ސީރިއާގައި ކެމިކަލް ހަމަލާގެ އަސަރު ކުރި މީހުންގެ މޫނު ދޮންނަނީ. --ފޮޓޯ:އޭއެފްޕީ
22 އެޕްރީލް 2018 - 12:59
2 comments
ދިމިޝްގު (އެޕްރީލް 22) - ސީރިއާގެ އިރުމަތީ ޣޫތާގެ ދޫމާގައި ކެމިކަލް ހަމަލާ ދިން ސަރަހައްދަށް ބައިނަލްއަގުވާމީ ތަޖްރިބާކާރުން ވަދެ އެތަން ބަލާ ފާސްކޮށްފި އެވެ.
އޮގަނައިޒޭޝަން ފޯ ޕްރޮހިބިޝަން އޮފް ކެމިކަލް ވެޕަންސް (އޯޕީސީޑަބްލިއު) ގެ ތަޖްރިބާކާރުން ދޫމާ އަށް ކުރި ދަތުރުގައި ސާމްޕަލް ވަނީ ނަގައިފަ އެވެ. އެ ސާމްޕަލް ދެން ފޮނުވާނީ ދަ ހޭގުގައި ހުންނަ އޯޕީސީޑަބްލިއުގެ ލެބޯޓްރީއަށެވެ. އިންސްޕެކްޓަރުން ވަނީ ދޫމާ އިން އެހެން "މެޓީރިއަލްސް" ވެސް ނަގައިފަ އެވެ.
އޯޕީސީޑަބްލިއުގެ ނުވަ މެންބަރުންގެ ޓީމު ދޫމާ އަށް ވަދެފައި ވަނީ ސީރިއާ އިން ހުއްދަ ދެންދެން ދިމިޝްގުގައި ހަފުތާއެއްހާ ދުވަހު މަޑު ކުރުމަށް ފަހު އެވެ.
ދޫމާގައި ކެމިކަލް ހަމަލާދީފައި ވަނީ މި މަހު 7 ވަނަ ދުވަހު އެވެ. ވިހައިގެ އަސަރުކޮށްގެން 40 އަށް ވުރެ ގިނަ މީހުން މަރުވެފައިވާ ކަމަށްވެ އެވެ. އެ ހަމަލާ އަށް ރައްދު ދިނުމުގެ ގޮތުން އެމެރިކާ އާއި ފްރާންސް އަދި އިނގިރޭސި ވިލާތުން ވަނީ ސީރިއާ އަށް މިދިޔަ ހަފުތާގައި ބޮން އަޅައިފަ އެވެ.
ދޫމާގެ ކޮންޓްރޯލް މިހާރު އޮންނަ ސީރިއާ އާއި ރަޝިޔާ އިން ވަނީ ކެމިކަލް ހަމަލާ ދިން ކަމަށް ބުނާ ވާހަކަތައް ދޮގުކޮށްފަ އެވެ.
ދޫމާ ކުރިން އޮތީ ހަނގުރާމަވެރި ޖަމާއަތެއް ކަމަށްވާ ޖައިޝުލް އިސްލާމްގެ ބާރުގެ ދަށުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޮޓްކިންގ
22 April 2018
ދޫމާގައި ކެމިކަލް ހަމަލާއެއް ދިންކަމަށް ސާބިތު ވެފައެއްނެތް. ހުޅަނގުގެ އޭޖެންޓު (ވައިޓްހެލްމެޓް) ލައްވައި ކުޅުވި ޑްރާމާއެއް އެއީ. އެއްވެސް މީހަކު މަރުވިކަންވެސް ކަށަވަރު ކޮށެއް ނުދޭ. ދޫމާގައި އެމެރިކާ ބަލިވެ އަސަދާއި ރަޝިޔާގެ އަތްދަށަށް އެ ތަން ދިއުމުން ގޮތް ހުސްވެ ބަދަލު ހިމުމަށް ހަމަލާދޭން ފެތުރި ޕްރޮޕެގެންޑާއެއް އެއީ. ކުޅެފައިވާ މަންޒަރުތައް ބަލާފައި ދިވެހި ޚާރިޖިއްޔާއިންވެސް އެކަން ކުށްވެރިކޮށް ބަޔާން ނެރުނުއިރު ދިވެހި ރާއްޖެވެސް އުޅެނީ ހުޅަނގުގެ ދުއްޕާނުން ސަލާމަތް ނުވެގެން. އެމީހުންގެ އިންސާފު ދެގޮތްކަން ހުރިހާ ދިވެހިންވެސް ގަބޫލު ކުރޭ.
ވީޑިއޯ އިންއެފެންނަނީ ހަމަފޭކު
22 April 2018
ވީޑިއޯ އިންއެފެންނަނީ ހަމަފޭކުބާ؟