ވަކީލުންގެ ބިލް އެކުލަވާލަނީ ބާ ކައުންސިލެއް އުފައްދާ ގޮތަށް: އަނިލް

އެޓާނީ ޖެނެރަލް އަނިލް: ވަކީލުންގެ ބިލާ އެކު ވަކީލުންގެ ޕްރޮފެޝަނަށް ބަދަލުތަކެއް އަންނާނެ ކަމަށް ވިދާޅުވި --މިހާރު ފޮޓޯ/ހުސައިން ވަހީދު

މުއިއްޒު އިބްރާހިމް، މިހާރު

09 އެޕްރީލް 2018 - 00:09

19 comments

ވަކީލުންނާ ބެހޭ ބިލް ސަރުކާރުން ޑްރާފްޓް ކޮށްފައި ވަނީ ވަކީލުން ރެގިއުލޭޓް ކުރުމަށް ބާ ކައުންސިލެއް އުފައްދާ ގޮތަށް ކަމަށް އެޓާނީ ޖެނެރަލް މުހައްމަދު އަނިލް މިރޭ ވިދާޅުވި އެވެ.

ވަކީލުކަމުގެ ހުއްދަ ދިނުމަށްޓަކައި ދަރުބާރުގޭގައި ބޭއްވި ރަސްމިއްޔާތުގައި ވާހަކަ ދައްކަވަމުން އަނިލް ވިދާޅުވީ ވަކީލުންނާ ބެހޭ ބިލެއް ރައްޔިތުންގެ މަޖިލީހަށް ހުށަހެޅުމުގެ މަސައްކަތް ސަރުކާރުން ކުރަމުން އަންނަ ކަމަށާއި އެކަން ލަސްވީ އެކިއެކި ސަބަބުތަކާ ހެދި ކަމަށެވެ. ކަމާބެހޭ ފަރާތްތަކުގެ މަޝްވަރާއާ އެކު އެ ބިލް ޑްރާފްޓް ކޮށްފައި ވާނީ ބޮޑެތި ބަދަލުތަކެއް ވަކީލުންގެ ޕްރޮފެޝަނަށް ގެންނަ ފަދަ ގޮތަކަށް ކަމަށާއި އެގޮތުން ވަކީލުން ރެގިއުލޭޓް ކުރުމަށްޓަކައި ބާ ކައުންސިލެއް އުފެއްދުމަކީ ވެސް އެ ބިލުގައި ހިމެނޭ އެއް ކަންތައް ކަމަށް އަނިލް ވިދާޅުވި އެވެ.

"ގާނޫނީ ވަކީލުންގެ ފަންނަކީ ބާ ކައުންސިލެއްގެ ބެލުމުގެ ދަށުން ހިނގާނެ ތަނެއް ކަމުގައި ހެދުމަށް އަޅުގަނޑުމެންނާއި ކަމާ ބެހޭ ފަރާތްތަކުން ހިތްވަރާ އެކީގައި މި ބިލް ދިރާސާކޮށް، ނިންމުމުގެ މަސައްކަތް އެބަ ކުރިއަށް ގެންދަން،" އަނިލް ވިދާޅުވި އެވެ.

ރާއްޖޭގައި ވަކާލާތު ކުރުމުގެ ހުއްދަ ލިބުނު ވަކީލަކާ އެކަމުގެ ލިޔުން އޭޖީ އަނިލް މިރޭ ހަވާލު ކޮށްދެއްވަނީ.---ފޮޓޯ: ހުސެއިން ވަހީދު/މިހާރު

ބަންޑާރަ ނައިބު ވިދާޅުވި ގޮތުގައި ގާނޫނީ ދާއިރާ އިން ފުރަތަމަ ޑިގްރީއެއް ލިބުމުން ވަކީލަކަށް ވެވޭ ގޮތަށް ރާއްޖޭގައި އޮތަސް، ދުނިޔޭގެ އެހެން ގައުމުތަކުގައި އެއީ އެހެން އޮންނަ ކަމެއް ނޫނެވެ. އެހެން ގައުމުތަކުގައި ޑިގްރީ ފުރިހަމަ ކުރިޔަސް ވަކީލުކަމުގެ ހުއްދަ ދޭނީ އިތުރު މަރުހަލާތަކެއް ފުރިހަމަ ކުރުމަށް ފަހު ކަމަށާއި އެފަދަ ގޮތަކަށް ރާއްޖޭގައި މިހާރު ވެސް ކޮންމެވެސް ވަރަކަށް ބަދަލުތަކެއް ގެންނަމުން އަންނަ ކަމަށް އަނިލް ވިދާޅުވި އެވެ.

"ދުނިޔޭގެ ބައެއް ގައުމުތަކުގައި ބާ އެގްޒާމް ފަދަ އެގްޒާމް ހެދުމަށް ލާޒިމް ކޮށްފައި އޮވޭ. އެ އެގްޒާމް ނުވަތަ ޓެސްޓުން ފާސް ނުވެއްޖިއްޔާ ގާނޫނީ ވަކީލުކަމުގެ ހުއްދަ ނުވެސް ލިބޭ. އަޅުގަނޑުމެން ޒަމާނީ ތަރައްގީއާ އެކު ދުނިޔޭގެ އެހެން ގައުމުތަކުގައި އަމަލުކުރާ ގޮތަށް ބަދަލު ވެގެން ދާއިރު މިކަންކަން ދިވެހި ރާއްޖޭގައި ވެސް ބަދަލު ވެގެންދާނެ ކަމީ ޝައްކެއް އޮތް ކަމެއްް ނޫން،" އަނިލް ވިދާޅުވި އެވެ.

ރާއްޖޭގެ ކޯޓުތަކުގައި ވަކާލާތު ކުރުމުގެ ހުއްދަ 175 މީހަކަށް ދިނުމާއި އެ ވަކީލުންގެ ހުވާ ލައިދިނުމަށް ދަރުބާރުގޭގައި މިރޭ ބޭއްވި ރަސްމިއްޔާތުގެ ޝަރަފުވެރި މެހުމާން އޭޖީ އަނިލް އާއި ސުޕްރީމް ކޯޓުގެ ފަނޑިޔާރުންނާއި ކޯޓުތަކުގެ ބައެއް އިސް ފަނޑިޔާރުން ބައިވެރިވެވަޑައިގަންނަވަނީ.---ފޮޓޯ: ހުސެއިން ވަހީދު/މިހާރު

ވަކީލުންގެ ފަންނު ދުވަހަކަށް ވުރެ ދުވަހެއް ފުޅާވަމުން އަންނަ ކަން ފާހަގަ ކުރައްވައި، އަނިލް ވިދާޅުވީ ވަކީލުންގެ ތަޖުރިބާ އާއި ތަމްރީން އިތުރު ކުރަން މަސައްކަތް ކުރަން ޖެހޭ ކަމަށެވެ. ވަކީލުން ކުރަންޖެހޭ ހަމައެކަނި މަސައްކަތަކީ ކޯޓުތަކުގައި ވަކާލާތު ކުރުން އެކަނި ނޫން ކަމަށާއި އެ ނޫން ގޮތްގޮތުން ވެސް ވަކީލުންނަށް ފުރުސަތު އެބައޮތް ކަން އަނިލް ފާހަގަ ކުރެއްވި އެވެ. އެގޮތުން ދައުލަތުގެ އިދާރާތަކާއި ކޯޓުތަކާއި ތަހުގީގީ އިދާރާތަކުގައި ވެސް މަސައްކަތް ކުރުމުގެ ފުރުސަތު ވަކީލުންނަށް އެބައޮތް ކަމަށް ވިދާޅުވި އެވެ.

ރާއްޖޭގައި ވަކީލުން ރެގިއުލޭޓް ކުރަމުން އައީ އެކި ދުވަސްވަރު އެކި އިދާރާތަކުންނެވެ. ކުރިން ޖަސްޓިސް މިނިސްޓްރީން ވަކީލުން ރެގިއުލޭޓް ކުރަމުން އައުމަށް ފަހު އޭގެ ފަހުން ވަކީލުން ރެގިއުލޭޓް ކުރީ އެޓާނީ ޖެނެރަލްގެ އޮފީހުންނެވެ. މިހާރު ވަކީލުން ރެގިއުލޭޓް ކުރަނީ ސުޕްރީމް ކޯޓުންނެވެ.

ވަކީލުން އެޓާނީ ޖެނެރަލްގެ އޮފީސް ކުރީގެ އޭޖީ މުހައްމަދު އަނިލް ސުޕްރީމް ކޯޓް

19 ކޮމެންޓް, 46 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތެއާސާ.

09 April 2018

ކީއްވެތޯ ބާ ކައުންސިލެއް ހަދަނީ؟ އާ ކައުންސިލެއް ހައްދަވާދެއްވާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜެގުލާ

09 April 2018

ވަކީލުންގެ ހުއްދަ ލިބުމުން މަހްރޫމްކޮށްލި ދިވެހި ޒުވާނުން ތަކެއް ވެއެވެ. ޢެ މީހުން މި ރަސްމިއްޔާތުގައި ބައިވެރި ކޮށްފައެއް ނުވެއެވެ. ސަބަބެއްވެސް ނުދައްކައެވެ. އެތައް ދުވަހެއްގެ ކިޔެވުމާއި ލާރި ބޭކާރެވެ. ޒުވާނުންގެ ހައްގު ތަކާ އަންހެނުންގެ ހައްގު ތަކާ އަދުލު އިންސާފު މި ރާއްޖޭގަ ގިނަ ކަމުން މަގުމަތިން ހިނގާނުލެވެއެވެ. ދެން އަތްޖަހާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖާދޯ

09 April 2018

ވަކީލުންގެ ބިލް އެކުލަވާލަނީ ބާ ކައުންސިލެއް އުފައްދާ ގޮތަށް: ކީއްވެތަ ބާ ކައުންސިލެއް ހަމަ އާ ކައުންސިލެއްވެސް ހެދޭނެ އެންނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަލޭ

09 April 2018

ރަގަޅު އަދި 5 އަހަރެއްނުވޭ؟ އިތުރު 5 ދީގެން ތިކަން ނިންމޭނީ ؟ ސާބަހޭ ރައްޔަތުންގެ ފައިސާ އިން މުސާރަ ނަގައިގެން ތިކުރާ މަސައްކަތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީމަން

09 April 2018

ބަންޑާރަ ނައިބު އަނިލް އަކީ މަގާމަށް ކުފޫ ހަމަނުވާ ބޭފުޅެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

09 April 2018

ބާކައުންސިލް އުފެއްދުމުގެ ކުރިން ބާއެސޯސިއޭޝަން ރަޖިސްޓްރީ ކޮށް ދޭންވީ ނޫންތޯ؟ ދުނިޔޭގެ އެހެން ޤައުމުތަކުގައި ކަންކަން ހިނގަނީ އެހެންނޭ މިހެންނޭ ވިދާޅުވާ އިރު އެ ޤައުމުތަކުގައި ކަންކަން ހިނގާ މަގުން މިރާއްޖޭގައި ހިންގަނީ ކޮން ކަމެއްތޯ؟ ހުރިހާ ކަމެއް ވެސް ތިޔަހަރަ ގެންދަވަނީ އެކޮޅުކޮޅުން ނޫންތޯ؟ ލިޔެވިފައި އޮންނަ ޤާނޫނު އަސާސީ އެއް އޮވެމެ އެއާ އިދިކޮޅަށް ނޫންތޯ ކަންކަން ކުރެވެމުން މިހިރަ ދަނީ. ޤާނޫނީ ވަކީލުން އެވާހަކަ ދެއްކީމަ، ވަކީލުން އޮބަހައްޓާ ތަޅުއަޅުވަން ބާކައުންސިލެއްގެ ވާހަކަ ދެއްކެވުމުގެ އެއްވެސް ބޭނުމެއް ނެތް. މިހާރުވެސް ހިތުހުރި ގޮތަކަށް، އެބަޔަކު އަމިއްލަ އަމިއްލަޔަށް، ވަކީލުން "ސަސްޕެންޑް" ކުރަމުން މިހިރަގެން ދަނީ ނޫންތޯ؟ އެވެސް ދުނިޔޭގައި އެކަން ހިނގާ މަގުތޯ؟ ބައެއް ކަންކަމާ ޖެހުނީމަ އެކަންކަން ކުރާނީ ރާއްޖެ އަށް ފެންނަ ގޮތަކަށޯ އެކަމާ ނުބެހެވޭނެޔޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެމިކަލް އަލީ

09 April 2018

ކީއްވެތޯ ބާ ކައުންސިލެއް އުފައްދަނީ؟ އަލަށް އުފައްދާއިރު އުފައްދަންވާނީ އާ ކައުންސިލެއް ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒޭ

09 April 2018

މީ ވަރަށް ހެއްވާ ކަމެއް، ސްޕްރީމް ކޯޓާ ހައިކޯޓް ފަނޑިޔާރުންނަށް ކުރީގެ ރިސީ ގަނޑުވަރު، ދެން ހުރި ކޯޓްތައް ބޮޑު ޖަސްޓިސް ބިލްޑިންގަ ދެން ކީވެއް ވަކީލުންނަށް ވަކި ބާ ތަނެއް ދޭންވީ، އެމީހުންނަށްވެސް އާތަނެއް ހައްގު. އެހެން ނޫނަސް ސިޓީ ކައުންސިލްވެސް އެތަނުން ނެރުނީ އެތާ ނޫޅެވިގެން. އަނިލް ބުނަން ވާހަކައެއް ހެނދުނަށް ފިހެފަ ހުންނަ ބަނަހެއްހެން ހުރެގެން ވަކީލުންނަށް ބާ ކައުންސިލެއް ދީގެން ނުވާނެ، އާތަނެއް ދޭންވާނީ