އޮލިވާ (ކ)ގެ ނިންމުމާ މެދު ބުފޮން (މ) ހިތްހަމަ ނުޖެހުން ފާޅުކުރަނީ.-- ފޮޓޯ: އޭއެފްޕީ
17 އެޕްރީލް 2018 - 07:25
29 comments
ޓިއުރިން، އިޓަލީ (އޭޕްރީލް 17) - ޗެމްޕިއަންސް ލީގުގެ ކުއާޓާ ފައިނަލް ދެ ވަނަ ލެގު މެޗަށް ފަހު ރެފްރީ މައިކަލް އޮލިވާއާ ބެހޭގޮތުން ޔުވެންޓަސްގެ ތަޖުރިބާކާރު ގޯލްކީޕަރު ޖިއަންލުއިޖީ ބުފޮން ދެއްކި ވާހަކަތަކަށް އޭނާ މައާފަށް އެދެން ޖެހޭ ކަމަށް އިޓަލީގެ ރެފްރީސް ޗީފް މާސެލޯ ނިޗީ ވިދާޅުވެއްޖެ އެވެ.
ކުއާޓާ ފައިނަލުގެ ފުރަތަމަ ލެގުން 3-0 އިން ރެއާލް މެޑްރިޑް މޮޅުވެފައި އޮއްވާ ޔުވެންޓަސް އިން ތިން ލަނޑު ޖަހައި 3-3 އިން އެގްރިގޭޓުން އެއްވަރުކުރި އެވެ. ނަތީޖާ ނެރެން އިތުރު ވަގުތަށް ގޮސްގޮސް އޮއްވާ ރެއާލް މެޑްރިޑަށް ކުރި ލިބުނީ އޮލިވާ ދިން ޕެނަލްޓީ ރޮނާލްޑޯ ކާމިޔާބުކުރުމުންނެވެ. މެޑްރިޑުގެ ލޫކަސް ވަސްކުއޭޒަށް ގޯލްކުރިމަތިން ޔުވެންޓަސްގެ މެހްދީ ބެނާޝިއާ ފައުލްކުރުމުން ދިން ޕެނަލްޓީއާ މެދު ބުފޮން ހިތްހަމަނުޖެހުން ފާޅުކުރި ވަގުތު އޭނާ އަށް ވަނީ ރަތްކާޑެއް ދައްކައިފަ އެވެ.
އެ މެޗަށް ފަހު ބުފޮން ވަނީ އޮލިވާ އަށް ވަރަށް ބޮޑަށް ފާޑުކިޔައިފަ އެވެ. ބުފޮން ބުނީ އޮލިވާގެ ހިތެއް ނެތް ކަމަށާއި ހިތެއްގެ ބަދަލުގައި އޮތީ ކުނި ކޮތަޅެއް ކަމަށެވެ.
ތަޖުރިބާކާރު ގިނަ ކުޅުންތެރިން ބުނީ އުމުރުން 40 އަހަރުގެ ބުފޮން އެ ގޮތަށް ވާހަަކަ ދެއްކީ ވަރަށް ބޮޑަށް ޖަޒުބާތުގައި ޖެހިގެން ކަމަށެވެ. އަދި އެކަމާ އޭނާ މައާފަށް އެދެން ޖެހޭނެ ކަމަށް ވެސް ގިނަ ކުޅުންތެރިންތަކެއް ވަނީ ބުނެފަ އެވެ.
ނިޗީ ވިދާޅުވީ ބުފޮން ކުރީ ގޯސް ކަމެއް ކަމަށާއި އެކަމާ ފަހުން އޭނާ ހިތާމަ ކުރާނެ ކަމަށެވެ.
"ބުފޮން އަކީ ޗެމްޕިއަނެއް. އަހަރެން އުއްމީދަކީ އޭނާ ކާމިޔާބު މެނޭޖަރަކަށްވުން. އެކަމަކު ބައެއް ލެވެލްތަކުގައި ވާހަކަ ދައްކާއިރު ދެއްކޭ ވާހަކައާ މެދު އެބަޖެހޭ ވިސްނަން. އެއީ ކުޑަކުދިން އެބަތިބޭ އެ ކިޔާ އެއްޗެހި އަޑުއަހަން،" ނިޗީ ވިދާޅުވި އެވެ.
ނިޗީ ވިދާޅުވީ އެ މެޗަކީ އިޓަލީގައި ހިނގައިދިޔަ ކަމެއްނަމަ އޭނާ ނަގާނީ ރެފްރީގެ ކޮޅު ކަމަށެވެ. އެއީ ރެފްރީ ކުރަނީ ޕްރެޝަރު ބޮޑު މެޗަކަށް ވެފައި އެ މީހުންނަށް ދޭން ޖެހޭ ހިމާޔަތް ލިބެން ޖެހޭނެތީ ކަމަށް ވިދާޅުވި އެވެ.
ދާދި ފަހުން އިޓަލީގެ މީޑިއާ އަކަށް ދިން އިންޓަވިއުއެއްގައި ބުފޮން ބުނީ އޮލިވާއާ ބެހޭގޮތުން އޭނާ ދެއްކި ވާހަކަތަކާ މެދު ހިތާމަނުކުރާ ކަމަށާއި އަދި އެއް ފަހަރު އެ ހުރިހާ ވާހަކަތަށް ދައްކަން ޖެހިއްޖެނަމަ ފަސްޖެހުމެއް ނެތި އެކަން ތަކުރާރުކުރާނެ ކަމަށެވެ.
ބުފޮން ބުނީ އުމުރުން 33 އަހަރުގެ އޮލިވާ އަކީ އަދިވެސް ދަސްކުރަމުން އަންނަ ރެފްރީއެއް ކަމަށާއި އެފަދަ މެޗެއް ކޮންޓްރޯލް ކުރުމުގެ ގާބިލްކަން އަދި އޭނާގެ ކިބައިގައި ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހްމަދު
18 April 2018
ބުފަން ދެއްކީ 100 ގެ ވާހަކައެއް ، ރެފްގެ ހިތުގެ ބަދަލުގައި އޮތީ ކުޑަކުޑަ ކުނިކޮޅެއް
މުރާދު
17 April 2018
މައާފަށް އެދެންޖެހޭނީ ރެފްރީ. މުޅި ކުލަބުގެ ކިބައިން ރެފްރީ މަޢާފަށް އެދެން ޖެހޭނެ. ބުފެން އެބުނީ އެ ބުނަންޖެހޭ ގޮތަށް.
އެކްސް ހަލީލް
17 April 2018
ޔޫއެފާއިން ޖެހޭނީ އެހެން ޓީމުތަކުގެ ކިބައިން މާފަށް އެދެން، ޗެމްޕިއަންސް ލީގަކީ ފެށުނީއްސުރެން ސްޕެއިނު ލީގަށް ފޭވަރކޮށްފަ އޮންނަ މުބާރާތެއް،
ބާލައާދަނު
17 April 2018
އެއްވެސް މީހެއްގެ ދުލަކު ނުހިފެހެއްޓޭނެ އެވެ. އެ ގޮޔުގެ މަތިން ބުފަން ބުނަން ބޭނުންވި އެތި ބުނީއެވެ. ނިޗީ ބުނަން ބޭނުންވި އެތި ބުނީއެވެ. މީގައި މައްސަލަޔަކީ ކޮބަހެއްޔެވެ؟ އަހަރެމެން މިތާ ޒުވާބުކުރުމުގެ ބޭނުމެއް ނެތެވެ.
ލިޒާ
17 April 2018
ދޮގެއް މާފަށް އެދެން ޖެހޭ ވަރުކަމެއް ނެތް.. ހަމަ ހިތެއް ނެތްކަމަށް ފީލްވަންޏާ އެހެން ބުނެވޭނެ. އަވަގުރާނައެއް ނުގޮވަމެނު ދޯ އެހެންވީމަ ނޯ މާފް
ރިއަލްދަކިންގ
17 April 2018
އެ ދެތެކޭ ބުފޯން ބުރޯ މަށަށް އަންޑަސްޑްވޭ.. ވަދާއީ ޔޫސީއެލްގަ ފަހު މިނެޓްގަ އެގޮތަށް ޕެނަލްޓީއެއް ދިނީމަ އިްނސާނެއ ްވިއްޔާ އަދި ހާއްސަކޮށް ކެޕްޓަނެއްގެ ގޮތުން އެވަގުތު ކުރެވޭނެ އިޙްސާސް އަދި ޖަޒުބާތުގަ ޖެހޭނެ މިންވަރު.. ހިތެއް ނެތޭ ގާބޭޖެކޭ ބުނާކަށް ނުވާނެ ދެން ރެފް ވެސް އެއީ އިންސާނެއް ދޯ؟ ދެން މާފަށް އެދިލާ ތިޔަށްވުރެއް މާ ހަޑި ހުތުރު ނުބައި ބަސް ބުނާ މީހުންވެސް ހަމަ ފަހުން ޟަފަށް އެދެއޭ ހަމަޖެހުނީމަ. ތި އަދި ކުޑަކުޑަ ބަހެއްނު
ރަދީފް
17 April 2018
ޕީއެސްޖީ/ރެއާލް މެޗްގަ ވެރައްޓީއަށް ރަތް ކާޑް ، ރެއާލް/ޔުވޭ މެޗްގަ ބުފޮންއަށް ރަތް ކާޑް.ސެމީގަ ބަޔާން އާއި އެކު ކުޅޭއިރު ރަތް ކާޑް ދައްކާނީ (-----) ކާކައްބާ؟! މިސީޒނުގަ ރެއާލަށް 16 ޕެނަލްޓީ ، ބާސާއަށް 4 ޕެނަލްޓީ. މަރުހަބާ ރެއާލް ފޭނުން.
ބާލައާދަނު
17 April 2018
ރަދީފް. ބާސާއަށް ޕެނެލްޓީ މަދުން ލިބުމަކީ ރިއާލްގެ މައްސަލައެއްތަ؟ ޕެނެލްޓީ ދޭންޖެހޭތާ ޕެނެލްޓީ ދޭނެ. ކާޑު ދައްކަން ޖެހޭތާ ކާޑު ދައްކާނެ. އެކަން ނިންމާނީ ރެފްރީ. އަހަރެމެން ޚަބަރު ކިޔަން ތިބޭމީހުންނެއް ނޫން. ގަބޫލުކުރިޔަސް ނުކުރުޔަސް.
މައިކަލް އޮލިވަރ
17 April 2018
ރަދީފް ދޮންކަލޯ މިދިޔަ ސީޒަނުގެ ޗެމްޕިއަންސް ލީގު ދެވަނަ ބުރުން ޕީ.އެސް.ޖީ ކަޓުވާލައި ކްއާޓަރ ފައިނަލަށް ބާސާ ދިޔަގޮތް ކަލޯ ހަނދާން ނެތުނަސް ފުޓުބޯޅަ ފޭނުން އެކަމެއް ދުވަހަކުވެސް ހަނދާނެއް ނުނެތޭނެ. ކަލޯމެން ބާސާ ސަޕޯޓަރުންނަކީ އެހެންޓީމުތަކަށް ރެފްރީ ފޭވަރ ކުރާވާހަކަ ދެއްކޭ ފެންވަރުގެ ބައެއްނޫން، ރެފްރީގެ އެހީތެރިކަމާއެކު ބާސާއަށް ލިބިފަހުރި ކާމިޔާބު ވަކި މަދެއްނޫން. އެހެންވީމަ ރެފްރީ އެހެން ޓީމުތަކަށް ފޭވަރ ކުރާ ވާހަކަ ދަށްކަން ކަލޯމެން ލަދުގަންނަންޖެހޭ. ކުރާނެ ކަމެއްނެތިގެން މިތާ ކޮމެންޓް ކުރަން ނީދެ ކިއޭވްގެ އޮލިމްޕިކް ސްޓޭޑިއަމްގަ ކުޅޭ ޗެމްޕިއަންސް ލީގުގެ 63ވަނަ ފައިނަލް މެޗް ބަލަން ވެންގާ އާ މެސީ އާ ޔުވެންޓަސް ގޮވައިގެން ބަކަތަޅާފަ ޔޫކްރެއިނަށް ދޭބަލަ. އޭރުން މާތާހިރުވާނެ
ރަދީފް
17 April 2018
އިނގިރޭސި މީޑިޔާ ތަކުން ހާދަވަރަކަށް ރެފްރީ މައިކަލް އޮލިވާގެ ދިފާއުގަ އެކިކަހަލަ ރިޕޯޓް އެބަލިޔޭ.ކިތަންމެ ވަރަކަށް އުޅުނަސް ވޯލްޑްކަޕަށް އިނގިރޭސި ރެފްރީން ނުގެންދާނެ.އިނގިރޭސީން ދޭބަލަ މަހަށް.
ރޫނީ
17 April 2018
އޭ ރަދީފޫ!!!! ކަލޭ ކޮންމެހެން އިނގިރޭސީންނޭ ކިޔައިގެން ރަށުތެރޭ ފިތުނަފަސާދަ އުފައްދަން އުޅޭނެ ކަމެއްނެތް!! ކަލޭމެން އުޅެބަލަ ޔާންޓެ ޖަހާ ބެރަށް ރަނގަޅަށް ނެށޭތޯ ބަލަން!!!
ރަދީފް
17 April 2018
ރޫނީ ކަލޭ ޖެހޭނީ މިފަހަރު ވޯލްޑްކަޕް ގޭގަ އިނދެގެން ބަލަން.އަދި ކަލޭގެ ގައުމު ގްރޫޕް ސްޓޭޖުން ކަޓައިގެން ދާނެއޭ ބުނަން ވެސް މަމެން ނެތިން.
ހަސަންމަނިކުފާނު
17 April 2018
ބްފަންމެން ބޯހަރީ މިނަށް ވުރޭ!
ޒިމް
17 April 2018
ބޯހަރުވާނޭ ހަރުވަންޖެހޭ ތާނގަ..ހިތްތިރިވަންޖެހޭ ތަންތާގަ ހިތްތިރިވާނީ.. އެއީ ހަރުދަނާ މީހުންގެ ގޮތަކީ
މަހަށްދަގަ.
17 April 2018
އެއްގޮތަކަށް ވެސް މާފަށް ނޭދޭތި.. ރެފުރީން އުޅޭނެ ރެފްރީންގެ ދިފާއުގަ.. ނީޗީއަކީ ރެފްރީޒް ހެޑް ކޮލީނާ ބުރޯގެ މީހެއް ކޮލީނާއަށް އަންނަ ޕުރެޝަރު ކުޑަކުރަން ތިޔަ ކަހަލަ ވާހަކަ ދައްކާނެ
ރަނގަޅޭ
17 April 2018
ރަނގަޅަށޭ އެބުނީ ހަމަ ހިތެއް ނެތޭ..ގާބޭޖޭކޭ އޮތީ.. ދަސްކުރާ މީހުން ވަރުގަދަ މެޗުތަކަށް އެރުވީމަ ކޮސް ހަދާނެ. މާ ކުލިޔަރ އެއްޗެއްސަށް އަޅާނުލާފަ މާފިޔާގެ ޕާޕާޕެރޭޒު ދެކެ ބިރަށް ސިހިސިހި ހުރީމަ ވާނެގޮތްތީ.