ވިލިމާލެ ދާއިރާގެ ޓީމަކާ ރައީސް ޔާމީން ރޭ ބައްދަލުކުރައްވަނީ.
12 އެޕްރީލް 2018 - 12:14
37 comments
މި އަހަރުގެ ރިޔާސީ އިންތިޚާބުގެ ކެމްޕޭނާއި ޕީޕީއެމްގެ މެނިފެސްޓޯ އެކުލަވާލުމަށް، އެކި ދާއިރާތަކުގެ ޓީމުތަކާ ރައީސް އަބްދުﷲ ޔާމީން ބައްދަލުކުރައްވައި، ޚިޔާލު ހޯއްދަވަން ފައްޓަވައިފި އެވެ.
މި އަހަރުގެ ސެޕްޓެމްބަރު މަހު އޮންނަ ރިޔާސީ އިންތިޚާބުގެ ކެމްޕޭނުގެ ބައެއް މަސައްކަތްތައް ޕީޕީއެމުން މިހާރު ވަނީ ފަށައިފަ އެވެ. ކެމްޕޭންގައި އަމަލީ ގޮތުން ހަރަކާތްތެރިވާނެ ޓީމުތައް އެކުލަވާލަމުން އަންނަ އިރު، އެ މަސައްކަތުގައި، ރައީސް އަބްދުﷲ ޔާމީން ވެސް އަމަލީ ގޮތުން ބައިވެރިވެވަޑައިގެން އެކި ޓީމުތަކާ ގެންދަވަނީ ބައްދަލު ކުރައްވަމުންނެވެ. ވިލިމާލޭގެ ޓީމަކާ ޕީޕީއެމްގެ އޮފީހުގައި، އެ މަނިކުފާނު ރޭ ވަނީ ބައްދަލު ކުރައްވައިފަ އެވެ.
ޕީޕީއެމްގެ ސެކްރެޓަރީ ޖެނެރަލް އަބްދުﷲ ޚަލީލް މިއަދު ވިދާޅުވީ އެކި ދާއިރާތަކުގެ ޓީމުތަކާ ބައްދަލުކުރައްވައި ރައީސް ޔާމީން ޚިޔާލު ހޯއްދަވަން ފެއްޓެވިތާ ދުވަސްކޮޅެއް ވެފައިވާ ކަމަށެވެ. އެ މަނިކުފާނަކީ، ރައްޔިތުންނާ ވީހާ ވެސް ގާތުން، ޚިޔާލު ހޯއްދަވައިގެން މަސައްކަތްޕުޅު ކުރައްވާ ބޭފުޅެއް ކަމަށް ވިދާޅުވި އެވެ.
ޕީޕީއެމް އޮފީހުގައި ރޭ ބޭއްވި ބައްދަލުވުމުގައި ރައީސް ޔާމީން ބައިވެރިވެވަޑައިގަންނަވަނީ. --ފޮޓޯ/ސޯޝަލްމީޑިއާ
"އަޅުގަނޑުމެންގެ ކެންޑިޑޭޓް ވަރަށް ސާފު. އެއީ ރައީސް ޔާމީން. އެ މަނިކުފާނު އެ ގެންދަވަނީ، ރައްޔިތުންގެ ކަންކަން ވީހާ ވެސް ގާތުން އޮޅުން ފިލުއްވައި، ޚިޔާލު ހޯއްދަވަމުން،" ޚަލީލް ވިދާޅުވި އެވެ.
"އިދިކޮޅު ފަރާތްތަކުން ކަންކަން ކުރާ އުސޫލުން އަޅުގަނޑުމެންނަކީ ދެއްކުންތެރި ބައެއް ނޫން، އެ އަށް ވުރެ އަމަލީ މަސައްކަތްތައް ކޮންމެ ކަމެއްގައި ވެސް ކުރިއަށް ގެންދަނީ."
ބައެއް ރަށްތަކުގައި މިހާރު ވެސް ފޯރިގަދަ ޖަލްސާތައް ބާއްވަމުން އަންނަ ކަން ފާހަގަކުރައްވައި ޚަލީލް ވިދާޅުވީ ކުރިއަށް އޮތްތަނުގައި ޕީޕީއެމްގެ ކެމްޕޭން ހަރަކާތްތައް ފުޅާކުރާނެ ކަމަށެވެ. އެއާއެކު، ރަސްމީކޮށް ކެމްޕޭން ލޯންޗްކުރާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒް
13 April 2018
ރަނގަޅު ރަނގަޅު، ތިކަންވެސް ކުރަންވާނެ، ތީހަމަ ތިކަން އޮންނަންވާނެ ގޮތް، އިންތިޚާބުގަ ވޯޓު ދޭނެގޮތެއް ނިންމާނީ ރައްޔިތުން، އެއްވެސް ފަރާތެއްގެ ނުފޫޒެއް ނެތި މިނިވަން ކަމާއެކު ރައްޔިތުމީހާ ބޭނުން ކެންޑިޑޭޓަކަށް ވޯޓުލުމުގެ ޙައްޤު އޮންނަންވާނެ، އެހެން ކަމަށް ވެއްޖެއްޔާ ހަމަ ގައިމުވެސް މަގޭ އާއިލާގެ އެއްވެސް މީހަކު ރ ޔާމީނަށް ވޯޓެއް ނުލާނެ.
ޚިޔާލް123
13 April 2018
އަޅުގަނޑު ހިތަށް އަރާ ކީއްކުރަން ހޯދައި ޚިޔާލެއްބައިވައޭ، ޚިޔާލް ހޯދައިގެން ކަންކުރަނީ ތިމާއަށްފެންނަ ގޮތަކަށް،
@ މަގުބޫލު
13 April 2018
މަގުބޫލު ހުސައިނަށް ތައީދު
މަގުބޫލު
13 April 2018
ޚިޔާލު ދެވޭނީ އަޑެއްއިވޭނަމަ ދޯ؟
ޙަފްޞާ / މާލެ
13 April 2018
'ޖޯރޭ" ޕީޕީއެމްގެ އަސާސީ ޤަވާޢިދު ރަގަޅަށް ކިޔާލިންތަ؟ އަހުރެން ކީ ޤަވާޢިދުގައި އޮވޭ 5 އަހަރުގެ އެއް ދައުރު ފުރިހަމަކޮށފިނަމަ ދެވަނަ ދައުރަކަށް ޓިކެޓާ ނުލައި ކުރިމަތި ލެވިދާނޭކަމަށް! އެއީ އެގޮތަށްޕީޕީއެމްގެ ކައުންސިލުން އެގޮތަށް ނިންމައިފިނަމަ!
ޑާޑާޑާޑާޑާ
13 April 2018
ދެން މިހާރު ފަސްއަހަރުގެ ދައުރެއް ފުރިހަމަކުރެވިއްޖެތަ، ތިކިޔާ ބަންޖެއް ނޭގުނު، ފަސްއަހަރުގެ ދައުރެއް ރ ޔާމީނަށް ފުރިހަމަ ކުރެވިދާނެހެން ވަރަށް ހީނުވޭ، ވާގޮތެއް ބަލަން ތިބެމާ ބަހީ ދެއްތޮ.
ބުޅާ
13 April 2018
އަޅުގަޑުގެ ކެންޑިޑޭޓް ވަރަށް ސާފު..އެއީ ރައީސް ޔާމީނާ އިދިކޮޅު ކެންޑިޑޭޓް.. ވަރިހަމަ "ބުޅަލެއް"ކަމަށް ވިޔަސް.
ހުނި
13 April 2018
އަނެއްކާ ތި ވަފުދުތަކުގެ މީހުން ޖަލަށް ނުލަނެބާ ޝައްކުވާތީ އަހާލީ ހަހަހަހަހަ
ކޮކްޓެއިލްރައީސް
13 April 2018
މިހާރު އެބައުޅެޔޯ ލަންކާއަށްވެސް ކެމްޕޭނު ވަފުދެއްގޮސްގެން، މިރޭ އެތާހުންނަ ސޯސަންވިލާގަ ކޮންމެވެސް ގުރޫޕަކާ ބައްދަލުކުރުން އޮތްކަމަށް ގޭމީހުން ބުނި، ގޭކުދިންވެސް ދާނަމޯ ދަމާ ހާސަރެއް އަޑުއަހަން.
އަހްމަދު
12 April 2018
ރައީސް ޔާމީނައް ވޯޓުދޭނެމީހުންވެސްވާނެ އަދިﷲގެހެޔޮރަހުމަތާއެކު އިންތިހާބުން ކާމިއާބުވެސްހޯއްދަވާނެ
ޓަކި
12 April 2018
ނިކަން ރައްޔިތުންގެ ވޯޓެއް ނަގާބަލަ؟
ސާފު
12 April 2018
ކުރިންވެސް ރައްޔިތުންގެ ވޯޓުން ޔާމީން ހޮވާފަ އެހެރީ. އެކްސްޕަޔަރީ ޑޭޓް އޮތީ މިއަހަރުގެ ނޮވެމްބަރުގެ 11 އަށް. 1 ލައްކައަށްވުރެ ގިނަ ރައްޔިތުންގެ އަމިއްލަ އަތުން ލީ ފާހަގައިން އެއޮތީ ރުހުން ދީފަ. އަސްލު ވަގުތު އައުމުގެ ކުރިން ގަދަކަމުން އެކްސްޕަޔަރ ކުރަން އުޅޭތީ ހުރިހާ މައްސަލައެއް އުފެދެނީ.
ލާލު
12 April 2018
އެއްގޮތަކަށްވެސް ތިކަން ކުރާނެކަމެއްނެތް ކުއްލި ނުރައްކާ އިއުލާނުކޮށް އިތުރު 5 އަހަރަށް ވެރިކަމާ ހަވާލިވީމާ ނިމުނީ؟
ޑާޑާޑާޑާޑާ
13 April 2018
ސާފު، ތިހެން ބުނިނަމަވެސް އަސްލު ނޮވެމްބަރު މަހުގެ 11 ވަނަ ދުވަހަށް ރ ޔާމީނުގެ ވެރިކަމުގަ ފަސް އަހަރެއް ނުވާނެ، 2013 ގެ ރިޔާސީ އިންތިޚާބު އޮތީ ނޮވެމްބަރު 17ގަ، އެހެންވީމަ ނޮވެމްބަރ 11 އަށް ރ ޔާމީނަށް ފަސްއަހަރުގެ ދައުރެއް ފުރިހަމަ ކުރެވުނު ކަމަކަށް ނުވާނެ، ދެން ސުޕްކޯޓުން ނިންމާފިއްޔާ ވެދާނެ.