މާލޭގެ އިންޑަސްޓްރިއަލް ވިލެޖް: އެތަނުން ފެށިގެން ސްޓެލްކޯއަށް ތެޔޮ ހޮޅިއެއް އަޅަން ވަނީ ނިންމާފައި.
17 އެޕްރީލް 2018 - 21:29
10 comments
ސްޓެލްކޯ އަށް ބޭނުންވާ ތެޔޮ ސަޕްލައިކުރަން، މާލޭ އިންޑަސްޓްރިއަލް ވިލެޖުން ފެށިގެން ސްޓެލްކޯ އިންޖީނުގެ އަށް 1.2 ކިލޯ މީޓަރުގެ ހޮޅިއެއް އެޅުމަށް ޕްރޮޖެކްޓް ޑިޒައިންކޮށް ކޮންސަލްޓެންސީ ދޭނެ ބަޔަކު ހޯދަން އެސްޓީއޯ އިން އިއުލާންކޮށްފި އެވެ.
އެސްޓީޢޯ އިން މިއަދު ނެރުނު އިއުލާނެއްގައި ބުނެފައި ވަނީ ތެޔޮ ހޮޅި އަޅަން ޕްރޮޖެކްޓް ޑިޒައިންކުރުމާއި ޓެކްނިކަލް ކޮންސަލްޓެންސީ އަދި ޕްރޮޖެކްޓް ހިންގައިދޭނެ ބަޔަކު ބޭނުންވާ ކަމަށެވެ.
އެ ކުންފުނިން ނެރުނު އިއުލާނުގައިވާ ގޮތުން އެ ޕްރޮޖެކްޓަށް ބިޑްކުރާ ފަރާތްތަކުގެ ތެރެއިން 60 ޕަސެންޓް މާކްސް ދޭނީ ހުށަހަޅާ އަގަށެވެ. އަދި ޑިޒައިން ކުރުމަށް ހޭދަވާނެ މުއްދަތަށް 20 ޕަސެންޓް މާކްސް ދޭއިރު ތަޖުރިބާ އަށް 20 ޕަސެންޓް މާކްސް ދޭނެ ކަމަށް ބުނެފައިވެ އެވެ.
އެސްޓީއޯ އިން ނެރުނު އިއުލާނުގައިވާ ގޮތުން އެ މަސައްކަތަށް ކުރިމަތިލާ ފަރާތްތަކުން މި މަހުގެ 30 ވަނަ ދުވަހުގެ ކުރިން ބިޑް ހުށަހަޅަން ޖެހެ އެވެ.
އެ ކުންފުނީގެ އޮފިޝަލަކު ވިދާޅުވީ ސްޓެލްކޯ އަށް ކުރިޔަށް އޮތްތަނުގައި ތެޔޮ ސަޕްލައިކުރަން ނިންމާފައި ވަނީ އިންޑަސްޓްރިއަލް ވިލެޖްގައި ބަހައްޓާ ޓޭންކްތަކެއް މެދުވެރިކޮށް ކަމަށެވެ.
"އެތަނުގައި ތެޔޮ ވިއްކަން ޑިސްޕެންސަރުތަކެއް ހަދާއިރު ބޮޑެތި ޓޭންކްތަކެއް ވަޅުލަން ވަނީ ހަމަޖައްސާފައި. އެ ޓޭންކްތަކުން ސްޓެލްކޯ އަށް ތެޔޮ ސަޕްލައިކުރަން ހޮޅިއެއް ވަޅުލަނީ،" އޭނާ ވިދާޅުވި އެވެ.
ސްޓެލްކޯގެ އިންޖީނުގެ އަށް ބޭނުންވާ ތެޔޮ ސަޕްލައިކުރަނީ ސްޓްލްކޯއާ ދިމާލު ފަޅުތެރޭގައި ހަދާފައިވާ ޕަންޕް ސްޓޭޝަނެއް މެދުވެރިކޮށެވެ. އެ ޕަންޕު ސްޓޭޝަނަށް ތެޔޮ އަޅަނީ ފުނަދޫން ބާޖުގައި ތެޔޮ ގެނެސްގެންނެވެ.
އެސްޓީއޯގެ ތަފާސްހިސާބުތައް ދައްކާ ގޮތުން ސްޓެލްކޯއަށް މަހަކު 10 މިލިއަން ލީޓަރުގެ ތެޔޮ ސަޕްލައިކުރެ އެވެ.
އިންޑަސްޓްރިއަލް ވިލެޖުން ސްޓެލްކޯ އިންޖީނުގެ އަށް ތެޔޮ ހޮޅިއެއް އަޅާއިރު، ބްރިޖަށް ދަތުރުކުރަން އެ މަގު 16 މީޓަރަށް ފުޅާކުރަން މަސައްކަތް ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢާލިމް
18 April 2018
ޗެއަރމަން އަށް ކިހާވަރެއް ލިބުނު ތޯ؟؟؟؟؟؟؟؟؟؟؟؟
ނަން ނުގަތި
18 April 2018
ހުޅުމާލެއަށް އަޅާ ބްރިޖުގައި ވެސް، މާލެއަށް ކަރަންޓު ދޭން ކޭބަލް އަޅަން ބަޔަކާ ހަވާލުކޮށްފައިވާއިރު، ދެން މާލޭގައި ތިޔަ ހިންގާ އިންޖީނުގެތައް ބަންދުކުރާކަށް ނުވޭތަ؟ އަދިވެސް ބަޔަކަށް ރުފިޔާ ކޮޅެއް ދެވޭތޯ ކުރާކަމެއް ތިއީ..
ކޮލެޖް ބޯއީ
18 April 2018
ތި ނިންމުމަކުން މާލޭގެ މަގުމަތިން އެންމެ އުޅަނދެއް ވެސް މަދެއް ނުކުރެވޭނެ. ވަކި އިތުރަށް މާލޭ ތޮއް ނުޖެހޭނެ. ސަބަބަކީ މިހާރުވެސް ސްޓެލްކޯ އަށް ތެޔޮ ގެންދަނީ ފަޅުތެރޭ ގައި ހުންނަ ޕަންޕު ސްޓޭޝަން އަކަށް ތެޔޮ ގުރާބު ގާތަްކޮށްފަ.
ފެނޭތޭތޭ
18 April 2018
ކޮބާ ތަމެންނަށް ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. ގެޓް ދަ ޕޮއިންޓް. ގުޑް ގުޑް.
ތެޔޮ
18 April 2018
ކޮން އިންޑަސްޓްރިއަލް ވިލެޖަކުނ އަޅާކަށްތަ؟ ތި ތެޔޮހޮޅު ފުނަދޫއިން ސީދާ ނޭޅެންވީ ކީއްވެތަ؟ ލާރި ނެތީ ދޯ؟ ޔަގީންވިއްޔާ ފުނަދޫއިން ހޮޅި އަޅަންދާ ޚަރަދު 1 އަހަރުން ކަވަރުވާނެކަން. ލޯނު ނެގީމަ ވީނު ލާރި ނެތިއްޔާ!
ރެޓޭ
18 April 2018
ތިޔަ ތެޔޮހޮޅި އަޅަންވީ ފުނަދޫއިން ކަނޑުއަޑިން މާލޭ އިންޑަސްޓްރިއަލް ވިލެޖަށް، އެއަށްފަހު އިންޑަސްޓްރިއަލް ވިލެޖުން ސްޓެލްކޯއަށް، އަދި އިންޑަސްޓްރިއަލް ވިލެޖުން އެމް.ޕީ.އެލް ސަރަހައްދަށާއި ނޯތް ހާބަރަށްވެސް ހޮޅި އަޅަންޖެހޭ. އަދި ހަމަ އެހެންމެ އެމް.ޑަބްލިއު.އެސް.ސީ އަށްވެސް ތޮޔޮ ހޮޅި އަޅާ މާލޭގަ ދުއްވާ ހުރިހާ ތެޔޮ ބައުޒަރުތައް މާލެއިން ބޭރުކުރަންޖެހޭ!
އުއްތަމަ ފަނޑިޔާރު
18 April 2018
މާލޭ މަގު ތަކަށް ލުއިކުރަންޏާ ހަމަ ރަނގަޅު ތެދު ވާހަކައެއް ތިބުނީ
ސިޔާސީ
18 April 2018
ސަޅި ހިޔާލެއް،
ރަންދެލި
17 April 2018
ބްރިޖް ނިމުމާއެކު ހުޅުމާލެއަށް އިންޖީނުތައް ބަދަލު ކުރަން ޖެހޭ ކަމަށް ދެކެން. އެހެން ވެއްޖެނަމަ، މި ވާނީ ބޭކާރު ކަމަކަށް. ބަންޑާރަ ބްޖެޓުން އިސްރާފު ނުކުރޭ!
ތުއްތުނާ
17 April 2018
އަނެއްކާ ތެޔޮ ވަޅު ފެނުނީ ތަ ؟ ދެން އަތްޖަހާ............