ކާޑުގެ ބާވަތްތައް އަގު ބޮޑުކޮށް ވިއްކާކަމުގެ ޝަކުވާ ލިބޭ: މިނިސްޓްރީ

އެސްޓީއޯގެ ގުދަނެއްގައި ފުށް ބަސްތާތަކެއް އުފުލަނީ: ކާޑުގެ ބާވަތްތަކުގެ އަގު ހެޔޮކުރިފަހުން ވެސް ބޮޑު އަގުގައި ވިއްކާ ކަމުގެ ޝަކުވާ ލިބޭ ކަމަށް އިކޮނޮމިކް މިނިސްޓްރީން ބުނޭ.

އަބްދުﷲ ޖަމީލު، މިހާރު

11 އެޕްރީލް 2018 - 13:24

9 comments

ކާޑުގެ ބާވަތްތައް ވިއްކާ އަގު ހެޔޮ ކުރި ފަހުން ވެސް، ފިހާރަތަކުން އަގު ބޮޑުކޮށް ވިއްކާ ކަމުގެ ޝަކުވާ ލިބެމުންދާ ކަމަށް އިކޮނޮމިކް މިނިސްޓްރީން މިއަދު ބުނެފި އެވެ.

މިނިސްޓަރުގެ ނައިބު އާދަމް ތައުފީގް ވިދާޅުވީ މި މަހުގެ ފަސް ވަނަ ދުވަހުން ފެށިގެން ކާޑުގެ ބާވަތްތައް ވިއްކަން ވާނީ ސަރުކާރުން ކަނޑައެޅި އަގަށް ކަމަށެވެ. އަދި އެ އަގަށް ވުރެ ބޮޑުކޮށް ވިއްކުމަކީ ކުށެއް ކަމަށް ވެސް އޭނާ ވިދާޅުވި އެވެ.

"ކާޑުގެ އަގު ބަދަލުކުރާ ދުވަހުން ފެށިގެން ވިއްކަން ޖެހޭނީ އެ އަގުގައި. އެއަށް ވުރެ ބޮޑު އަގުގައި ވިއްކާ ކަމުގެ ޝަކުވާ ލިބެމުންދާތީ މިނިސްޓްރީން އެކަން ބަލަމުން އެބަގެންދަން،" ތައުފީގް ވިދާޅުވި އެވެ.

ރީޓެއިލްކޮށް ވިއްކޭނެ އަގު

- ހަކުރު ކިލޯއެއް 4ރ. އަށް

- ހަނޑޫ ކިލޯއެއް 3.98ރ. އަށް

- ފުށް ކިލޯއެއް 2.98ރ. އަށް

ކާޑުގެ ބާވަތްތައް ކޮންޓްރޯލް އަގަށް ވުރެ ބޮޑުކޮށް ވިއްކާ ނަމަ އެކަން ހުށަހެޅުމަށް އިކޮނޮމިކް މިނިސްޓްރީން ވަނީ ހޮޓްލައިނެއް (7907800) ވެސް ވަނީ ގާއިމުކޮށްފަ އެވެ.

BREAKING: Kaaduge baavaiythakuge agu heyokuran nimmaifi

The most trusted news source in the Maldives

Mihaaru

މިނިސްޓަރުގެ ނައިބު ވިދާޅުވީ ކޮންޓްރޯލް އަގަށް ވުރެ ބޮޑު އަގުގައި ކާޑުގެ ބާވަތްތައް ވިއްކާ ނަމަ ގަވައިދުގައިވާ ގޮތުގެ މަތިން އަމަލުކުރާނެ ކަމަށެވެ. އަދި އަގު ބޮޑުކޮށް ވިއްކާ ނަމަ އެކަން ރަނގަޅުކުރަން ފުރުސަތު ދޭނެ ކަމަށް ވެސް އޭނާ ވިދާޅުވި އެވެ.

އިކޮނޮމިކް މިނިސްޓްރީން ވަނީ ކާޑުގެ އަގަށް ގެނައި ބަދަލާ ގުޅިގެން، ރާއްޖޭގެ އެކި ރަށްރަށުގައި ކާޑުގެ ބާވަތްތައް ވިއްކުމަށް ޚަރަދުގެ ގޮތުގައި ނާލާއި މަޖޫރީ އަދި ފައިދާ ހިމަނައިގެން ކިލޯއަކަށް ގިނަވެގެން އިތުރު ކުރެވޭނެ ވަރު ވެސް ކަނޑައަޅާފައިވެ އެވެ.

އެގޮތުން ޒޯން އެކެއްގައި ހިމެނޭ ރަށްރަށަށް ކިލޯއަކަށް ނަގާނީ 1.02ރ. އެވެ. އަދި ޒޯން ދޭއްގައި ހިމެނޭ ރަށްތަކަށް ކިލޯއަކަށް ނަގާނީ 82 ލާރި އެވެ. ޒޯން ތިނެއްގެ ރަށްތަކަށް 1.21ރ. އެވެ.

އެސްޓީއޯ އިކޮނޮމިކް މިނިސްޓްރީ ކާޑުގެ ބާވަތްތައް

9 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަހޫ

11 April 2018

މިހަފްތާގައި ހުޅުމާލޭ އަލަށްހެދި ފްލެޓްތަކުގެ ކުރިމައްޗަށް ނިރޮޅުމަގަށްވާގޮތަށް ހުރި ފިހާރައަކުން 2 ކިލޯ ފުށާއި 1 ކިލޯހަކުރު ގަތީ 14 ރުފިޔާއަށް. އެކަމަކު މިއަދު ކާޑް ލިސްޓް ގެނުނު އިރު މިއަށްއަރަނީ 9 ރުފިޔާ 96 ލާރި. އެހެން ވީމާ އެވިއްކީ 4 ރުފިޔާ 4 ލާރި ބޮޑުކޮށް. ބަސްތާއަކުން ކިހާ ފައިދާ އެއް ނެރޭނެބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

11 April 2018

ސަރުކާރުގެ ނިޔަތް މިކަމުގަ ރަނގަޅު ވެދާނެ.ނަމަވެސް ވިޔަފާރިވެރިން އެއީ ތެޔޮ އަގުބޮޑުވެގެން ކުރިން 10 ރުފިޔާއަށް ވިއްކި ޕާން 15 އަދި 25 ރުފިޔާއަށް ވިއްކަން ފެށިބައެއް.ނަމަވެސް ތެޔޮ އަގުހެޔޮވެގެން ދާއިރުވެސް އެއްވެސް އެއްޗެއްގެ އަގު ހެވެއް ނުވޭ.މިނިސްޓަރަށް ގޮވާލަން ސަރުކާރުން ޕާން ފެކްޓްރީއެއް ހުޅުވައިގެންވެސް ޕާން / ބަނަހުގެ އަގު ހެޔޮކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު.

11 April 2018

އެއްވެސް އެއްޗެއް ''އަގު ބޮޑު'' މިހިސާބަށް ބުނާއިރަށް އެ އެއްޗެއް އަގު ބޮޑުކުރާނެ. ކާޑުގެ ބާވަތްތަށްވެސް ''އަގުބޮޑު'' މިހިސާބަށް ބުނާއިރަށް ހޮޓެލުން ގަންނަ ގުޅަވެސް ދެގުނައަށް ބޮޑު ކޮށްފި. އެކަމަކު އަގު ހެޔޮ ކުރުމުން މި ބުނަނީ ތިމަންނަގެ ފިހާރައިގައި މި ހުރީ ކުރިން އަގު ބޮޑުކޮށް ގަނެފައި ހުރި އެއްޗެހި ކަމަށް. ދުވަހަކުވެސް އެ ހުސްވާ ކަމަކަށް ނުވޭ. ކާޑުގެ އަގު ހެޔޮކުރިފަހުންވެސް އެއްކަލަ ގުޅަ ގަންނަން މިޖެހެނީ އަދިވެސް އެއްކަލަ ބޮޑު އަގުގައި. ސަރުކާރުން ކުޅެން ބޭނުންވާ ގޭމަކީ މީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޒީ8

11 April 2018

ބޭކަރީތަކުން ކާޑުގެ އަގު ބޮޑުވީމަ ހުރިހާއެއްޗެއްވެސް އަގު ބޮޑުކުރި އެކަމަކު މިހާރު ކާޑުގެ އަގު ހެޔޮކުރީމަވެސް އެމީހުން ވިއްކާ އެއްވެސް އެއްޗެއް އަގު ހެޔޮނުވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނާ

11 April 2018

ކުރީގެ އަގަށް ވިޔަފާރިވެރިން ގަނެފައިވާ ކާރޑްގެ، އަގަށް ބަދަލުގެނަޔަސް އަގުހެކޮށް ނުވިއްކޭނެ ދެއްތޯ!، އަގުހެޔޮ ކުރެވޭނީ ސަރުކާރުން އަގުހެޔޮކޮށް ވިއްކާ ކާރޑް ގަތުމަށްފަހު ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮއްލޯ / ހުވަދު އަތޮޅު

11 April 2018

ކަލޭމެން ވިޔަފާރި ވެރިން ތިބުނާ އަގުބޮޑުކޮށް ގަނެފަހުރި ކާޑު ދުވަހަކު ހުސްވާކަމަކަށް ނުވޭ... ކާކަށް މަކަރު ހަދަނީ؟؟؟ އަމިއްލަ ނަފަސަށްތަ؟؟؟ ނޫނީ ހެއްދެވިފަރާތައްތަ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއީލު

11 April 2018

މިހާރު އެއްވެސް ފިހާރައެއްގައި ކާޑުގެ އަގުތައް ފެންނާކަށް ނުހުރޭ. އިކޮނޮމިކް މިނިސްޓްރީން އެމިނިސްޓްރީގެ ޒިންމާވެސް އަދާނުކުރޭ. އެތައްބައިވަރު ސުޕަވައިޒަރުންތިބޭ. ކުރާކަމެއްނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

11 April 2018

ރައީސް ނާސިރުގެ ދައުރުގަ ކާޑު އަގުބޮޑުކޮށް ވިއްކި ފަރާތްތައް ޖޫރިމަނާ ކުރި ގޮތަށް ޖޫރިމަނާކުރަން ފަށަނިކޮށް ތިޔަ މައްސަލަ ހައްލުވެދާނެ. އޭރު އެމްޖީބީއެސް ގެ އަގަށްވުރެ ބޮޑުކޮށް ވިއްކާ ކޮންމެ ލާރިއަކަށް 1000ރ ޖޫރިމަނާކުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިރޯ

11 April 2018

ތީވިޔަފާރި ކުރާ މީހުންނަ ހޯދަދިން މަންފާއެއް ހަކުރު، ހަޑޫ، ފުށް އަގުބޮޑުވުމުން އަގު މައްޗށް ޖެއްސި ބައްތަށި، ސައިތަށި ، ރޮށި، ފަރާޓާ އަދި ހެދި ކާއަކުން އެންމެ ތަންކޮޅެއްވެސް ހޮޓަލަކުން އަގުހެއުނުވޭ. ދެން އެމީހުންނަށް ކާޑުގެ ބާވަތް އަގުހެއުވީމަ ބޮޑު މަންފާވާނެތާ ސިޔާސީ ގޮތުން ވިޔަފާރިވެރިން ރުއްސަން ޖެއްސި ސްޓަންޓެއް