25 އެޕްރީލް 2018 - 09:06
22 comments
ލިވަޕޫލް (އޭޕްރީލް 25) - ކުރީގެ ކްލަބް ރޯމާއާ ދެކޮޅަށް މުހައްމަދު ސަލާހު ދެއްކި މޮޅު ކުޅުމާ އެކު އެ ޓީމު އަތުން 5-2 އިން މޮޅުވެ ޗެމްޕިއަންސް ލީގުގެ ފައިނަލާ ގާތަށް ލިވަޕޫލުން ޖެހިލައިފި އެވެ.
މި މޮޅާ އެކު އަންނަ ހަފްތާގައި ރޯމާ ދަނޑުގައި ކުޅޭ މެޗުން ތިން ލަނޑުގެ ތަފާތުން މޮޅުވެގެން ނޫނީ އެ ޓީމަށް މުބާރާތުގެ ފައިނަލުގެ ފުރުސަތެއް ނެތެވެ. ރޯމާ މުބާރާތުގެ ކުއާޓާ ފައިނަލުގައި ބާސެލޯނާ އަތުން 4-1 އިން ބަލިވި ނަމަވެސް މުބާރާތުގެ ދެ ވަނަ ލެގުގައި ނަތީޖާ އަނބުރާލައިފަ އެވެ. އެއީ 3-0 އިން ބާސެލޯނާ ބަލިކޮށްގެންނެވެ.
ރޭގެ މެޗު ފަށައިގެން ލިވަޕޫލުން ކުޅެމުން ދަނިކޮށް ރޯމާ އިން ލީޑުނެގުމާ ގާތަށް ޖެހިލި އެވެ. އޭރިއާ ބޭރުން ރޯމާގެ އަލެކްސަންޑަ ކޮލަރޯވް ފޮނުވާލި ބާރު ބޯޅަ ލިވަޕޫލްގެ ކީޕަރު ލޮރިސް ކާރިއަސް އަތުގައި ޖެހިފައި އަމާޒުވީ ގޯލުގެ ހުރަސް ދަނޑިއަށެވެ.
ލިވަޕޫލަށް އެންމެ ބޮޑު އުނދަގުލެއް ކުރިމަތިވީ މެޗުގެ ކުރީކޮޅުގައި އަނިޔާގެ ސަބަބުން އިނގިރޭސި މިޑްފީލްޑަރު އަލެކްސް އޮކްސްލޭޑް ޗަމްބަލެއިން ބަދަލުކުރަން ޖެހުމުންނެވެ. އޭނާގެ ބަދަލުގައި ކުޅެން އެރީ ޖިއޮޖީނިއޯ ވައިނަލްޑަމް އެވެ.
އޭގެ ފަހުން ލިވަޕޫލަށް ލީޑުނަގައިދޭން ސަޑިއޯ މާނޭ އަށް ލިބުނު ދެ ފުރުސަތު އޭނާ ނަގާލި އެވެ. އެހެން ނަމަވެސް މެޗުގެ 35 ވަނަ މިނިޓްގައި ސަލާހު ވަނީ ލިވަޕޫލަށް ލީޑުނަގައިދީފަ އެވެ. އޭރިއާގެ ރޮނގުކައިރީގައި ހުރެފައި ސަލާހު ފޮނުވާލި ބޯޅަ ގޯލަށް ވަނީ ހުރަސް ދަނޑީގައި ޖެހިފަ އެވެ. ފުރަތަމަ ހާފު ނިމުމުގެ ކުރިން ސަލާހު ލިވަޕޫލްގެ ދެ ވަނަ ލަނޑު ޖެހީ ކައުންޓަ އެޓޭކުގައި ރޮބާޓޯ ފިރްމީނޯ ދިން ބޯޅަ އަކުންނެވެ. ދެ ލަނޑު ޖެހުމަށް ފަހު ވެސް ސަލާހު އުފާފާޅު ނުކުރެ އެވެ. އެއީ ކުރީގެ ކްލަބް ރޯމާ އަށް އިހުތިރާމް އަދާކުރުމުގެ ގޮތުންނެވެ.
ދެ ވަނަ ހާފު ފަށައިގެން 28 މިނިޓް ތެރޭ ލިވަޕޫލުން ވަނީ އިތުރު ތިން ލަނޑު ޖަަހައިފަ އެވެ. އޭގެ ތެރެއިން ދެ ލަނޑު ޖެހީ ފިރްމީނޯ އެވެ. އަނެއް ލަނޑު ޖެހީ ސަޑިއޯ މާނޭ އެވެ. ފިރްމީނޯގެ ފުރަތަމަ ލަނޑާއި މާނޭގެ ލަނޑު ޖަހަން ފުރުސަތު ތަނަވަސްކޮށްދިނީ މެޗުގެ މޮޅު ކުޅުންތެރިޔާ ސަލާހު އެވެ.
ފަސް ގޯލުގެ ލީޑާ އެކު ލިވަޕޫލުން ކުރީގައި އޮއްވާ ރޯމާ އަށް ހިތްވަރެއް ލިބުނީ މެޗުގެ ފަހު 15 މިނިޓް ތެރޭ ޖެހި ދެ ލަނޑުންނެވެ. ފުރަތަމަ ލަނޑު ބޮސްނިއާގެ ފޯވާޑް އެޑިން ޖެކޯ ޖެހިއިރު، ލިބުނު ޕެނަލްޓީ އަކުން ދެ ވަނަ ލަނޑު ކާމިޔާބުކުރީ ބަދަލު ކުޅުންތެރިޔެއްގެ ގޮތުގައި ކުޅެން އެރި ޑިއޭގޯ ޕެރޯޓީ އެވެ.
މި ދެ ލަނޑާ އެކު ސަލާހު ވެފައިވަނީ ޗެމްޕިއަންސް ލީގުގެ އެއް ސީޒަނެއްގައި 10 ގޯލު ޖެހި އެފްރިކާ އަށް ނިސްބަތްވާ ފުރަތަމަ ކުޅުންތެރިޔާ އަށެވެ. ކުރިން މި ރެކޯޑް އޮތީ ސެމުއެލް އެޓޫ އަތުގަ އެވެ. މީގެ އިތުރުން ރޭގެ ދެ ލަނޑާ އެކު ސަލާހު ވަނީ މި ސީޒަނުގެ ހުރިހާ މުބާރާތެއްގައި 43 ލަނޑު ހަމަކޮށްފަ އެވެ. އެއާއެކު 2008 ވަނަ އަހަރު ކްރިސްޓިއާނޯ ރޮނާލްޑޯ މެންޗެސްޓާ ޔުނައިޓެޑްގައި ހުރެ އެއް ސީޒަނެއްގައި އެންމެ ގިނަ ލަނޑު ޖަހައިގެން ހަދާފައި އޮތް ރެކޯޑް ސަލާހު ވަނީ މުގުރާލައިފަ އެވެ.
މީގެ އިތުރުން މި ސީޒަނުގެ ޗެމްޕިއަންސް ލީގުގައި ލިވަޕޫލްގެ ކުރިއަށް ކުޅޭ ތިން ކުޅުންތެރިން ކަމަށްވާ ސަލާހު އާއި މާނޭ އަދި ފިރްމީނޯ ވަނީ މަދުވެގެން އަށް ގޯލު ޖަހައިފަ އެވެ. މިއީ ވެސް މުބާރާތުގެ ރެކޯޑެކެވެ.
ލިވަޕޫލްގެ ކޯޗު ޔާގެން ކްލޮޕް ބުނީ މެޗުން މޮޅުވުމުގެ އުފާ ހާސިލްކުރެވުނު ނަމަވެސް ޗަމްބަލެއިން އަށް އަނިޔާވުމަކީ ލިބުނު މާޔޫސްކަމެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީޕް ބަފާ
25 April 2018
އެއް ސީޒަނެއްގައި އެންމެ ގިނަ އެސިސްޓު ހެދުމުގެ ރެކޯޑު ޖޭމްސް މިލްނާ ވަނީ މުގުރާލާފަ (ޔޫސީއެލްގަ)
ރަދީފް
25 April 2018
ރަދީފްގެ އަބުރަށް ހުތުރުވާގޮތަށް ޔޫޒަނޭމް ހަދައިގެން ކޮމެންޓްކުރާ ފަރާތްތަކާއިމެދު ފިޔަވަޅުއަޅަން ނިންމައިފިން.~ ރަދީފްގެ ޕަބްލިސިސްޓް
ރަދީފްގެ އަބުރު
26 April 2018
ކޮން އަބުރެއްތޯ؟
ޝޮކް
25 April 2018
މޯ ސަލާ ! މޯ ސަލާ މޯ ސަލާ..ރަނިންޑައުން ދަވިންގް ޝާލަލާލަލާ ދި އިޖިޕްޓިއަން ކިންގް ....މާޝާ ﷲ ...މުސްލިމުންގެ ރިވެތި މިސާލު އެބަ ދައްކާ ދަނޑުމަތީގަ...މެޗް ފެށުމުގެ ކުރިން ދުއާކުރޭ...ގޯލް ޖެހުނީމަަ ޝުކުރުގެ ސަޖިދަ ކުރޭ.... ﷲ އަކްބަރު...ގިނަ ކާމިޔާބީތަށް ސަލާހަށް މިންވަރު ކުރައްވާށި...
އާމީން
25 April 2018
ޢާމީން
ރޯމާ
25 April 2018
އިރާދަ ކުރެއްވިއްޔާ ހަޑި ގޮތަކައް ލިވަޕޫން ބަލިވާނެ ރޯމާ ދަނޑުގައި...ިހިހިހި
ބާބޫ
25 April 2018
ސަލާހަކީ މިވަގުތު ދުނިޔާގައި ހުރި އެންމެ މޮޅު ކުޅުންތެރިޔާ! މާޝާﷲ! މީގަ އިތުރު ވާހަކައެއްނެތް. މިފަހަރުގެ ބެލޮންޑޯ ގެ ޙައްޤުވެރިޔަކީ މުޙައްމަދު ސަލާޙް، މިކަމާ ފަރަންޖީގެ ބައެއް މީހުން ވަރަށް ނުރުހޭނެ...އެކަމަކު ޙަޤީޤަތްވާނީ ޙަޤީޤަތައް....މާތްﷲ ސަލާޙުގެ ކާމިޔާބީ ފައްފައްކުރައްވާ! އިސްލާމް ދީނަށް އަލިކުރާ ދަންމަރެއްކަމުގައި ލައްވާށި! އާމީން!
ރަދީފްް
25 April 2018
އަސްލުވެސް. ސަލާހް 1، ރޮނާ 2، ދެން 3 ވަނަ އަދި ބުނާކަށް ނޭނގެ
ޓެޕިން
25 April 2018
2. ރޮނާލްޑޯ ލޮލް. ފުޓްބޯޅައަކީ ހަމައެކަނި ގޯލް ޖެހުމެއްނޫން. މެސީކުޅޭ ހުރިހާ މެޗެއްގައިވެސް އޭނާ ހުންނަނީ މާރކްކޮށްފައި. އެކަމަކު އެވަރުންވެސް ގޯލް ޖަހާ. ޕެނާލްޑޯ މާރކްކުރާނަމަ 10 ގޯލްވެސް ނުޖެހޭނެ. ޕެނާއަށް ކިތައް ޑްރިބަލްސް ކުރެވުނުތަ. ކިތައް ބިގް ޗާންސް ކްރިއޭޓް ކުރެވޭތަ. ކިތައް ތުރޫ ބޯލްސް ދެވޭތަ. ކިތައް އެސިސްޓް ހެދުނުތަ. މިއީ ކޮމްޕްލީޓް ފުޓްބޯލާއިންގެ ޞިފަތައް. ސަލާހު މޮޅު. އެކަމަކު މެސީ ލެވެލެއްނެތް. މެސީއާއި އެންމެގާތީ ނޭމާ. ނިކަން ދައްކަބަލަ މެސީއަށްވުރެ ގިނައިން ސޯލޯ ގޯލް ޖެހި ކުޅުންތެރިޔެއް. 6 ކުޅުންތެރިން ބީޓް ކޮށްލާފަ ޕެނާއަށް ދެވުނުތަ. ވަރަށް ވެދުން. #ވަލްވާރޑޭ އައުޓް
ރަދީފްް
25 April 2018
އެވަރަށް ލަނޑު ޖަހާ މީހަކު މާރކް ނުކޮށް، ލަނޑު ނުޖަހާ މީހަކު މާރކް ކުރަންވީ ކީއްވެ؟ މެސީގެ ކުޅުން ދަށީ ހަމަ. ސީޒަންގެ ކުރީކޮޅު މޮޅު، އެކަމަކު މެދުތެރެއިން ދަށް. ރޮނާ ސީޒަން ކުރީކޮޅު ދަށް، ލަނޑެއް ނުޖެހޭ، އެކަމަކު މިހާރު ހަބޭސް.
ރަދީފް
25 April 2018
ރޮނާލްޑޯ އަދި މެސީ 01 ވަނަ ، 02 ވަނަ ދަގަނޑޭ ، 03 ވަނަ ސަލާހު. (ރަދީފްގެ ނަމުގަ ފޭކްކޮމެންޓް ނުކުރުން އެދެން) ވ.ވެދުން
މާރކް މޭން
25 April 2018
ރަދީފްގެ ނަމުގައި ކޮމެންޓްކުރާ މީހާއަށް. ކަލޭގެ ކޮމެންޓުން ފުޓްބޯޅަ ނުބަލާކަން ހާމަވޭ. ބަލަ ސީޒަނުގެ ކުރީ ކޮޅުގައި މެސީ ގިނަ ގޯލްތައްޖެހީ އޭނާގެ އަސްލު ޕޮޒިޝަންގައި. އެއީ ފޯލްސް ނައިންއަށް. މެސީ އެމަގާމަށް ކުޅުން ހުއްޓާލީ ސުއަރޭޒްއަށް ވިންގަށް ނުކުޅެވޭތީ. ބަލަ މިހާރުގެ ޑިފެންޑަރުން ރޮނާލްޑޯ މާރކް ނުކޮށް ބަލަނީ މެދުތެރެއިން ހުރަސްކުރާ ބޯޅަތައް ހުއްޓުވޭތޯ. އެކަމަކު ބާސާގައި ހުރިހާ ޗާންސްއެއް ކްރިއޭޓްކޮށް ގޯލް ޖަހާމީހަކަށް މެސީ ހުރީމަ އެމީހުންނަށް އެނގޭ މެސީ ހުއްޓުވާފިއްޔާ ބާސާ ހުއްޓުވޭނެކަން. އަނެއްކާ ބާސާގެ ކޯޗު ރޯމާ މެޗުގައި ކުޅުނު ޑިފެންސިވް ސްޓްރެޖީގެ ސަބަބުން ބާސާގެ ހަގީގީ ފެންވަރެއް ނުފެނޭ. އެމެޗުގައި އޭނާ ކުޅުވީ ލޯންގް ބޯލްސް. ވަރަށް ވެދުން. #ވަލްވާރޑޭ އައުޓް
ހުރާ
26 April 2018
ޓެޕިން ބުނީތަ މާކް ނުކޮށް ބަހައްޓާށޭ!
ައަހްމަދު
25 April 2018
5-2 ކަށް ނަތީޖާ ބަދަލުވީ ހަޤީޤަތުގަ ކްލޮޕް ހެދި ޅައެއްޗަކުން. ސަލާޙް މާ އަވަހަށް ބޭލީ. އެހެން ނޫންނަމަ މިއަށްވުރެން ނަތީޖާގެ ފަރަގު ބޮޑުވީސް..
ލާހޫރޭ
25 April 2018
އަސްލުވެސް ދޯ
ކޮއްކޮ
25 April 2018
ރަދީފުބޭގެ ކޮމެންޓަކަށް މި އިންތިޒާރު ކުރަނީ :)
ލޯންސްޓަރ
25 April 2018
ސާބަހޭ. އުއްމީދަކީ މެސީ އާ ބާރސާއަށް ނުކުރެވުނު ކަންތައް ކޮށް ޗެމްޕިއަންސް ލީގު ފައިނަލަށް ލިވަރޕޫލުން ދިއުން. ލިވަރޕޫލްގެ މޮޅެތި ކުޅުންތެރިން ގެންގޮސްގެންވެސް ލިވަރޕޫލްވަރު ބާރސާ ނުވާކަން ދައްކާލަންވާނެ މިފަހަރު. ޗެމްޕިއަންސް ލީގު ހޯދަން ބާރސާއަށް ބަދަލުވި ސުއަރޭޒްއާ ކޫޓީނިއޯ އަށްވެސް ދެވޭ ވަރުގަދަ ރައްދަކަށްވާނެ. -ލިވަރޕޫލް ފޭން-
ލާހޫރޭ
25 April 2018
ކުރިކެޓް ބަލާމީހުން މިތާނގަ ކޮމެންޓް ނުކޮށްބަލަ އާދޭހާއެކު ދަންނަވަން، ފުޓުބޯޅަ ބަލާނަމަ ކުޓީނިއޯ ބާސާއައް ބަދަލުވެ ޗެންޕިއަންސް ލީގު ނުކުޅެވޭނެކަން ވެސް އެނގޭނެ ސުއަރެޒް ޗެންޕިއަންސް ލީގު ބާސާއާއެކު ނެގިކަންވެސް އެގޭނެ، އުންމީދަކީ ލިވަޕޫލް ތަށި އުފުލާލާ ސަލާހުއައް މިފަހަރުގެ ދުނިޔޭގެ އެންމެ މޮޅު ކުޅުންތެރިޔާގެ މަގާމު ލިބުން...
ރަދީފް
25 April 2018
ލޯންސްޓަރ. ސުއަރޭޒް ބާސާގަ ޔޫސީއެލް ހޯދިކަން އިނގޭތަ!!! ކޫޓީނިއޯއަށް ވެސް ލިވަޕޫލް ޗެމްޕިއަންކަން ހޯދައިފަިނަމަ މެޑަލްއެއް ލިބޭނެ ތަ؟؟ ވަރަށް މަރުހަބާ ލޯންބްރޯ.
ލޯންސްޓަރ
25 April 2018
އެކަން އެނގިގެންނޭ މިބުނީ. ދޭހައިގެ ބައި މަދީ ކަންނޭނގެ؟ ކޮންމެހެން ޗެމްޕިއަންސް ލީގު ހޯދަން ބާރސާއަށް ބަދަލުވާކަށް ނުޖެހެއޭ މިބުނަނީ. އަދި އެ ދެކުޅުނެތެރިންނަށް ދެވޭ ރައްދަކީ އެމީހުންނަށްވުރެ ކްލަބް ބޮޑުކަން. އެކުޅުންތެރިންނާ ނުލާވެސް ޗެމްޕިއަންސް ލީގު ކާމިޔާބުކުރުމުގެ ފެންވަރު ލިވަރޕޫލްގައި އެބަހުރިކަން. ސާފުވެއްޖެކަމަށް ހީކުރަން.
އައްބެ
25 April 2018
ދޭހަވަނީ ބާސާގެ ކާމިޔާބީތައް ހަޖަމުނުވާކަން
ރަދީފް
25 April 2018
ސާބަހޭ ސަލާހު.މަރުހަބާ ލޯންސްޓަރ.މަރުހަބާ ދިވެހި ހުރިހާ ލިވަޕޫލް ފޭންސް.ރާއްޖޭގަ ހުރި އެންމެ މަޝްހޫރު ލިވަޕޫލް ފޭން ކުރީގެ ރައީސް މައުމޫނަށް ވެސް ވަަރަށް މަރުހަބާ.#ޔޫލްނެވަރވޯކްއެލޯން