭނެ. އެކަމުގައި އެ މީހުން ބޮޑު އަގެއް އަދާކުރަން ޖެހޭނެ،" ޓްރަމްޕް ކުރެއްވި ޓްވީޓެއްގައި ވިދާޅުވި އެވެ.

ސީރިއާގެ އިރުމަތީ ޣޫތާގައި ދިން ކެމިކަލް ހަމަލާއެއްގައި ވަނީ 70 އަށް ވުރެ ގިނަ މީހުން މަރުވެފަ އެވެ. ސީރިއަން އޮބްޒަވޭޓަރީ ފޯ ހިއުމަން ރައިޓްސް އިން ބުނީ ހުކުރު ދުވަހުން ފެށިގެން ސީރިއާ ސިފައިން ދަނީ އުރުމަތީ ޣޫތާ އަށް ވައިގެ ހަމަލާ ދެމުން ކަމަށެވެ. އެކަމަކު ސީރިއާގެ ރަސްމީ ނޫސް އެޖެންސީން ވަނީ އިރުމަތީ ޣޫތާ އަށް ކެމިކަލް ހަމަލާއެއް ދިން ކަމަށް ބުނާ ވާހަކަތައް ދޮގުކޮށްފަ އެވެ.

އެމެރިކާގެ ކުރީގެ ސަރުކާރުން ސީރިއާ އަށް ވައިގެ ހަމަލާ ދީފައި ނުވާތީ ޓްރަމްޕް ވަނީ ރައީސް ބަރަކް އޮބާމާ އަށް ވެސް ފާާޑު ވިދާޅުވެފަ އެވެ. އަދި ކުރިން ވައިގެ ހަމަލާ ދިން ނަމަ އަސަދުގެ ކަންތައް މިހާރު ނިމިއްޖެ ކަމަށް ވެސް ޓްރަމްޕް ވިދާޅުވި އެވެ.

ސީރިއާ ކެމިކަލް

6 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޮނިޓައްޕު ހަސަނު

09 April 2018

ސީރިޔާގައި ކެމިކަލް ހަމަލާ ދިނީ އެމެރިކާ. އެމެރިކާ އަކީ މުޅި ދުނިޔެއަށް ކުރިމަތިވެފައިވާ ބޮޑު މުސީބާތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުކްވެލް

08 April 2018

ތިޔާއީ އެމެރިކާ އިން އަމިއްލަ އަށް އުފައްދައިގެން އުޅޭ މައްސަލަ އެކޭ ތިޔާ ކެމިކަލް ހަމަލާ ދިނީ ސީރިއާގައި ބައްޝާރު ސަރުކާރާއި ދެކޮޅަށް ހަނގުރާމަ ކުރާ ފަރާތް ތައް ކަމުގައި ވުން އެއީ ވެސް އެކަށީގެންވާ ކަމެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިޔާމް

08 April 2018

އެމެރިކާ އަކީ ވެސް އެހެންމީހުންނޭ ކިޔައިގެން ވާހަކަ ދެއްކޭ ފެންވަރުގެ ބައެއް ނޫން. އިރާޤާއި އަފްގާނިސްތާނަށްކޮށްލިވަރު އަދިވެސް ކުރަމުންދާވަރު ހަނދާން ނުނެތޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިޔާމް

08 April 2018

އެއަގު ދައްކަން ޖެހޭނީ ޤިޔާމަތް ދުވަހު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިބައިސާ

08 April 2018

ތިއަ ހުރިހާކަމެއް ހިންގަނީ އެމެރިކާގެ ނުއުފަންނަ ދަރި އިޒްރޭލު. ބައްޝާރުގެ ބޮލުގާ އަބަދުވެސް އަޅުވާނެ ހުތުރު އިލްޒާމެއް އަޅުވަން. އެމެރިކާއާއި އިޒްރޭލު ނެތްނަމަ ދުނިޔެ ވަރަށް އަމާންވިސް.