ޚަބަރު / ލ. ގަން

ލ. ގަމުގައި މޫދަށް އެރި އުޅުނު އުމުރުން ދުވަސްވީ މީހަކު މަރުވެއްޖެ

ގަމުގައި މޫދަށް އެރި އުޅެނިކޮށް މަރުވި އަހުމަދު.

މުހައްމަދު ޔާމީން، މިހާރު

15 އެޕްރީލް 2018 - 10:22

5 comments

ލ. ގަމުގައި މޫދަށް އެރި އުޅުނު އުމުރުން ދުވަސްވީ މީހަކު މިއަދު މަރުވެއްޖެ އެވެ.

އެ ރަށު އަޒުމް އަހުމަދު ޒަކަރިއްޔާ 74، މަރުވީ އިތުރު ބަޔަކާ އެކު ހެނދުނު އަށެއް ޖަހާކަން ހާއިރު، މަތިމަރަދޫ އަވަށުގެ އަތިރިމައްޗަށް މަސް ހިފަން ގޮސް އުޅެނިކޮށެވެ.

ގަމު ކައުންސިލް މެމްބަރު އަހުމަދު ޝާހީން "މިހާރު" އަށް ވިދާޅުވީ އަހުމަދަކީ ކޮންމެ ދުވަހަކު ހެން، މޫދަށް ގޮސް އުޅޭ މީހެއް ކަމަށެވެ. ކަރަވެލި މަސް ހިފަން ގޮސް އުޅެނިކޮށް، އަހުމަދު ކުއްލި އަކަށް މޫދަށް ވެއްޓުނީ ކަމަށް ވެސް ކައުންސިލް މެމްބަރު ވިދާޅުވި އެވެ.

"[މޫދުގައި] އެހެން ހުއްޓާ ކުއްލި އަކަށް ހަމަ ވެއްޓުނީ. ވެއްޓިގެން ނެގިއިރު އޮތީ މަރުވެފައި،" ޝާހީން ވިދާޅުވި އެވެ.

ޝާހީން ވިދާޅުވި ގޮތުގައި ގަން ރީޖަނަލް ހޮސްޕިޓަލަށް އަހުމަދު ގެންދިޔައިރު ވެސް އޮތީ މަރުވެފަ އެވެ.

އަހުމަދުގެ ކައިވެނި ރޫޅިފައިވާއިރު، ހަތަރު ކުދިން ތިބޭ ކަމަށް ވެ އެވެ.

ލ. ގަން މަރު ލ. އަތޮޅު

5 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާއިލް2017

15 April 2018

އަޙްމަދު ޒަކަރިއްޔާއަކީ ހިތްހެޔޮ އޯގާތެރި މަޖާ މިޒާޖެއްޖެ ވަރަށް ރަނގަޅު އިންސާނެއް.! އެމަނިކުފާނަށް ސުވަރުގޭގެ ދާއިމީ ނިޢުމަތް ދެއްވައި އާއިލާއަށް ކެތްތެރިކަން މިންވަރު ކުރައްވާށި.! އާމީން